ബഹറിനക്കരെ ഒരു കിനാവുണ്ടായിരുന്നു 13

ബഹറിനക്കരെ
ഒരു കിനാവുണ്ടായിരുന്നു 13
Bahrainakkare Oru Nilavundayirunnu Part 13 | Previous Parts

അറേബ്യൻ മരുഭൂമിയിൽ വസിക്കുന്ന പതിനായിരങ്ങളുടെ സഹനത്തിന്റെ മണവുമായി ഹുങ്കോടെ വിലസുന്ന ചൂട് കാറ്റിന്റെ പരുക്കൻ തലോടലേറ്റുണർന്ന ഞാൻ ജീവിതത്തിന് കാലം സമ്മാനിച്ച മുറിവുണങ്ങാത്ത മുഹൂർത്തങ്ങളെയെ
ല്ലാം ഓർമ്മകൾക്കുള്ളിൽ താഴിട്ട് പൂട്ടിയാണ് പിറ്റേന്ന് മുതൽ ജീവിക്കാനൊരുങ്ങിയത്.
ദിവസങ്ങളെടുത്തുവെങ്കിലും പതിയെ പതിയെ അവളെ വിളിക്കാൻ തുടങ്ങി. ത്വലാഖ് ചൊല്ലാൻ തോന്നുമെന്ന് ഭയന്ന് അവളുടെ സ്വഭാവത്തിലേക്കോ, വാക്കുകളിലേക്കോ, അവൾ സമ്മാനിച്ച ആ നാറിയ അനുഭവത്തിലേക്കോ ഞാൻ ശ്രദ്ധിക്കുകയോ നോക്കുകയോ ചെയ്യാതെ എന്തൊക്കെയോ ഫോണിൽ സംസാരിക്കും ഒന്നിനും വ്യക്തമായവൾ മറുപടി തരില്ല . വല്ലാത്തൊരു മാനസികാവസ്ഥയായി
രുന്നു അപ്പോഴത്തെ എന്റെ ഗതികേട് ആലോചിക്കുമ്പോൾ.
വീട്ടുകാർക്ക് മുന്നിൽ സന്തോഷത്തോടെയാണ് ജീവിക്കുന്നതെന്ന് വരുത്തി തീർക്കാൻ ഞാൻ വല്ലാതെ ബുദ്ധിമുട്ടേണ്ടി വന്നു കാരണം ഉമ്മാക്ക് ഫോൺ ചെയ്യുന്നതിനിടയിൽ ” അനൂ നിനക്കവിടെ സുഖാണോ മോനെ.. ?” എന്ന് ഉമ്മ എല്ലാ ദിവസവും മറക്കാതെ ചോദിക്കുമ്പോൾ ഗൾഫിലിരിക്കുന്ന മക്കളുടെ ഏത് വിഷമത്തിനുമുള്ള മരുന്നായ പ്രാർത്ഥന പടച്ചോൻ കൊടുത്തിട്ടുള്ള ന്റെ ഉമ്മയോട് ” ഉമ്മാ നിങ്ങൾ എനിക്ക് വേണ്ടിയൊന്ന് ദുആ ചെയ്യണം ഞാൻ മാനസികമായി ഞാൻ തളരുകയാണ് ” എന്ന് പറയാൻ പോലും കഴിയാതെ “സുഖമാണുമ്മാ..! ” എന്ന് പറയേണ്ടി വന്നിട്ടുണ്ട്.
എങ്ങനെയാണ് ഞാനന്നങ്ങനേ പിടിച്ച് നിന്നതെന്ന് ഇന്നും എനിക്കറിയില്ല.
ഇതിനിടയിലും ഞാനവൾക്ക് ഫോൺ ചെയ്യുന്നത് തുടർന്ന് കൊണ്ടിരുന്നു പക്ഷേ ചെയ്ത തെറ്റുകൾ മറച്ച് വെച്ച് എന്നെ വഞ്ചിച്ച് നടന്നിരുന്ന അഹങ്കാരിയായ അവളിൽ ഒരു തരി പോലും മാറ്റം കാണുവാൻ എനിക്കന്ന് കഴിഞ്ഞില്ല .
ഒരു ഭർത്താവിനോട് അവന്റെ കുടുംബത്തെയെല്ലാം തരംതാഴ്ത്തി പറഞ്ഞ് എങ്ങനെയൊക്കെ വാക്കുകൾ കൊണ്ട് വേദനിപ്പിക്കാനു
ം വെറുപ്പിക്കാനും കഴിയുമോ അതല്ലാം അവൾ പറഞ്ഞു കൊണ്ടിരിക്കും കേട്ട് കേട്ട് ക്ഷമ നശിക്കുമെന്നുറപ്പായതോടെ എന്റെ വീട്ടുകാരുടെ വിശേഷങ്ങൾ ചോദിക്കാതെ അവളുടെയും അവളുടെ വീട്ടുകാരുടെയും വിശേഷങ്ങൾ മാത്രം ചോദിക്കാൻ തുടങ്ങി അതോടെ അവൾ കുറെയൊക്കെ മറുപടി പറയാൻ തുടങ്ങി.
