അവിചാരിതം

ജോലിക്കിടയിൽ ഉള്ള ഒരു ഫ്രീ ടൈമിൽ ഒരു ചായ കുടിക്കാൻ തീരുമാനിച്ചു രാകേഷ് പുറത്തിറങ്ങി…
നല്ല മഴയാണ് പുറത്തു അതുകൊണ്ട് കുട എടുക്കേണ്ടി വന്നു….
ചായ കുടി കഴിഞ്ഞു തിരിച്ചു വരുമ്പോൾ ആണ് വേസ്റ്റ് എടുക്കുന്ന കുടുംബശ്രീ പ്രവർത്തകരെ കണ്ടത്….. തന്റെ അമ്മയും അതെ ജോലി ചെയ്താണ് തന്നെ വളർത്തിയത്….
ഇവിടെ കോളറിൽ അഴുക്കായൽ ഷർട്ട്‌ മാറ്റാൻ ഓടുന്നു തന്നെപ്പോലുള്ളവരെ അവൻ ഓർത്തു…. അവർക്ക് മനസ്സാൽ ഒരു സല്യൂട്ട് പറഞ്ഞു അവൻ നടന്നു…. മനസ്സിൽ മാത്രമേ പറഞ്ഞുള്ളു കാരണം അമ്മയോട് പോലും അവൻ അത്രയേ ചെയ്യാറുള്ളു…

ആ വേസ്റ്റ് കൂമ്പാരത്തിന്റെ അടുത്തെത്തിയപ്പോൾ എന്തോ ഒന്ന് അവന്റെ കണ്ണിൽപ്പെട്ടു….. അതിൽനിന്നും വമിക്കുന്ന ദുർഗന്ധം കാരണം അവൻ ആദ്യം നോക്കിയില്ല…. അവർ ആ കൂപ്പയിൽ നിന്നും വേസ്റ്റ് എടുക്കാൻ വരുന്നതേ ഉണ്ടായിരുന്നുള്ളു അതാകണം….

അവൻ പിന്നെയും അതിലേക്കു മൂക്കുപൊത്തിക്കൊണ്ട് ഒന്ന് നോക്കി…. ഒരു സൂട്ക്കേസ് അതും നമ്പർലോക്ക് ഉള്ളത്തരവും….

അതിലെന്താകും എന്നത് അവനെ അവിടെ നിൽക്കാൻ ഉള്ളില്നിന്നും പ്രേരിപ്പിച്ചു….

ജോലി സ്ഥലത്തുനിന്നും അവധിയും പറഞ്ഞു വണ്ടിയെടുത്തിറങ്ങുമ്പോൾ അവന്റെ വണ്ടിയുടെ പിറകിൽ ആ പെട്ടിയും കെട്ടിവെച്ചിരിന്നു…. വീട്ടിലെത്തി അമ്മ വന്നിട്ടില്ലെന്ന് ഉറപ്പ് വരുത്തി അവൻ അത് തുറക്കാൻ ശ്രമം നടത്തി….. പക്ഷെ അത് നടന്നില്ല….

അവൻ ആ പെട്ടിയൊന്ന് കുലുക്കി നോക്കി എന്തൊക്കെയോ അകത്തുണ്ട്….. വല്ല പണമോ മറ്റൊ ആണോ അതോ ഇനി വല്ല ബോംബും…. 4 അക്കങ്ങൾ ആണ്….

അവൻ കുറെ ചിന്തിച്ചു…. അവൻ ബൈക്ക് എടുത്തു പുറത്തേക്കിറങ്ങി….. ആ പെട്ടി കിട്ടിയ ചവറു കൂപ്പയുടെ അടുത്തെത്തി….. ആ കൂപ്പയിൽ എഴുതിയ4 നമ്പർ അവന്റെ ശ്രദ്ധയിൽപെട്ടു…. അവൻ വണ്ടിയെടുത്തു വീട്ട്ടിലേക്ക് പോയി…. ആ പെട്ടി എടുത്തു ആ നമ്പർ നമ്പർ അതിൽ സെറ്റ് ചെയ്തു അത് തുറന്നു….

