“”..കാര്യങ്ങളങ്ങനാണേൽ പിന്നെ നമുക്ക് മോളെ വിളിയ്ക്കാമല്ലേ..??”””_ തിരിഞ്ഞും മറിഞ്ഞുമിരുന്ന് ഓരോരുത്തരോടും വർത്താനം പറയുന്നതിനിടയിൽ സമയംകണ്ടെത്തി വേണുവങ്കിൾ സദസ്സിലെല്ലാവരോടുമായി ചോദ്യമിട്ടതിന്,
“”..പിന്നെന്താ.. അതല്ലേലും മോളെക്കാണാൻ തന്നാണല്ലോ ഞങ്ങളുവന്നത്..!!”””_ എന്നായിരുന്നു വല്യച്ഛൻറെ മറുപടി.. എന്നിട്ടെന്തോ വലിയ തമാശപറഞ്ഞമട്ടിൽ അട്ടഹസിച്ചു ചിരിയ്ക്കുകയും ചെയ്തു.. പിന്നെ പറയണോ മാണിക്കോത്ത് തറവാടുമുഴുവൻ ആ ചിരിയിൽ പങ്കുചേർന്നു.. എന്തു തേങ്ങ കേട്ടിട്ടാണോയെന്തോ..??!!
“”..ഭദ്രേ.. നീയെന്നാ മോളെ വിളിച്ചോ..!!”””_ വല്യച്ഛൻപറഞ്ഞ കോമഡിയുടെ ബാക്കിപത്രമായി അവശേഷിച്ചചിരി മുഖത്തുനിന്നും മായ്ക്കാതെതന്നെ വേണുവങ്കിൾ പിന്നിലായിനിന്ന ഭാര്യയോടുപറഞ്ഞു.. അവരപ്പോൾത്തന്നെ അതിനു തലകുലുക്കിക്കൊണ്ടകത്തേയ്ക്കു നടക്കുകയുംചെയ്തു.. പിറകേ രണ്ടു പെണ്ണുങ്ങളുംകൂടി…
അപ്പോഴാണടുത്തിരുന്ന ജൂണ എന്റടുത്തേയ്ക്കായി തലചെരിച്ചത്…
“”..എടാ.. സത്യത്തിലെനിയ്ക്കേ അറിയാമ്പാടില്ലാഞ്ഞിട്ടു ചോദിയ്ക്കുവാ; ഒരു പെണ്ണുകാണൽ ചടങ്ങിനെനന്തിനാടാ ഇത്രേമാൾക്കാർ..??”””_ എനിയ്ക്കു വീട്ടീന്നു പുറപ്പെട്ടപ്പോഴേ തോന്നിയസംശയം ജൂണയ്ക്കപ്പോഴാണു തോന്നിയിട്ടുണ്ടാവുക.. ചുറ്റുമിരുന്നവരെ കണ്ണോടിച്ചുകൊണ്ട് അതെന്നെ തോണ്ടിയവൾ ചോദിച്ചപ്പോൾ ആകെക്കൊണ്ട് പൊളിഞ്ഞുനിന്ന ഞാൻ,
ഇതുപോലത്തെ അടിപൊളി കമ്പി കഥകൾ വായിക്കാൻ www.kambi.pw ഈ സൈറ്റ് ൽ വന്നാൽ മതി ………
“”..കാശിൻറെ കഴപ്പ്..!!”””_ എന്നൊറ്റവാക്കിൽ മറുപടിയൊതുക്കി.. കേട്ടതും തികട്ടിവന്ന ചിരിയൊതുക്കാനായവൾ പണിപ്പെടുമ്പോഴാണ് അച്ഛന്റെയടുക്കലായിരുന്ന അമ്മയുടെ സ്വരംകേൾക്കുന്നത്;
“”..മോളെന്താ അവിടെത്തന്നെ നിന്നുകളഞ്ഞത്.. നാണിച്ചുനില്ക്കാതെ ഇങ്ങോട്ടുവന്നെല്ലാർക്കും ചായകൊടുക്ക് മോളെ..!!”””_ ലിവിങ്ങ് റൂമിലേയ്ക്കുള്ള എൻട്രൻസിൽ ചായയടങ്ങിയ ട്രേയുമായി പതുങ്ങിനിന്ന പെണ്ണിനോടായി അമ്മപറഞ്ഞു… ഉടനേ പിന്നിലായിനിന്ന അവൾടെയമ്മ പയ്യെയൊന്നു തള്ളി…
“”..ഇതു കുറേയുണ്ടല്ലോ… ഇങ്ങനെ താങ്ങിപ്പിടിച്ച് ഓരോരുത്തർക്കും കൊണ്ടോയി കൊടുക്കുന്നേലും നല്ലത് വല്ല കലത്തിലുമൊഴിച്ച് അവിടെവല്ലതും വെയ്ക്കുന്നതല്ലായിരുന്നോ..??”””_ പെണ്ണിന്റെ കയ്യിലിരുന്ന ട്രേയിൽനോക്കിയുള്ള ജൂണയുടഭിപ്രായം… പിന്നെ തിരിഞ്ഞെന്നെനോക്കി;
“”..ഇതുങ്ങൾക്കെല്ലാത്തിനും കൂടെ ചായയിടാൻ പാല് ടാങ്കറിലടിച്ചിട്ടുണ്ടാവണോല്ലോ..!!”””_ ന്ന് പിറുപിറുത്തുകൊണ്ട്
കയ്യിലിരുന്ന ലഡ്ഡു പാതി കടിച്ചുപറിച്ചു.. അതിനിടയിൽ ഞാനവളെ രൂക്ഷമായി നോക്കുന്നതവളു കാണുകയുംചെയ്തു… ഉടനേയൊന്നിളിച്ചു കാട്ടി,
“”..എടാ.. നീ ടെൻഷനാവാതെ.. നമുക്കു സെറ്റാക്കാന്ന്.. നമ്മളിതാദ്യത്തെയൊന്നുവല്ലല്ലോ..!!”””_ ന്ന് തുടയിൽത്തട്ടി എന്നെ സമാധാനിപ്പിച്ചശേഷം മുഖമുയർത്തിയ അവളുടെകണ്ണുകൾ എന്തിലോ ഉടക്കിനിന്നതുപോലെ എനിയ്ക്കുതോന്നി.. ആ കണ്ണുകളൊന്നു തിളങ്ങിയോ..?? അതോ അത്ഭുതമാണോ..?? അറിയില്ല.! പക്ഷേയാ കണ്ണുകൾ പതിവില്ലാത്തതെന്തോ കണ്ടെന്നതുപോലെ വിടർന്നിരിയ്ക്കുന്നു..
അതുകണ്ടതും ഞാനുമറിയാതെ മുഖംചെരിച്ചവളുടെ കണ്ണുകളെ പിൻതുടർന്നു..
കാണുന്നതോ പർപ്പിൾകളറിലൊരു ചന്ദേരിസിൽക്സ് ചുരിദാർടോപ്പും സെയിംകളർ ദുപ്പട്ടയുമണിഞ്ഞ് ചായക്കപ്പുകൾ നിരത്തിയ ട്രേയുമായി നിൽക്കുന്ന പെൺകുട്ടിയെയാണ്.. അധികം തടിയില്ല.. എന്നാലൊത്തിരി മെലിഞ്ഞതുമല്ലാത്ത ഒരു നാടൻകുട്ടി.. ചന്ദനംതൊട്ട നിഷ്കളങ്കത തുളുമ്പുന്നമുഖത്ത് ആരെയും മോഹിപ്പിയ്ക്കുന്നൊരു പുഞ്ചിരിയുമുണ്ട്..
