“അത്യാവശ്യം വലിയ റൂമാണല്ലോടാ..”
റൂമിൻ്റെ വലിപ്പവും സൗകര്യവും കണ്ട് ഞാൻ അഭിയോട് പറഞ്ഞു
“ശരിയാ രണ്ട് ബെഡ്ഡും ടിവിയും എസിയും എല്ലാ സെറ്റപ്പും ഉണ്ട്.. ”
അവൻ ചുറ്റുപാടും വീക്ഷിച്ച് എനിക്ക് മറുപടി തന്നു
” അപ്പൊ ബില്ലിൻ്റെ കാര്യത്തിൽ ഒരു തീരുമാനം ആകും.. ”
ചിരിച്ചുകൊണ്ട് അതും പറഞ്ഞ് റൂമിലെ ഒരു കസേരയിൽ ഇരുന്ന് ഞാൻ ടിവി വെച്ചു. അവൻ തൊട്ടടുത്തുള്ള ഒരു ബെഡിലും ഇരുന്നു.. പിന്നെ കുറച്ച് നേരം എന്തൊക്കെയോ സംസാരിച്ചിരുന്നും ടിവി കണ്ടും ഞങ്ങൾ സമയം തള്ളി നീക്കി ”
” അവന്മാര് എത്തിയില്ലാല്ലോ ഒന്ന് വിളിച്ചു നോക്കട്ടെ.. ”
അതും പറഞ്ഞ് അഭി ഫോൺ എടുക്കാൻ നോക്കുന്ന കറക്റ്റ് സമയത്ത് ശ്രീഹരി ഡോർ തുറന്ന് റൂമിലേക്ക് വന്നു..
” നീ എത്തിയോ നൂറായിസ്സാ.. ”
റൂമിൽ കയറിയതും ഞാൻ അവനെ നോക്കി പറഞ്ഞു
“എന്റെ പൊന്നു മൈരേ ഉള്ള ആയുസ്സ് നീ പറഞ്ഞില്ലാണ്ടാക്കല്ലേ…”
അവൻ ഇളിച്ചുകൊണ്ടതും പറഞ്ഞ് മുഖം കഴുകാൻ വാഷ്ബേസിൻ്റെ അടുത്തേക്ക് നീങ്ങി..
” അഭി ഇവൻ എത്തിയല്ലോ എന്നാ പിന്നെ നന്ദുവിനെ വിളിച്ചുനോക്ക്.. ”
ഞാൻ അഭിയെ നോക്കി പറഞ്ഞു
” വേണ്ടടാ ഞാൻ കുറച്ചു മുന്നേ വിളിച്ചായിരുന്നു അവൻ ഇപ്പോ എത്തും… ”
എന്നെ നോക്കി അതും പറഞ്ഞ് ശ്രീ അഭിയുടെ തൊട്ടടുത്തിരുന്നു..
പിന്നെയും സമയം എന്തൊക്കെയോ പറഞ്ഞു തള്ളി നീക്കി.. അല്ലേലും വീട്ടിൽ ഒറ്റയ്ക്ക് ഇരിക്കുന്നതിനേക്കാൾ കൂടുതൽ നല്ലത് പണ്ടത്തെ ഓരോ കാര്യവും പറഞ്ഞു ഇവന്മാരോട് ഇരിക്കുന്നതാണ്.. ചെറുപ്പം മുതലേ ഞങ്ങൾ ഒരുമിച്ചായിരുന്നു പഠിച്ചത്… അതുകൊണ്ടാണ് ആ സൗഹൃദവലയം നഷ്ടപ്പെടാതിരിക്കാൻ കോളേജിലും ഒക്കെയും ഞങ്ങൾ ഒരുമിച്ച് ചേർന്നു… അങ്ങനെ പണ്ടത്തെ എന്തൊക്കെയോ പറഞ്ഞിരിക്കുമ്പോളായിരുന്നു ഡോറും തുറന്ന് നന്ദു ഉള്ളിലേക്ക് കയറി വന്നത്. ആശാൻ്റെ കയ്യിൽ ഒരു കവറൊക്കെയുണ്ട്..
” ആ വന്നോ സാറ്… കയ്യിൽ എന്താ കവറൊക്കെയുണ്ടല്ലോ… ”
റൂമിൽ കേറി വന്ന അവനോട് ഞാൻ ചോദിച്ചു.
” വല്ലതും ഞണ്ണണ്ടെ മൈരേ… അതു വാങ്ങിയതാ പിന്നെ വേറൊരു സാധനം കൂടി വാങ്ങി…”
കയ്യിലിരിക്കുന്ന കവറിൽ നിന്ന് 750ml പെപ്സി കുപ്പി കാണിച്ചവൻ പറഞ്ഞു…
” ഇതെന്നതാ മൈരെ പെപ്സിയോ ഇതാണോ ഇത്ര വലിയ സംഭവം.. ”
ശ്രീ ഇവനിതെന്തു പറ്റി എന്ന രീതിയിൽ അവനോട് ചോദിച്ചു..
” എടാ മരപൊട്ടാ ഞാനെന്താ നീയാണോ… ഇത് അയിന് പെപ്സി മാത്രമല്ല…വരുന്ന വഴിക്ക് ഞാൻ ഒരു ഓൾഡ് മോങ്ക് വാങ്ങി ഇതിൽ മിക്ക്സ്സാക്കിയതാ… ”
ഇതൊക്കെ എന്ത് എന്നുള്ള മുഖഭാവത്തോടെ ചിരിച്ചുകൊണ്ട് അവനതിന് മറുപടി പറഞ്ഞു…
” ടാ ഇവിടെ കിടന്ന് വെള്ളം അടിക്കാൻ ആണോ നിൻ്റെയൊക്കെ പ്ലാൻ.
. ”
അവൻ്റെ മറുപടി കേട്ടതും കസേരയിൽ നിന്ന് എണീറ്റ് അവനോട് ഞാൻ ചോദിച്ചു..
“ആ തന്നെ… അതിനിപ്പോ എന്താ കുഴപ്പം… ”
ഇവനിതെന്തു പറ്റി എന്നുള്ള രീതിയിൽ അവൻ എന്നെ നോക്കി മറുപടി പറഞ്ഞു
” ഒരു കുഴപ്പവുമില്ല ചക്കരേ… ഗ്ലാസ്സുണ്ടോ… ”
ചിരിച്ചുകൊണ്ടതും പറഞ്ഞ് ഞാൻ അവൻ്റെ കയ്യിൽ നിന്ന് കുപ്പി പിടിച്ചുവാങ്ങി…
” അങ്ങനെ പറ മൈരേ ഞാങ്കരുതി നീ പെട്ടെന്ന് പുണ്യാളനായോന്ന്… പിന്നെ ഗ്ലാസ്സും അച്ചാറും ഒക്കെയായി വരാൻ നമ്മൾ ബാറിലോ കോളേജിലോ ഒന്നുമല്ലന്ന് മോൻ ഓർക്കണം… കുപ്പിയിൽ മിക്സ് ആക്കി അല്ലേ ഉള്ളേ… ഫുഡ് കഴിക്കുമ്പോൾ അതിൽ നിന്ന് മോന്തിയാ മതി… ”
അതും പറഞ്ഞ് അവൻ നിലത്തിരുന്ന് ഫുഡിൻ്റെ കവർ തുറന്നു.. അങ്ങനെ ഞങ്ങള് നാലും കൂടി വട്ടത്തിലിരുന്ന് ഫുഡും അവൻ മിക്സ് ആക്കി കൊണ്ടുവന്ന സാധനവും അടിച്ചു തുടങ്ങി…
” ഡാ അവന് ഫുഡ് ബാക്കി വെക്കണ്ടേ… കുറച്ച് കഴിഞ്ഞാ അവനെ റൂമിൽ കൊണ്ടുവരില്ലേ… ”
കഴിച്ചുകൊണ്ടിരിക്കുമ്പോൾ ശ്രീ ഞങ്ങളെ നോക്കി ചോദിച്ചു
” അവൻ ഒന്നും ഇപ്പോൾ കൊടുക്കാൻ പറ്റത്തില്ല.. നാളയെ ഭക്ഷണം എന്തെങ്കിലും കൊടുക്കാൻ പറ്റൂ.. നേരത്തെ ഒരു നേഴ്സ് പറഞ്ഞായിരുന്നു… ”
അഭി അതിന് മറുപടി നൽകി
” എന്നാ പിന്നെ കുറച്ച് സാധനം ബാക്കി വെച്ചാലോ… ”
ചോദ്യഭാവത്തിൽ ശ്രീ ഞങ്ങളെ നോക്കി പിന്നേം ചോദിച്ചു..
” മൈരേ നീ പൊട്ടനാണോ… അതോ അഭിനയിക്കുവാണോ… സർജറിക്കു വേണ്ടി മെഡിസിൻ ഒക്കെ എടുത്തതാണ് അവൻ… അതിൻ്റെ പുറത്ത് സാധനം കൂടി കൊടുത്ത് അവനെ നീ കൊല്ലിക്കുവോ…”
അതും പറഞ്ഞ് ഞാനും ബാക്കി രണ്ടും അവനെ നോക്കി ചിരിക്കാൻ തുടങ്ങി…
” അങ്ങനെയൊക്കെ ഉണ്ടോ… ഈ സമയത്ത് കുടിക്കാൻ പാടില്ലേ…
എനിക്കറിയില്ല ഞങ്ങൾ സയൻസ് ഒന്നുമല്ലേ പഠിച്ചേ… ”
മൂഞ്ചിയത് പുറത്തുകാണിക്കാതെ അവൻ പറഞ്ഞു..
” എന്നാ അങ്ങനെക്കെയുണ്ട്… അതു മനസ്സിലാക്കാൻ ഇയാള് സയൻസ് പഠിക്കുകയൊന്നും വേണ്ട സാമാന്യബുദ്ധി മതി…. അല്ല ഞാൻ ഇത് ആരോടാ പറയുന്നേ… ”
അതുകൂടി പറഞ്ഞ് ഞാൻ പൊട്ടിചിരിക്കാൻ തൊടങ്ങി… അവന്മാരും എൻ്റെ ഒപ്പം കൂടിയതോടെ ശ്രീ സൈഡായി…
പിന്നെ അവനെയും കളിയാക്കി ഫുഡും സാധനവും ഒക്കെ അങ്ങ് കഴിച്ച് കയ്യും കഴുകി ഇരിക്കുംമ്പോൾ നന്ദുവിനെ നോക്കി ഞാൻ പറഞ്ഞു.