അവൻ വേഗം അത് ദൂരേയ്ക്ക് പിടിച്ചു തുറന്നു… അതിന്റെ ഉള്ളിൽ കുറെ പൊതികൾ…. അവൻ ഓരോന്നായി തുറന്നു…. അവന്റെ കണ്ണുകൾ വികസിച്ചു…..
വല്ല കുഴപ്പണക്കാരുടെയും കയ്യിൽ നിന്നും പോയതാകാം എന്നവൻ ചിന്തിച്ചു….. അവൻ അത് തിരിച്ചും മറിച്ചും ഒക്കെ നോക്കാൻ തുടങ്ങി…. അതെ ഒറിജിനൽ തന്നെ…. അവൻ അവനെ നുള്ളിനോക്കി….. ഇനി താൻ ആരാണ്….. അവൻ അതിൽ നിന്നും കുറച്ചെടുത് പോക്കറ്റിൽ വച്ചു പെട്ടി എടുത്തു പത്തായത്തിൽ കൊണ്ടു വെച്ചു…..

അവൻ വേഗം വീടുപൂട്ടി പുറത്തേക്ക് പോയി….. വൈകിട്ട് തിരിച്ചെത്തി അമ്മയോട് സംസാരിച്ചു വേഗം ഉറങ്ങാൻ കിടന്നു…. ഭക്ഷണം വേണ്ടേ എന്ന ചോദ്യത്തിന് ഉത്തരം പറയാൻ അവന് പണിപ്പെടേണ്ടി വന്നില്ല… അമ്മ ഇതൊക്കെ കണ്ടു ഇവൻ എന്തുപറ്റി എന്നോർത്ത് നിന്നു….

അവൻ വേഗം ചെന്നു കിടന്നു…. മനസ്സിൽ ആ പണം ഉപയോഗിച്ച് ചെയ്യേണ്ട കാര്യങ്ങളെ കുറിച്ചോർത്തു അവൻ കാടുകേറിയിരുന്നു…. തനിക്കു ജീവിച്ചു കാണിക്കണം….

ഉറക്കത്തിലേക്ക് വീഴുന്ന നേരത്താനു വാതിലിൽ ഒരു മുട്ടുകേട്ടത്….. അവൻ പോയി വാതിൽ തുറന്നത് മാത്രം ഓർമയുണ്ട്…. തലയിൽ എന്തോ ശക്തമായി വന്നടിച്ചു…..

ബോധം വീഴുമ്പോൾ ഓടുന്ന ഒരു വണ്ടിയിൽ കുറേപേർ അവന്റെ ചുറ്റിലും….. അവരുടെ കൈയിൽ ആ പണവും…. അപ്പോൾ അവൻ പേടിച്ചരണ്ട് ചോദിച്ചു ” എന്റെ അമ്മ ”

“അമ്മയെ ഒന്നും ചെയ്തിട്ടില്ല…. ഒരു സാധനം കൊണ്ടുവെക്കുമ്പോൾ അത് കളക്ട ചെയ്യാൻ വരുന്നതുവരെ അവിടെ എപ്പോഴും ആളുകൾ ഉണ്ടാകും അവിടെ നിന്ന് അത് പോയാൽ കിട്ടാനും എളുപ്പം…. ” അവരിൽ ഒരാള് പറഞ്ഞു…..

” ഞാൻ എന്നെ വിട്ടേക്കൂ എന്നാൽ പണം കിട്ടിയില്ലേ…. ഞാൻ എടുത്ത പണം ഞാൻ തിരികെ തന്നേക്കാം “രാകേഷ് പറഞ്ഞു….

” അത് പാടില്ല…. പണമല്ല പ്രശ്നം നീ ഇതൊക്കെ കണ്ടു…. അതു നിലനിൽപ്പിന്റെ പ്രശ്നം ആണ്…. നീ ഇനി ഒന്നും കാണാതിരിക്കുകയെ നിവൃത്തിയുള്ളു……. “മറ്റൊരാൾ പറഞ്ഞു….

” എന്നെ കൊല്ലരുത് എനിക്കമ്മ മാത്രേ ഉള്ളൂ അമ്മയ്ക്ക് ഞാനും ഞാൻ ആരോടും പറയില്ല പ്ലീസ് എന്നെ വിശ്വസിക്കണമ് “അവൻ പിന്നെയും പറഞ്ഞു…

പിന്നെ ആരും ഒന്നും മിണ്ടിയില്ല…..
ആളൊഴിഞ്ഞ ഒരു സ്ഥലത്തു വണ്ടി നിർത്തി എല്ലാരും പുറത്തിറങ്ങി…… അവനെയും പുറത്തിറക്കി…… അവനോടു ഓടിക്കോളാൻ നിർദ്ദേശം നൽകി…. അവന് എന്താണ് നടക്കുന്നതെന്ന് മനസ്സിലായില്ല…. അവൻ ഓടി….. നിൽക്കാതെ ഓടി….. ആ ഓട്ടത്തിനെന്നപോലെ അവന്റെ ആയുസ്സും കിതച്ചിരുന്നു…. ഒരു വെടിയുണ്ട അവനെ കടന്ന് പോകുന്നത് വരെ……