ഞാൻ നോക്കുന്നതുകണ്ടതും അവൾ കണ്ണുകൾതാഴ്ത്തി മുഖംകുനിച്ചു.. എങ്കിലുമാ മുഖത്തെ നാണംചാർത്തിയ പുഞ്ചിരിമാത്രം മാഞ്ഞിരുന്നില്ല.. ഇടയ്ക്കു മുഖത്തേയ്ക്കു വീണുകിടന്ന മുടിയിഴകൾ ചെവിയ്ക്കു പിന്നിലൊളിപ്പിച്ച് പാളിനോക്കുമ്പോൾ വാലിട്ടെഴുതിയ കണ്ണുകളിലെവിടെയോ ഒരു കുസൃതിയും കലർന്നിരുന്നു..
..പാവം..!!
അവളുടെയാ നാണത്തോടുകൂടിയ ചിരിയും നോട്ടവുമൊക്കെ കണ്ടപ്പോൾ എനിയ്ക്കതിനോട്‌ സഹതാപമാണ് തോന്നിയത്… എന്റെ സ്വാർത്ഥതയ്ക്കു വേണ്ടി ഞാൻ കുത്തിനോവിയ്ക്കാൻ പോണ അടുത്തയിര.!
“”..മോളെന്താലോചിച്ചു നിൽക്കുവാ..?? ആ ചായ അവനുകൊടുക്കാനിത്രേം നാണിയ്ക്കേണ്ട കാര്യമെന്താ..?? അവൻ പിടിച്ചു തിന്നത്തൊന്നുമില്ല.. അല്ലേ ഏട്ടാ..!!”””_ പറഞ്ഞശേഷം സപ്പോർട്ടിനായി അച്ഛൻ വല്യച്ഛൻറെ നേരെനോക്കി… അതുകേട്ടതും അവൾ പെട്ടെന്നൊരു ചമ്മലോടെ എന്റെ മുഖത്തുനിന്നും കണ്ണുകൾപറിച്ചെടുത്തു.. ശേഷം അച്ഛനെനോക്കി ചിരിയ്ക്കാനൊരു ശ്രെമം നടത്തിയെങ്കിലും ദയനീയമായ മറ്റേതോ ഭാവമാണ് ആ മുഖം കോറിയിട്ടത്…
“”..അല്ലാതെപിന്നെ..!!”””_ അച്ഛന്റെ ചോദ്യത്തിനുള്ള വല്യച്ഛന്റെ മറുപടി… അതോടെ വീണ്ടുമൊരു ചിരിയ്ക്കവിടെ തുടക്കമായി… അല്ലേലും വല്യച്ഛൻ യെസ്സുമൂളിയാൽ അച്ഛനും സന്തോഷം, ചെറിയച്ഛന്മാർക്കും സന്തോഷം.. എന്തിന് മാണിക്കോത്ത് തറവാടിനു മുഴുവൻ സന്തോഷം.. ഇവിടെ സന്തോഷിയ്ക്കാനിടയൊന്നുമില്ലാത്തത് എനിയ്ക്കാണല്ലോ… എന്റെ ആഗ്രഹങ്ങൾക്കും സ്വപ്നങ്ങൾക്കും മാത്രമാണല്ലോ..
“”..അതുപിന്നെ അവളാളു കുറച്ചു ഷൈയാന്നേ… ഇത്രേംപേരെയൊക്കെ ഒന്നിച്ചുകണ്ടപ്പോൾ കക്ഷിയാകെ പേടിച്ചുപോയി… അതിന്റെയാ..!!”””_ ചിരികൾക്കിടയിൽ പെണ്ണിന്റെ അമ്മാവനാണതു പറഞ്ഞത്…
“”…മോള് കോളേജ് ലെക്ചറെന്നല്ലേ പറഞ്ഞത്… എന്നിട്ടാണോ ഇത്രേംനാണം..?? ഇങ്ങനെയാണേൽ പിള്ളേരെയെങ്ങനാ ഹാൻഡിൽചെയ്യുന്നേ..??”””_ അവളെനോക്കി ചോദിച്ചശേഷം ചോദിച്ചതിലെന്തേലും തെറ്റുണ്ടോന്നഭാവത്തിൽ അച്ഛനെനോക്കാനും അമ്മ മറന്നില്ല…
“”…അതേ… അതാണ് നമ്മുടേംസംശയം.! പിള്ളേര് തലേൽക്കേറിയിരുന്നു നിരങ്ങുന്നുണ്ടാവും..!!”””_ അവിടെനിന്ന ഒരു ചേച്ചിയാ പറഞ്ഞതിന് തിരിഞ്ഞവരെ പരിഭവഭാവത്തിൽ നോക്കുകയാണവൾ ചെയ്തത്…
“”..അതൊന്നും കുഴപ്പമില്ല… നമ്മുടെ പാർത്ഥിയ്ക്ക് ഇതുപോലടക്കവും ഒതുക്കവുമുള്ളൊരു പെൺകുട്ടിയെ വേണമെന്നാ അമ്മയെപ്പോഴും പറയുക… എന്തായാലും അക്കാര്യത്തിൽ അമ്മയുടെ പ്രാർത്ഥനകേട്ടു… അല്ലേ വല്യേട്ടാ..!!”””_ ഏറ്റവുമിളയ ദേവൻ ചെറിയച്ഛൻ വല്യച്ഛനെനോക്കി…
അതിനിടയിൽ,
“”..എടാ… ഞാനൊരു കാര്യമ്പറഞ്ഞാൽ നീയെന്നെ തെറിവിളിയ്ക്കരുത് കേട്ടോ..!!”””_ ന്നും പറഞ്ഞ് ജൂണയെന്റടുത്തേയ്ക്കു ചേർന്നിരുന്നശേഷം തുടർന്നു;
“”..എടാ… പല്ലവിയെക്കാളും സൂപ്പറ് ഇവളാടാ.! എന്നാ ഒരു ലുക്കാന്നു നോക്കിയേ… കണ്ണെടുക്കാൻ തോന്നൂല്ലാട്ടോ… ആ വിടർന്നകണ്ണും നുണക്കുഴിക്കവിളും ചുണ്ടുമലർത്തിയുള്ള ചിരിയുമൊക്കെ കാണാനെന്തു ഭംഗിയാടാ… എനിയ്ക്കു തോന്നുന്നത് നിനക്കാ പല്ലവിയേക്കാൾ ചേർച്ച ഈ കുട്ടിയാന്നാ..!!”””_ വർണ്ണിയ്ക്കുമ്പോഴും ജൂണയാ കുട്ടിയെത്തന്നെ നോക്കിയിരിപ്പാണ്…
“”.. നീ അയ്യപ്പസ്വാമീടെ നടയ്ക്കൽ നെയ്ത്തേങ്ങയുടയുന്നത് കണ്ടിട്ടുണ്ടോ..??”””_ അതിനുമറുപടിയായി ഞാൻചോദിച്ചു…
“”..കണ്ടിട്ടുണ്ടെങ്കിൽ..??”””
