സുന്ദരി – 10

ഹായ്. പ്രതീക്ഷിച്ചതിലും നേരത്തെയാണ് ഈ പാർട്ട്‌ തരുന്നത്. പേജിന്റെ കാര്യം ചെറുതായിട്ടൊന്ന് പരിഗണിച്ചിട്ടുണ്ട്. കൂടുതൽ തരണം എന്ന് തന്നെയാണ് എനിക്ക്. പക്ഷേ ഫോണിൽ ഉള്ള എഴുത്ത് ചടങ്ങാണ്. കുറേ നേരമിതും നോക്കി ഇരിക്കുമ്പോ അപ്പൊ തലവേദന വരും.
അപ്പൊ വായ്ച്ച് അഭിപ്രായം അറിയിക്കൂ ❤

……..

“താടകയല്ല… അഭിരാമി…”

ചെറിയൊരു ചിരിയോടെ അമ്മുവിനോട് മറുപടി പറഞ്ഞ അവൾ എന്നെയൊന്ന് തറപ്പിച്ച് നോക്കി. അപ്പോൾ അവൾക്കുണ്ടായിരുന്നത് ഇതുവരെ കണ്ട ഭവമായിരുന്നില്ല. എന്നെ ഉയിരോടെ ചുട്ടെരിക്കാനുള്ള കനലുണ്ടായിരുന്നു അതിൽ.

“കണ്ടറിയണം രാഹുൽ തനിക്കെന്താ സംഭവിക്കുക എന്ന്..”

പന്നപ്പരട്ട മനസ് വിളിച്ച് പറഞ്ഞപ്പോൾ എന്റെ ഉള്ളൊന്ന്കാളി…

അതേ കണ്ടറിയണം, എന്റെ വിധി എന്താണെന്ന്….

*******************

ജിൻസിയുടെ അടുത്തുനിന്നാണ് അന്ന് എല്ലാരും ഫുഡ് കഴിച്ചത്. അമ്മു ഇന്ന് ഇവിടെയാണ്‌.

ജിൻസിയോട് വല്യകാര്യത്തിൽ സംസാരിക്കുമ്പോഴും മനസിലെവിടോ ഒരുകൊളുത്തിവലി ഞാനറിയുന്നുണ്ടായിരുന്നു.

മനസ്സിൽ മൊട്ടിട്ടയിഷ്ടം തുറന്ന് പറയാൻ പറ്റാതെപോയതിന്റെ വിഷമം ഉള്ളിൽ നുരഞ്ഞുപൊങ്ങുന്നു. അവളോടന്ന് നേരത്തെ ഇറങ്ങാൻ പറഞ്ഞതുപോലും ആ ഇഷ്ടം തുറന്നുപറയണം എന്ന് കരുതിത്തന്നെയാണ്.

പക്ഷേ വിധിയുടെ തീരുമാനം മറ്റൊന്നായിരുന്നു.

ഒന്നും സംഭവിച്ചിട്ടില്ലാത്തപ്പോലുള്ള ജിൻസിയുടെ നടപ്പ് വെറും അഭിനയമാണെന്ന് എനിക്ക് മനസിലാവുന്നുണ്ടായിരുന്നു. അതാണ് എന്നെ കൂടുതൽ തളർത്തിയത്.

അതാലോചിച്ചപ്പോൾ മുന്നും പിന്നും നോക്കാതെ എടുത്തുചാടിയീ കല്യാണം നടത്തിയ അച്ഛനോടെനിക്ക് ദേഷ്യം തോന്നി.

“” ഡാ…. ഞങ്ങളീപ്പറയുന്നെ വല്ലോന്നീ കേക്കുന്നുണ്ടോ…?””

എന്റെ കയ്യിലൊന്നടിച്ചുകൊണ്ട് ജിൻസി പറഞ്ഞവാക്കുകളാണ് എന്നെ ചിന്തകളിൽനിന്ന് ഉണർത്തിയത്.

