ആ നിമിഷം

സർ വാങ്ക പടുക്കലാം ….

വാതിൽ അടച്ച് പാതി അഴിച്ച സാരിയിൽ പിടിച്ച്കൊണ്ട് തമിഴിൽ ആയിരുന്നു അവളുടെ സംസാരം….

സർ,
യേ സർ യോസിചിട്ടിറുക്കീങ്കെ…? വേസ്റ്റ് പണ്ട്രതുക്ക് ടൈം ഇല്ലെ സർ..
1hour മട്ടുംതാ ഇറുക്ക്….

ഈ സംസാരത്തിനിടയിൽ അവൾ അവളുടെ ഡ്രസ്സ്‌ അഴിച്ചു കഴിഞ്ഞിരുന്നു….

പൂർണ്ണനഗ്നയായി ഒരു പെൺകുട്ടി തനിക്കു മുന്നിൽ… ആ കാഴ്ച തന്നെ മരവിപ്പിക്കുന്നതായി തോന്നി. ആദ്യമായിട്ടാണ് ഇതിനൊക്കെ ഇറങ്ങി തിരിക്കുന്നത്, ഗുണ്ടൽപേട്ടെന്ന ചുവന്ന സാമ്രാജ്യത്തു ഒഴുക്കാൻ പോകുന്ന വിയർപ്പുതുള്ളികളെ ഓർത്ത് ഒരു തരം രോമാഞ്ചം ആയിരുന്നു ഇവിടെ എത്തുന്നത് വരെ. യാത്രയിൽ ഉടനീളം കാണാൻ പോകുന്ന പൂരത്തിന്റെ ആഘോഷം മനസ്സിൽ തുടികൊട്ടിയിരുന്നു…. ഹിന്ദി സംസാരിക്കുന്ന വെളുത്തു തുടുത്ത പെൺപിള്ളേർ ആയിരിക്കും കൂടുതൽ എന്ന് കൂട്ടുകാർ പറയുമ്പോൾ ഇതുവരെ ലഭിക്കാത്ത കൗമാരത്തിലെ കനവുകളിലെ ഒന്ന് സാധിച്ചെടുക്കുക്കാൻ പോകുന്നവന്റെ എല്ലാ വെപ്രാളവും എന്നിൽ ഉണ്ടായിരുന്നു..

അവിടെ എത്തുമ്പോഴും നിരത്തി നിർത്തിയിരിക്കുന്ന തരുണീമണികളിൽ ഒന്നിനെ സെലക്ട് ചെയ്യുമ്പോളും ഒരു ഉന്മാദത്തിന്റെ പരബ്രമ്മകോടിയിൽ ആയിരുന്നു ഞാൻ….
പക്ഷെ ഇതു വരെ ഊതി വീർപ്പിച്ചു കൊണ്ട് വന്ന എല്ലാ ധൈര്യവും ചോർന്നുപോയിരിക്കുന്നു. കാൽമുട്ടുകൾ പേടികൊണ്ടു പകിടകളിക്കാൻ തുടങ്ങിയിരിക്കുന്നു. വിറയ്ക്കുന്ന മേനിയിൽ അവളുടെ കൈ പതിഞ്ഞപ്പോൾ സത്യത്തിൽ ഞെട്ടിമാറുകയായിരുന്നു.

യേ സർ, ഭയന്തിട്ടീങ്കളാ.? അവൾ പുഞ്ചിരിച്ചു കൊണ്ട് എന്റെ ഷർട്ടിന്റെ ബട്ടൻസ് അഴിക്കാൻ തുടങ്ങിയിരുന്നു..
വികാരവും പേറി വന്ന എന്നിൽ നിർവികാരതയുടെ നിഴൽ പരക്കാൻ തുടങ്ങിയിരിക്കുന്നു.

വേണ്ട, അഴിക്കണ്ട എന്ന് പറഞ്ഞ് അവളുടെ കൈ തട്ടി മാറ്റി..

പിന്ന എതുക്ക് സർ വന്തേ നീങ്ക..?

നിങ്ങൾ ആദ്യം ആ ഡ്രസ്സ്‌ എല്ലാം എടുത്തിടൂ…

യേ സർ.? പിന്നെ എതുക്ക് ഇങ്ക വന്തിങ്ക..? ഉങ്കൾക്കുള്ളേ ഇറുക്കിറ എല്ലാത്തെയും ഏങ്കിട്ടെ കാട്ടറുതുക്ക് താനേ…അപ്പ്രം യേ സർ യോസിക്കറീങ്ക.? ഇങ്കെ കുടുത്ത ക്യാഷ്ക്ക് യൂസ് പന്നുങ്ക സർ ..

