നഷ്ടപ്രണയം

നഷ്ടപ്രണയം
Nashtta Pranayam Author : Sunil Thrissur

പോയ് പോയ് ഒരു നാണല്ല്യണ്ടായിരിക്കണു ഇവറ്റോൾക്ക് ഇത് സ്വന്തം റൂമിൽ പോയി ചെയ്തുടെ
മറ്റുള്ളവർ കാണും എന്ന വിചാരം പോലും ഇല്ല

ഹും…
ചാടി കുലുക്കി പിറുപിറുത്ത് കലപ്പിൽ നടന്ന സുജയെ കണ്ട്കാര്യം തിരക്കി കല്യാണിയമ്മ …

അമ്മേടെ ഇളയമോളില്ലെ എന്റെ അനിയത്തി അവളും കെട്ടിയോനും എപ്പ നോക്കിയാലും തോളത്ത് കയ്യിട്ട് നടക്കലും മടിയിൽ തലവച്ച് കിടക്കലും കൊഞ്ചലും കുറുങ്ങലും പറയാൻ തന്നെ നാണാവാ വണ്ടില് വരണവരവ് കണ്ടാ കെട്ടിപ്പിടിച്ച് നാട്ടാര് കാണും എന്ന വല്ല വിചാരോം ഇണ്ടാ അവറ്റോൾക്ക് ….

അതിന് നീയെന്തിനാ സുജെ ദേഷ്യപ്പെടണെ അവറ്റോൾടെ കല്ല്യാണം കഴിഞ്ഞിട്ട് രണ്ട് മാസമല്ലെ ആയുള്ളു …..

ഞാനും കല്ല്യാണം കഴിഞ്ഞതല്ലെ ഞങ്ങൾ ഇങ്ങനായിരുന്നോ ഇവിടെ …

അത് നിന്നെ കൊള്ളില്ലാണ്ട് കല്ല്യാണം കഴിഞ്ഞാ കുറച്ചൊക്കെ ക്ഷമിക്കാനും സഹിക്കാനും കേട്ടിയോനെ സ്നേഹിക്കാനും പഠിക്കണം അങ്ങനാ പെൺകുട്ട്യോള് ചെയ്യണ്ടത് നല്ലോരു ജീവിതം ഇല്ല്യാണ്ടാക്കിയില്ലെ നീ …

എന്റെ ശ്രുതി മോള് ഭാഗ്യമുള്ളവളാ അവൾക്ക് അവൾടെ മനസ്സ്പോലെ തന്നെ നല്ല ചെക്കനെ കിട്ടി..
അതിന് നീഅസൂയപ്പെട്ടിട്ട് കാര്യമില്ല ….

അല്ലെലും അമ്മ അവൾക്കാസപ്പോർട്ട് അതെങ്ങനാ ഞാൻ ഇവിടെ അധികപറ്റാണല്ലോ..

കെട്ടിച്ച് വിട്ടിട്ടും സ്വന്തം വീട്ടിൽ വന്ന് നിൽക്കുന്നവൾ ….

സുജേ നീ എഴുതാപ്പുറം വായിക്കണ്ട അവറ്റോള് എത്ര പറഞ്ഞിട്ടാന്നറിയോ രണ്ടീസം നിക്കാൻ വന്നത് അതിനിടക്ക് നീ ഇങ്ങനെ ഒരോന്ന് പറഞ്ഞ് വഴക്കുണ്ടാക്കല്ലെ…

അഭിയും ശ്രുതിയും ബൈക്കിൽനിന്ന് ഇറങ്ങി വരുന്നത് കണ്ട് രണ്ടു പേരും സംസാരം നിർത്തി….

എന്താമ്മെ രണ്ടു പേരും കൂടൊരു ചർച്ച ഞങ്ങളും കൂടണാ ശ്രുതിയുടെ തോളിൽ കയ്യിട്ട് ഒന്നുടെ ചേർത്ത് പിടിച്ച് ചേച്ചി കാണുന്നുണ്ടോന്ന് നോക്കി കൊണ്ടാണ് അഭിചോദിച്ചത് ….