” എന്തായാലും നീ സാധനം കൊണ്ടുവന്നത് നന്നായി… ഇപ്പോ ആ തലപെരുപ്പൊക്കെ കുറച്ച് കുറഞ്ഞിട്ടുണ്ട്… ”
” അതാണ്… എല്ലാവരുടേയും ടെൻഷൻ ഒക്കെ കുറഞ്ഞില്ലേ… ഈ പ്രായത്തിൽ ടെൻഷൻ അടിക്കാൻ പാടില്ല… ”
അവൻ ചിരിച്ചുകൊണ്ട് മറുപടി നൽകി..
” ഇവൻ ഇപ്പൊ ഇച്ചിരി പക്വത ഒക്കെ വന്ന പോലെ തോന്നുന്നുണ്ടല്ലോ… ”
സാധനം അടിച്ച് കുറച്ച് സമാധാനം കിട്ടിയോണ്ടും അവൻ്റെ സംസാരം കേട്ടുതുകൊണ്ടും അവനെ ഒന്ന് പൊക്കി ഞാൻ അവന്മാര് രണ്ടിനേയും നോക്കി പറഞ്ഞു..
” ഏറെക്കുറെ എനിക്കും തോന്നി… ”
ശ്രീയും എൻ്റെ അഭിപ്രായത്തോട് യോജിച്ചു.. അഭിയും അതിന് തലകുലുക്കി… നന്ദു ഇതൊക്കെ കേട്ട് അവൻ്റെ തല ഇപ്പൊ സീലിംഗ് തട്ടുമെന്ന നിലയിലായി…
” നിങ്ങൾക്കും തോന്നിയല്ലേടാ… എനിക്ക് അത് പണ്ടേ തോന്നി. എന്നിട്ടും എൻ്റെ തന്തക്ക് അത് തോന്നുന്നില്ലല്ലോ… എനിക്കൊരു പെണ്ണൊക്കെ അങ്ങേർക്ക് ആലോചിച്ചൂടെ… ”
കാര്യം അവനെ സുഖിപ്പിക്കാൻ പറഞ്ഞതാണെങ്കിലും ആശാന് അത് ഇഷ്ടപ്പെട്ടതുകൊണ്ടായിരിക്കണം ഇങ്ങനെ പറഞ്ഞത്..
” എന്നിട്ട് നിനക്കും പെണ്ണിനും അങ്ങേര് ചെലവിന് തരണമായിരിക്കും… ”
അവനെ നോക്കി ശ്രീ ചോദിച്ചു
” തൽകാലം എനിക്ക് ജോലി ഒന്നുമില്ലല്ലോ പഠിക്കുന്നല്ലേ അപ്പൊ അങ്ങനെയല്ലേ കാര്യങ്ങൾ… അതുകൊണ്ട് പുള്ളിക്കാരനത് ചെയ്യണ്ടേ… ”
അവൻ ചോദ്യഭാവത്തിൽ അത് പറഞ്ഞപ്പോൾ റൂമിൽ ഞാനും ബാക്കി രണ്ടും തമ്മിൽ പൊട്ടിച്ചിരിയുടെ മത്സരമായിരുന്നു….
” നിനക്ക് ചെലവിന് തരുന്നത് തന്നേ അങ്ങേർക്ക് നഷ്ട കച്ചോടാ… അപ്പോഴാ അവൻ്റെ പൊണ്ടാട്ടിക്കും കൂടി… ഒരോരു സ്വപ്നങ്ങളേ… ”
ചിരി ഒന്നടങ്ങിയ സമയത്ത് അഭി അതും കൂടി പറഞ്ഞപ്പോൾ പിന്നെ പറയണോ…ചിരിച്ച് കണ്ണീര് വരെ വന്നു തുടങ്ങി… അങ്ങനെ ശ്രീക്ക് ശേഷം രണ്ടാമത്തെ ബഹിരാകാശ വിസ നന്ദുവിന് ഞങ്ങൾ നൽകി…
പിന്നെയും സമയം ഒരുപാട് പണ്ടത്തെ ഓരോ കാര്യങ്ങളും പറഞ്ഞ് തള്ളിനീക്കി… കുറച്ച് കഴിഞ്ഞപ്പോൾ ഡോറിന് ഒരു മുട്ട് കേട്ടു..
” അവനെ കൊണ്ടു വന്നതായിരിക്കും… ”
പാൻ്റിൻ്റെ പോക്കറ്റിൽ നിന്നും പോക്കറ്റ് സ്പ്രേ എടുത്ത് മുഖത്ത് ചെറുതായിട്ട് ഒന്നടിച്ച് നന്ദുവിനത് കൊടുത്ത് അടിച്ചോ സമെല്ല് വരണ്ടാന്ന് പറഞ്ഞ് ഞാൻ ഡോർ തുറന്നു…ഡോറ് തുറക്കണ്ട താമസം
രണ്ട് നഴ്സുമാര് ഞങ്ങടെ റൈഡർ ചങ്ക് തെണ്ടിയേയും കൊണ്ട് ഉള്ളിലേക്ക് കയറി… ആശാന് ബോധം ഒക്കെയുണ്ട് പക്ഷേ എന്താ ചുറ്റും നടക്കുന്നേന്ന് വലിയ ധാരണ ഇല്ലാന്ന് തോന്നുന്നു ഞങ്ങളെ മാറി മാറി നോക്കുന്നുണ്ട്… കട്ടിലിൻ്റെ ബാക്കി സെറ്റപ്പൊക്കെ സെറ്റ് ചെയ്തതിനുശേഷം അതിലൊരു നേഴ്സ് വന്ന് ഒരു ഗ്ലൂക്കോസും അവൻ്റെ കൈയിൽ കേറ്റി അതും തൂക്കിയിട്ട് അവര് രണ്ടുപേരും യാത്രപറഞ്ഞ് പോയതും റൈഡർ സാർ മൊഴിഞ്ഞു…
” ഡാ ഞാൻ ഇത് എവിടാ… എനിക്കെന്താ പറ്റിയെ… ”
അതും പറഞ്ഞ് ഞങ്ങളെ മാറി മാറി അവൻ നോക്കാൻ തുടങ്ങി…
” പട്ടായേല് ഒരു കിടപ്പ് ചികിത്സയ്ക്ക് വന്നതാ… എന്ത്യേ… ”
കൊടുത്തു ഞാനാ പന്നിക്കൊരു മറുപടി…
” കളിയാക്കാതെ കാര്യം പറ മൈരേ… ”
അവൻ എന്നെ നോക്കി കനത്തിൽ പറഞ്ഞു
” മിണ്ടരുത് മൈരേ വെള്ളോം അടിച്ച് വണ്ടീം കൊണ്ട് പറന്നപ്പൊ വീണതാണെന്ന് നിനക്കിപ്പോ പ്രത്യേകിച്ച് പറഞ്ഞുതരണോ… ”
ഞാൻ പറയാൻ പോയത് എനിക്ക് മുന്നേ ശ്രീ പറഞ്ഞു…
” ഹേ ആണോ…. എന്നിട്ട് എനിക്ക് എന്തൊക്കെയാ പറ്റിയേ… ഞാനിനി എണീക്വോ ഷാജിയേട്ടാ… ”
ആടിലെ സിനിമ ഡയലോഗും പറഞ്ഞവനെന്നെ തോണ്ടികൊണ്ട് ചോദിച്ചു…
” മിണ്ടരുത് മൈരേ… അവൻ്റെ ഒരു സിനിമാ ഡയലോഗ്… ഭാഗ്യം കൊണ്ട് ഒന്നും പറ്റിയില്ല… കാലിനു ചെറിയ സർജറിയും ചെറിയ മുറിവുകളും മാത്രേ ഉള്ളൂ… ”
അവൻ്റെ ചോദ്യത്തിനുള്ള മറുപടി ഞാനങ്ങ് കൊടുത്തു…
” ഹോ ഭാഗ്യം… മർമങ്ങൾക്കൊന്നും പറ്റിയില്ലല്ലോ… ”
അവൻ ഇളിച്ചുകൊണ്ടതും പറഞ്ഞ് തുടർന്നു
” അല്ല അമ്മയും നീതുവു ഇത് അറിഞ്ഞോ… ”
” അതിനെ പറ്റി നീ സംസാരിക്കല്ലേ നാറി… പാവം അവരുടെ കരച്ചിൽ കണ്ടാൽ ഈ കടപ്പിൽ നിന്നെ കൊല്ലാൻ തോന്നും… ”
ഇത്തവണ അഭിയായിരുന്നു മറുപടി നൽകിയത്…
” പറ്റിപ്പോയി അളിയാ അടിച്ചതും വണ്ടിയുടെ സ്പീഡും ഇച്ചിരി കുടിപ്പോയി… ”
ചിരിച്ചുകൊണ്ട് അതും പറഞ്ഞവൻ തുടർന്നു
” അല്ല എന്നിട്ട് അവര് രണ്ടുപേരും എവിടെ… ”
” ഇവിടെ ഞങ്ങൾ നിൽക്കാന്ന് പറഞ്ഞ് വൈകിട്ട് ആയപ്പോൾ ഞാനവരെ വീട്ടിലേക്ക് പറഞ്ഞുവിട്ടു… ഇവിടെ അവരെങ്ങനാ.. ”
അവൻ്റേ ചോദ്യത്തിന് ഞാൻ മറുപടി നൽകി
” അതേതായാലും നന്നായി.. എന്തായാലും നാളെയോ മറ്റന്നാളോ വീട്ടിൽ പോകാൻ പറ്റുമായിരിക്കും അല്ലേടാ… ”
എന്റെ മറുപടി കേട്ടതും അവൻ അവൻ്റെ അടുത്ത ചോദ്യവും കൊണ്ടുവന്നു…
” പിന്നെന്താ ഇപ്പൊ തന്നെ പോയാലോ… ”
