നീതിയുടെ വിധി 2

നീതിയുടെ വിധി 2
Neethiyude Vidhi Part 2 Author: Kiran Babu | Previous part

ദേവൻ നേരെ ചെന്നത് മീനുവിന്റെ വീട്ടിലേക്കാണ് ആ വീട് അടഞ്ഞു കിടക്കുകയായിരുന്നു….
മുറ്റത്തു കിടന്നിരുന്ന പത്രങ്ങൾ ഇന്നത്തെ തിയതിയുൾപ്പടെയുള്ളവയായിരുന്നു.

അവർ വീടുമാറിയിട്ട് അധികം ദിവസങ്ങൾ ആയിട്ടില്ലെന്ന് ദേവന് മനസ്സിലായി…..

പോകാൻ വീടോ,അന്വേഷിക്കാൻ ബന്ധുക്കളോ അയാൾക്കില്ല . കയ്യിലുള്ള പണം കൊടുത്ത് ദേവൻ അവിടെ അടുത്തായി ഒരു വാടക വീടെടുത്തു…..

ശിക്ഷ കഴിഞ്ഞെത്തിയ പ്രതികൾ പോലീസ് സ്റ്റേഷനിൽ ചെന്ന് ഒപ്പിടണമെന്ന് നിയമം ഉള്ളതുകൊണ്ട് ദേവൻ പോലീസ് സ്റ്റേഷനിൽ ഒപ്പിടാൻ ചെന്നു..
അകത്തേക്ക് നടന്ന ദേവന്റെ തോളിൽ പുറകിൽ നിന്ന് ഒരു കൈ വന്നു വീണു…..

“നിനക്കെന്നെ മനസ്സിലായോടാ ?”
ഈ ചോദ്യം കേട്ട് തിരിഞ്ഞ ദേവൻ തന്റെയൊപ്പം കോളേജിൽ പഠിച്ച സാജൻ ജോസെഫിനെയാണ് കണ്ടത്….

സാജൻ ഇപ്പോൾ അവിടുത്തെ S.I ആണ്

സാജൻ : വാടാ നീ ഇന്നലെ വന്നുവെന്ന് ഞാൻ അറിഞ്ഞു.. നമുക്ക് ആ ക്യാന്റീനിൽ ഇരിക്കാം…… പോകാൻ നേരം ഒപ്പിടാം…..

സാജൻ : നീ അങ്ങനെ ചെയ്യുമെന്ന് ഞാൻ കരുതുന്നില്ലെടാ…. പക്ഷേ ആ തെളിവുകൾ എങ്ങനെ വന്നു… നിനക്കാരെയെങ്കിലും സംശയമുണ്ടോടാ…. ??

ദേവൻ : അങ്ങനെ ആരും എന്നെ ചതിക്കാൻ ഇല്ലെടാ……

മീനു അവളുടെ അമ്മയുടെയും അച്ഛന്റെയും കൂടെ അന്ന് ആ കല്യാണത്തിന് പോയിരുന്നേൽ ഇതൊന്നും സംഭവിക്കില്ലായിരുന്നു…..

ആര്
എപ്പോൾ
എവിടെ
എങ്ങനെ
എനിക്കും കിട്ടേണ്ട ഉത്തരങ്ങളാണിവ
നിനക്ക് എന്നെ ഒന്നു സഹായിക്കാമോടാ…
മീനുവിന്റെ പോസ്റ്റുമാർട്ടം റിപ്പോർട്ട്‌, അവളുടെ മുറിയുടെ ഫോട്ടോഗ്രാഫ്സ്, CCTV വീഡിയോകൾ,
എനിക്കെതിരെയുള്ള മറ്റു തെളിവുകൾ എല്ലാം എനിക്കൊന്നു കാണണം…..

സാജൻ : ഞാൻ ശ്രെമിക്കാമെടാ…… വൈകിട്ട് നിന്റെ മുറിയിലേക്ക് ഞാൻ വരാം….

*** ***

സാജൻ :പോസ്റ്റുമാർട്ടം റിപ്പോർട്ട്‌, ഫോട്ടോഗ്രാഫ്സ്, മീനുവിന്റെ അച്ഛന്റെയും അമ്മയുടെയും മൊഴികൾ ഇതൊക്കെയേ കിട്ടിയുള്ളൂ…
വീഡിയോകൾ ഇല്ലെടാ……. തെളിവുകളായി വീഡിയോ പോലീസ് ഹാജരാക്കിയിട്ടില്ല……
അതിൽ എന്തോ പന്തികേടുണ്ടല്ലേ … ?

ദേവൻ : അതിൽ പന്തികേട് ഉണ്ടാകാൻ സാധ്യതയില്ല . കാരണം CCTV ഇപ്പോഴാണ് കൂടുതലായി സ്ഥാപിക്കുന്നത്…….
അപ്പോൾ വീഡിയോ കിട്ടാൻ സാധ്യത കുറവാണ് …..

പിന്നെ ഈ പോസ്റ്റുമാർട്ടം നടത്തിയത് ഡോക്ടർ ലാൽകൃഷ്ണയാണല്ലേ………

സാജൻ : അതേടാ സ്വന്തം അനിയന്റെ മോളെ പോസ്റ്റുമാർട്ടം ചെയ്യാൻ പുള്ളി തന്നെ ചോദിച്ചു വാങ്ങി…………. തെറ്റുകളോ വിട്ടുപോകലുകളോ ഒന്നും തന്നെ വരാതിരിക്കാനാവും……….