നല്ല സൂപ്പർ സിനിമ നിങ്ങളും കൂടെ വരാതിരുന്നത് നഷ്ട്ടായി അമ്മെ…

തന്റെ ആ വാക്കുകൾ ഇഷ്ടപെടാത്ത പോലെ ചേച്ചി ഒരു ലോഡ് പുച്ഛം മുഖത്ത് വാരി വിതറിയത് ശ്രദ്ധിച്ചു അഭി

FacebookTwitterWhatsAppFacebook MessengerShareരണ്ടുവർഷത്തെ പ്രണയത്തിന് ശേഷമാണ് താൻശ്രുതിയെ കെട്ടിയത്…

അതിന് മുൻപുള്ള പ്രണയിനി ഒറ്റക്ക് ഒരു ദിവസം കൊണ്ട് ഒരു ബിൽഡിങ്ങ് വരെതേക്കാൻ കഴിവുള്ളവളായിരുന്നെന്ന് ഒരു ഗൾഫ് കാരന്റെ കല്ല്യണ കാര്യം വന്നപ്പോഴാണ് മനസ്സിലായത് ……

വീട്ടുക്കാർ വിവാഹം ഉറപ്പിച്ചു ഇനി എനിക്കതിൽ നിന്നും പിൻമാറാൻ പറ്റില്ല നീ എല്ലാം മറക്കണം അഭി നമുക്ക് ഈ ജന്മം ഒന്നിക്കാനുള്ളയോഗമില്ല ഇനി നീ എന്നെ വിളിക്കരുത് കാണാൻ ശ്രമിക്കരുത് ..

കെട്ടാൻ പോകുന്ന ഗൾഫ് കാരനെയും അയ്യാളുടെ കൂടെയുള്ള ഗൾഫീൽ പോക്കും സ്വപ്നം കണ്ട് ഒറ്റശ്വാസത്തിൽ ഇത്രയും പറഞ്ഞവൾ പോയപ്പോൾ നിന്ന് പോയ ശ്വാസം വീണ്ടെടുക്കാൻ നെഞ്ചിൽ രണ്ടിടി ഇടിക്കേണ്ടി വന്നു തനിക്ക് ….

എല്ലാതേപ്പു കിട്ടിയവരെപ്പോലെ താനും ചിന്തിച്ചതും ഒന്ന് തന്നെ…

മുട്ടിനൊപ്പം താടിവളർത്താ ഒരിക്കലും കഴുകാത്ത ജുബയും പാന്റും ധരിക്യാ നേരം വെളുക്കുമ്പോൾ തൊട്ട് വെള്ളമടിക്യാ …..

ബീവറേജിന്റെ പഠിക്കലെ ഷെയറടിക്കാരുടെ കൂടെ കൂടി ഒരു പൈയിന്റ് മൂന്നാക്കി പൂശീ വീട്ടിലെത്തിയതേ ഓർമ്മയുള്ളു നേരം വെളുത്തപ്പോൾ വീട് മുഴുവൻ വാളുകൊണ്ടുള്ള പൂക്കളം ……

തന്നെ കൊണ്ട്അടിച്ച് തുടച്ച് ഇടീച്ചതും പോരാതെ അച്ഛന്റെയും അമ്മയുടെയും വക സ്പെഷൽ തൊഴിയും ….

അന്നത്തോടെ കുടി എന്ന സ്വപ്നം താഴേ വീണ് ചിന്നി ചിതറി….

പിന്നെ താടിവളർത്തൽ അവാർഡ് പടത്തിന് തിയേറ്ററിൽ ആളുകേറും പോലെ അവിടെം ഇവിടെം ഓരോ രോമവും വളരണോ വേണ്ടയോ എന്ന് ശങ്കിച്ച് വരുന്നതിനാൽ അങ്ങനെ ആ മോഹവും നടക്കാണ്ട് പോയി…….
പിന്നെയുള്ളത് ആത്മഹത്യ ….

ആത്മഹത്യ ചെയ്യുന്നവരുടെ ആത്മാക്കൾ മോക്ഷം കിട്ടാതെ വർഷങ്ങളോളം അലയും എന്ന് കേട്ടിട്ടുള്ളതിനാലും ചുമ്മാ അങ്ങനെ അലഞ്ഞ് നടക്കാൻ ഇഷ്ടവും സമയവും ഇല്ലാത്തതിനാലും ആ ശ്രമവും ഉപേക്ഷിക്കേണ്ടി വന്നു ….

എന്തായാലും തേപ്പ് കിട്ടി ഇനി തേക്കാൻ വേണ്ടി പ്രണയിക്കടാ നീ എന്ന് എന്നോട് എന്റെ മനസ്സ് തന്നെ പറഞ്ഞത്…..

അങ്ങനിരിക്കുന്ന സമയത്ത് വന്ന ഒരു ഫോൺ കോളിൽ നിന്ന് തുടങ്ങി പ്രണയം ….

മനസ്സിൽ ആഴത്തിൽ കയറിയ പ്രണയമാണെങ്കിൽ ഒരിക്കലും തേക്കാൻ പറ്റില്ലാ എന്ന് അവളിലൂടെ എനിക്ക്‌ മനസ്സിലായി ……

രണ്ടു വീട്ടുകാരും കല്ല്യാണത്തിന് സമ്മതിച്ചിട്ടും സമ്മതിക്കാത്ത ഒരു വ്യക്തി പെണ്ണിന്റെ ഈ ചേച്ചിയായിരുന്നു പല വഴിയും നോക്കി ഈ കല്ല്യാണം മുടക്കാൻ …

വലിയ രണ്ടു നില വീടും ചെറുക്കന്റെ പത്രാസും കണ്ട് ഒരു ഗൾഫ്ക്കാരനെ കെട്ടിയതാ കക്ഷി ‘..