കാര്യമാ പൊട്ടനെ ഊതിയതാണെങ്കിലും അതുപോലും മനസ്സിലാക്കാനുള്ള കഴിവ് അതിന് പടച്ചോൻ കൊടുത്തില്ലായിരുന്നു…അതുകൊണ്ടായിരിക്കണം നടക്കുമോന്നുള്ള ചോദ്യം അവൻ എന്നോട് തിരിച്ചു ചോദിച്ചത്…
” എടാ നാറി ചുരുങ്ങിയത് ഒരു മൂന്നാഴ്ച എങ്കിലും ഇവിടെ കിടക്കണം… നിൻ്റെ ഉള്ളിലേക്ക് ഏതാണ്ടൊക്കയോ മരുന്ന് കുത്തിവെക്കാൻ ഉണ്ട്… പിന്നെ ഫിസിയോതെറാപ്പി അതാണ് മെയിൻ… ”
ആ പൊട്ടനുള്ള മറുപടി ഇച്ചിരി കടുപ്പത്തിൽ ഞാൻ കൊടുത്തു
” ഹോ അപ്പൊ അങ്ങനെയൊക്കെയാണ് കാര്യങ്ങൾ… ഓരോ വള്ളികെട്ട്… ഏതു സമയത്താണോ എന്തോ ജ്യൂസ് കുടിക്കാൻ തോന്നിയത്… ”
കാര്യങ്ങൾ ഏതാണ്ട് മനസ്സിലായപ്പോൾ അവൻ പറഞ്ഞു…
” ആടാ തെണ്ടി അങ്ങനെയൊക്കെയാ കാര്യങ്ങൾ… ”
ശ്രീ അത് ഏറ്റുപറഞ്ഞു…
” വരാനുള്ളത് വഴിയിൽ തങ്ങില്ലല്ലോ… ഇത്രയൊക്കെയായിട്ടും നിനക്കൊന്നും പറയാനില്ലടാ നന്ദു… ”
അത്രയും സമയം മിണ്ടാതിരുന്ന നന്ദുവിനെ നോക്കി റൈഡർ സാർ ചോദിച്ചു…
” അൻ്റെ സഹായങ്ങൾക്ക് പെരുത്ത് നന്ദി നായിൻ്റെ മോനെ… ”
നല്ല ഒന്നാന്തരം ഒരു സിനിമ ഡയലോഗ് നന്ദു മറുപടിയായി കൊടുത്തതും ഞങ്ങളെല്ലാവരും പൊട്ടിച്ചിരിക്കാൻ തുടങ്ങി…
” താങ്ക്യൂ ഡാ ഞാൻ ധന്യനായി…പിന്നെ നീ കുറച്ചൂടെ അടുത്തുവന്ന് ഒന്നൂടെ എന്നെ നായിൻ്റെ മോനെന്ന് വിളിച്ചേ… ”
അടിച്ച സാധനത്തിൻ്റെ മണം ആശാന് കിട്ടിയെന്നു തോന്നുന്നു… അതാ അവൻ നന്ദുവിനോട് അങ്ങനെ പറഞ്ഞത്…
” എന്നതാ സാധനത്തിൻ്റെ സ്മെൽ ഉണ്ടോ… ”
നന്ദു അവനോട് ചോദിച്ചു
” ഉണ്ടെടാ നാറി… കൂട്ടുകാരൻ അപ്പുറത്ത് ഓപ്പറേഷൻ തിയേറ്ററിൽ കിടക്കുമ്പോൾ നിങ്ങളൊക്കെ കള്ളും കുടിച്ച് നടപ്പാണല്ലേ…അന്തസുണ്ടോ മൈരേ…അത് പോട്ടെ വല്ലതും ബാക്കിയുണ്ടോ…. ”
അതു നന്ദുവിനെ നോക്കി ചോദിച്ചു
” നാറി ഞങ്ങൾ ടെൻഷനടിച്ച് ചാവാതിരിക്കാൻ വേണ്ടി കുറച്ച് അടിച്ചതാ… പിന്നെ നിനക്ക് എങ്ങനെ തരാൻ പറ്റും നീ മെഡിസിൻ എടുക്കുന്നതല്ലേ പൊട്ടാ… ”
അതുവിൻ്റെ ചോദ്യത്തിന് ശ്രീ മറുപടി നൽകിയതും ഞാനും അഭിയും നന്ദവും ഇതാരാ പറയുന്നേന്നുള്ളർത്ഥത്തിൽ പൊട്ടിച്ചിരിക്കാൻ തുടങ്ങി… എന്നിട്ട് നേരത്തെ അവൻ പറഞ്ഞ കാര്യവും ഞാൻ അതുവിന് പറഞ്ഞുകൊടുത്തു…പിന്നെ അവനും കൂടി ചിരിക്കാൻ തുടങ്ങി അതോടെ ശ്രീ സാറിന് വീണ്ടും ആകാശങ്ങളിലേക്ക് വിസ കിട്ടി…
അങ്ങനെ കളിയാക്കലുകളും പഴയ കാര്യങ്ങളും പറഞ്ഞ് എപ്പോഴോ ഉറങ്ങി ആ രാത്രി ഞങ്ങള് തള്ളിനീക്കി….
രാവിലെ ഫോണിലെ അലാറം കേട്ടാണ് ഉറക്കത്തിൽ നിന്ന് ഞെട്ടി എഴുന്നേറ്റത്… ഫോണ് നോക്കുമ്പൊ സമയം 8: 30…ഞാൻ ചുറ്റിലും നോക്കി നാലെണ്ണവും നല്ല കിടപ്പാണ് അലാറം അടിച്ചത് അറിഞ്ഞിട്ട് പോലുമില്ല…
“എടാ നന്ദു എഴുന്നേക്കടാ… ”
തൊട്ടടുത്ത കിടന്ന നന്ദുവെ ഞാൻ കുലുക്കി വിളിച്ചു
” എന്തുവാടേ പ്രിൻസിപ്പാളാണോ… ”
അവൻ ഒന്ന് ഞെരുങ്ങി കൊണ്ട് ഉറക്കത്തിൽ പറഞ്ഞു
” പ്രിൻസിപ്പാളോ… നീ എന്തൊക്കെയാടാ ഈ പറയുന്നേ… സമയം ഒരുപാടായി എഴുന്നേക്ക്… ”
ഇവനിതെന്തു പറ്റി എന്ന നിലയിൽ ഞാൻ അവനെ കുലുക്കിക്കൊണ്ട് ഒന്നൂടി വിളിച്ചു
” ഞാൻ ക്ലാസ്സിൽ കേറുന്നില്ല നീ കേറിക്കോ എനിക്ക് ഉറക്കം വരുന്നു… ”
ഉറക്കത്തിൽ ഒന്ന് ഞെരുങ്ങികൊണ്ടവൻ വീണ്ടും പറഞ്ഞു
” ദേ പിന്നേം നോക്ക് ക്ലാസ്സോ…ഡാ ബോധം ഇല്ലാത്തവനെ നാറി എഴുന്നേക്കടാ… ”
ഇത്തവണ വിളിയോടൊപ്പം ഒരു ചവിട്ടും കൂടി വെച്ചുകൊടുത്തു ആശാൻ കട്ടിലും കടന്ന് നേരെ നിലത്ത്.. അതേതായാലും നന്നായി സാധനം ഒന്ന് കണ്ണുതുറന്നു കിട്ടി…
” എന്തുവാ മൈരേ ബാക്കിയുള്ളവനെ കിടക്കാനും സമ്മതിക്കൂലേ… നിനക്ക് ക്ലാസ്സിൽ കേറണേൽ ഒറ്റയ്ക്ക് കേറി കൂടെ… ”
കണ്ണും തിരുമ്മിക്കൊണ്ടവനത് പറഞ്ഞപ്പോൾ ഒരു കാര്യം എനിക്ക് മനസ്സിലായി കണ്ണേ തുറന്നിട്ടുള്ളൂ ബോധം വന്നിട്ടില്ല…
” നീ എന്തൊക്കെയാടാ നാറീ പറയുന്നേ ക്ലാസ്സോ… എവിടെയാ ഉള്ളതെന്ന് കണ്ണുതുറന്ന് മര്യാദയ്ക്ക് നോക്കടാ… ”
അവൻ്റെ തലക്കിട്ടൊരു കൊട്ട് കൊടുത്ത് ഞാൻ പറഞ്ഞു
” പറഞ്ഞപോലെ ഇത് ഹോസ്പിറ്റൽ ആണല്ലോ… ഞാൻ വിചാരിച്ച് നമ്മള് കോളേജിലാണെന്ന്.. അല്ല അതുപോട്ടെ നമ്മൾ ഇവിടെ എന്തിനാ വന്നേ… ”
തല ചൊറിഞ്ഞു കൊണ്ടവൻ പാതിയുറക്കത്തിൽ എന്നെ നോക്കി ചോദിച്ചു
” നിൻ്റെ അമ്മാവനെ കാണിക്കാൻ… ”
ഞാൻ ആ പന്നിയെ നോക്കി പല്ലിറുമ്മി കൊണ്ട് പറഞ്ഞു
” എന്നിട്ട് അങ്ങേരെവിടെ പോയി… ”
ബോധമില്ലാത്തവൻ സംശയം രൂപേണ എന്നെ നോക്കിയത് ചോദിച്ചപ്പോൾ പിന്നെ ഒന്നും നോക്കിയില്ല മിനറൽ ബോട്ടിലെ കുറച്ച് വെള്ളം ആ പന്നീടെ തലവഴിയങ്ങൊഴിച്ചു… അതെന്തായാലും ഏറ്റു വെള്ളമടിച്ച് ബോധമില്ലാതവൻ്റെ തലയിൽ കൂടി വെള്ളം ഒഴിച്ചാൽ ശരിയാകും എന്ന് പറയുന്നത് എന്ത് സത്യമാണ്… ആശാൻ ഏറെക്കുറെ കെട്ടൊക്കിറങ്ങി..