“”..അതുപോലെ നിന്റെ തലയെറിഞ്ഞു പൊട്ടിയ്ക്കണ്ടെങ്കിൽ മിണ്ടാതിരുന്നോ… പിന്നെ..”””_ ഒന്നുനിർത്തിയശേഷം ഞാൻ കൂട്ടിച്ചേർത്തു…
“”..മെച്ചമുള്ളതൊന്നു കാണുമ്പോൾ പഴയതിനെ ഉപേക്ഷിയ്ക്കുന്ന സ്വഭാവമീ പാർത്ഥിവിനില്ല… അതുകൊണ്ട് മേലിലിമ്മാതിരി വർത്താനമെന്നോടു പറഞ്ഞേക്കരുത്..!!”””
“”..സോറിടാ… അതുപിന്നെ..”””_ ക്ഷമ പറഞ്ഞശേഷം എന്തോ തുടരാനായി ശ്രെമിയ്ക്കുമ്പോഴേയ്ക്കും ചായയുമായി അവൾ മുന്നിലെത്തിയിരുന്നു… ഒന്നു ചിരിച്ചെന്നുവരുത്തി ഞാനൊരെണ്ണമെടുത്തു… പിന്നാലേ ജൂണയും…
ഇതുപോലത്തെ അടിപൊളി കമ്പി കഥകൾ വായിക്കാൻ www.kambi.pw ഈ സൈറ്റ് ൽ വന്നാൽ മതി ………
പിന്നും വീട്ടുകാരെന്തൊക്കെയോ പറഞ്ഞിരുന്നു… അതിനിടയിൽ എന്തൊക്കെയാണവളോടു പറയേണ്ടതെന്നുള്ള കൂലംകക്ഷമായ ചിന്തയിലായിരുന്നു ഞാൻ…
അങ്ങനെയിരുന്ന് ചായകുടിയ്ക്കുമ്പോഴാണ്,
“”..എങ്കിൽപ്പിന്നെ പെണ്ണിനും ചെക്കനുമെന്തേലും പറയാനുണ്ടേൽ ആയിക്കോട്ടേല്ലേ..??!!”””_ ന്നും ചോദിച്ച് വല്യച്ഛൻ വേണുവങ്കിളിനു നേരെ തിരിഞ്ഞത്…
“”..ഇതെന്താ ഇത്രേന്നേരമായ്ട്ടും ചോദിയ്ക്കാത്തേന്ന് ആലോചിച്ചിരിയ്ക്കുവായ്രുന്നു ഞാൻ..!!”””_ ജൂണ വീണ്ടുമെന്നെ തോണ്ടി…
“”..നീയിതിപ്പോ ആകെയൊരു ശല്യമായല്ലോ… നിനക്കവിടെ വല്ലതും നിന്നാപ്പോരായിരുന്നോ… എന്തിനാ കെട്ടിക്കേറി കൂടെപ്പോന്നത്..??”””
“”…അതുപിന്നെ ഒന്നുവില്ലേലും ഞാൻ നിന്റെ പ്രൈവറ്റ് സെക്രട്ടറിയല്ലേ… അപ്പോൾപ്പിന്നെ ഞാനില്ലാണ്ടെന്തു പ്രോഗ്രാം..??”””_ അവൾ വീണ്ടുമിരുന്ന് മുറുമുറുത്തു…
ഞങ്ങളങ്ങോട്ടുമിങ്ങോട്ടുമിരുന്ന് കുത്തുന്നതിനിടയിൽ,
“”…അതിനെന്താ ആവാലോ..
മോളെ… നീ പാർത്ഥിവിനേംകൂട്ടി മുകളിലേയ്ക്കു ചെല്ല്..!!”””_ ന്ന് വേണുവങ്കിളും പറഞ്ഞു…
“”..ഇപ്പോൾപ്പോയി സംസാരിയ്ക്കണോ..?? നാളെയോ മറ്റോ പുറത്തെവിടെങ്കിലും വെച്ചു കണ്ടാൽപ്പോരേ…??”””_ ഞാൻ ജൂണയെനോക്കി… അവളോടു സംസാരിയ്ക്കുക എന്നതായ്രുന്നു മെയ്ൻ അജണ്ടയെങ്കിലും ആ മുഖത്തുനോക്കി എങ്ങനെയതു പറയുമെന്ന ആശയക്കുഴപ്പത്തിലായിരുന്നു ഞാൻ…
“”..ഒന്നുപോടാ… ഇതാണു പറ്റിയ ചാൻസ്… നീയവളോട് കാര്യങ്ങളൊക്കെ തുറന്നുപറ… കണ്ടിട്ടവൾക്കു കാര്യങ്ങളൊക്കെ മനസ്സിലാക്കാൻ കഴിവുള്ള കൂട്ടത്തിലാന്നു തോന്നുന്നു… പിന്നെ മുഖം കാണുമ്പോഴേയറിയാം അതൊരപ്പാവിയാ… അവളു സമ്മതിയ്ക്കും… നീ ചെല്ല്..!!”””_ അതുംപറഞ്ഞഅവളെന്നെ തള്ളിച്ചുവിട്ടു… പിന്നെ പലയാവർത്തി പയറ്റിയ പണിയായതിനാൽ എനിയ്ക്കു കൂടുതലൊന്നും ചിന്തിച്ചു തലപുണ്ണാക്കേണ്ട കാര്യവുമില്ലല്ലോ…
അങ്ങനെയെണീയ്ക്കുമ്പോൾ മുഖംകൊണ്ട് വാന്ന് ആംഗ്യവുംകാട്ടി അവൾ മുന്നേനടന്നു…
അങ്ങനെയവൾടെ പിന്നാലെ മുകളിലേയ്ക്കുള്ള സ്റ്റെയർ കയറുമ്പോൾ പെണ്ണിന്റെ കൂട്ടത്തിലുള്ള ഏതോ ഒരു കാർന്നോര് ജൂണയെ പരിചയപ്പെടുന്നതു കേട്ടു…
“”..ഇതവന്റെ പ്രൈവറ്റ് സെക്രട്ടറിയാ… ജൂണാ മേരി സെബാസ്റ്റ്യൻ..!!”””_ മറുപടിയായി അച്ഛൻപറഞ്ഞതിന്,
“”..അങ്ങനെ പ്രൈവറ്റ് സെക്രട്ടറിയെന്നുപറഞ്ഞു ചെറുതാക്കല്ലേ.. കുഞ്ഞിലേമുതലേ രണ്ടുമൊരുമിച്ചാ.. അവനേതു കുഴിയിലെടുത്തു ചാടാൻപറഞ്ഞാലും ഇവളതുചെയ്യും.. അങ്ങനാ രണ്ടും..!!”””_ അമ്മ വിശദീകരിച്ചു..