കെട്ടു കഴിഞ്ഞ് 2 മാസം കഴിഞ്ഞപ്പഴാ ഒരു ബന്ധുവിന്റെ വീടാണതെന്നും ഇത്രയും വർഷം ഉണ്ടാക്കിയത് 2 പെങ്ങന്മാരെ കെട്ടിച്ചതോടെ തീർന്ന് കുത്തുപാളയെടുത്ത ഒരാളാണെന്നും മനസ്സിലായത് …

അതും പോരാതെ ഗൾഫിലേജോലിയും വിട്ട് ഇപ്പോൾ നാട്ടിൽ പണിക്ക്പോകുന്നു എന്നൂടെ കേട്ടപ്പോൾ പറയണോ പൂരം

ഈ കാരണങ്ങൾ കൊണ്ട് എന്നും തല്ലും വഴക്കും വക്കാണവുമായി ഒടുക്കം പെട്ടിയും പ്രമാണവുമായി വീട്ടിലേക്ക് വന്നതാ കക്ഷി
ഇപ്പോൾ ഡിവോഴ്സ് കഴിഞ്ഞു

അതു കൊണ്ട് ഞങ്ങളുടെ ഈ യാത്രകളും സ്നേഹവും പിടിക്കുന്നില്ല കക്ഷിക്ക്…

അന്ന് ഒടുവിൽ ഞങ്ങളുടെ വാശി തന്നെ ജയിച്ചു കല്യാണവും നടന്നു അതോട് കൂടെ കക്ഷിയുടെ ശത്രു ലിസ്റ്റിൽ സ്ഥാനം പിടിച്ചു ഞങ്ങൾ ….

അതിനുള്ളപ്രതികാരം ഞങ്ങൾ ചെയ്യ്തത് ചേച്ചി കാൺകെ പ്രണയവും ഡ്യുയറ്റും അൽപ്പസ്വൽപ്പ ചുബന സീനുകളുമായി അരങ്ങ് തകർത്തു കൊണ്ടായിരുന്നു

ഈ ചേച്ചിക്ക് എന്തിനാ ഇത്ര ദേഷ്യം എന്ന് തോന്നിയാൽ അതിന് പിന്നിലൊരു കഥയുണ്ട്
പഴയതേപ്പിന്റെ കഥ….

തേപ്പ് കിട്ടി എന്ത് ചെയ്യണമെന്നറിയാതെ ചിന്തിച്ചിരുന്ന എനിക്കന്ന് വന്നപെൺകുട്ടിയുടെ ഫോൺ കോൾ തേച്ചിട്ട് പോയ ചേച്ചിക്ക് വേണ്ടി മാപ്പ് ചോദിക്കാൻ വിളിച്ച അനിയത്തിയുടെ ഫോൺ കോളായിരുന്നു…..

ഞാനും സുജയുമായുള്ള എല്ലാ ബന്ധവും അറിയാവുന്ന ഒരാളായിരുന്നു ശ്രുതി…

ചേച്ചി പണ്ടെ മുതൽ അങ്ങനാണെന്നും എനിക്ക് മുമ്പെ മറ്റൊരുത്തനെ തേച്ച് അവനെക്കാൾ നല്ല ജോലിയുള്ള എന്നെ പ്രണയിച്ചതാണെന്നും കൂടെ കേട്ടപ്പോ ഞാനാ ചോദിച്ചത് ശ്രുതിക്കെന്നെ പ്രണയിച്ചുടെ എന്ന്….

അവൾ പോയാൽ അവളുടെ അനിയത്തി എന്ന സൈക്കിളോടിക്കൽ മൂമെന്റ് അങ്ങനെ വർക്കായി …..

അന്നീ തേപ്പ് കിട്ടിയത് കൊണ്ടാണല്ലോ എനിക്കിത്രയും സ്നേഹമുള്ള ഭാര്യയെ കിട്ടിയത്..
അല്ലെലും നമ്മുടെ പേരെഴുതിയ അരിമണിയെ നമുക്ക് കിട്ടൂ

ചിലപ്പോഴേങ്കിലുംഅവളുടെ മനസ്സിലും നഷ്ടപ്പെടുത്തിയ ഈ പ്രണയത്തെ കുറിച്ച് ഒരു കുറ്റബോധം തോന്നുനുണ്ടാവും……

.. സുനിൽ തൃശ്ശൂർ..