മാറുകയാണെങ്കിൽ ഇങ്ങനെ മാറട്ടെ എന്നും ചിന്തിച്ച് കാര്യമായിട്ടല്ല
െങ്കിലും അതൊക്കെ കേട്ട് നിന്ന് ഞാനുമൊരു ഭാര്യാ സ്നേഹിയായി മാറാൻ അന്ന് നിർബന്ധിതനായി .
വിവാഹം കഴിഞ്ഞാൽ പുരുഷന്മാരിൽ പലരും സ്വന്തം കുടുംബത്തെ മറന്ന് സ്വഭാവം നന്നല്ലാത്ത ഭാര്യയുടെ വാക്കുകൾ കേള്ക്കാൻ നിന്ന് പോകുന്നതിന്റെ കാരണങ്ങൾ അപ്പോഴെനിക്ക് ഊഹിക്കാൻ കഴിഞ്ഞു. നിവർത്തിക്കേട് കൊണ്ടും എന്താണ് ചെയ്യേണ്ടത് എന്നറിയാതെ ജീവിതം കൊണ്ട് കളിക്കാൻ ഭയന്നിട്ടുമായിര
ിക്കണം പലരും വിവാഹത്തിന് ശേഷം വീട്ടിലേക്ക് കെട്ടി കൊണ്ടുവന്ന പെണ്ണിന്റെ നോട്ടത്തിനു മുകളിലേക്ക് നോക്കുവാൻ ഭയന്ന് നിശബ്ദരായി പോകുന്നത് . ഇതിന് നമ്മളൊക്കെ പറയുന്ന പേരാണ്
” അഡ്ജസ്റ്റിങ് ” പക്ഷേ യഥാർത്ഥത്തിൽ സംഭവിക്കുന്നത് പെണ്ണിന്റെ ക്ഷമയേക്കാൾ പവറുള്ള ആണിന്റെ ക്ഷമ അവൻ പരീക്ഷിക്കാൻ തുടങ്ങുന്നത് വിവാഹജീവിതം തുടങ്ങിയതിന് ശേഷമായത് കൊണ്ടാവണം സ്വന്തം വീട്ടുകാരെ വരെ വെറുപ്പിച്ച് നാണമില്ലാത്ത ഭാര്യാ സ്നേഹി എന്ന പേരിലേക്ക് അവൻ മുദ്ര കുത്തപ്പെടുന്നത് എന്നാണ് എനിക്ക് തോന്നിയിട്ടുള്ളത് .

ഇങ്ങനെ തരം താഴ്ന്ന് പോകുന്നവർ മുഴുവനും വീട്ടുകാരെ സ്നേഹിക്കുന്നില്ല എന്നർത്ഥമില്ല. പലരും എല്ലാം കണ്ടിട്ടും ഒന്നും കാണാത്തവനെ പോലെ മൌനം പേറി തലവരയെ പഴിച്ച് ദുനിയാവിൽ നിന്നൊരു മടക്കം പെട്ടെന്നാവാൻ കൊതിക്കുന്നവരാണ്. കാരണം
” ഒരാണിന് ദാമ്പത്യ ജീവിതമെന്നത് അവന്റെ ഏറ്റവും വലിയ സ്വപ്നങ്ങളിൽ ഒന്നും പറഞ്ഞാൽ തീരാത്ത സങ്കൽപ്പങ്ങളൊക്കെ നിറഞ്ഞതുമായ ഒന്നാണല്ലോ അതെല്ലാം ഓരോന്നായി ചത്തൊടുങ്ങിയെന്ന് ബോധ്യപ്പെട്ടാൽ പിന്നെ അവനെന്തിനാ ഈ ദുനിയാവ്..?”