“”..അതേ.. അവൻ കുഴിയിൽ ചാടാനിതുവരെ പറയാത്തതുകൊണ്ട് അവൻ കുഴിയിൽ ചാടുന്നതു കാണാനായി ഇവടെയിരിയ്ക്കുന്നു..!!”””_ തിരിച്ചുള്ള അവളുടെ മറുപടിയുണ്ടാക്കിയ പൊട്ടിച്ചിരിയും കേട്ടാണ് ഞങ്ങൾ മേലെ ബാൽക്കണിയിലെത്തുന്നത്…
“”…വാ… ഇതാട്ടോ റൂം..!!”””_ കിളികൊഞ്ചൽ പോലൊരു നേർത്തശബ്ദം… എന്നിട്ടവളാദ്യം റൂമിലേയ്ക്കു കേറി… പിന്നിലായി ഞാനും…
അതത്യാവശ്യം വലിയൊരു മുറിതന്നെയായിരുന്നു.. പഴയ ടൈപ്പ് മച്ചൊക്കെയുള്ള വീടാണ് സംഭവം.. അതുകൊണ്ടു തന്നെ ഫാനിടാതെപോലും നല്ല തണുപ്പുണ്ടായിരുന്നു… റൂമിന്റെ വലതുവശത്ത് ഭിത്തിയോടു ചേർന്ന് വലിയൊരു കട്ടിൽ വിത്ത് കൊതുകുവല.. അതിന്റെ സൈഡിലായൊരു ചെറിയ ടേബിൾ, തൊട്ടുപിന്നിൽ ബെഡ് സ്വിച്ച്, ചാർജിങ് സോക്കറ്റ്, ആ മേശയിൽ ഒരു ബുക്ക്, മൊബൈൽ, ഹെഡ്ഫോൺ, എന്തോ ക്രീം അങ്ങനെ എന്താണ്ടൊക്കെയോ.. എല്ലാം നന്നായി അടുക്കിത്തന്നെയാണ് വെച്ചിരിയ്ക്കുന്നത്… ചുറ്റുപാടുമൊന്നു കണ്ണോടിച്ചു നിൽക്കുമ്പോഴാണ് കൂടെയവളുള്ള കാര്യമോർക്കുന്നത്… ഉടനെ ഞാൻതിരിഞ്ഞു…
“”..ഹായ്..!!”””_ ഡോറിന്റെ വശത്തെ ഭിത്തിയുടെമേൽ ചാരി മുഖംകുനിച്ചുനിന്ന അവളെനോക്കി ചിരിച്ചു… മുഖമത്രയും അടുത്തുകണ്ടപ്പോൾ സത്യത്തിലവളുടെയാ സൗന്ദര്യത്തിലെന്റെ കണ്ണു മഞ്ജളിയ്ക്കുന്നുണ്ടോന്നു പോലും സംശയിച്ചുപോയി…
“”..ഹായ്..!!”””_ അവളും മറുപടിയായി ചിരിച്ചു..
പിന്നെയവളോട് എന്തുപറയണമെന്ന് എനിയ്ക്കൊരു ഊഹവുംകിട്ടിയില്ല… ഇതിനുമുന്നേ കണ്ട പെൺകുട്ടികളെല്ലാം കുറച്ചു ബോൾഡായിരുന്നതിനാൽ ഇങ്ങനെയൊരു പ്രശ്നമുണ്ടായിരുന്നില്ല… പക്ഷെ ഇവിടെയതല്ലവസ്ഥ… ഞാൻ പറയാൻപോണ വാക്കുകൾ ഈ കുട്ടിയെ വിഷമിപ്പിയ്ക്കുമോ എന്നൊരു ടെൻഷൻ.!
എന്നാലവളാണെങ്കിൽ കണ്ണെടുക്കാതെ എന്നെത്തന്നെ നോക്കിനിൽക്കുവാണ്… നെഞ്ചിലേയ്ക്കാഴ്ന്നിറങ്ങുന്ന നോട്ടം താങ്ങാൻവയ്യാതെ ഞാൻ മെല്ലെ ചുറ്റുമൊന്നു കണ്ണോടിച്ചു… ടെൻഷനൊന്നു കുറയ്ക്കാനും പറയാനുള്ളകാര്യങ്ങൾ വള്ളിപുള്ളി കുത്ത് കോമ ഒന്നുംവിടാതെപറയാനും എനിയ്ക്കുമൊരു പ്രിപ്പറേഷൻ ആവശ്യമാണല്ലോ…
“”..എന്നോടൊന്നും മിണ്ടാനില്ലേ..??””_ ഇടയ്ക്കെപ്പോഴോ തിരിഞ്ഞവളെ നോക്കീതും അതായിരുന്നവൾടെ ചോദ്യം.. കേട്ടതും ഞാനാകെ വല്ലാണ്ടായി.. ആ മുഖത്തേയ്ക്കെന്തോ നോക്കാനൊരു ബുദ്ധിമുട്ട്പോലെ..
“”..ഹായ്.! ഋതികയെന്നാണല്ലേ പേര്..?? ഏതുകോളേജിലാ വർക്കു ചെയ്യുന്നത്..??”””_ എന്തേലും ചോദിയ്ക്കണമല്ലോന്നു കരുതി ഞാൻ ചോദിച്ചു.. അതിനാദ്യമൊന്നു മധുരമായി പുഞ്ചിരിതൂകിയശേഷം അവൾ മറുപടിപറഞ്ഞു;
“”..അതേ.. പക്ഷേയെല്ലാരും ഋതൂന്നാ വിളിയ്ക്കണെ.. എനിയ്ക്കുമതാ ഇഷ്ടം.! പിന്നെ ഞാനിപ്പൊ സെൻ്റ് സ്റ്റീഫൻസിലാ.. അവിടെ കേറിയിട്ടിപ്പൊ ഓൾമോസ്റ്റ് ഏഴു മാസമാവുന്നു..!!”””_ പെറുക്കിപ്പെറുക്കി ഓരോന്നും വിവരിച്ചുപറയുമ്പോൾ സദാ ആ കണ്ണുകളെന്നെ വലംവെച്ചുകൊണ്ടേയിരുന്നു.. ഞാനാ കണ്ണിലേയ്ക്കു നോക്കുന്നമാത്രയിൽ നറുനിലാവുദിച്ചതുപോലെ ആ മുഖംവിടർന്നു തുടുക്കുന്നതും കാണാം…
..എന്തോ.. എനിയ്ക്കിനിയുമാ കണ്ണുകളെ താങ്ങാൻകഴിയില്ല.. വൈകിയ്ക്കുന്ന ഓരോനിമിഷവും അവളെന്നിലേയ്ക്ക് കൂടുതൽക്കൂടുതൽ അടുക്കുന്നതുപോലെ..
“”..ഋതികാ.. എനിയ്ക്കുതന്നോട് ഓപ്പണായിട്ടൊന്ന് സംസാരിയ്ക്കണമെന്ന് ഈ പ്രപ്പോസൽ വന്നപ്പോളേ തോന്നിയതാണ്.. പക്ഷേ അറിയാല്ലോ ഭയങ്കര കൺസർവേറ്റീവാണ് വീട്ടിലെല്ലാവരും.. ഈ പുറമേകാണുന്ന പത്രാസ്മാത്രമേ എനിയ്ക്കുപോലുമുള്ളൂ.. കാര്യം തറവാട്ടിലെ മൂത്ത ആൺകുട്ടി ഞാനാണെങ്കിലും വല്യച്ഛനാണ് ഇന്നുമെല്ലാം കൺട്രോൾചെയ്യുന്നത്.. പുള്ളിയുടെ വാക്കിനെയെതിർക്കാൻ ഞങ്ങൾക്കാർക്കും ധൈര്യമില്ലെന്നുതന്നെ പറയാം..!!”””_ ഞാൻ വളച്ചുകെട്ടിവരുന്നത് എന്തിലേയ്ക്കാണെന്ന് മനസ്സിലാകാതെ അപ്പോഴെല്ലാമവൾ മിഴിച്ചുനിൽക്കുവാണ്..
