കഥ വായിക്കുന്നവർ ❣️ബട്ടൺ ഞെക്കി പോകുവാണേൽ സന്ദോഷം ആയേനെ 🫣.. കഴിഞ്ഞ ഭാഗം വിചാരിച്ച അത്രേം പ്രതികരണം ലഭിച്ചില്ല.. 🥲. എന്തേലും പോരായ്മകൾ ഉണ്ടേൽ പറയണം പരിഹരിക്കാൻ ആണ്…
“അയ്യോ എന്തേലും പറ്റിയോ “ഒരു കിളി നാദം കേട്ടു ഞാൻ അങ്ങോട്ട് നോനോക്കി..
(തുടരാം)….
https://pin.it/4ZEtz5t
എന്റെ സാറേ കിഴക്കൻ ഭാഗത്തു നിന്ന് അടിച്ച കാറ്റ് ഇട്ടിരുന്ന തട്ടത്തിൽ തഴുകി പോയി… ഞാൻ അവളുടെ സുന്ദരമായി മുഖത്തേക്ക് നോക്കി ഇരുന്നു പോയി…
അവളുടെ കണ്ണുകളിൽ ഒരു തിളക്കം ഞാൻ കാണുന്നുണ്ടായിരുന്നു.. ആ കണ്ണുകൾ കാണാൻ തന്നെ ഒരു ഭംഗി ആയിരുന്നു…
“ഒന്നും പറ്റിയില്ലല്ലോ അല്ലെ ” അവൾ അടുത്ത വന്നു ചോദിച്ചു.. അപ്പോഴാണ് ഞാൻ ആ നോട്ടം മാറ്റി സ്വബോധത്തിലേക്ക് തിരികെ വന്നത്…
“ഇല്ല കുഴപ്പം ഒന്നും ഇല്ല.. എന്റെ മിസ്റ്റേക്ക് ആണ്.. തനിക്ക് കുഴപ്പം ഒന്നും ഇല്ലല്ലോ “ഞാൻ അവളോട് ചോദിച്ചു..
“ഇല്ല എനിക്ക് കുഴപ്പം ഒന്നും ഇല്ല… അത്യാവശ്യം ആയിട്ട് പോകുമായിരുന്നു ഞാൻ.. എങ്കിൽ ഞാൻ പൊക്കോട്ടെ കുഴപ്പം ഒന്നും ഇല്ലല്ലോ ” അവൾ വീണ്ടും വീണ്ടും തിരക്കി കൊണ്ട് ഇരുന്നു..
“പൊക്കൊളു കുഴപ്പം ഒന്നുമില്ല ” ഞാൻ ചിരിച്ചുകൊണ്ട് ആണ് പറഞ്ഞത്.. അങ്ങനെ ഞാൻ വണ്ടിയിൽ കയറി തിരികെ വീട്ടിലേക്ക് പോയി… അങ്ങോട്ട് പോകുമ്പോ വാപ്പ പറഞ്ഞ കാര്യം ആയിരുന്നെങ്കിൽ തിരികെ വരുമ്പോ അവളുടെ മുഖം ആണ് മനസ്സിൽ..
പണ്ട് സ്കൂളിൽ വെച്ച് പ്രേമം ഉണ്ടായിരുന്നെങ്കിലും അതൊന്നും അത്ര സീരിയസ് അല്ലായിരുന്നു.. കോളേജ് ടൈമിൽ ഇതിനോടൊന്നും താല്പര്യം ഇല്ലായിരുന്നു… പക്ഷെ ഇപ്പൊ അവളുടെ മുഖം എന്റെ മനസ്സിൽ നിൽക്കുകയാണ്.. എന്തോ അവളെ വീണ്ടും കാണാൻ എന്റെ മനസ് കൊതിക്കുന്ന പോലെ.. ഇനി ഇത് പ്രേമം ആണോ?… ഇത് പ്രേമം ആണേൽ അവൾ അതിനു സമ്മതിക്കുമോ?.. അവൾ സമ്മതിച്ചാലും… എന്റെ വാപ്പാക്ക് വിഷമം ആകില്ലേ?… അങ്ങനെ കുറെ ചോദ്യങ്ങൾ എന്റെ മനസിലേക്ക് കടന്നു വന്നു.. ഇങ്ങനെ ഉള്ള കാര്യങ്ങളിൽ എനിക്ക് തീരുമാനം എടുക്കാൻ അറിയില്ലായിരുന്നു.. ഉപ്പ അങ്ങനെ ഒരു പ്രൊപോസൽ കൊണ്ട് വന്ന സ്ഥിതിക്ക് ഉമ്മാനോട് ചോദിക്കുന്നത് ശെരിയാകില്ല..