“ഇതറിയണമെങ്കിൽ വിവാഹത്തിന് മുൻപ് വീട്ടുകാരുടെ കുറ്റപ്പെടുത്തലുകൾ കേള്ക്കാൻ അവസരം നൽകാത്തവർ സ്നേഹിക്കാനും, പെരുമാറാനും അറിയാത്ത ഏതെങ്കിലുമൊരു പെണ്ണിനെ കല്ല്യാണം കഴിച്ച ശേഷം അവളെ നിലക്ക് നിർത്താൻ ശ്രമിക്കാതെ വീട്ടിൽ നിശബ്ദരായി പോകുന്നത് കാണണം.. അങ്ങനെയുള്ളവരെ കണ്ടാൽ അവരെ മറഞ്ഞു നിന്ന് കുറ്റപ്പെടുത്തുന്നതിന് മുൻപ് എന്താണിങ്ങനെ ആയി പോയതെന്ന് നേരിട്ട് ചോദിച്ച് അവരോട് ഒറ്റക്കൊന്നു സംസാരിച്ച് നോക്കൂ . ഞാനുറപ്പ് തരാം കുറ്റബോധവും, നിരാശയും, സ്വപ്നങ്ങൾ തകർന്നവന്റെ കണ്ണുനീരിറ്റിയ വാക്കുകളും അവന് നമ്മളോട് പറയാനുണ്ടാവും.
എന്നാൽ ചില ഭർത്താക്കന്മാർ ഇത്തരത്തിൽ ദുഷിച്ച സ്വഭാവ ഗുണങ്ങളുള്ള ഭാര്യമാരുടെ വാക്കുകൾ കേട്ട് ഒരുപാട് കാലമൊന്നും കണ്ടും കേട്ടും ക്ഷമിച്ച് നിൽക്കില്ല അവർ പെട്ടെന്ന് പ്രതികരിച്ച് തുടങ്ങുകയോ അല്ലെങ്കിൽ ബന്ധം വേർപ്പെടുത്തുകയ
ോ ചെയ്യുമെന്നുള്ളതും നേര് തന്നെയാണ്. അവരെ പോലെ ആവുമ്പോൾ ജീവിതത്തിൽ ക്ഷമിക്കാനും പൊറുക്കാനുമുള്ള പുരുഷന് കിട്ടിയ കഴിവ് നമുക്ക് ഉപയോഗിക്കാൻ അവസരം കിട്ടാതെ വരുമെന്ന് തോന്നുന്നു .
ഇതൊക്കെ ഞാനെന്റെ കുറഞ്ഞ നാളുകൊണ്ടവസാനിച്ച ദാമ്പത്യം കൊണ്ടും, കൂട്ടുകാരുടെ ദാമ്പത്യം കണ്ടും, പരിചയ സമ്പന്നരായ പലരുടേയും വാക്കുകൾ കേട്ടും പഠിച്ചതാണ്.
അൻവർ അങ്ങനെ പറഞ്ഞപ്പോൾ പ്രാകാശം പരത്തുന്ന ആ മനസ്സിന്റെ തിളക്കം എനിക്ക് പോലും ഇല്ലാത്തതാണ് എന്ന് തോന്നുകയുണ്ടായി. എന്ത് കൊണ്ടാണെന്ന് വെച്ചാൽ ജീവിതത്തിൽ സന്തോഷം നൽകാൻ കഴിയാത്തതൊക്കെ നമ്മൾ മാറ്റി നിർത്തി കൊണ്ടിരിക്കും ഇവനെ പോലെ ക്ഷമയോടെ ചിന്തിക്കാൻ കഴിഞ്ഞാൽ സൃഷ്ട്ടാവിനിഷ്ടപ്പെട്ട സന്തതിയാവാൻ നിനക്കും ഭാഗ്യം കിട്ടുമെന്ന് മനസ്സോർമ്മിപ്പിച്ചു..
ഞങ്ങൾ കയ്യിൽ കരുതിയിരുന്ന ജ്യൂസും കുടിച്ചിരിക്കുന്നതിനിടയിൽ വിമാനത്തിന്റെ വേഗത ശ്രദ്ധിക്കാൻ കഴിയാത്ത തരത്തിലുള്ള നൊമ്പരങ്ങൾ
അൻവർ വീണ്ടും പറഞ്ഞു തുടങ്ങി….
അവളെയൊന്ന് മാറ്റിയെടുക്കാൻ ജന്മം നൽകിയ ന്റെ രക്ഷിതാക്കളെ കുറിച്ചും, എന്നെ ഓമനിച്ച് വളർത്തിയ എന്റെ കൂടപ്പിറപ്പുകളെ കുറിച്ചും ഇന്നലെ കയറി വന്ന അവൾ പറഞ്ഞു വിടുന്ന കുറ്റപ്പെടുത്തലുകൾ കേട്ടിട്ട് ഒന്നും പറയാനാവാതെ അണപ്പല്ലുകളിൽ കടിച്ചമർത്തി ക്ഷമിച്ച് നിൽക്കേണ്ടി വന്നിട്ടുണ്ട്.