“”..ഞാൻ പോയിൻറിലേയ്ക്കുവരാം.. എനിയ്ക്കീ പ്രൊപ്പോസൽ അക്സെപ്പ്റ്റ്ചെയ്യാൻ ബുദ്ധിമുട്ടുണ്ട്.. അതു തന്നെ ഇഷ്ടമാകാഞ്ഞിട്ടൊന്നുമല്ല.. എനിയ്ക്കൊരഫയറുണ്ട്.. ഇന്നോ ഇന്നലെയോ തുടങ്ങിയ ബന്ധമല്ല ഞങ്ങളുതമ്മിൽ.. മാണിക്കോത്ത് തറവാടിനോളം പണമോ പ്രതാപമോ ഇല്ലാത്തിടത്തോളം എനിയ്ക്കവളെ കിട്ടില്ല.. വിളിച്ചിറക്കി എങ്ങോട്ടേലും കൊണ്ടുപോകാന്നുവെച്ചാൽ അവൾക്കതിനുള്ള സാഹചര്യവുമല്ല.. സത്യത്തിൽ എനിയ്ക്കിതിപ്പോൾ തന്നോടല്ലാതെ മറ്റാരോടും പറയാനുംകഴിയില്ല.. എന്തുചെയ്യണമെന്നൊരൂഹവുമില്ല..!!”””_ ഒന്നുനിർത്തിയശേഷം അവളുടെ മുഖത്തുനോക്കാതെ തന്നെ ഞാൻ തുടർന്നു;
“”..അതുകൊണ്ട് താനെനിയ്ക്കുവേണ്ടിയൊരു ഹെൽപ്പുചെയ്യണം.. എന്നെയിഷ്ടമായില്ലാന്ന് വീട്ടുകാരോടുപറയണം.. ഈ കല്യാണംവേണ്ടാന്ന് അവരെക്കൊണ്ടു സമ്മതിപ്പിയ്ക്കണം.. പറയുന്നത് മോശമാണെന്നറിയാം.. എന്നാലെന്റെ മുന്നിൽ വേറെ വഴിയില്ലാഞ്ഞിട്ടാ.. സമ്മതിയ്ക്കണം..!!”””_ കെഞ്ചുന്നപോലെ ഞാനങ്ങനെ പറയുമ്പോളെല്ലാം മറുഭാഗത്ത് കനത്ത നിശബ്ദതയാണ്.. ഇടയ്ക്കൊന്നു പാളിനോക്കിയപ്പോൾ കണ്ടതോ അവളുടെ നീണ്ട, വിടർന്ന കണ്ണുകളിലെ നീർത്തിളക്കവും.. കുറച്ചൊന്നുമുന്നേ അവളുടെ മുഖത്തേയ്ക്കു നോക്കിയിരുന്നെങ്കിൽ ഇതിൽ പലവാക്കുകളും ഞാൻ വിസ്മരിച്ചിരുന്നേനെ..
അവൾടെ നിറഞ്ഞകണ്ണുകൾ കണ്ടപ്പോൾ വിഷമം തോന്നിയെങ്കിലും ഇവിടെ പിടിവിട്ടുപോയാൽ കയ്യിൽനിന്നു വഴുതിവീഴാനായി പോകുന്നതെൻറെ ജീവിതമാണ്.. എന്റെ പല്ലവിയെയാണ്.!
“”..ഡോ… തന്നെ ഇഷ്ടമാകാഞ്ഞിട്ടൊന്നുമല്ലാട്ടോ… ഞാൻപറഞ്ഞത് സത്യം തന്നാ… എനിയ്ക്കവളെ പിരിയാൻ വയ്യ.. അവളില്ലാത്തൊരു ജീവിതം എന്നെക്കൊണ്ട് സങ്കൽപ്പിയ്ക്കാൻ പോലും കഴിയില്ല.. അതാ… അങ്ങനെയൊരു അഫയറില്ലായിരുന്നെങ്കിൽ സത്യമായിട്ടും തന്നെ ഞാൻ കെട്ടിയേനെ… അത്രയ്ക്കു സുന്ദരിയാ താൻ… എന്നെ മനസ്സിലാക്കണം..!!”””_ ഇനി കരഞ്ഞു ബഹളമുണ്ടാക്കിയാലോന്ന് പേടിച്ച് ഞാനവളെയൊന്നു ബൂസ്റ്റപ്പ് കൂടിചെയ്തു…
ഇതുപോലത്തെ അടിപൊളി കമ്പി കഥകൾ വായിക്കാൻ www.kambi.pw ഈ സൈറ്റ് ൽ വന്നാൽ മതി ………
…ഭാഗ്യം.! അതേറ്റ മട്ടുണ്ട്.! നിറഞ്ഞ് കണ്മഷി പടർന്ന കണ്ണുകൾക്കിടയിലും മുഖത്ത് നേരിയ തുടിപ്പ് പരന്നിട്ടുണ്ട്… മുഖം നാണംകൊണ്ട് ചുവക്കുന്നുമുണ്ട്…
അതുകണ്ടപ്പോൾ ഇത്രയും പാവമൊരു പെണ്ണിനെ ഇങ്ങനെ തുറഞ്ഞുപറഞ്ഞു വേദനിപ്പിക്കേണ്ടിയിരുന്നില്ലന്ന് പോലും തോന്നിപ്പോയി.. എങ്കിലുമവളുടെ കണ്ണീരിനുംമേലെയാണ് ഞാനെന്റെ മോഹകൊട്ടാരത്തിന് വിലയിട്ടിരിക്കുന്നതെന്ന ഓർമ വന്നപ്പോൾ അതങ്ങു മാറി… അതോടൊപ്പം ഇവിടിപ്പൊൾ എന്താണ് സംഭവിയ്ക്കുന്നതെന്നറിയാത്തതിന്റെ വെപ്രാളത്തിൽ നടക്കുന്ന എന്റെ പെണ്ണിനെയോർത്തപ്പോൾ നെഞ്ചിലൊരുവിങ്ങൽ.. അതുകൊണ്ടാവണം കൂടുതൽനേരമവളുടെകൂടെ ചിലവഴിക്കാൻ ഞാനാഗ്രഹിയ്ക്കാണ്ടിരുന്നതും..
“”..എന്നാൽ നമുക്ക് താഴേയ്ക്കുപോയാലോ..??”””_ എന്റെ കാര്യംകഴിഞ്ഞതും പിന്നെ തിരിച്ചിറങ്ങാനെനിയ്ക്കു തിടുക്കമായി..
എന്റെയാ ചോദ്യത്തിന് തലകുലുക്കുന്നതിനൊപ്പം ചെറുതായൊന്നു ചിരിയ്ക്കാൻ ശ്രെമിച്ചെങ്കിലും മുഖംവലിഞ്ഞപ്പോൾ ഉരുകിക്കൂടിയ കണ്ണുനീർതുള്ളിയാണ് ആദ്യം ഞെട്ടറ്റുവീണത്..