ഞാൻ നേരെ ജുനുന്റെ അടുത്തേക്ക് പോയി.. അവൻ അന്നേൽ ഫോണിൽ സംസാരിച്ചുകൊണ്ട് ഇരിക്കുകയാണ്…
“ഏത് നേരവും ഇതേ ഉള്ളൂല്ലോ.. ഓൾക്ക് വേറെ പണി ഒന്നുമില്ലേ ” ഞാൻ ചിരിച്ചുകൊണ്ട് അവനോട് ചോദിച്ചു…
“ശ് മിണ്ടല്ലേ ” എന്ന് അവന്റെ ശബ്ദം പുറത്ത് വരാത്ത രീതിയിൽ പറഞ്ഞു…
“നീ വിഷമിക്കണ്ട ഇരിക്കു.. ഇപ്പൊ ഒന്നും പറ്റിയില്ലല്ലോ.. എന്തേലും ആകുവാണേൽ നമക്ക് നോക്കാം ഞാൻ അല്ലെ പറയുന്നേ.. ഇക്ക വന്നു നിക്കുന്നു. ഞാൻ കുറച്ചു കഴിഞ്ഞ് അങ്ങോട്ട് വിളിക്കാം ” എന്ന് പറഞ്ഞു അവൻ ഫോൺ മാറ്റി വച്ചു…
“ഞാൻ വന്നത് ഒരു ബുദ്ധിമുട്ട് ആയി അല്ലെ ” ഞാൻ ബെഡ്ഡിൽ ഇരുന്നുകൊണ്ട് ചോദിച്ചു…
“ഏഹ് അതൊന്നും ഇല്ല.. സാധാരണ രാത്രി വിളിക്കുന്നതല്ലേ.. ഇതിപ്പോ എന്തോ അവളുടെ ഇത്താക്ക് എന്തോ ആക്‌സിഡന്റ്… അത് പറഞ്ഞു പേടി ആണെന്ന് പറഞ്ഞു വിളിച്ചതാണ്..” അവൻ പറഞ്ഞു…
“ഞാൻ ഒരു തീരുമാനം എടുക്കാൻ പറ്റാതെ നിക്കുകയാണ്.. അതിനെ പറ്റി നിന്നോട് ഒന്ന് ചോദിക്കാനാണ് ഞാൻ വന്നത് ” ഞാൻ അവനോട് പറഞ്ഞു.
“അതിനെന്താ ചോദിക്ക് ”
“ഞാൻ ഇന്ന് വൈകുന്നേരം പുറത്തേക്ക് പോയില്ലേ.. ഉപ്പ ഒരു പ്രൊപോസൽ കൊണ്ട് വന്നതിനു എന്ത് റിപ്ലൈ കൊടുക്കും എന്ന് ആലോചിച്ച പോകുകയായിരുന്നു.. ഞാൻ പെട്ടന്ന് ശ്രെദ്ധ വിട്ട് പോയി റോങ്ങ്‌ കേറി ഒരു വണ്ടിടെ ഫ്രണ്ടിലേക്ക് പോയി.. അവർ ഹോൺ അടിച്ചപ്പോ ആണ് ഞാൻ ശ്രദ്ധിച്ചത് പെട്ടന്ന് ബ്രേക്ക്‌ ഇട്ടപ്പോ വണ്ടി കണ്ട്രോൾ പോയി താഴെ വീണു.. ആ വണ്ടി ഓടിച്ചത് ഒരു കുട്ടി അർന്നു.. അവളെ കണ്ടപ്പോൾ എനിക്ക് ഉള്ളിൽ ഒരു ഫീൽ.. എന്താ ചെയ്യണ്ടേ എന്ന് അറിയില്ല.. നീ എന്തേലും പറഞ്ഞു താ ” ഞാൻ അവനോട് സഹായം ചോദിച്ചു…
“കുട്ടി എവിടെ ഉള്ളതാ പേര് എന്താണ് ” അവൻ എന്നോട് ചോദിച്ചു..