” എടാ നാറീ വെള്ളമടിച്ച് ബോധമില്ലാതെ കിടന്നുറങ്ങിട്ട് പിച്ചും പേയും പറയാതെ എഴുന്നേറ്റ് അവന്മാരെ വിളിയെടാ… ”
സ്ഥലകാലബോധം വന്നെന്ന് തോന്നിയപ്പോൾ ഞാൻ അവനെ നോക്കി പറഞ്ഞു
” അടിച്ചതിൻ്റെ ഹാങോവറടാ പന്നീ… അതിന് തലേകൂടി വെള്ളം ഒഴിച്ചത് എന്തിനാ ”
മുഖം തുടച്ചുകൊണ്ട് അവൻ എന്നെ നോക്കി പല്ലിറുമ്മി കൊണ്ട് പറഞ്ഞു
” അത് പിച്ചും പേയും പറയുമ്പൊ ആലോചിക്കണം… എണീറ്റ് എല്ലാത്തിനേയും വിളി ഇത് വീടല്ല ഹോസ്പിറ്റലാ സമയം ഒരുപാടായി… ഞാനൊന്നു ബാത്ത്റൂമിൽ പോയിട്ട് വരാം… ”
അതും പറഞ്ഞ് ഞാൻ ബാത്റൂമിലേക്ക് കേറി… തിരിച്ചിറങ്ങുമ്പോൾ ബാക്കി മൂന്നും ഒരു വിധം ഉറക്കം എണീറ്റിരുന്നു…
” അളിയാ രോഗിക്ക് ബെഡ് കോഫി ഒന്നുമില്ലേ… ”
ബാത്ത്റൂമീന്ന് ഇറങ്ങിവന്ന എന്നോട് അതു ചോദിച്ചു
” അളിയാ സോറി ഡാ
.. ഫ്ലഷ് ചെയ്തുപോയി നീ ആദ്യേ പറയണ്ടേ… ”
അവൻ്റെ ചോദ്യത്തിന് ഇളിച്ചുകൊണ്ട് ഞാൻ മറുപടി പറഞ്ഞു. അതുകേട്ട് ബാക്കി മൂന്നും ചിരിക്കാൻ തുടങ്ങി
” ഓ…തേച്ചതാണല്ലേ… ”
എന്റെ മറുപടി കേട്ടതും അതു ചമ്മലോടെ പറഞ്ഞു
” അല്ലപിന്നെ നിനക്ക് രാവിലെ തന്നെ ബെഡ് കോഫി കൊണ്ടതരാൻ ഞാൻ ആരാടാ നാറി നിൻ്റെ പെണ്ണുമ്പിള്ളയോ… ”
ഞാനവനെ അതും പറഞ്ഞ് കളിയാക്കി ചിരിക്കുമ്പോളായിരുന്നു ഡോറിനാരോ മുട്ടുന്നത് കേട്ടത്. ഞാൻ ചെന്ന് ഡോറ് തുറന്നു
” ആ ഗിരിജാൻ്റി ഇങ്ങെത്തിയോ…വാ അകത്തേക്കു വാ.. ”
ഡോറ് തുറന്നപ്പോ അവൻ്റെ അമ്മയെ കണ്ട് ഞാൻ പറഞ്ഞു. നീതുവും ഒപ്പമുണ്ടായിരുന്നു… രണ്ടാളും ചിരിച്ചുകൊണ്ട് അകത്തേക്ക് കയറി… ഇന്നലേ കാണാത്തതിൻ്റെ വെപ്രാളവും കരുതലും ഒക്കെ അതുവിനോട് രണ്ടുപേരും കാണിക്കുന്നുണ്ട്… ഞങ്ങൾ അതൊക്കെ നോക്കി നിന്നു…
” മക്കളെ ഉറക്കം ഒക്കെ എങ്ങനെ ഉണ്ടായിരുന്നു… ”
ഗിരിജാൻ്റി ഞങ്ങളെ നോക്കി ചോദിച്ചു
” ഇവിടെ എന്താ ആൻ്റീ സുഖമല്ലേ… ഒരു കുഴപ്പവുമില്ല അതുപോലെതന്നെ അവനും ഒരു തേങ്ങയുമില്ല… ”
കട്ടിലിൽ കിടക്കുന്നു അതുവിനെ ചൂണ്ടിക്കാണിച്ച് ഞാൻ പറഞ്ഞു
” എന്നാലും എൻ്റെ മക്കൾ എല്ലാവരും എങ്ങനാ ഇവിടെ.. മര്യാദയ്ക്ക് ഒന്ന് കണ്ണടയ്ക്കാൻ പോലും പറ്റില്ലല്ലോ… ”
ഗിരിജാൻ്റി ഉള്ളിലെ വിഷമം ഞങ്ങളെ നോക്കി പറഞ്ഞു
” പറഞ്ഞല്ലോ ഗിരിജാൻ്റി ഞങ്ങൾക്ക് ഒരു പ്രശ്നവുമില്ല… സുഖായിട്ട് ഉറങ്ങാനൊക്കെ പറ്റുന്നുണ്ട്.. ആൻ്റി വരുന്നതിനു തൊട്ടു മുന്നേ ആണ് ഞങ്ങൾ എണീറ്റതു തന്നെ ”
അഭി ആൻ്റിയെ നോക്കി ആശ്വസിപ്പിക്കാനെന്നോണം പറഞ്ഞു
” അതന്നെ ഇങ്ങള് ടെൻഷൻ അടിക്കണ്ട…. പിന്നെ ആകെയുള്ള ഒരു പ്രശ്നം ആൻ്റിയുടെ മോൻ്റെ കൂർക്കം വലിയാ… ”
ആൻ്റിയെ നോക്കി ശ്രീ അതും പറഞ്ഞപ്പോൾ അതുവൊഴികെ ബാക്കിയെല്ലാവരും ചിരിക്കാൻ തുടങ്ങി…
” നിൻ്റാമ്മാവനാ കൂർക്കംവലിക്കുന്നത് പന്നീ… ”
അതു ശ്രീയെ നോക്കി പല്ലിറുമ്മികൊണ്ട് പറഞ്ഞു..
” മോനെ ഷോ ഒന്നും വേണ്ട ആ പറഞ്ഞത് സത്യമാ… സ്പീക്കർ വിഴുങ്ങിയ പോലെയാണ് നിൻ്റെ കൂർക്കംവലി..”
നന്ദു കൂടി അതിനെ സപ്പോർട്ട് ചെയ്തു പറഞ്ഞപ്പോൾ അതു ആകെ ചമ്മി… പിന്നെ റൂമിൽ ആകെ ചിരിയായി…
” മതി മതി ചിരിച്ചത്… പല്ലുതേപ്പൊന്നും കഴിഞ്ഞിട്ടില്ലാലോ എല്ലാവരും വേഗം പല്ലുതേക്ക് ഭക്ഷണം കഴിക്കാലോ… ഞങ്ങള് കൊണ്ടുവന്നിട്ടുണ്ട് ”
ഗിരിജാൻ്റി എല്ലാവരോടുമായി പറഞ്ഞു
” അങ്ങനെ നല്ല കാര്യങ്ങൾ പറയാൻ്റീ… നല്ല വിശപ്പുണ്ട്… “
നന്ദു ആൻ്റിയെ നോക്കി ചിരിച്ചുകൊണ്ട് പറഞ്ഞു..
അങ്ങനെ പല്ലുംതേച്ച് അതുവിനെയും ബാത്റൂമിൽ പോവാനും പല്ലുതേക്കാനുമൊക്കെ സഹായിച്ചതിനുശേഷം ഞങ്ങൾക്ക് ആൻ്റിയും നീതുവും കൂടി ഭക്ഷണം എടുത്തു തന്നു…
” അല്ല നീതു നീ കോളേജ് ലീവ് ആക്കിയോ.. ”
കഴിക്കുന്നതിനിടയിൽ ഞാൻ അവളെ നോക്കി ചോദിച്ചു
” ആ അജ്ജുവേട്ടാ ഇന്ന് ലീവ് ആക്കി… ഇനി എന്തായാലും നാളെ പോവാം ”
അവൾ എൻ്റെ ചോദ്യത്തിനു ചിരിച്ചുകൊണ്ട് മറുപടി നൽകി
” അല്ല അതു പറഞ്ഞപ്പോഴാ നമുക്ക് ഇന്ന് പോണോ ”
അഭി എന്നെ നോക്കി ചോദിച്ചു
” വേണ്ട… ഇന്നെന്തായാലും പോണ്ട… നമ്മുക്കും നാളെ പോകാം.. ”
നന്ദുവാണ് അതിനു മറുപടി നൽകിയത്
” അതാ നല്ലത്… ഇവിടെ ആൻ്റിയും നീതുവും ഉണ്ടല്ലോ… നമുക്ക് വീട്ടിൽ പോയി ഫ്രഷ് ആയിട്ട് കുറച്ചു കഴിഞ്ഞ് ഇങ്ങോട്ട് വരാം എന്താ… ”
ഞാൻ അവന്മാരെ നോക്കി ചോദിച്ചു… അവന്മാർക്ക് ആ അഭിപ്രായത്തിനോടാണ് താല്പര്യം
” അപ്പൊ ആർക്കും കോളേജിൽ പോകാനും പഠിക്കാനും ഒന്നും ഉദ്ദേശമില്ല… ”
ഞങ്ങളുടെ സംസാരം കേട്ട ഗിരിജാൻ്റി ചിരിച്ചുകൊണ്ട് പറഞ്ഞു
” അതെ അമ്മേ… ഇവന്മാർക്കൊന്നും ക്ലാസ്സിൽ കയറണോന്നുള്ള വിചാരം ഒന്നുമില്ല… ”
ഗിരിജാൻ്റിയെ നോക്കി റൈഡർ തെണ്ടിയുടെ പട്ടി ഷോ ഡയലോഗ്…
” അല്ല ഇതാരാ പറയുന്നേ സെമസ്റ്റർ തോറും കണ്ടൊണേഷൻ ഫീസ് അടക്കുന്ന എൻ്റെ ഏട്ടനോ… ”
അവൻ്റെ പട്ടി ഷോ ഡയലോഗിന് സ്വന്തം അനിയത്തിയുടെ കയ്യിന്ന് തന്നെ കിട്ടിയപ്പോൾ ഞങ്ങളും അവളും അവൻ്റെ അമ്മയുമൊക്കെ പൊട്ടിചിരിച്ചു… അതിന് അവൻ അവളെ കണ്ണൂരുട്ടി പേടിപ്പിക്കുന്നതും കണ്ടു…
അങ്ങനെ കളിയും ചിരിയും ഒക്കെ ആയി കുറച്ച് സമയം ചിലവിട്ട ശേഷം ഞങ്ങൾ അവരോട് ഫ്രഷ് ആയിട്ട് വരാം എന്തെങ്കിലും ആവശ്യമുണ്ടെങ്കിൽ വിളിക്കണം എന്നു പറഞ്ഞ് വീടുകളിലേക്ക് യാത്രതിരിച്ചു…