വേണ്ട, നിങ്ങൾ ആ ഡ്രസ്സ്‌ എടുത്തിടൂ….
പറഞ്ഞതൊക്കെ ശരിയാ, എല്ലാ ആഗ്രഹത്തോടും കൂടിയാണ് വന്നത്.. പക്ഷെ,
നിങ്ങളെ കാണുമ്പോൾ എനിക്ക് എന്റെ വീട്ടുകാരെ ആണ് ഓർമ വരുന്നത്… അവരെ പോലെ തന്നെ ഒരു പെണ്ണല്ലേ നിങ്ങളും….

ടൂർ എന്നും പറഞ്ഞ് വീട്ടിൽ നിന്നും ഇറങ്ങുമ്പോൾ അമ്മ സ്നേഹത്തോടെ ഒരു പിടി നോട്ട് കയ്യിൽ വെച്ചു തന്നിരുന്നു….. മോന് യാത്രയിൽ ഒരു ബിദ്ധിമുട്ടും ഉണ്ടാകാതിരിക്കാൻ… പക്ഷെ അവർക്കറിയില്ലാലോ മകൻ ആ ക്യാഷ് പെണ്ണുപിടിക്കാൻ ആണ് കൊടുക്കുന്നതെന്ന്..
ഒന്നും വേണ്ടായിരുന്നു… ആ അമ്മയുടെ സ്നേഹത്തെ പോലും വഞ്ചിച്ചു ഞാൻ….

സർ.. ഇങ്കെ ഇന്ത മാതിരി ഫീൽ എല്ലാ കിടയാത് സർ…, അതുക്കെല്ലാ ഇടമില്ലെ…അവൾ അഴിച്ചെറിഞ്ഞ ഡ്രസ്സെല്ലാം എടുത്തിടാൻ തുടങ്ങിയിരുന്നു.

സാരിയുടെ തലപ്പ് നേരെ ഇട്ടു ബാത്റൂമിൽ കേറി മുഖം കഴികി അവൾ തിരികെ വരുമ്പോഴും ഞാനും അതെ ഇരിപ്പിൽ തന്നെ ആയിരുന്നു…

സർ..

അവളുടെ അപ്പോഴത്തെ ആവിളി കേട്ടപ്പോൾ എന്തോ വല്ലാത്ത ഒരു സന്തോഷം ആണ് തോന്നിയത്….

തന്റെ അനിയത്തി ഏട്ടാ എന്ന് വിളിക്കുന്നത്‌ പോലെ..

ഒന്നും വേണ്ടായിരുന്നു.. എല്ലാവരേം പറഞ്ഞ് പറ്റിച്….

നിങ്ങൾ എങ്ങിനെ ഇവിടെ എത്തി..?

അവളിലേക്ക്‌ മുഖം തിരിച്ചു ചോദിച്ചപ്പോൾ മറുപടി ഒരു പുഞ്ചിരി മാത്രം ആയിരുന്നു…

എന്താ ചിരിച്ചു തള്ളിയത്….?

ഞാൻ പറയുന്ന മലയാളം മനസ്സിലാകുന്നുണ്ടോ..?

തെരിയും, എനക്ക് മലയാളം സേത്ത് 5 മൊഴികൾ നല്ലാ പുരിയും…

എന്നാ പറ, ഇയാളെങ്ങിനെ ഇവിടെ എത്തി..?
ഈ ജോലി വേണ്ടെന്നു വെച്ചൂടെ..,?

എതുക്ക് സർ..? യാരുക്കാക .? എന്ന ഇങ്കെ വിട്ടിട്ടു പോണതെ ഏ അപ്പാ താ.. വീട്ടിലെ അപ്പെല്ലാ അവളവ്‌ കഷ്ടം….അവങ്ക പസി അടക്കർത്ക്കു എന്ന ഇങ്കെ വിട്ടിട്ട്പോകുമ്പോത് എനക്ക് വയസ്സ് 14… ഇത്തനകാലമാ ഇങ്കെ താൻ വേല പൻഡ്രെ.. വീട്ടിലിരുന്ത്‌ ഇതുവരെയ്ക്കും എന്നെയാരും തേടി വരലെ സർ.. ഏൻ ഓടമ്പാലെ ശാപ്പിടുമ്പോത് ഒരു വാട്ടിയാവത് എന്ന ന്യാവകം വരാതാ സർ.?. ആനാ യാരുമേ വരലേ സർ.. ഇങ്കെ എത്തനയോ പേര് കാതകെതിറന്ത് വെളിയിൽ പോകുമ്പോത് ഏൻ നെഞ്ചിലെ വെച്ചിട്ട് പോറ നോട്ലെ തെരിയും സർ അവങ്ക എങ്കിട്ടെ ഇരുന്തു എവളവ് സന്തോഷമാ പോകിറാങ്കന്ന്…. ആനാ എനക്കുള്ളെ തുടിക്കിറ വേദന മറ്റും യാരുമേ കേക്കറുതില്ലെ സർ….