“” എന്താടി… ഞാനെന്തോ ചിന്തിച്ചിരുന്നെയാ… “”

“” ആ… കല്യാണമൊക്കെ കഴിഞ്ഞേയല്ലേ… ഇനി ചിന്തിക്കാനൊക്കെ കുറേകാണും…!! “”

പറഞ്ഞ് കഴിഞ്ഞ് ചുണ്ടകത്തേക്ക് മടക്കിയുള്ള അവലക്ഷണങ്കെട്ട അമ്മുവിന്റെ ചിരികണ്ടതും അവളുദ്ദേശിച്ചത് മറ്റേതാണ് എന്നെനിക്ക് കത്തി.
ഒരു ഞെട്ടലോടെയെന്റെ നോട്ടം ആദ്യം പോയത് താടക ഇരുന്നിടത്തേക്ക് ആയിരുന്നു.

“” ഓ… നോക്കണ്ട… പുള്ളിക്കാരിയപ്പുറത്തോട്ട് പോയിട്ട് കുറച്ചുനേരമായി… എന്തേ പോണോ…? “”

ഇതൊക്കെ കേട്ട് ജിൻസിയുടെ മുഖമാകെ വിളറിയപോലെ ആയിരുന്നു. പക്ഷേ അത് മറച്ചുപിടിക്കാൻ അമ്മുവിന്റെ കാട്ടിക്കൂട്ടലിന് സപ്പോർട്ടെന്നോണം അവളൊന്ന് ചിരിച്ചു.

“” ദേയമ്മൂ…. അല്ലേലേ ഞാൻ വട്ടായിനിക്കുവാ…. ഓരോന്ന് പറഞ്ഞെന്റെ വായീന്ന് കേട്ടാലേനിനക്ക് സമാധാനമാവത്തുള്ളോ…?!””

ഇത്തിരി കനത്തിൽതന്നെ ചോദിച്ചതും പുള്ളിക്കാരിയടങ്ങി.

“” നീയെന്നാത്തിനാ അതിനിവളെച്ചാടി കടിക്കണേ… ഇവളൊരു തമാശപറഞ്ഞേയല്ലേ…?!””

“” ഇതാണോ താമാശ… ഒരുത്തനിവിടെ ഊമ്പിത്തെറ്റിനിക്കണത് നിങ്ങക്കൊക്കെ തമാശയാണല്ലേ… അല്ലേലുവാരുടേങ്കിലും ജീവിതം കോഞ്ഞാട്ടയാവണത് കാണാനാണല്ലോ എല്ലാർക്കുവിഷ്ടം..!! ”

“” എടാ… നീയിതെന്നതൊക്കെയാ വിളിച്ച് പറയണേ….!, അവളെങ്ങനുദ്ദേശിച്ചൊന്നുവല്ല പറഞ്ഞേ…. നീയെന്തിനാ ആവിശ്യുല്ലാതെയോരോന്ന് ചിന്തിച്ചുണ്ടാക്കണേ…! “”

“” അല്ലാതെ പിന്നെയിതെന്താ…. ഞാനുമവളുന്തമ്മിൽ കണ്ടയന്നേ ഉടക്കാന്ന് നിനക്കൊക്കെ അറിയാലോ…. എന്നിട്ടുമെന്നെയിട്ട് താറ്റുന്നത് എന്റെയാവസ്ഥകണ്ട് രസിക്കാനല്ലാണ്ട് പിന്നെന്തിനാ…!? “”

ഞാൻ പറയണകേട്ട് അമ്മുവാകെ വല്ലാത്തൊരവസ്ഥയിലേക്ക് പോയ്‌ക്കൊണ്ടിരിക്കുന്നത് അപ്പോഴത്തെ മാനസികാവസ്ഥയിൽ ഞാൻ ശ്രെദ്ധിച്ചില്ല. എന്നോട് വാദിക്കുന്ന തിരക്കിൽ ജിൻസിയും.