“അതിനെ കുറിച്ചൊന്നും എന്നിക്ക് ഒരു അറിവും ഇല്ല.. ഉപ്പാടെ ഇങ്ങനെ ഒരു പ്രശ്നം ഉള്ളപ്പോ ഞാൻ ഓളെ എങ്ങനെ ഇഷ്ടപെടും.. പക്ഷെ മനസ് ഇഷ്ടപ്പെടാതെ ഇരിക്കാൻ സമ്മതിക്കുന്നുമില്ല…ഞാൻ എന്ത് ചെയ്യും.” ഞാൻ അവനോട് ചോദിച്ചു..
“നമ്മക്ക് നോക്കാം.. ആദ്യം ഈ കുട്ടിനെ കണ്ട് പിടിക്കാൻ നോക്ക് എന്നിട്ട് തീരുമാനിക്കാം ” അവൻ എന്നോട് പറഞ്ഞു ഞാൻ അത് അനുസരിച്ചു..
“അപ്പൊ അങ്ങനെ തന്നെ ചെയ്യാം അല്ലേ ” ഞാൻ അവനോട് ചോദിച്ചു..
“ആ ” അവൻ പറഞ്ഞു
” എങ്കിൽ നീ ഓളെ വിളിച്ച സമാധാനിപ്പിക്കു ” എന്നു പറഞ്ഞു ഞാൻ തിരികെ നടന്നു
രാത്രി ആയപ്പോൾ കൈക്കു ചെറിയ വേദന തുടങ്ങി.. അത് കാര്യം ആക്കാതെ ഞാൻ കയറി കിടന്നു
.>
അങ്ങനെ ആ ദിവസം കടന്നു പോയി.. രാവിലെ എഴുന്നേറ്റപ്പോൾ ഉണ്ട് കൈ അനക്കാൻ വയ്യ…ഉമ്മയോട് വീണ കാര്യം പറഞ്ഞിരുന്നു പക്ഷെ ഞാൻ തനിയെ വീണതാണ് എന്നാണ് പറഞ്ഞത്..ഇന്നലെ വീഴുമ്പോൾ കൈ കുത്തി ആണ് വീണത് അതിന്റെ ആകും.. വെച്ച് താമസിപ്പിക്കാതെ ഞാൻ ജുനുനെ വിളിച്ചു നേരെ ഹോസ്പിറ്റലിൽ പോയി.. X ray എടുത്ത് നോക്കി കൈക്കു ചെറിയ പൊട്ടൽ ഇണ്ട്.. പ്ലാസ്റ്റർ ഇടനായി ഞങ്ങൾ ഡ്രസ്സിങ് റൂമിലേക്ക് പോയി.. ആ റൂമിൽ അപ്പോൾ ആരും ഉണ്ടായിരുന്നില്ല.. ഞാൻ അവിടെ കുറച്ചു നേരം ഇരുന്നു….അപ്പോൾ രണ്ട് പേരുടെ സംസാരം കേൾക്കുന്നു ഞാൻ ഡോറിന്റെ ഭാഗത്തേക്ക്‌ നോക്കി.. ആദ്യം ഒരാൾ തിരിഞ്ഞു നോക്കി സംസാരിച്ചുകൊണ്ട് വന്നു.. പുറകെ വന്ന ആളെ കണ്ട് ഞാൻ വീണ്ടും ഹാപ്പി ആയി അത് ഇന്നലെ കണ്ട ആ പെണ്ണ് തന്നെ ആയിരുന്നു..
അവൾ സംസാരത്തിനിടയിൽ എന്നെ ഒന്ന് നോക്കി… വീണ്ടും സംസാരം തുടർന്ന്.. പെട്ടന്ന് എന്നെ മനസിലായി അവളുടെ മുഖം വല്ലാണ്ട് ആയി…
അവൾ എന്റെ അടുത്തേക്ക് ഓടി വന്നു..
“എന്ത് പറ്റി ” അവൾ വേവലാതിയോടെ എന്നോട് ചോദിച്ചു…
“കൈക്കു ചെറിയ പൊട്ടൽ ഇണ്ട്.. ഇന്നലെ വീണപ്പോൾ കൈ കുത്തി ആണ് വീണത് ” ഞാൻ പറഞ്ഞു..