വീട്ടിലേക്ക് എത്തിയപ്പോൾ സമയം ഏതാണ്ട് പത്തു മണി അവറായിരുന്നു… വണ്ടി പോർച്ചിലേക്ക് കേറ്റി ഞാൻ വീടിനകത്തേക്ക് കയറി…
” ആ നീ എത്തിയോ… ”
ഹാളിലേക്ക് കയറിവന്ന എന്നെ കണ്ട് അച്ഛൻ ചോദിച്ചു
” ആ അവിടെ അവൻ്റെ അമ്മയും പെങ്ങളും ഉണ്ട് അതുകൊണ്ട് ഒന്ന് ഫ്രഷ് ആയിട്ട് കുറച്ചു കഴിഞ്ഞു പോയാൽ മതി… ”
ഞാൻ ഹാളിലെ സോഫയിൽ ഇരുന്നു കൊണ്ട് അച്ഛൻ മറുപടി നൽകി
” അപ്പോ നീ ഇന്ന് കോളേജിൽ പോകുന്നില്ലേ… “
എന്റെ മറുപടി കേട്ടതും അച്ഛൻ ചോദിച്ചു
” ഇല്ല ഇന്ന് പോകുന്നില്ല… കുറച്ചു റസ്റ്റ് എടുക്കണം നല്ല ക്ഷീണമുണ്ട്… ”
ഞാൻ അച്ഛനെ നോക്കി പറഞ്ഞു. അതിന് ശരി എന്ന അർത്ഥത്തിൽ അങ്ങേര് തലകുലുക്കി
” എൻ്റെ ശ്രീലതേ നീയൊന്നു വരുന്നുണ്ടോ… സമയം ഒരുപാടായി എനിക്ക് ഓഫീസിൽ പിടിപ്പതു പണിയുണ്ട്… ”
അച്ഛൻ അമ്മയെ അകത്തു നോക്കി വിളിച്ചുപറഞ്ഞ് ബാഗുമെടുത്ത് പുറത്തേക്കിറങ്ങി…
” ദേ വരുന്നൂ… ”
അടുക്കളയിൽ നിന്നും എന്തോ ഭക്ഷണം എടുത്തു വന്ന് ഡൈനിംഗ് ടേബിളിൽ മൂടിവെച്ച് അമ്മ ബാഗുമെടുത്ത് ഹാളിലേക്ക് നോക്കി പറഞ്ഞു
” ആ നീ വന്നോ… ”
എന്നെ കണ്ടാതു അമ്മ ചോദിച്ചു.. അതിന് ഞാൻ അമ്മയ്ക്ക് ഒരു ചിരി പാസാക്കി…
” ഡാ ബ്രേക്ക്ഫാസ്റ്റ് അതാ ഡൈനിങ് ടേബിളിൽ എടുത്തു വച്ചിട്ടുണ്ട്… നീ കോളേജിൽ പോകില്ലാന്നറിയാം അതുകൊണ്ട് കഴിച്ചിട്ട് കിടന്നാൽ മതി… പിന്നെ ഉച്ചയ്ക്ക് ഉള്ളത് അടുക്കളയിലും ഉണ്ട്… ”
കൊച്ചു കുട്ടികൾക്ക് പറഞ്ഞു കൊടുക്കുന്നത് പോലെ ഓരോന്നും അമ്മ എന്നോട് പറഞ്ഞു തരുമ്പോൾ എല്ലാം ഞാൻ ശ്രദ്ധിച്ച് കേട്ട് ചിരിച്ചുകൊണ്ട് തലയാട്ടി
” തലയാട്ടിയാൽ മാത്രം പോരാ എടുത്ത് കഴിച്ചോണം… പിന്നെ അവിടെ ആരാ ഉള്ളേ.. ”
എന്റെ തലക്കിട്ടൊരു ചെറിയ കൊട്ടുതന്ന് അമ്മ ചോദിച്ചു…
” അവിടെ അവൻ്റെ അമ്മയും പെങ്ങളും ഉണ്ട്… ഞാൻ അവിടുന്ന് കുറച്ച് ബ്രേക്ക് ഫാസ്റ്റ് കഴിച്ചായിരുന്നു അവർ കൊണ്ടുവന്നിരുന്നു… ”
ഞാൻ അമ്മയ്ക്ക് മറുപടി നൽകി
” ആ എന്തായാലും ഫ്രഷ് ആയിട്ട് കുറച്ച് അതിൽ നിന്ന് കൂടി കഴിച്ചിട്ട് കിടന്നാൽ മതി… അപ്പോ ഞങ്ങൾ പോവ്വാ… ”
അമ്മ എനിക്ക് നെറ്റിയിൽ ഒരു സ്നേഹ ചുംബനം നൽകിക്കൊണ്ട് പറഞ്ഞു ഞാനും തിരിച്ച് അമ്മയ്ക്കൊരുമ്മ കൊടുത്തു..
” അമ്മയുടെയും മോൻ്റേയും സ്നേഹപ്രകടനം കഴിഞ്ഞെങ്കിൽ ഒന്നു വരാമോ…ലേറ്റായി എനിക്ക്… ”
വണ്ടിയെടുത്ത് പുറത്തുനിന്നും ഹോളിലേക്ക് ഞങ്ങളെ നോക്കി അച്ഛൻ പറഞ്ഞു
“ഇങ്ങേരെകൊണ്ട്…ദേ വരുന്നു… ”
അതും പറഞ്ഞ് അമ്മ പുറത്തേക്കിറങ്ങി… എനിക്കൊരു ടാറ്റയും തന്ന് രണ്ടുപേരും ജോലി സ്ഥലങ്ങളിലേക്ക് പോയി…
അവര് പോയതിനുശേം ഒന്ന് ഫ്രഷായി വന്ന് ഞാൻ താഴെ ഡൈനിംഗ് ടേബിളിലിരുന്ന് കുറച്ച് ബ്രേക്ക്ഫാസ്റ്റ് എടുത്ത് കഴിച്ചു… ആശുപത്രിയിൽനിന്ന് കഴിച്ചതാണെങ്കിലും ഇച്ചിരി വിശപ്പുണ്ടായിരുന്നു… അതും കഴിച്ച് വേഗം ക്ഷീണം മാറ്റാൻ ഒന്ന് മുറിയിൽ പോയി മയങ്ങി…
പിന്നെ എഴുന്നേൽക്കുമ്പോൾ സമയം ഏതാണ്ട് മൂന്ന് മണി ആവാറായിരുന്നു.. കാര്യം ഗിരിജാൻ്റിയോടങ്ങനെ പറഞ്ഞെങ്കിലും എനിക്ക് ഇന്നലെ ശരിക്കും ഉറക്കം വന്നില്ല… എപ്പോഴും കിടക്കുന്ന സ്ഥലത്ത് നിന്ന് മാറി
കിടന്നതുകൊണ്ടായിരിക്കും… പക്ഷേ അവന്മാരൊക്കെ നല്ലോണം ഉറങ്ങി…
കുറച്ചു നേരം ഫോണിൽ കുത്തി കളിച്ചതിനു ശേഷം ഞാൻ നേരെ അടുക്കളയിൽ പോയി ചോറും എടുത്ത് ടിവിയും ഓണാക്കി കഴിക്കാൻ തുടങ്ങി… അപ്പോളായിരുന്നു ഫോൺ അടിക്കുന്നത് നന്ദു ആണ്…
” എന്താടാ നാറീ പറ… ”
ചോറ് തിന്നുകൊണ്ട് ഞാൻ അവനോട് ചോദിച്ചു
” എന്തുവാടാ വെട്ടിവിഴുങ്ങുന്നേ നീ വീട്ടിൽ തന്നാണോ… ”
മറുതലക്കൽ അവൻ്റെ ചോദ്യം വന്നു
” ആ…വീട്ടിലാ… ഇപ്പം ഉറക്കം എണീറ്റ് ചോറ് തിന്നുന്നേയുള്ളൂ… ”
ഞാൻ അവന് മറുപടി നൽകി
” ആ ഞഞ്ഞായി…പിന്നെ വിളിച്ചതെന്താന്നു വെച്ചാ നീ ഹോസ്പിറ്റലിലേക്ക് എന്തായാലും വൈകിയല്ലേ പോകൂ… ”
അവൻ എന്നോട് ചോദിച്ചു
” ആ എന്തായാലും അമ്മയും അച്ഛനും വന്നതിനു ശേഷേ വരൂ… ”
ഞാൻ മറുപടി നൽകി
” എന്നാ ഒരു കാര്യം ചെയ്യ് എൻ്റെ വണ്ടി ഏട്ടന് വേണം ഞാൻ ക്ലബ്ബിൻ്റെവിടെ ഉണ്ടാവും പോകുന്നവഴിക്ക് നീ എന്നെ പിക്ക് ചെയ്യണം… ”
” പോ മൈരേ എന്നെക്കൊണ്ടൊന്നും പറ്റത്തില്ല… ഞാൻ ഇവിടുന്ന് നേരെ പോവും നീ എങ്ങനേലും വാ…”
ഒരുരുള ചോറ് വായിൽവെച്ച് കൊണ്ട് ഞാൻ അവന് മറുപടി നൽകി
” നാറി അങ്ങനെ പറയല്ലേ ഞാനെങ്ങനെ വരാനാ… പിന്നെ നീ ഇതിലെ വരുവാണേൽ ഞാൻ ഇന്നലത്തെപോലെ ഒരു പെപ്സി കുപ്പി സെറ്റ് ചെയ്യാം… ”
അവൻ ചിരിച്ചുകൊണ്ട് പറഞ്ഞു
” അങ്ങനെ നല്ല കാര്യം എന്തേലും പറ…എന്നാൽ നോക്കാം… ”
ഞാനും ചിരിച്ചുകൊണ്ട് മറുപടി നൽകി
” അങ്ങനെ വഴിക്ക് വാ… അപ്പൊ ശരി നീ ഇറങ്ങുമ്പോൾ എന്നെ വിളി… ”
അതും പറഞ്ഞു അവൻ ഫോൺ കട്ട് ചെയ്തു… ഞാൻ കഴിച്ച പാത്രം അടുക്കളയിൽ കൊണ്ടുവെച്ച് കൈ കഴുകി വീണ്ടും വന്ന് ടിവി കാണാൻ ഇരുന്നു.. പിന്നെ അതിൽ ലയിച്ചെപ്പഴോ സോഫയിൽ മയങ്ങിപോയി. പിന്നെ എപ്പോഴോ അമ്മ തട്ടി വിളിക്കുന്നത് കേട്ടാണ് ഞാൻ എണീറ്റത്..