നാ ഇപ്പൊ ഇതെല്ലാ ഉങ്കൾക്കിട്ടെ സെല്ലിട്ടിറുക്കെ..ഈ ഒരു മണി നേരം മുടിയുമ്പോത് നീങ്കലും വിട്ടിട്ടു പോയിടുവീങ്ക….കൊഞ്ചനേരത്തുക്ക് അപ്പുറം ഇന്നൊരുത്തർ വന്തിടുവാര്… ഇത് താ സർ എങ്ക ഉലകം…

അവൾ നിറഞ്ഞ നിറഞ്ഞ കണ്ണുകൾ തുടച്ചു കൊണ്ട് ബാത്റൂമിലേക്കു ഓടി…

ഇതുപോലെ എത്ര ജീവിതങ്ങൾ ഇതിനുള്ളിൽ പെട്ടുപോയിട്ടുണ്ടാകും…
കുറച്ചു നേരത്തെ സുഖതിന് വേണ്ടി ചെല്ലുമ്പോൾ ആരും ചോദിക്കില്ല അവരുടെ ഉള്ളിലെ വിഷമങ്ങൾ..
സത്യമല്ലേ….?

ഒന്നും വേണ്ടായിരുന്നു….

ഇത്രയൊക്കെ കേൾക്കുമ്പോൾ അവളെ രക്ഷിക്കണം എന്നുണ്ട്.. പക്ഷെ ഒരിക്കലും സാധിക്കില്ല അവളെ ഈ ലോകത്തു നിന്നും രക്ഷിക്കാൻ.

ഒരുപാട് വിഷമത്തോടെ ഇരിക്കുമ്പോൾ മുഖം കഴുകി തുടച്ചു അവൾ അരികിൽ വന്നു….

സർ 1 hour മുടിഞ്ചിറുച്… ഫേസ് വാഷ് പണ്ണിടിങ്ക സർ..

ശരിയാണ്… എല്ലാം നടന്നവൻ പോലെ മുഖം കഴുകി സന്തോഷത്തോടെ വേണം പുറത്തുപോകാൻ… അതാണ്‌ അവിടുത്തെ നിയമം…

ഞാൻ ബാത്രൂം ലക്ഷ്യമാക്കി നടന്നു…. മുഖം കഴുകുമ്പോൾ മനസ്സിൽ ഒന്ന് മാത്രം ആയിരുന്നു, കുറ്റബോധം….

സ്നേഹത്തോടെ അമ്മ തന്നുവിട്ട പണതിന് വില നൽകാത്തതിൽ കുറ്റബോധം…
അതുപോലെ ഇനി ഒരു പെൺകുട്ടിയും ഈ തെരുവിൽ എത്തരുതേ എന്ന പ്രാർത്ഥനയും…

എല്ലാ ആഗ്രഹവും അവിടെ കഴുകി കളഞ്ഞു പുറത്തിറങ്ങുമ്പോൾ അവൾ നിറഞ്ഞ പുഞ്ചിരിയുമായി വാതിൽ തുറന്ന് പിടിച്ച് നിൽപ്പുണ്ടായിരുന്നു എനിക്ക് പുറത്തേക്കിറങ്ങാനും അടുത്ത ആൾക്കുള്ള രംഗപ്രവേശനത്തിനുമായി…

അവിടെ നിന്നും പുറത്തിറങ്ങി നടക്കുമ്പോൾ ഒന്നുടെ തിരിഞ്ഞു നോക്കാതിരിക്കാൻ കഴിഞ്ഞില്ല,

എന്നെ തന്നെ ഉറ്റുനോക്കി അവൾ ആ വാതിൽക്കൽ തന്നെ ഉണ്ടായിരുന്നു…

ആ കണ്ണുകളിൽ ഈ നരകത്തിൽ നിന്നും രക്ഷിക്കൂ എന്ന യാചന ഉണ്ടോ….

അറിയില്ല….