എല്ലാം കേട്ടിട്ടും മിണ്ടാതായതോടെ
എന്റെ വീട്ടുകാർക്കില്ലാത്ത കുറ്റങ്ങളില്ലായിരുന്നു. മാപ്പർഹിക്കാത്ത തെറ്റ് അവൾ ചെയ്തിട്ടും അതൊന്നും ഞാനറിഞ്ഞിട്ടില്ലെന്ന് ധരിച്ച് എന്നേയും അവളേയും ഒരുപോലെ സ്നേഹിക്കുന്ന ‌ എന്റെ വീട്ടുകാരുടെ ഇല്ലാത്ത പോരായ്മകൾ ഞാനൊരു വിഡ്ഢിയാണെന്ന് കരുതി അവൾ ഓരോ ദിവസവും ഓരോന്നായി മാറ്റി മാറ്റി പറയും . അതെല്ലാം കേട്ട് ശ്രദ്ധയോടെ നിൽക്കുന്നത് പോലെയും അവരോടൊക്കെ ദേഷ്യമുണ്ടെന്ന് അഭിനയിച്ചും കൊടുക്കുമ്പോൾ ഒരുപാട്

താളുകളിൽ മനസ്സെഴുതി വെച്ച എന്റെ പ്രണയലേഖനത്തിലെ റാണിയായിരുന്ന റൈഹാനത്തിനെ കുറിച്ച് ഞാനൊരിക്കൽ കൂടി വിഷമത്തോടെ ഓർത്തെടുക്കേണ്ടി വന്നു..
നിന്നെ ഞാനിന്ന് കാത്തുനിൽക്കുമെന്ന് പറഞ്ഞു വരുത്തി ഞാൻ തന്നെ നേരം വൈകി വരുമ്പോൾ എന്നെ മാത്രം പ്രതീക്ഷിച്ച് ആ ഇടവഴിയിൽ ഞാൻ വരാൻ വൈകിയതിന്റെ പരിഭവങ്ങളൊളിപ്പിച്ച കനപ്പിച്ച മുഖവുമായി നിന്നിരുന്ന എന്റേത് മാത്രമാണെന്ന് പറഞ്ഞ ഒരു പെണ്ണിനെ അറിയില്ലേ നിനക്ക്.. ?
ഞാൻ നഷ്ടപ്പെടുത്തിയ അല്ല എനിക്ക് നഷ്ട്ടമായ പകരം വെക്കാനൊരാള് പോലും ഈ ദുനിയാവില്ലെനിക
്കില്ലാത്ത
ന്റെ റൈഹാനത്ത് ..
” എന്നാണ് റൈഹാ നിന്റെയീ ഖോജാത്തി സുറുമയിട്ട കണ്ണുകളെയും നോക്കി ഞാനുറങ്ങാതെയിരിക്കുക ” എന്ന് ഇടവഴിയിൽ വെച്ച് ഞാനന്നൊരു പരിഭവം കൊഞ്ചി പറഞ്ഞപ്പോൾ പേര് പറഞ്ഞു തരാത്ത അത്തറിന്റെ മണമുള്ള റൈഹ ഇശ്ഖിന്റെ പരിമളം പരത്തി
“ഡാ ചെക്കാ ഉറങ്ങാൻ കിടക്കുമ്പോഴും ഞാൻ സുറുമ എഴുതാറുണ്ടെന്ന കാര്യം അനക്കറിയോ.. ?” എന്ന് നാണിച്ച് പറഞ്ഞപ്പോൾ
” അതെന്തിനാ ഡീ .. ?” എന്നുള്ള എന്റെ പുരികം ഞെളിച്ചുള്ള ചോദ്യത്തിന് ” നീ കിനാവിൽ വരുമ്പോൾ കാണിച്ച് തരാനാണെന്ന്” തലതാഴ്ത്തി പറഞ്ഞ് കണ്ണിറുക്കി കാണിച്ച എന്റെ മുഹബ്ബത്തിന്റെ കാവൽക്കാരി ..
ഖൽബ് മുത്തുമാല കോർത്തിട്ട് കസവണിയിച്ച് നിർത്തിയിടത്ത് നിന്നും എന്നെ തനിച്ചാക്കി പോയ
എന്റെ ജന്നത്ത് …
ആ റൈഹ ദിവസങ്ങളോളം എന്നോട് പിണങ്ങി നിൽക്കാൻ കാരണമായ ഒരു സംഭവം ഭാര്യാ സ്നേഹിയായി മാറി അഭിനയിക്കുമ്പോൾ മനസ്സൊന്ന് വായിക്കാൻ പറഞ്ഞു ..
” തുടരും ”
______________________________________
” ശ്രദ്ധിച്ച് പഠിച്ചാൽ ജീവിതം പഠിപ്പിക്കുന്ന പാഠങ്ങൾ എന്നും വ്യത്യസ്തമായിരിക്കും ”
അടുത്ത ഭാഗം ക്ഷമയോടെ കാത്തിരിക്കുമല്ലോ…
സ്നേഹത്തോടെ