” എഴുന്നേക്കടാ നീ ടിവിയും തുറന്നുവെച്ച് ഇവിടെ കിടന്നുറങ്ങുവാണോ… ”
അമ്മ എന്നെ കുലുക്കികൊണ്ട് ചോദിച്ചു
” അത് ഞാൻ എപ്പോഴോ ടിവി കാണുന്നതിടയിൽ ഉറങ്ങിപ്പോയി… ”
ഞാനൊരു കോട്ടുവായിട്ടുകൊണ്ട് അമ്മയ്ക്ക് മറുപടി നൽകി
” ഇവിടെ വല്ല കള്ളൻ കയറിയാലും നീ ഇങ്ങനാണേൽ അറിയില്ലല്ലോടാ… ”
എന്റെ മറുപടി കേട്ടതും അച്ഛൻ പറഞ്ഞു..അതിന് ഞാനൊരു ചമ്മല് കലങ്ങിയ പുഞ്ചിരി നൽകി..എന്നിട്ട് ഫോൺ എടുത്ത് സമയം നോക്കി ആറു മണി ആവാറായിരുന്നു… കുറച്ചുസമയം കൂടി അച്ഛനോട് സംസാരിച്ചിരുന്നതിനുശേഷം ഞാൻ വേഗം മുറിയിൽ പോയി ഫ്രഷ് ആയി ഡ്രസ്സ് മാറി ബൈക്കിൻ്റെ
ചാവിയുമെടുത്ത് താഴെക്ക് വന്നു…
” നീ ഇറങ്ങാറായോ… നിക്ക് ചായ കുടിച്ചിട്ട് പോകാം… ”
താഴേക്കിറങ്ങി വന്ന എന്നെ നോക്കിയതും പറഞ്ഞമ്മ അടുക്കളയിലേക്ക് പോയി
” ഡാ അവിടെ ഉറക്കമൊന്നും ശരിയാവുന്നില്ല അല്ലേ… ”
ഹാളിലെ സോഫയിൽ അച്ഛൻ്റെ തൊട്ടടുത്തിരുന്ന എന്നോട് അങ്ങേര് ചോദിച്ചു
” കുഴപ്പൊന്നൂല്ല്യ… സ്ഥിരം കിടക്കുന്ന സ്ഥലത്ത് നിന്ന് മാറി കിടക്കുമ്പോളുള്ള ചെറിയ ബുദ്ധിമുട്ടുണ്ട്… ”
ഞാൻ അച്ഛന് മറുപടി നൽകി
” ആ ശരിയായിക്കോളും… റൂം ഒക്കെ സൗകര്യം ഉണ്ടല്ലോ… നിൻ്റെ അമ്മയെ കൂട്ടാൻ ചെന്നപ്പോൾ ഞാൻ അവരെ കയറി കണ്ടായിരുന്നു… ”
അച്ഛൻ കയ്യിലുള്ള ചായഗ്ലാസ് ചുണ്ടോടടുപ്പിച്ചു കൊണ്ട് പറഞ്ഞു
” ആ സൗകര്യം ഉള്ള മുറിയാ… ”
ഞാൻ അച്ഛൻ പറഞ്ഞ കാര്യത്തിന് ശരിവെച്ചു… അപ്പോഴേക്കും അമ്മ ചായയും പലഹാരമായി എത്തിയിരുന്നു… ഞാൻ അതും വാങ്ങി കുടിച്ചു തുടങ്ങി
” ദേ പിന്നെ പിള്ളേരെ അവിടെ കിടന്ന് ഒച്ചയും ബഹളവുമൊന്നും ഉണ്ടാക്കരുത്.. ഹോസ്റ്റൽ ഒന്നുമല്ല ഹോസ്പിറ്റൽ ആണെന്ന് ഓർക്കണം… ”
ചായ കുടിച്ചുകൊണ്ടിരിക്കുമ്പോൾ അമ്മ എന്നോട് പറഞ്ഞു
” ഞങ്ങൾ അങ്ങനൊക്കെ ചെയ്യോ മാതാശ്രീ… ”
ചിരിച്ചുകൊണ്ട് ഞാൻ അമ്മയുടെ മൂക്കിന്റെ തുമ്പു പിടിച്ചുകൊണ്ട് പറഞ്ഞു
” നീയൊക്കെ ആയോണ്ടാ ഇങ്ങനെ പറയേണ്ടി വരുന്നത്… എൻ്റെ വില കളയരുത് ”
അമ്മ ചിരിച്ചുകൊണ്ട് പറഞ്ഞു
” ഡോക്ടർ ശ്രീലത പ്രഭാകർ ഒന്നുകൊണ്ടും പേടിക്കേണ്ട…ഞങ്ങൾ ഒരു അലമ്പും ഉണ്ടാകില്ല പോരേ… ”
അമ്മയുടെ നെറ്റിയിൽ ഒരു ഉമ്മ കൊടുത്തു കൊണ്ട് ഞാൻ പറഞ്ഞു. അച്ഛൻ ഇതൊക്കെ കണ്ട് ചിരിക്കുന്നുണ്ടായിരുന്നു…
” ഡാ പിന്നെ നാളെ തൊട്ട് കോളേജിൽ പോണം കഴിയാറായില്ലേ എക്സാം ഒക്കെ എടുത്തു… ”
അച്ഛനെ ഇതിനിടയിൽ ഓർമ്മപ്പെടുത്തുന്നത് പോലെ ഗൗരവത്തിൽ എന്നോട് പറഞ്ഞു അതിന് ഞാൻ തലയാട്ടി സമ്മതം മൂളി.. എന്നിട്ട് ചായയും കുടിച്ച് അവരോട് രണ്ടാളോടും യാത്ര പറഞ്ഞിറങ്ങി.. പോകുന്ന വഴിക്ക് നന്ദുവേയും പിക്ക് ചെയ്തു. അവൻ പറഞ്ഞപോലെ ഇന്നത്തെക്കുള്ള സാധനവും സെറ്റ് ആക്കിയിട്ടുണ്ടായിരുന്നു… ഓരോന്നൊക്കെ സംസാരിച്ച് ഞങ്ങൾ വേഗം തന്നെ ഹോസ്പിറ്റലിൽ എത്തി… പാർക്കിങ് ഏരിയയിൽ വണ്ടി വെച്ചുകൊണ്ട് ലിഫ്റ്റിനടുത്തേക്ക് നടന്നു…
” ഡാ നീ എന്താ പെട്ടെന്ന് പതുക്കെ നടക്കുന്നേ… ”
ലിഫ്റ്റിനടുത്തെത്തിയപ്പോൾ പതുക്കെ നടന്ന എന്നെ നോക്കി നന്ദു ചോദിച്ചു
” ഒന്നും പറയണ്ട മോനേ… ഇന്നലെ ഇവിടെവെച്ചൊരു സംഭവം ഉണ്ടായി… ”
ലിഫ്റ്റിനുള്ളിലേക്ക് നടന്നു കൊണ്ട് ഞാൻ അവനോട് പറഞ്ഞു.. എന്നിട്ടന്നുണ്ടായ കാര്യങ്ങൾ അവനോടു വിവരിച്ചുകൊടുത്തു… അത് കേട്ടിട്ട് ആ നാറി പൊട്ടിച്ചിരിക്കാൻ തുടങ്ങി… അപ്പോഴേക്കും ഞങ്ങൾ മുകളിലത്തെ നിലയിൽ എത്തിയിരുന്നു…
” അളിയാ പൊട്ടകണ്ണൻ… നിനക്ക് നന്നായി ചേരുന്നുണ്ട് കേട്ടോ… ”
ലിഫ്റ്റിറങ്ങി റൂമിലേക്ക് നടക്കുന്ന എന്നെ നോക്കി അവൻ ചിരിച്ചുകൊണ്ട് പറഞ്ഞു
” നാറി ഒരുപാടങ്ങൂതല്ലേ… ”
ഞാൻ അവനെ നോക്കി പല്ലിറുമ്മി കൊണ്ട് പറഞ്ഞു… അതിന് അവൻ ഒന്നടക്കി ചിരിക്കുകയല്ലാതെ ഒന്നും പറഞ്ഞില്ല
” അവൾടെ ഒരു പൊട്ടക്കണ്ണൻ… ആ ശൂർപ്പണഖയെ ഉണ്ടല്ലോ അവളെയെങ്ങാനും എൻ്റെ കയ്യിൽ കി…. ”
പറഞ്ഞ് തീരുമുമ്പേ അവനെ നോക്കി റൂമിൽ കയറാൻ നോക്കിയ ഞാനും ആ സാധനവും വീണ്ടും കൂട്ടിമുട്ടി… പക്ഷേ ഇത്തവണ ഞാനാണ് നോക്കാതെ കയറിച്ചെന്നിടിച്ചത്…
” ഡോ തനിക്ക് എന്നെ തട്ടിയിട്ട് കൊന്നോളാന്നുള്ള വല്ല നേർച്ചയും ഉണ്ടോ… ”
നെറ്റിയും തടവിക്കൊണ്ട് എന്നെ നോക്കി ദേഷ്യത്തിൽ പല്ലിറുമികൊണ്ടവൾ പറഞ്ഞു
” തനിക്കും എന്നെ തട്ടിയിട്ട് കൊല്ലാന്നുള്ള വല്ല നേർച്ചയും ഉണ്ടോ… ”