എന്നിട്ട് ഞാൻ ജുനു നെ നോക്കി ഇത് ആണ് അവൾ എന്ന് കണ്ണ് കൊണ്ട് കാണിച്ചു…
” വേദന ഉണ്ടോ ” അവളുടെ മുഖം വല്ലാണ്ട് ആയി ചോദിച്ചു..
” ഏഹ്ഹ് ഇന്നലെ രാത്രി കുറച്ചു ഉണ്ടായിരുന്നു ഇപ്പൊ കുഴപ്പം ഒന്നും ഇല്ല ” ഞാൻ വേദന ഉണ്ടെങ്കിലും അവൾക്ക് വിഷമം ആകേണ്ട് ഇരിക്കാൻ പറഞ്ഞു…
അവൾ വേഗം തന്നെ പ്ലാസ്റ്റർ ഇടാൻ ഉള്ള കാര്യങ്ങൾ തുടങ്ങി.. മുഖത്ത് ഇപ്പോഴും ആ ഒരു വിഷമം കാണാൻ ഉണ്ട്..
“എന്താ തന്റെ പേര് ” പ്ലാസ്റ്റർ ഇട്ടുകൊണ്ട് ഇരുന്നപ്പോൾ ഞാൻ ചോദിച്ചു..
“സുലൈഖ.. ഇക്കാടെയോ ” അവൾ ചോദിച്ചു..
“ഹൈഫ്…. എടൊ എന്റെ മിസ്റ്റേക്ക് ആണ് അതിനു താൻ എന്തിനാ വിഷമിക്കുന്നെ..” ഞാൻ അവളോട് ചോദിച്ചു..
“ഇപ്പൊ ഇങ്ങക്ക് ഇത് ഉണ്ടായതിന് ഞാൻ കൂടെ ഉത്തരവാദി അല്ല അത് ഓർക്കുമ്പോ വിഷമം ആകുന്നു..”അവൾ പറഞ്ഞു.. വളരെ നിഷ്കളങ്കമായ മുഖവും സംസാരവും.. ജുനു കാൾ വന്നു പുറത്തേക്ക് പോയി..മറ്റേ സിസ്റ്ററും പുറത്തേക്ക് പോയി..
“ഇങ്ങൾ കുറച്ചു കാലം പുറത്ത് അല്ലായിരുന്നോ ” അവൾ ഒരു ചെറു നാണത്തോടെ ചോദിച്ചു..
“അതെ.. ഇയ്യാൾക്ക് എങ്ങനെ അറിയാ”ഞാൻ സംശയത്തോടെ ചോദിച്ചു
“അതൊക്കെ അറിയാം ” അവൾ കുറച്ചു ജാട ഇട്ടു സംസാരിച്ചു…
“ജാട ഇടാതെ കാര്യം പറയെടോ ” ഞാൻ കുറച്ചു സീരിയസ് ആയി…
“ഇങ്ങൾ പഠിച്ച കോളേജിനും അടുത്തുള്ള ഒരു കോളേജിനും ഒരു ബസ്സ്റ്റോപ്പ് അല്ലെ ഉള്ളു.. ഇങ്ങൾ പെൺപിള്ളേരെ നോക്കുല്ലായിരിക്കാം ബട്ട്‌ അവർ നിങ്ങളെ നോക്കിക്കൂടാ എന്ന് ഇല്ലല്ലോ ” അവൾ എന്തൊക്കെയോ പറഞ്ഞു..
“എന്തൊക്കെയാ ഈ പറയണേ എനിക്ക് ഒന്നും അങ്ങോട്ട് മനസിലാകുന്നില്ല “ഞാൻ എന്റെ സംശയത്തോടെ അവളോട് ചോദിച്ചു..
“എന്റെ മാഷേ.. അവിടെ നിന്ന കുറച്ചു പിള്ളേരുടെ ക്രഷ് ആണ് താൻ.. “അവൾ പറഞ്ഞു..
“എന്റെയും “അത് അവൾ വളരെ ശബ്ദം കുറച്ച് ആണ് പറഞ്ഞത്…
“”ഏഹ്ഹ് “”ഞാൻ പെട്ടന്ന് അങ്ങനെ കേട്ട ഷോക്കിൽ അവളുടെ മുഖത്തേക്ക് നോക്കി അവൾ തല താഴ്ത്തി വെച്ചേക്കുകയാണ്.. പെട്ടന്ന് അങ്ങോട്ട് അങ്ങു തിരിഞ്ഞു.. എന്നെ നോക്കാൻ ഉള്ള ബുദ്ധിമുട്ട് കൊണ്ട് ആകും..