പെട്ടന്ന് പെയ്ത മഴകൊണ്ടപ്പോൾ ആണ് രാകേഷിനു താൻ എവിടെയാണ് നിൽക്കുന്നതെന്ന് ഓർമ വന്നത്…… അപ്പൊ ഞാനിപ്പോൾ കണ്ടതൊക്കെ….. ആ പെട്ടി…. തന്റെ മരണം……

ചായകുടി കഴിഞ്ഞു താൻ ഇപ്പോഴും ആ കുപ്പയുടെ കുറച്ചു മാറി നിൽക്കുകയാണോ….. അവൻ വേഗം ആ അതിനടുത്തേക്ക് ചെന്നു ആ പെട്ടി നോക്കി…. അതിപ്പോഴും അവിടെ ഉണ്ട്…. ഇനിയും വൈകിക്കൂടാ….. കണ്ടതൊക്കെ വെറും സ്വപ്നമല്ലേ….. അവൻ വേഗം അതെടുക്കാനായി നടന്നപ്പോൾ ആണ് പിറകിൽ നിന്നൊരു വിളി…..

“മോനെ…. ”
അമ്മയാണ്….. അമ്മ ജോലിക്കിടയിൽ ആണ്…. നേരത്തെ അമ്മയെ കണ്ടില്ലല്ലോ…. ഞാൻ കണ്ടാലും ഇല്ലാത്തപോലെയാണ്…. ഇനിയിപ്പോ ഒന്നും നടക്കില്ല….

അമ്മയോട് ഇത്തിരി നേരം സംസാരിച്ചു ഞാൻ തിരിഞ്ഞു നടന്നു…. പോകുമ്പോൾ അതിലേക്കു ഒന്നൂടെ നോക്കി…. അതിൽ ആ പെട്ടി ഇല്ലായിരുന്നു…. !!! അവൻ നടന്നു ഒന്നും മനസ്സിലാകാതെ……

അടുത്ത ദിവസം പത്രത്തിൽ നഗരത്തിൽ ചവറ്റുകുട്ടകൾ കേന്ദ്രീകരിച്ചുള്ള കള്ളക്കടത്തു കളികളെ കുറിച്ചുള്ള വാർത്തകൾ ഉണ്ടായിരുന്നു….. കൂടെ പിടികൂടിയ ആളുകളുടെ വിവരങ്ങളും…. അമ്മയോട് നേരിട്ടല്ലാതെ മനസ്സിൽ നന്ദി പറഞ്ഞു അവൻ…. ഒരുപക്ഷെ ആ വിളി ഇല്ലെങ്കിൽ അതിൽ താനും….

ജോലിക്ക് പോയ അന്നും അവനാ ചവറ്റുകൊട്ടയിൽ ഒരു പെട്ടി കുടുംബശ്രീ പ്രവർത്തകർ നോക്കുന്നത് കണ്ടു…… അവൻ അവിടെ നിന്ന് അതൊന്നു ശ്രദ്ധിച്ചു….. അതിന്റെ നമ്പർലോക്ക് അതിന്റെ മുകളിൽ തന്നെ ഒരു പേപ്പറിൽ എഴുതി തൂക്കിയിട്ടിരുന്നു….. അവർ അത് തുറന്നു നോക്കിയാ അവർക്കു പോലും ചിരി അടക്കാൻ പറ്റിയില്ല….

വീട്ടിലെ മാലിന്യങ്ങൾ എല്ലാം വൃത്തിയായി എടുത്തു പൊതിഞ്ഞു ഏതോ മഹാൻ എത്തിച്ചത് ആയിരുന്നു അത്…. ആ കടലാസ്സിൽ ഇപ്രകാരം എഴുതിയിരുന്നു
” മറ്റു നിവൃത്തിയില്ല….. അല്ലാതെ കൊണ്ടു വന്നാൽ എല്ലാരും അറിയും…. അതുകൊണ്ടാണ് നിങ്ങളെ ദൈവം രക്ഷിക്കട്ടെ…. ”
എന്ന് ദിനേഷ് ഫ്ലാറ്റ് ഫ്ലാറ്റ് നമ്പർ 12/h…. ഗിരിനഗർ….

ഇപ്പൊ ആരും അറിഞ്ഞില്ല….. എന്താല്ലേ…..