അവള് പറഞ്ഞ അതേ ഡയലോഗ് ഞാൻ തിരിച്ചും പറഞ്ഞു
” താൻ എന്താടോ ഞാൻ പറഞ്ഞത് തന്നെ തിരിച്ച് പറയുന്നേ… ”
അവൾ എന്നെ നോക്കി സ്വരം കടുപ്പിച്ച് ചോദിച്ചു
” പിന്നെ ഞാൻ പറയേണ്ടതൊക്കെ താൻ പറഞ്ഞാൽ പിന്നെ ഞാനെന്ത് പറയും… ”
ഞാനും വിട്ടു കൊടുത്തില്ല
” എടാ പൊട്ടകണ്ണാ അതിനു താനല്ലേ എന്നെവന്നൊടിച്ചേ… ”
ദേഷ്യത്തോടെ അവൾ എൻ്റടുത്തേക്ക് ചീറി
” ദേ വേണ്ടേ….എന്നെ ആവശ്യമില്ലാത്ത ഒരോന്ന് വിളിക്കാൻ നിൽക്കണ്ട…. ”
ഞാൻ അവളെ നോക്കി ദേഷ്യത്തോടെ പറഞ്ഞു
” വിളിച്ചാൽ ഇയാളെ എന്ത് ചെയ്യും… ”
അതിനു സ്പോട്ടിനവളുടെ മറുപടിയും വന്നു
” പെണ്ണായിപോയി അല്ലേ ഒന്നങ്ങ് തരുമായിരുന്നു ശൂർപ്പണഖേ…. ”
ഞാൻ അവളെ അടിക്കും പോലെ ഒന്ന് കയ്യോങ്ങി കനത്തിൽ പറഞ്ഞു…
ഇതൊക്കെ കണ്ട്കൊണ്ട് അകത്ത് ശ്രീയും അഭിയും അതുവും വാപൊളിച്ച് നിൽക്കുന്നുണ്ട് പുറത്ത് നന്ദുവും
” ശൂർപ്പണഖ നിൻ്റെ…എന്നാ അടിക്കടാ കാണലോ… ”
അവൾ അതും പറഞ്ഞ് ദേഷ്യത്തിൽ എൻ്റടുത്തേക്ക് വന്നു…
” ഒന്നു നിർത്തുവോ രണ്ടാളും… ”
അപ്പോഴേക്കും ഇതൊക്കെ കണ്ടു കൊണ്ടിരുന്ന നന്ദു ഞങ്ങളുടെ ഇടയിലേക്ക് കേറി പറഞ്ഞു…
” സിസ്റ്ററെ ഇവനോ ബുദ്ധിയില്ലാന്ന് വെക്കാം.. നിങ്ങളൊരു പ്രൊഫഷണൽ അല്ലേ… ഇവിടെ കിടന്നു ഇങ്ങനെ തല്ലുകൂടുവാണോ… ”
അവൻ അവളെ നോക്കി കനത്തിൽ പറഞ്ഞു
” ഞാനെന്ത് ചെയ്യാനാണ് ഇയാള് പറയുന്നത് കേൾക്കുന്നില്ല… ”
എന്നെ ദഹിപ്പിക്കുന്ന നോട്ടത്തോടെ നന്ദുവിനോട് അവൾ പറഞ്ഞു…അതിന് തിരിച്ച് ഞാനും അവളെ കടുപ്പത്തിൽ ഒന്ന് നോക്കി…
” എന്തിനാടോ ഇതുപോലെയുള്ളതിനെയൊക്കെ ഇവിടെ കൊണ്ടുവന്ന് ഞങ്ങളെ ബുദ്ധിമുട്ടിക്കുന്നേ… ”
അവൾ എന്നെ നോക്കി പല്ലിറുമ്മികൊണ്ടവനോട് പറഞ്ഞു
” ഞാനെവിടെ പോണം എന്ന് ഞാനാ തീരുമാനിക്കുന്നെ… അതു പറയാൻ താനാരാ… തനിക്ക് തൻ്റെ ജോലി നോക്കി പോയാൽ പോരേ… ”
അവളുടെ ആ വർത്താനത്തിന് ദേഷ്യത്തിൽ ഞാൻ മറുപടി കൊടുത്തു
” അജ്ജു നീയൊന്ന് മിണ്ടാതിരിക്വോ… ”
“നന്ദു ചുറ്റുപാടും നോക്കി എന്നോട് പറഞ്ഞു… പിന്നെ ഞാനൊന്നും പറയാൻ പോയില്ല… ”
” ഇങ്ങോട്ടുവന്ന് ഇടിച്ചത് പോരാ…അല്ലേലും തന്നോട് ഒന്നും സംസാരിച്ചിട്ട് കാര്യമില്ല… ”
അതും പറഞ്ഞ് എന്നെ ദഹിപ്പിക്കുന്ന ഒരു നോട്ടം നോക്കി അവള് നടക്കാൻ തുടങ്ങി… അതോടെ ഞാനും നന്ദുവും റൂമിലേക്ക് കയറി…
” ആർക്കാടാ നാറി ബുദ്ധിയില്ലാത്തേ… ”
അവള് പോയതിനുശേഷം നന്ദുവിനെ റൂമിൻ്റെ ഭിത്തിയോട് ചേർത്തുപിടിച്ച് ഞാൻ ചോദിച്ചു
” എടാ നാറി വിടടാ…. പിന്നെ ഞാനെന്താ പറയേണ്ടേ രംഗം തണുപ്പിക്കാൻ… എനിക്ക് അവളെ വല്ലതും പറയാൻ പറ്റുമോ… നിന്നെ അല്ലേ പറയാൻ പറ്റൂ നീ അല്ലേ എൻ്റെ കൂട്ടുകാരൻ… ”
അവൻ എന്റെ കൈകുള്ളിൽ നിന്ന് കുതറികൊണ്ട് പറഞ്ഞു
” ഡാ അവൻ പറഞ്ഞതിലും കാര്യമുണ്ട്… നീയാണ് ശ്രദ്ധിക്കാതെ അവളെ കയറി തട്ടിയത്… ”
നന്ദുവിന് പുറമേ ശ്രീയും എന്നോടത് പറഞ്ഞു
” ശരിയാണ് എന്നാലും… അവളെന്നെ ഓരോന്ന് വിളിച്ച് ദേഷ്യം പിടിപ്പിക്കുന്നതല്ലേ… ”
ഞനവന്മരെ നോക്കി പറഞ്ഞു
” ഒരു എന്നാലും ഇല്ല മോനേ… അവളെ കേറി തട്ടിയിട്ട് അവളോട് ചൂടായാൽ അങ്ങനെ വിളിച്ചില്ലേലെ അത്ഭുതമുള്ളൂ… അതുകൊണ്ട് നീ അവളെ ഇനി കണ്ടാൽ ഒരു സോറി പറഞ്ഞേക്ക്… ”
ശ്രീ എന്നെ നോക്കി പറഞ്ഞു
” പഫാ….. എൻ്റെ പട്ടി പറയും നീ പോടാ നാറി… ”
ഞാനവനെ ആട്ടികൊണ്ട് ദേഷ്യത്തിൽ പറഞ്ഞു
” ഡാ അവൻ പറഞ്ഞതിലും കാര്യമുണ്ട്… അവരൊക്കെ ഒരുപാട് വർക്ക് പ്രഷർ അനുഭവിച്ചാ ജോലി ചെയ്യുന്നത്… അതുകൊണ്ടായിരിക്കും ചൂടായത് പിന്നെ തെറ്റ് നിൻ്റെ ഭാഗത്ത് അല്ലേ… അതുകൊണ്ടവൻ പറഞ്ഞപോലെ നീ ഒരു സോറി പറഞ്ഞേക്ക്… ”
ശ്രീക്ക് കൊടുത്ത മറുപടി കേട്ട് അഭി എന്നോട് പറഞ്ഞു
” നിനക്കൊക്കെ എന്താടാ… പോയി പണി നോക്ക്… ഞാൻ പറയത്തില്ല… അവന്മാര് കുറെ നന്മമരങ്ങൾ… ”
ഒരു ഒഴുക്കൻ മട്ടിൽ അവന്മാരെ നോക്കിയതും പറഞ്ഞ് ഞാൻ ബാത്റൂമിലേക്ക് കയറി…
തിരിച്ചിറങ്ങിയതിന് ശേഷം പിന്നെ അതിനെപ്പറ്റി ഞങ്ങൾ സംസാരിച്ചില്ല… വേറെന്തൊക്കെയോ സംസാരിച്ചതിനുശേഷം കലാപരിപാടികളിലേക്ക് കടക്കാൻ തുടങ്ങി നന്ദു ഭക്ഷണവും സാധനവും എടുത്ത് നിലത്തിരുന്നു. അപ്പോളായിരുന്നു അമ്മയുടെ ഫോൺ വരുന്നത്
” അമ്മ വിളിക്കുന്നുണ്ട് ഞാൻ ഇപ്പൊ വരാം… ”
അതും പറഞ്ഞ് ഞാൻ ഫോൺ ചെവിടോടുപ്പിച്ച് ഡോർ തുറന്നു പുറത്തിറങ്ങി..