അതും കണ്ടില്ലെന്നു നടിയ്ക്കാനല്ലാതെ എന്റെമുന്നിൽ മറ്റൊരു മാർഗ്ഗവുമില്ലായിരുന്നു..
“’..എന്നെയിഷ്ടായില്ലെന്ന് കുട്ടി പറഞ്ഞാൽമതി.. ഞാനെന്റെ വീട്ടിൽ തന്നെയിഷ്ടമായെന്നെ പറയൂ..!!”””_ തിരിച്ചിറങ്ങിവരുമ്പോൾ ഒരിയ്ക്കൽക്കൂടി ഞാനോർമ്മിച്ചു.. അതിനും മറുപടിയൊന്നുമില്ല.. അല്ലേൽത്തന്നെ എന്റെയീ സ്വാർത്ഥതയ്ക്കുമുന്നിൽ അവളെന്തുപറയാൻ..??
എന്തായാലും കാര്യംനടന്നല്ലോ.. അതുമതി.. പക്ഷേ ആ കണ്ണീർ.!
ഇറങ്ങി താഴെയെത്തുമ്പോൾ അവിടെ കൊച്ചിൻ്റെ നൂലുകെട്ടിനെ പറ്റിവരെ തീരുമാനമെടുത്ത ഭാവമായിരുന്നു എല്ലാ മുഖത്തും..
ജൂണയാണെങ്കിൽ,
“”..എന്തായെടാ..!!”””_ ന്ന ഭാവത്തിൽ കണ്ണുതുറിപ്പിച്ചു.. അതിനവൾക്കുമാത്രം മനസ്സിലാവുന്നതുപോലെ ഞാൻ മെല്ലെയൊന്നിളിച്ചു കാണിച്ചു.. എന്നിട്ടടുത്തു ചെന്നിരുന്നപാടെ,
“”…മിഷൻ സക്സസ്..!!”””_ എന്നുമാത്രം പറഞ്ഞു അവളോട്..
എന്നാലെന്റെ ചിരികണ്ടപ്പോൾ ബാക്കിടീംസ് എല്ലാം ഓക്കേയാണെന്ന് കരുതിക്കാണണം..
..സില്ലി പീപ്പിൾ.!
അതിന്റെ സന്തോഷത്തിൽ പിന്നൊരു ഗംഭീര ശാപ്പാടുകൂടി നടത്തി.. അതുകഴിഞ്ഞെല്ലാവരോടും യാത്രപറഞ്ഞിറങ്ങുമ്പോഴും ഋതുവിനെമാത്രം അവിടെയെങ്ങും കണ്ടില്ല..
..എന്തോ ആ മുഖത്തുനോക്കിയൊരു യാത്ര പറയണമെന്നുണ്ടായിരുന്നു.. പക്ഷേ..
..അല്ലെങ്കിൽവേണ്ട.. ആ നിഷ്കളങ്കമായമുഖം ചിലപ്പോളിനിയുമെന്നെ വേദനിപ്പിച്ചൂന്നു വരും.!
അങ്ങനെയൊരിയ്ക്കൽക്കൂടി അവരോടെല്ലാം യാത്രപറഞ്ഞ് ഞാനെന്റെ വണ്ടിയിലേയ്ക്കു കയറി.. അതിലെന്നോടൊപ്പം ജൂണമാത്രമേ ഉണ്ടായിരുന്നുള്ളൂ..
ആ തിരിച്ചുള്ളയാത്രയിൽ എന്തെന്നില്ലാത്തൊരു സന്തോഷമെൻറെ ഹൃദയമാകെ പകരുകയായിരുന്നു.. ഇനിയിപ്പോളീ കല്യാണമവർ വേണ്ടാന്നുവെച്ചാൽ കുറച്ചുനാളത്തേയ്ക്ക് ഇതുംപറഞ്ഞൊരു ശല്യമൊന്നുമുണ്ടാവില്ല.. അതിനിടയിൽ പല്ലവിയുടെ കാര്യത്തിലൊരു തീരുമാനമുണ്ടാക്കണം.. മനസ്സിലങ്ങനേയും ചിന്തിച്ചുകൊണ്ട് ഡ്രൈവുചെയ്യുന്നതിനിടയിൽ ജൂണയെന്നെ തട്ടി..
“”..എടാ.. ഇതെത്രയെന്നും പറഞ്ഞാ നീ നീട്ടിക്കൊണ്ടു പോണേ..?? നിൻറച്ഛനോ വല്യച്ഛനോ ചെറിയച്ഛന്മാരോ അറിഞ്ഞാലെന്താ സംഭവിയ്ക്കാൻ പോണേന്നു ഞാമ്പറയണ്ടല്ലോ.. ഇതിനൊക്കെ കൂട്ടുനിന്ന എന്റെ തലപോലും വെച്ചേക്കില്ലവർ..!!”””
“”..അറിയാം.! പക്ഷേ ഇതല്ലാതെ ഞാനെന്താടീ ചെയ്ക..?? അവളേയുംകൊണ്ടെങ്ങോട്ടെങ്കിലും പോകാന്നുവെച്ചാൽ ഈ സാഹചര്യത്തിലവൾക്കതിന് പറ്റോന്നു തോന്നുന്നില്ല.. അല്ലേൽത്തന്നെ ആശുപത്രികിടക്കയിൽ കിടക്കുന്ന അമ്മയെവിട്ടിട്ട് എന്റൊപ്പം വരണമെന്ന് ഞാനെന്തർത്ഥത്തിലാടീ പറക..??”””_ ഞാനവളുടെ മുഖത്തേയ്ക്കു നോക്കി.. അവൾക്കും മറുപടിയില്ല.. അപ്പോൾ ഞാൻ തുടർന്നിരുന്നു;
“”..പിന്നെ എനിയ്ക്കൊരു പെണ്ണിനെയിഷ്ടമാണ്.. അവളേ കെട്ടുള്ളൂന്ന് നെഞ്ചുംവിരിച്ചുനിന്ന് പറഞ്ഞൂടേന്നുചോദിച്ചാൽ അതിനു ധൈര്യമില്ലാഞ്ഞിട്ടല്ല.. പക്ഷേ അതുപറഞ്ഞുകഴിഞ്ഞാൽ അതാരാണെന്നു പോലും പറഞ്ഞില്ലെങ്കിൽക്കൂടിയും പിന്നെനിയ്ക്കവളെ ജീവനോടെ കിട്ടില്ല.. തിരിഞ്ഞുപിടിച്ചവരവളെ കുടുംബത്തോടെ കൊന്നു കുഴിച്ചുമൂടും.. അങ്ങനെയുള്ളപ്പോൾ ഇതല്ലാതെ ഞാനെന്താടീ ചെയ്യുന്നേ..?? നിനക്കുമറിയാവുന്നതല്ലേ എല്ലാം..??”””_ അതുചോദിയ്ക്കുമ്പോൾ എൻറെ ശബ്ദം ചിലമ്പിച്ചിരുന്നു..