“എന്താ താൻ ഇപ്പൊ പറഞ്ഞത് “” ഞാൻ കേട്ടത് ശെരി ആണോ എന്ന് അറിയാൻ ഒന്നുകൂടെ ചോദിച്ചു..
“അതെ എനിക്ക് നിങ്ങളോട് ഒരു ഇഷ്ടം ഉണ്ടായിരുന്നു.. വല്ലാത്ത ഒരു ഇഷ്ടം ആയിരുന്നു.. ആരോടും പറഞ്ഞിട്ട് ഒന്നും ഇല്ല.. നിങ്ങളെ കുറിച് ഒക്കെ ഞാൻ അറിയുന്നുണ്ടായിരുന്നു.. “”
“ഇപ്പോഴും ആ ഇഷ്ടം ഉണ്ടോ ” എന്റെ നെഞ്ചിനുണ്ണിൽ ബുള്ളറ്റ് ന്റെ ശബ്ദത്തിൽ ആയിരുന്നു ഹൃദയം ഇടിപ്പ്..
“അതിപ്പോ… ഉ….. പറഞ്ഞു തീരുന്നെന്നു മുന്നേ മറ്റേ സിസ്റ്റർ ഉള്ളിലേക്ക് വന്നു… അപ്പോഴേക്ക് അവൾ പറഞ്ഞു നിർത്തി… അവൾ പ്ലാസ്റ്റർ ഒക്കെ ഇട്ടു സെറ്റ് ആക്കി തന്നു…. എന്നിട്ട് ഒരു പേപ്പറിൽ എന്തോ എഴുതി ചുരുട്ടി മറ്റേ സിസ്റ്റർ കാണാതെ എന്റെ കയ്യിലേക്ക് തന്നു… എന്നിട്ട് ഫോൺ വിളിക്കാൻ കൈ കൊണ്ട് കാണിച്ചു..
എന്റെ സന്ദോഷതിന് അതിരില്ലായിരുന്നു… എന്റെ മുഖത്തെ സന്ദോഷം കണ്ട് ജുനു എന്റെ അടുത്തേക്ക് വന്നു…
“എന്താ മോനെ മുഖത്ത് വല്ലാത്ത ഒരു സന്ദോഷം.. ഓ കുട്ടിനെ വീണ്ടും കണ്ടത് ആകും അല്ലെ ” അവൻ ഒരു ആക്കി ചിരി ചിരിച്ചുകൊണ്ട് പോയി..
ഞാൻ അവന്റെ തോളിൽ തട്ടി മുൻപിലേക്ക് പറഞ്ഞു വിട്ടു.. അവൻ പോയി വണ്ടി എടുത്തു.. എങ്ങനെ എങ്കിലും വീട്ടിലേക്ക് ചെന്ന മതിയായിരുന്നു എന്ന് ആയിരുന്നു എനിക്ക്.. പകുതിക്ക് വെച്ച് സ്റ്റോപ്പ്‌ ആയത് വാക്കി കൂടെ അറിയാൻ ഉണ്ട്…. അങ്ങനെ ഞാൻ വീട് എത്തുന്നത് വരെ ഓരോരോ കാര്യങ്ങൾ ഇങ്ങനെ ആലോചിച്ചുകൊണ്ട് ഇരുന്നു…
വീട്ടിൽ കേറിയതും ആകെ സെന്റി ആണ് ഉമ്മാ വന്നു കെട്ടിപിടിച്ചു കരയുന്ന ഉപ്പ അവിടെ വിഷമിച്ച ഇരിക്കുന്ന അങ്ങനെ അവിടെ കൂടെ കുറച്ച് നേരം ഇരുന്നു..