ദേവൻ : അതേടാ അതാവാനാ സാധ്യത മാത്രമല്ല മീനുവിന്റെ രണ്ടാനച്ഛണല്ലോ കൃഷ്ണകുമാർ.

ആ ഒരു കാരണവും കൊണ്ട് അദ്ദേഹം ഏൽപ്പിച്ചതാവാം ഡോക്ടർ ലാൽകൃഷ്ണയെ കാരണം ഡോക്ടർക്ക് അവൾ അത്ര പ്രീയപ്പെട്ടവൾ ഒന്നുമല്ല….. അവൾ എന്നോട് പറഞ്ഞിട്ടുണ്ട് ആ പണക്കൊതിയനെക്കുറിച്ചു…………

നീ ആ ഫോട്ടോസ് ഇങ്ങെടുത്തേ…….

ദേവൻ ആ മുറിക്കുള്ളിലെ ഫോട്ടോകൾ തിരിച്ചും മറിച്ചും നോക്കി….
ദേവന്റെ മുഖത്ത് ചുളിവുകൾ ഉണ്ടായി…ദേവൻ പെട്ടന്നു പറഞ്ഞു

“സാജാ ഇത് കണ്ടോ ഈ കീ ഹോൾഡറിൽ, ഇലക്ട്രോണിക് ലോക്കിങ് റിമോട്ട് ആണ് കിടക്കുന്നത് അവളുടെ വീട്ടിലെ കാറിന് അതില്ല കാരണം അവള് കോളേജിൽ കൊണ്ടുവന്നപ്പോൾ ഞാൻ ഓടിച്ചിട്ടുള്ളതാ, ആ സമയത്ത് പുതുതായി ഇറങ്ങുന്ന കാറുകൾക്കെ ഇതുണ്ടായിരുന്നുള്ളു മാത്രമല്ല ഇതിന്റെയൊപ്പം താക്കോൽ ഇല്ല, ഒന്നുകിൽ ആരെങ്കിലും കൊടുത്തിട്ട് അവർ അവിടെ തൂക്കിയത്, അല്ലെങ്കിൽ, ആരോ താക്കോൽ തൂക്കിയശേഷം ധൃതിയിൽ എടുത്തപ്പോൾ പൊട്ടിപ്പോയത്… “

അവളുടെ അമ്മയും അച്ഛനും ഇപ്പോൾ എവിടെയാ താമസം……… ??

സാജൻ : അറിയില്ല നാളെ അന്വേഷിക്കാം……….

ദേവൻ : ഉം…. അവരെ നീ എത്രെയും വേഗം കാണണം….
മാത്രമല്ല 2005 ൽ പുറത്തിറങ്ങിയ ഷെവർലെ ഫുൾ ഓപ്ഷൻ കാറുകളുടെ ആലപ്പുഴ രെജിസ്ട്രേഷൻ നമ്പറുകളും ഒപ്പിക്കണം………

സാജൻ : അതെന്തിനാ ഷെവർലെ കാറിന്റേത്…. ???

ദേവൻ : ആ ഇലക്ട്രോണിക് റിമോട്ടിൽ ഷെവർലെ യുടെ ചിഹ്നമാണ് ഉള്ളത്…
ആലപ്പുഴ രെജിസ്ട്രേഷൻ എന്നത് ഊഹമാണ്……
പരിചയമില്ലാത്തവർ ആരും കൃത്യമായി ആ കീ ഹോൾഡറിൽ താക്കോൽ തൂക്കില്ല……. മാത്രമല്ല രണ്ടു ദിവസത്തിനു ശേഷമുള്ള ഫോട്ടോയിൽ അത് അവിടെ ഇല്ലതാനും.അതുകൊണ്ട് വന്നുപോകാൻ എളുപ്പമുള്ള ഈ ആലപ്പുഴയിൽ ഉള്ള ആരുടെയെങ്കിലും കാർ ആകാനാണ് സാധ്യത …….മാത്രമല്ല മരണം നടന്ന വീട്ടിൽ കയറാൻ ബന്ധുക്കൾക്കും പോലീസിനും മാത്രമല്ലെ കഴിയു. ആ വഴിക്കും നമുക്ക് നോക്കാം …..

നാളെ അവളുടെ അച്ഛനെ കണ്ടാൽ ഞാൻ പറയുന്ന ഈ കാര്യങ്ങൾ ചോദിക്കണം……..

ഒന്ന്, അന്ന് കല്യാണത്തിന് അവൾ വരാതിരുന്നത് എന്തുകൊണ്ടാണ് ?

രണ്ട്, എന്തെങ്കിലും മോഷണം നടന്നതായി കാണപ്പെട്ടോ. ?

മൂന്ന്, എന്തുകൊണ്ട് ഇപ്പോൾ വീടുമാറാൻ തീരുമാനിച്ചത് ?

നാളെ ഇതറിഞ്ഞശേഷം നമുക്ക് കുറിച്ചു സ്ഥലങ്ങളിൽ പോകാനുണ്ട്…….

തുടരും………..