“”..പാർത്ഥീ.. ഞാൻ നിന്നെ കുറ്റപ്പെടുത്തീതല്ലടാ.. ഇതൊക്കെ എനിയ്ക്കറിയാവുന്നതുമാ.. പക്ഷേ മുന്നോട്ടാലോചിയ്ക്കുമ്പോൾ ഒരെത്തുംപിടിയും കിട്ടുന്നില്ല.. എത്രനാളാടാ നമ്മളിങ്ങനെ മുന്നോട്ടുപോണേ..?? കല്യാണം മുടങ്ങാനുള്ളകാരണം ഏതെങ്കിലുമൊരുത്തി വീട്ടിൽപ്പറഞ്ഞാൽ മതി, അവിടെത്തീരും നമ്മൾ.. പിന്നിത്ത്രേംനാള് നമ്മളവരെ പറ്റിയ്ക്കുവാണെന്നു കൂടിയറിഞ്ഞാൽ പിന്നെന്താ സംഭവിയ്ക്കാൻ പോണേന്ന് ഞാൻപറയണ്ടല്ലോ..!!”””
“”..ഏയ്.! ജൂണാച്ചീ.. നീയതുവിടടീ.. ഇപ്പെന്തായാലും അതിനൊരു തീരുമാനമായില്ലേ.. ഇനിയിപ്പോൾ അടുത്തതു വരുമ്പോഴല്ലേ.. അതപ്പൊ നോക്കാന്നേ..!!”””_ അവൾടെ കൈയ്ക്കിട്ടൊരു ഇടിയുംവെച്ച് പറഞ്ഞതും അവളൊന്നുചിരിച്ചു..
“”..ആൽഫാ ഗ്രൂപ്പ്സിന്റെ എംഡി പാർത്ഥിവ് വിശ്വനാഥൻറെ അവസ്ഥനോക്കണം.. പുറമേ നിന്നു നോക്കുന്നവർക്ക് എന്തിന്റെ കുറവാ.. എന്നിട്ടവൻ കണ്ട പെണ്ണുങ്ങൾടെ കാലുംപിടിച്ചു നടക്കുവാ.. എന്നെ ഇഷ്ടമല്ലെന്നു പറയണേന്നുംപറഞ്ഞ്.. യോഗംതന്നപ്പാ..!!”””_ എന്നെനോക്കി ആക്കിച്ചിരിയ്ക്കുന്നതിനിടയിൽ അവളാപറഞ്ഞതിന് നോക്കി കണ്ണുരുട്ടാനേ എനിയ്ക്കു തരമുണ്ടായുള്ളൂ.. അല്ലേൽത്തന്നെ സത്യംപറയുമ്പോൾ മുണ്ടുപൊക്കി കാണിയ്ക്കാൻ പറ്റില്ലല്ലോ..
പിന്നെയുമവൾ ഓരോന്നുപറഞ്ഞു വാരിയെങ്കിലും എൻറെ മനസ്സപ്പോഴേയ്ക്കും പല്ലവിയിലേയ്ക്ക് ചാഞ്ഞിരുന്നു..
ഇതുപോലത്തെ അടിപൊളി കമ്പി കഥകൾ വായിക്കാൻ www.kambi.pw ഈ സൈറ്റ് ൽ വന്നാൽ മതി ………
കോളേജിൽവെച്ചാണ് ആദ്യമായവളെ കണ്ടുമുട്ടുന്നത്.. ആദ്യം വെറും സൌഹൃദമായി തുടങ്ങിയബന്ധം പിന്നീടെപ്പോഴോ പ്രണയത്തിലേയ്ക്കു വഴിമാറി.. എന്നാലന്നൊന്നും സമ്പത്തും കുടുംബമഹിമയും അച്ഛൻറെ പേരിനുപിന്നിലെ വാലും നമ്മളെ ഒന്നിപ്പിയ്ക്കുന്നതിന് വിലങ്ങുതടിയാകുമെന്ന് കരുതിയിരുന്നില്ല..
“”..മാണിക്കോത്ത് തറവാട്..!!”””_ കറുപ്പിൽ സ്വർണ്ണ നിറമുള്ള അക്ഷരങ്ങളാൽ ആലേഖനംചെയ്തിരിക്കുന്ന നെയിംബോർഡിൽ നോക്കി നീട്ടിവായിച്ചിട്ട് ജൂണ എന്നെനോക്കി ആക്കിയൊന്നു ചിരിച്ചു.. അതിനവളെനോക്കി കണ്ണുതുറിപ്പിച്ചശേഷം വണ്ടി പോർച്ചിലേയ്ക്കു കയറ്റിയിട്ട് ഞാൻ തറവാട്ടിന്റെ വിശാലമായ വരാന്തയിലൂടെ അകത്തേയ്ക്കു കേറി.. കൂടെ ജൂണയുമുണ്ട്..
“”..ഇതെങ്കിലും നന്നായിത്തന്നെ നടന്നാൽ മതിയായിരുന്നൂ ദേവീ.. എന്റെ കുഞ്ഞിന്റെ ഇതെത്ര കല്യാണമെന്നുവെച്ചാ മുടങ്ങുന്നേ.. അതും ഫോട്ടോ കണ്ടിഷ്ടമായിവിളിച്ച് പെണ്ണുകണ്ടശേഷവും..!!”””_ ഹോളിലേയ്ക്കു കേറിയതും മുത്തശ്ശിയുടെ പതംപറച്ചിലാണ് കേൾക്കുന്നത്.. അതുകേട്ട് ഉള്ളാലെ ചിരിച്ചുകൊണ്ട് ഞാനകത്തേക്ക് നടന്നു.
ചാരുകസേരയിലിരിയ്ക്കുന്ന മുത്തശ്ശിയുടെ ചുറ്റിലുമായി വല്യച്ഛന്റെ ഭാര്യ അംബികവല്യമ്മയും ചെറിയച്ഛന്മാരുടെ ഭാര്യമാരും അച്ഛന്റെ അനിയത്തി സുമതിയമ്മായിയുമൊക്കെയുണ്ട്..
“”..അമ്മയൊന്നു സമാധാനപ്പെട്ടെ.. ഇതെന്തായാലും അതുപോലെ മുടങ്ങിപ്പോവുകയൊന്നുമില്ല.. വേണു വാക്കിനു വിലയുള്ളോനാ.. അതുകൊണ്ട് പറഞ്ഞവാക്ക് പറഞ്ഞതു തന്നാ.. പിന്നെയാ കുട്ടിയാണേലൊരു അയ്യോപാവവും.. അതിന് വേണു പറയുന്നതാ വേദവാക്യം.. കോളേജിൽ പഠിപ്പിയ്ക്കുന്ന കുട്ടിയാണെന്നൊന്നു വിശ്വസിയ്ക്കാനാ പാട്… അമ്മ നോക്കിയ്ക്കോ… ആകുട്ടിയ്ക്കെന്തായാലും നമ്മുടെ പാർത്ഥിയെ ഇഷ്ടപ്പെടും..!!”””_ വല്യച്ഛൻ മുത്തശ്ശിയുടടുക്കലായി വന്നിരുന്നു..