” എന്താ മാഡം പറയൂ… ”
ഞാൻ വരാന്തയിലൂടെ നടന്നു കൊണ്ട് അമ്മയോട് ചോദിച്ചു
” ഒന്നൂല്യ… ഭക്ഷണം ഒക്കെ കഴിച്ചോന്ന് ചോദിക്കാൻ വിളിച്ചതാണ്… ”
അമ്മേ എനിക്ക് മറുതലക്കൽ മറുപടി നൽകി
” ആണോ… എന്നാ ഇതാ കഴിക്കാൻ ഇരിക്കുമ്പോളായിരുന്നു അമ്മ വിളിച്ചത്…പിന്നെ അമ്മയും അച്ഛനും കഴിച്ചോ… ”
ഞാൻ അമ്മയ്ക്ക് മറുപടി നൽകി
” ആ ഞങ്ങള് കഴിച്ചു.. പിന്നെ നിന്നെ വിളിച്ചു കിട്ടിയില്ല എന്നു പറഞ്ഞ് കോളേജിൽ നിന്ന് നിൻ്റെ സാറ് വിളിച്ചായിരുന്നു… ”
” ആണോ എന്നിട്ട് പുള്ളി എന്നതാ പറഞ്ഞേ… ”
ഞാൻ അമ്മയോട് വിവരം തിരക്കി
” ഒന്നും പറഞ്ഞില്ല… നിന്നോട് അങ്ങേരെ ഒന്നു വിളിക്കാൻ മാത്രം പറഞ്ഞു… ”
അമ്മ എനിക്ക് മറുപടി നൽകി
” ആണോ എന്നാ ഞാൻ വിളിച്ചോളാം… വേറെ വിശേഷം ഒന്നും ഇല്ലല്ലോ…അപ്പൊ ശരി ഗുഡ് നൈറ്റ്…ഉമ്മ…”
അമ്മയ്ക്ക് മറുപടി നൽകിയ ശേഷം ഞാൻ ഫോണിലൂടെ ഒരു സ്നേഹ ചുംബനം നൽകി
” ആ ഗുഡ് നൈറ്റ് പിന്നെ നാളെ കോളേജിൽ പോണേ… ”
ഫോണ് കട്ട് ആകും മുമ്പേ അമ്മയെന്നെ ഓർമ്മിപ്പിക്കുമെന്നോണം പറഞ്ഞു. അതിന് ചിരിച്ചുകൊണ്ട് പോകാം എന്ന് മറുപടി നൽകി… ഫോൺ കട്ടാക്കി ഞാൻ റൂമിനടുത്തേക്ക് തിരിച്ച് നടക്കാൻ തുടങ്ങി.. അപ്പോഴായിരുന്നു ഞങ്ങടെ റൂമിൻ്റെ തൊട്ടു മുൻപിലുള്ള നഴ്സിങ് കൺസൾട്ടൻസിയിൽ നമ്മുടെ കഥാ നായികയെ കണ്ടത്…
” പോയൊരു സോറി പറഞ്ഞാലോ…?? ”
ഞാൻ ആരോടെന്നില്ലാതെ പറഞ്ഞു… അല്ലെങ്കി വേണ്ട കൂടെ വേറൊരു നേഴ്സുണ്ട്… അതും മനസ്സിൽ ആലോചിച്ച് ഞാൻ മെല്ലെ മെല്ലെ നടക്കാൻ തുടങ്ങിയതും കൂടെയുണ്ടായിരുന്ന നേഴ്സ് പെട്ടെന്ന് അവിടെ നിന്നും പോയി ഇപ്പോൾ അവളുമാത്രമായി അവിടെ
” മറ്റവള് പോയോ എന്നാപ്പിന്നെ എന്തായാലും ഒരു സോറി പറഞ്ഞേക്കാം തെറ്റെൻ്റെ ഭാഗത്തല്ലേ…?? അല്ലെങ്കിൽ പറയണോ അവൾക്ക് ഇതിരി ജാഡ ഇല്ലേ… ”
ഞാൻ എന്നോട് തന്നെ ഓരോന്നൊക്കെ പറഞ്ഞു തുടങ്ങി…
” അല്ലെങ്കിൽ പറഞ്ഞാലോ… ലവന്മാർ പറഞ്ഞത് വച്ച് നോക്കുമ്പോ ന്വാമിൻ്റെ ഭാഗത്താണല്ലോ തെറ്റ്… ”
വീണ്ടും അവിടെ നിന്ന് കുറേ ആലോചിച്ചു…അവസാനം മടിച്ചുമടിച്ചാണെങ്കിലും ഒടുക്കം പറയാം എന്ന രീതിയിൽ ഞാൻ അവളുടെ അടുത്തേക്ക് നീങ്ങി… ഞാൻ വരുന്നത് കണ്ടിട്ടായിരിക്കണം അതുവരെ ഫോണിൽ എന്തോ നോക്കിക്കൊണ്ടിരുന്നവൾ പെട്ടെന്ന് അടുത്തുള്ള ഏതോ പേപ്പറുകളിലേക്ക് ശ്രദ്ധതിരിച്ചു
” ഹലോ…അതേ… ”
അവളുടെ അടുത്തെത്തിയതും ഞാൻ സ്വരം താഴ്ത്തിയവളെ വിളിച്ചു… പക്ഷേ അവൾക്ക് കേട്ട ഭാവമില്ല…
” എടോ…. ”
ഞാൻ ഒന്നുകൂടി ശബ്ദമുയർത്തി വിളിച്ചു…
“എന്നതാടോ… തനിക്ക് വേണ്ടത്… വീണ്ടും ഇടിച്ചു കൊല്ലാനാണോ… ”
പേപ്പറിൽ നിന്നും മുഖമുയര്ത്തി കൊണ്ട് അവളെന്നെ നോക്കി കടുപ്പത്തിൽ പറഞ്ഞു…
” അതുപിന്നെ ഒരു സോറി പറയാൻ വന്നതാ… നേരത്തെ തെറ്റ് എൻ്റെ ഭാഗത്തായിരുന്നു… ഞാനാ ആവശ്യമില്ലാതെ വഴക്ക് ഉണ്ടാക്കിയേ… സോറി… ”
ഒറ്റയടിക്കതും പറഞ്ഞ് ഞാനവളുടെ പ്രതികരണം നോക്കിനിന്നു…
” ഒരു സോറി പറഞ്ഞാ എല്ലാം അങ്ങ് തീരുവോ… ”
അവൾ എന്നെ നോക്കി സ്വരം കടുപ്പിച്ച് പറഞ്ഞു…
” പിന്നെ ഞാനെന്തു ചെയ്യണം…തലേകുത്തി നിക്കണോ… ”
ഇത്തവണ ഞാനും കനത്തിൽ തന്നെ മറുപടി കൊടുത്തു… അല്ല പിന്നെ ഒരു സോറി പറയാൻ വന്നാൽ ഇത്രയ്ക്ക് ജാഡ കാണിക്കാൻ ഇവളാരാ ഐശ്വര്യറായോ….
” ആ എന്നാ അങ്ങനെ തലയുംകുത്തി നിക്ക്… “
പറഞ്ഞ് തീർന്നതും അവൾടെ മറുപടി വന്നു
“അത് നിൻ്റെ തന്തയോ…. ”
” ഡോ…. ”
ഞാൻ പറഞ്ഞു തീരും മുമ്പേ അവള് കസേരയിൽ നിന്നും എഴുന്നേറ്റ് എന്നെ നോക്കി കനത്തിൽ വിളിച്ചു… രാത്രി സമയം ആയതുകൊണ്ട് അധികം ആരും അവിടെ ഉണ്ടായിരുന്നില്ല… ഒന്നോ രണ്ടോ പേരുമാത്രമാണെന്നു ചുരുക്കം ഉണ്ടായത്… അവരൊക്കെ ഞങ്ങളെ ശ്രദ്ധിക്കുന്നുണ്ടായിരുന്നു….
” അല്ല പിന്നെ… ഒരു സോറി പറയാൻ വന്നപ്പോൾ ഒരു മാതിരി മറ്റേ സ്വഭാവം കാണിച്ചാ ദേഷ്യം പിടിക്കില്ലേ… ”
ഉള്ളിലുള്ള ദേഷ്യം പുറത്തു കാണിച്ചു കൊണ്ട് ഞാൻ അവളോട് പറഞ്ഞു…
” ഡോ… ആൾക്കാരൊക്കെ ശ്രദ്ധിക്കുന്നു… ”
അവൾ ചുറ്റുപാടും കണ്ണോടിച്ചു കൊണ്ട് എന്നെ നോക്കി പറഞ്ഞു
“അതലറുമ്പോൾ ആലോചിക്കണായിരുന്നു…”
ഞാൻ ചുറ്റുപാടും നോക്കി അവളോട് പറഞ്ഞു
” എനിക്ക് തന്നോട് സംസാരിക്കാൻ സമയവുമില്ല… താല്പര്യവുമില്ല… അതുകൊണ്ട് താൻ പറയാൻ വന്നത് പറഞ്ഞില്ലേ…ഇനി ഒന്ന് പോയി തരുവോ… ”
അവള് കൈകൂപ്പിക്കൊണ്ട് എന്നോട് പറഞ്ഞു
” അല്ലേലും നിന്നോടൊക്കെ സോറി പറയാൻ വന്ന എന്നെ പറഞ്ഞാ മതി… വലിയൊരു ജോലിക്കാരി… ജില്ലാ കളക്ടർ ആണെന്നാ വിചാരം…”
അതും പറഞ്ഞവളെ ഒന്ന് തറപ്പിച്ചു നോക്കിയശേഷം ഞാൻ തിരിഞ്ഞു നടക്കാൻ തുടങ്ങി…അവളുടെ മുഖത്ത് നല്ല കലിപ്പുണ്ട്…
” എന്താ പ്രശ്നം… ”
തിരിച്ചു റൂമിൽ കയറാൻ പോയ എന്നോട് അതിലെ നടന്നുപോകുന്ന ഒരു പയ്യൻ ചോദിച്ചു
” നിൻ്റെ അമ്മായി പെറ്റു…. കുട്ടിക്കൊരു കുഞ്ഞുടുപ്പും ബേബി സോപ്പും വാങ്ങി വാ… ”
ഞാൻ അവനോട് മുഖത്തുനോക്കി കനത്തിൽ അതു പറഞ്ഞപ്പോൾ ആവശ്യമില്ലാത്ത സ്ഥലത്ത് വാലാട്ടൻ പോയ അവൻ്റെ ഫ്ലുസ്സ്പോയി…അതോടൊപ്പം പുറകിൽ നിന്ന് മറ്റവളുടെ അടക്കിച്ചിരി കൂടി വന്നപ്പോൾ അവൻ ചമ്മല് മറക്കാൻ വേഗം സ്ഥലം കാലിയാക്കി…
അവൾടെ ചിരി കേട്ട് പെട്ടെന്ന് ഞാൻ ഒന്ന് തിരിഞ്ഞു നോക്കി… അത് കണ്ടപ്പോൾ തന്നെ അവൾ ചിരി നിർത്തി പതിവ് ഗൗരവം മുഖത്ത് വരുത്തിച്ചു…
പിന്നെ അതിനെ ഒന്നുകൂടി തറപ്പിച്ച് നോക്കിയശേഷം ഞാനും റൂമിലേക്ക് കയറി…
തുടരും…..
**************************************
എല്ലാവരും ക്ഷമിക്കണം… ഇച്ചിരി വൈകിപ്പോയി…. പേഴ്സണൽ പ്രശ്നങ്ങളും മെസ്സിയുടെ ബാഴ്സലോണ വിടവാങ്ങലും ഒക്കെയായി എഴുതാനുള്ള ഒരു മനസ്സിൽ അല്ലായിരുന്നു… പിന്നെ പേജ് കൂട്ടി എഴുതാൻ പറ്റി എന്ന് വിചാരിക്കുന്നു… പ്രിയ അർജ്ജുവിൻ്റേയും ജോവിൻ്റേയും ഉപദേശങ്ങളും ഉൾക്കൊണ്ടിട്ടുണ്ട്…. പിന്നെ നായകൻ്റെ സൗഹൃദവലയം ഇഷ്ടപ്പെട്ടു എന്നു ചിലർ പറഞ്ഞതുകൊണ്ട് ഫ്രണ്ട്ഷിപ്പ് കുറച്ചുകൂടി ഉൾപ്പെടുത്തിയിട്ടുണ്ട്
എന്തെങ്കിലും തെറ്റുകുറ്റങ്ങൾ ഉണ്ടെങ്കിൽ ക്ഷമിക്കുക… അഭിപ്രായങ്ങൾ പങ്കുവെക്കുക…
സ്നേഹത്തോടെ
വടക്കൻ വീട്ടിൽ കൊച്ചുകുഞ്ഞ്…❤️
-11cookie-checkദിവ്യ സ്നേഹം – Part 2