ഉപ്പ പറഞ്ഞ കാര്യങ്ങളും ആ കുട്ടിയുടെ കാര്യവും ഞാൻ അപ്പോഴാണ് ആലോചിച്ചത്… ഞാൻ സുലൈഖായുടെ കാര്യം ഇവിടെ പറഞ്ഞാലും ഇങ്ങനെ ഒരു സാഹചര്യത്തിൽ ഇവർ സമ്മതിക്കുമെന്ന് തോന്നുന്നില്ല.. എന്ത് ചെയ്യാണം എന്ന് അറിയാതെ ഞാൻ വല്ലാത്ത ഒരു ആശയകുഴപ്പത്തിൽ ആയി…
കുറച്ച് നേരം അവിടെ ഇരുന്നു അവരുടെ കൂടെ സംസാരിച്ചിട്ട്.. ഞാൻ റൂമിലേക്ക് പോയി.. അവൾ തന്നാ ആ ഒരു നമ്പറിലേക്ക് വിളിച്ചു.. റിങ് ചെയ്യുന്നുണ്ട് എടുക്കുന്നില്ല.. രണ്ട് തവണ കൂടെ വിളിച്ചു എടുക്കുന്നില്ല…ഞാൻ കുറച്ചുനേരം അങ്ങനെ തന്നെ കിടന്നു കുറച്ചു കഴിഞ്ഞപ്പോൾ ഫോൺ റിംഗ് ചെയ്തു.. ഞാൻ എടുത്തു നോക്കി അവളുടെ നമ്പർ ആയിരുന്നു.. ഞാൻ ഒരു നിമിഷം പോലും താമസിപ്പിക്കാതെ കോൾ അറ്റൻഡ് ചെയ്തു…
” ഹലോ ആരാണ് ” അവളുടെ കിളിനാദം പോലുള്ള സൗണ്ട് കൊണ്ട് അവൾ ചോദിച്ചു…
” നമ്പർ തന്നെ വിളിക്കാൻ പറഞ്ഞിട്ട് ആരാണെന്ന് ചോദിക്കുന്നോ?? ” ഞാൻ തമാശ ആയിട്ട് ചോദിച്ചു..
“ഓഹ് സോറി സോറി അറിഞ്ഞില്ല ” അവൾ പറഞ്ഞു
” അത് പോട്ടെ എന്താണ് പറഞ്ഞുവന്നത് ” ഞാൻ ചോദിച്ചു
“എന്തു പറഞ്ഞു ” അവൾ ഒന്നും അറിയാത്ത രീതിയിൽ എന്നോട് ചോദിച്ചു
” അല്ല ഞാൻ ചോദിച്ചതിനു ഉത്തരം തന്നില്ലല്ലോ എന്തോ പറഞ്ഞു വന്നപ്പോഴാണല്ലോ മറ്റേ സിസ്റ്റർ കയറി വന്നത് ” ഞാനൊന്നും കൂടെ വിശദീകരിച്ചു കൊടുത്തു
” അതാണോ അത്….. കുറച്ചു കാര്യം എനിക്ക് സംസാരിക്കാനുണ്ടായിരുന്നു” അവൾ പറഞ്ഞു…
“ഓക്കേ ഫ്രീ ആകുമ്പോൾ വിളിച്ചാൽ മതി” ഞാൻ അവളോട് പറഞ്ഞു…
” അത് പറയാൻ ഒന്നുമില്ല എനിക്ക് ഇപ്പോഴും ഇഷ്ടമായിരുന്നു പക്ഷേ.. എന്റെ ഉപ്പ എനിക്ക് ഒരു കല്യാണ ആലോചന കൊണ്ടുവന്നിട്ടുണ്ട്… അതുകൊണ്ട് ഇത് തുടരാൻ എന്റെ മനസ്സ് സമ്മതിക്കുന്നില്ല” അവൾ മടിച്ചു പറഞ്ഞു…
ആഗ്രഹിച്ച ഒന്ന് നഷ്ടപ്പെടുന്നതിന്റെ വേദന എന്തെന്ന് ഞാൻ അറിഞ്ഞു കൊണ്ടിരിക്കുകയായിരുന്നു…
ഞാൻ കുറച്ചു നേരം ഒന്നും മിണ്ടിയില്ല…
” ഹലോ.. എന്താ ഒന്നും മിണ്ടാത്തത്.. ” അവൾ ചോദിച്ചു…
ഞാൻ വേഗം കാൾ കട്ട്‌ ചെയ്തു… എന്താണെന്ന് അറിയില്ല അങ്ങനെ ചെയ്യാനാണ് എനിക്ക് തോന്നിയത്…
അവൾ പിന്നീട് രണ്ട് തവണ വിളിച്ചെങ്കിലും ഞാൻ എടുക്കാൻ കൂട്ടാക്കിയില്ല… ഞാൻ ജുനു നോട്‌ കാര്യം പറഞ്ഞു..അവൻ പറഞ്ഞു ഉപ്പ പറഞ്ഞ കാര്യം തന്നെ നമുക്ക് പോയി നോക്കാം ആ പെണ്ണിനെ പോയി കാണാം എന്ന് അവൻ പറഞ്ഞു… അങ്ങനെ മറ്റു ചിന്തകൾ എല്ലാം ഉപേക്ഷിച്ച് ഞാൻ ഉപ്പയോട് സംസാരിക്കാനായി പോയി…
അങ്ങനെ നിസ്കാരം കഴിഞ്ഞുവന്ന ഉപ്പാനോട് ഞാൻ സംസാരിക്കാൻ ആയി ചെന്ന്..