“” ഏട്ടാ….ഞാ… ഞാനൊന്നുവുദ്ദേശിച്ച് പറഞ്ഞതല്ല…. സോറി…! “”

ഒരെക്കിക്കരച്ചിലോടെ എണ്ണിപ്പറക്കിയുള്ള അമ്മുവിന്റെ വാക്കുകൾ ഞാനെന്തൊക്കെയാ വിളിച്ചുപറഞ്ഞത് എന്നതിനെപ്പറ്റി എന്നെ ചിന്തിപ്പിച്ചു.

കല്യാണത്തെപ്പറ്റിയും ജിൻസിയെപ്പറ്റിയും ഒക്കെയോർത്തപ്പോൾ തോന്നിയ ഫ്രസ്ട്രേഷൻ ഇവിടെത്തീർത്തതാണ്. പക്ഷെയത് അവളെ അത്രയും വേദനിപ്പിക്കുമെന്ന് ഞാനോർത്തില്ല… ഓർക്കാൻ പറ്റുന്ന അവസ്ഥയിലും അല്ലായിരുന്നു.

“” അയ്യേ… ഡീ കരയാണോ…. നാണക്കേട്…. അവനെ നിനക്കറിഞ്ഞൂടെ… ദേഷ്യത്തിന്റെ പുറത്തെന്തേലും വിളിച്ചുപറഞ്ഞെന്നുവച്ച് നീയിങ്ങനെ കരയുവാണോ വേണ്ട…. ഏഹ്… ഉഷാറായ്‌ക്കെ… ആഹ്…!! “”

ജിൻസിയെന്നെയൊന്ന് തുറിച്ചുനോക്കി അമ്മുവിനെ സമാധാനിപ്പിക്കാൻ ശ്രമിച്ചുകൊണ്ടിരുന്നു.

ഞാനും ആകെ വല്ലാതായി.

ശ്യേ വേണ്ടായിരുന്നു…

“” അമ്മു…. “”

ഞാൻ പറയാൻ തുടങ്ങിയപ്പഴേ ജിൻസിയെന്നെ തടഞ്ഞു.

“” നീയൊന്നപ്പർത്ത് പോയേടാ… അവൾക്ക് കുഴപ്പൊന്നുല്ല…! “”

പിന്നെ അവിടെയിരിക്കാൻ തോന്നിയില്ല… അമ്മുവിനെയും ജിൻസിയേം ഒന്ന് തിരിഞ്ഞുനോക്കി ഞാൻ എന്റെ ഫ്ലാറ്റിലേക്ക് കയറി.
താടക ഉറങ്ങാൻ പോയെന്ന് തോന്നുന്നു. അവളുടെ മുറിയുടെ കതക് അടഞ്ഞുകിടപ്പാണ്. ഒന്ന് ഫ്രഷ് ആയി ഞാനും കയറിക്കിടന്നു.

മനസിലേക്ക് കടന്നുവരുന്ന ചിന്തകളെ വഴിതിരിച്ചുവിടാൻ നോക്കിയെങ്കിലും അവയെന്നെ ചുറ്റിവരിയുകയായിരുന്നു.

അങ്ങനെ ഓരോ ചിന്തകളിൽ മുഴുകി എപ്പഴോ ഉറക്കത്തിലേക്ക്.

*******************************

പിറ്റേന്ന് രാവിലേ എണീറ്റ് ഒന്ന് ഫ്രഷ് ആയി. ഇന്ന് ഓഫീസിൽ പോവാമെന്ന് കരുതി… ഇന്നലെയും ലീവ് ആയതിനാൽ ഒത്തിരി ജോലി ഉണ്ടാവും. ഇനിയും ലീവ് എടുത്ത് ഇരുന്നാൽ അത് കൂടത്തേയുള്ളു.