“”..എല്ലാം നന്നായിത്തന്നെ കലാശിച്ചാൽ മതിയായിരുന്നു..!!”””_ മുത്തശ്ശി സ്വയംപറയുമ്പോൾ അച്ഛനും രണ്ടുചെറിയച്ഛന്മാരും കൂടി മുത്തശ്ശിയുടെ അപ്പുറവുമിപ്പുറവുമായി ഇരിപ്പുറപ്പിച്ചു.. അപ്പോഴാണ് ബലരാമൻ ചെറിയച്ഛന്റെ ഭാര്യ കല്യാണിയാൻറി എന്നെക്കണ്ടത്.. ഉടനെ ചോദ്യവുമെത്തി;
“”..ഡാ.. പാർത്ഥീ.. പെണ്ണിനെക്കണ്ടിട്ട് നീ വിശേഷങ്ങളൊന്നും പറഞ്ഞില്ലല്ലോടാ.. എങ്ങനെയുണ്ടെടാ പെണ്ണ്..??”””
“”..കൊള്ളാം.! നല്ല അടക്കോമൊതുക്കോമുള്ള കൊച്ച്.! കാണാനും കൊള്ളാം..!!”””_ ഞാനും വിട്ടില്ല, വെച്ചുകീറി..
“”..അപ്പോപ്പിന്നെ ഇതുറപ്പിയ്ക്കാമല്ലേടാ..??”””_ ദേവൻ ചെറിയച്ഛൻറെ ഭാര്യ ശോഭാൻറി അതോടെ കേസുംപിടിച്ചു..
“”..പിന്നെന്താ ധൈര്യമായിട്ടുറപ്പിച്ചോ.. എനിയ്ക്ക് യാതൊരെതിർപ്പുമില്ലന്നേ.. എല്ലാം ഞാൻ നിങ്ങൾടിഷ്ടത്തിന് വിട്ടുതന്നേക്കുവാ.. എന്തുവേണേലുമായിയ്ക്കോ..!!”””_ ഉള്ളിൽ ചിരിച്ചുകൊണ്ട് ഞാൻ വെച്ചുകീറിയിട്ട്, ജൂണയെനോക്കി ഇപ്പൊവരാമെന്ന് കണ്ണുംകാണിച്ച് ഞാനെന്റെ റൂമിലേയ്ക്കുനടന്നു..
റൂമിൽക്കേറി ഡോറടച്ചുടൻ ഫോണെടുത്തു പല്ലവിയെ വിളിയ്ക്കുകയായിരുന്നു.. രണ്ടാമത്തെ റിങ്ങിൽത്തന്നെ അവൾ കോളറ്റൻറ് ചെയ്തു..
“”..പാർത്ഥീ.. പോയിട്ടെന്തായെടാ..??”””_ വെപ്രാളമടക്കാനാവാതെയുള്ള അവളുടെ ചോദ്യംകേട്ടപ്പോൾ എനിയ്ക്കു ചിരിവന്നു..
“”..നീയതിനെന്താടീ പൊട്ടിപ്പെണ്ണേ എന്നെക്കുറിച്ചു കരുതിയിരിയ്ക്കുന്നെ..?? ഈ പാർത്ഥിയൊരു കാര്യമേറ്റാൽ നടക്കാത്ത ചരിത്രമുണ്ടോ..??”””
“”..ഏഹ്..?? എന്നുവെച്ചാ ഇതുംമുടക്കിയോ..??”””_ അവൾ ആകാംഷയോടെ തിരക്കി..
“‘..പിന്നല്ലാതെ.. നമ്മളോടാ കളി.. അതിരിയ്ക്കട്ടേ, അമ്മയ്ക്കിപ്പോഴെങ്ങനെയുണ്ട്..??”””
“”..അതേ കിടപ്പുതന്നെടാ.. ഒരു മാറ്റോമില്ല.. എനിയ്ക്കാണെങ്കിൽ പേടിയാവുന്നെടാ..!!”””_ അവൾ കരച്ചിലിന്റെ വക്കോളമെത്തിയിരുന്നു..
“”..എന്റെ കൊച്ചേ.. നീയൊന്നു സമാധാനപ്പെട്.. ഒന്നുമുണ്ടാവില്ലന്നെ.. ഞാനെന്തായാലും ഡോക്ടറെയൊന്നു കാണട്ടേ.. ഇനി പുറത്തെവിടെയെങ്കിലും കൊണ്ടുപോണമെന്നാണേലും ഞാനില്ലേ നിന്റെ കൂടെ.. നീയതുകൊണ്ട് വിഷമിയ്ക്കണ്ട കേട്ടോ..!!”””
“”..മ്മ്മ്..!!”””_ ഞാൻ ആശ്വസിപ്പിച്ചപ്പോൾ അതിനുമറുപടിയായി അവളൊന്നുമൂളി..
“”..പാർത്ഥീ.. വന്നേടാ.. വല്യച്ഛൻ വിളിയ്ക്കുന്നു..!!”””_ കല്യാണിയാൻറീടെ മോള് സ്വപ്നയുടെ കീറിവിളികേട്ട് പെട്ടെന്ന് ഫോണുംകാട്ടാക്കി ഞാൻ പുറത്തിറങ്ങി..
“”..എന്താടീ വിളിച്ചുകൂവുന്നേ..??”””
“”..ഡാ.. പെട്ടെന്നു വാ.. നിന്നോട് താഴേയ്ക്കുവരാൻ പറഞ്ഞു..!!”””_ പറഞ്ഞുകൊണ്ടാവൾ മുന്നേയോടി.. എന്താണു കാര്യമെന്നറിയാതെ പിന്നാലെ ഞാനും..
താഴെയെത്തുമ്പോൾ എല്ലാരുമെന്നെ രൂക്ഷമായി നോക്കിനില്ക്കുവാണ്.. മുത്തശ്ശിയുടെ കണ്ണൊക്കെയാകെ നിറഞ്ഞിരിപ്പുണ്ട്, അമ്മയുടേയും..
..ഈശ്വരാ.. എന്റെ കള്ളത്തരം വല്ലതും പൊളിഞ്ഞോ..?? അതിവരറിഞ്ഞിട്ടാണോ എന്നെയിങ്ങനെ നോക്കി ദഹിപ്പിയ്ക്കുന്നത്..??!!
“”..വേണു വിളിച്ചിരുന്നു..!!”””_ വല്യച്ഛൻ കടുത്തശബ്ദത്തിൽ പറഞ്ഞതും ഞാൻ നിന്നുരുകി; ഇത്രയുംനാൾ ഞാനിവരെ ചതിയ്ക്കുവായിരുന്നെന്ന് അറിഞ്ഞിട്ടുള്ള നിൽപ്പാണോ..??
ഇപ്പൊ ബോധംപോകുമെന്ന അവസ്ഥയിൽനിന്ന എന്നെ ഞെട്ടിച്ചുകൊണ്ട് വല്യച്ഛനൊന്നു ചിരിച്ചു..
ഇതുപോലത്തെ അടിപൊളി കമ്പി കഥകൾ വായിക്കാൻ www.kambi.pw ഈ സൈറ്റ് ൽ വന്നാൽ മതി ………
“”..എടാ.. അവരുടെ ബന്ധുക്കൾക്കെല്ലാം നിന്നെയങ്ങു ബോധിച്ചൂന്ന്.. പെണ്ണിനും നിന്നെമതിയെന്നാ പറഞ്ഞതെന്ന്.. ഇപ്പൊ എത്രയുംപെട്ടെന്നീ കല്യാണമങ്ങ് നടത്താമെന്നാ അവരുപറയുന്നെ.. എന്താ നിന്റഭിപ്രായം ..??”””
_തുടരും.!
❤അർജ്ജുൻ ദേവ്