” ഉപ്പ കാര്യം ഞാൻ ആലോചിച്ചു… എനിക്ക് സമ്മതമാണ്.. ” ഞാൻ ഉപ്പാടെ കൈ ചേർത്തുപിടിച്ചുകൊണ്ട് പറഞ്ഞു..
” എടുത്തുചാടി ഒരു തീരുമാനം എടുക്കുകയൊന്നും വേണ്ട നമുക്ക് അവിടെ പോയി കാണാം.. കണ്ടു കഴിഞ്ഞു ഒരു തീരുമാനം എടുത്താൽ മതി ” ഉപ്പ എന്നോട് പറഞ്ഞു..
” എന്തായാലും കൈ ശരിയായിട്ട് നമുക്ക് കാണാൻ പോകാം”ഉപ്പ പറഞ്ഞു.. പിന്നീട് കുറച്ച് നേരം നിശബ്ദം ആയിരുന്നു.. ഉപ്പ ഏകാന്തത ആഗ്രഹിക്കുന്നത് പോലെ എനിക്ക് തോന്നി ഞാൻ കുറച്ചു അവിടെ നിന്ന് മാറി ഇരുന്നു..
അങ്ങനെ രണ്ട് ദിവസം കടന്നു പോയി.. സാധാരണ പോലെ തന്നെ കടന്ന് പൊക്കൊണ്ടിരുന്നു.. അങ്ങനെ ഇരിക്കുമ്പോൾ വാട്സ്ആപ്പ് ഒരു മെസ്സേജ് വന്നു ഞാൻ എടുത്തു നോക്കി
“എന്നോട് ദേഷ്യം ആണോ ” സുലൈഖ ആയിരുന്നു…
“ദേഷ്യം ഒന്നും ഇല്ല..” ഞാൻ ഒരു താല്പര്യമില്ലാത്ത രീതിയിൽ മെസ്സേജ് അയച്ചു
” പിന്നെന്താ പിന്നെ വിളിച്ചപ്പോൾ കോൾ എടുക്കാഞ്ഞത്.. ” അവൾ ചോദിച്ചു..
“അത് പിന്നെ… മനസ് വല്ലാണ്ട് അങ്ങ് തകർന്ന് പോയി.. ഒരു നിമിഷം ഞാൻ ഒന്ന് ആഗ്രഹിച്ചു പോയി അതുകൊണ്ട് ആണ്..” ഞാൻ മറുപടി കൊടുത്തു…
“അതിനു ഇഷ്ടമല്ല എന്ന് ഒന്നും ഞാൻ പറഞ്ഞിട്ടില്ലല്ലോ.. വാപ്പ എനിക്ക് വേറെ കല്യാണം നോക്കി വെച്ചിട്ടുണ്ട്.. എന്ന് അല്ലെപറഞ്ഞിട്ടുള്ളു..” അവൾ എന്താ പറഞ്ഞു വരുന്നതെന്ന് എനിക്ക് മനസിലായില്ല…
“മനസിലായില്ല “ഞാൻ പറഞ്ഞു
“അല്ല ഒറ്റ നോട്ടത്തിൽ എന്നെ ഇഷ്ടമായോ.. എന്ത് കണ്ടിട്ടാ എന്നെ ഇഷ്ടമായെ?”അവൾ ചോദിച്ചു..
“അങ്ങനെ ചോദിച്ചാൽ അറിയില്ല കണ്ടപ്പോൾ അങ്ങ് ഇഷ്ടായി.. ലവ് അറ്റ് ഫസ്റ്റ് സൈറ്റ് എന്ന് പറയില്ലേ അത് “ഞാൻ പറഞ്ഞു..
“അപ്പൊ ഇത് പോലെ വേറെ ആരെയെങ്കിലും കണ്ട്.. ലവ് അറ്റ് ഫസ്റ്റ് സൈറ്റ് ആയാൽ.. എന്റെ കാര്യം എന്താകും ” അവൾ ചോദിച്ചു…ഇവരുടെ മനസ് മനസിലാക്കാൻ നമ്മക്ക് കഴിയുകയേ ഇല്ല എന്ന് പറയുന്നത് ശെരിയാണെന്ന് എനിക്ക് തോന്നി പോയി…
“എന്തെങ്കിലും പറയുന്നുണ്ടേൽ തെളിച്ചു പറയടോ…”ഞാൻ ശബ്ദം കടുപ്പിച്ചു പറഞ്ഞു… എനിക്ക് അല്പം ദേഷ്യം വന്നിരുന്നു…
“എന്റെ പൊന്നു മാഷേ തന്നെ എനിക്ക് ഇഷ്ടമാണെന്ന് ഇതിലും നല്ല രീതിയിൽ ഞാൻ എങ്ങനെ പറയാൻ ആണ്.. എനിക്ക് അറിയില്ലേ “… അവൾ ഒരു പ്രതേക രീതിയിൽ പറഞ്ഞു…
“ശേ… ശെരിക്കും ” ഞാൻ പറഞ്ഞത് സത്യം ആണെന്ന് മനസിലാകാത്ത രീതിയിൽ ചോദിച്ചു…
“അതെന്ന എന്നെ വിശ്വാസം ഇല്ലേ “അവൾ ചോദിച്ചു…
“വിശ്വാസം ഇല്ലാഞ്ഞിട്ട് അല്ല.. കേട്ടത് സത്യം ആണോ എന്ന് അറിയാൻ ആണ്.. അല്ല അപ്പൊ ആ കല്യാണ കാര്യമോ?” ഞാൻ ചോദിച്ചു…
” അതിനു ചെറുക്കൻ വന്നു കണ്ടത് പോലും ഇല്ല.. ഗൾഫിൽ എങ്ങണ്ടേ ആയിരുന്നു.. എന്റെ വാപ്പയും ചെറുക്കന്റെ വാപ്പയും പറഞ്ഞു വെച്ചിട്ടുണ്ട് എന്നെ ഉള്ളു.. അല്ലാതെ ഒന്നും ഇല്ല.. അത് ഞാൻ വാപ്പയോട് എന്തേലും പറഞ്ഞോളാം ചെക്കൻ വന്നു കണ്ടിട്ട് പൊക്കോട്ടെ ” അവൾ മുൻകൂട്ടി എന്തൊക്കെയോ തീരുമാനിച്ചിട്ടുണ്ട് എന്ന് അവളുടെ വാക്കുകളിൽ നിന്ന് മനസിലായി…
” ഉമ്മാ വിളിക്കുന്നുണ്ട് ഞാൻ പോയിട്ട് വരാം ” എന്ന് അവൾ ലാസ്റ്റ് മെസ്സേജ് ചെയ്തിട്ട് പോയി…
എനിക്ക് എന്താണ് ഈ സംഭവിക്കുന്ന… വീട്ടുകാരുടെ സമ്മതം ഇല്ലാണ്ട് ഇത് നടക്കില്ല.. വീട്ടുകാർ സമ്മതിക്കുകയും ഇല്ല.. എന്ത് ചെയ്യും എന്ത് ചെയ്യും… ന്തായാലും വരുന്നത് വരട്ടെ എന്ന് ഞാൻ മനസ്സിൽ വിചാരിച്ചു…
(തുടരും)….
ഇഷ്ടമായി എന്ന് പ്രേധിക്ഷിക്കുന്നു… പ്രതികരണം എന്തായാലും അറിയിക്കുക.. തെറ്റുകൾ തിരുത്താൻ ആണ്
ലൈക്‌ ചെയ്യാൻ മറക്കണ്ട