ഞാൻ ലിവിങ് റൂമിലേക്കു നടന്നു. തടകയുടെ റൂമിന്റെ കതക് ഇപ്പോഴും അടഞ്ഞുകിടപ്പാണ്.

ചെറുതായി വിശന്നു തുടങ്ങിയിട്ടുണ്ട്.

എത്രകാലം ജിൻസിയെ ബുദ്ധിമുട്ടിക്കാനാണ്.

ഒന്നും ഉണ്ടാക്കാൻ അറിയില്ലേലും ജിൻസിയെ ഇനിയും ബുദ്ധിമുട്ടിക്കേണ്ട എന്ന തീരുമാനത്തിൽ ഞാൻ ആ സാഹസത്തിനുമുതിർന്നു… അത് തന്നെ പാചകം.

“എന്റീശ്വര… ഫുഡ്‌പൊയ്സൺ അടിച്ച് ചാവാണ്ടിരുന്നാ മതിയായിരുന്നു…”

സ്വന്തം കഴിവിൽ നല്ല വിശ്വാസം ഉള്ളോണ്ട് ഈശ്വരനെ വിളിച്ചുതന്നെ തുടങ്ങി.

അമ്മ ഉണ്ടായിരുന്നപ്പോൾ വാങ്ങിവച്ച സാധനങ്ങൾ ഒക്കെ ഇരിപ്പുണ്ട്. ഫ്രിഡ്ജ് തുറന്ന് നോക്കിയപ്പോൾ ദേയിരിക്കണു രണ്ട് ദിവസം മുന്നേ അമ്മ ഫ്രിഡ്ജിൽ കയറ്റിയ ദോശമാവ്

“ഇതിപ്പോ ലാഭയല്ലോ… ”

അങ്ങനെ ഒരു പാൻ എടുത്ത് സ്റ്റവ് ഓൺ ചെയ്ത് അതിന് മേലെ വച്ചു.

പാൻ ചൂടായപ്പോൾ കുറച്ച് എണ്ണ പുരട്ടി മാവ് നടുവിൽ ഒഴിച്ച് തവി കൊണ്ട് തന്നെ പരത്താൻ നോക്കി.

ചന്ദ്രക്കല മുതൽ ഉള്ളിവടയുടെ ഷേപ്പ് വരെ ഓരോവട്ടം ഒഴിച്ച് പരത്തിയപ്പോഴും ഉണ്ടായിക്കൊണ്ടിരുന്നു…എന്തിനേറെ അന്യഗ്രഹജീവി എന്ന് തോന്നിക്കുന്ന എത്രയെണ്ണം..!!

പക്ഷേ തൊറ്റ് പിന്മാറാൻ ഞാനൊരുക്കമല്ലായിരുന്നു. അങ്ങനെ ദോശമാവ് ഏതാണ്ട് തീരാറായപ്പോഴേക്കും ഏതാണ്ട് ദോശയുടെ ഷേപ്പിനോട് തട്ടിക്കാവുന്ന ഒരു രൂപത്തിലേക് ഞാൻ എത്തിച്ചേർന്നു.

യുറേക്കാ… യുറേക്കാ… എന്നും വിളിച്ച് ആർകിമിഡീസ് തുണിയില്ലാണ്ട് ഓടിയപോലേ ഓടാനുള്ള സന്തോഷം ആയിരുന്നെനിക്കപ്പോൾ.

അങ്ങനെ ഒരു മൂന്ന് ദോശ ചുട്ട് അതൊരു പ്ലേറ്റിലേക്ക് മാറ്റിവച്ച് നോക്കുമ്പോഴാണ് മീൻവേട്ടാനിരിക്കുമ്പോൾ നോക്കിയിരിക്കണ പൂച്ചയെപ്പോലെ എന്നെയും ദോശയേയും മാറിമാറി നോക്കുന്ന താടക എന്റെ കണ്ണിൽ പെട്ടത്.
ആള് കുളിച്ച് ഒരുങ്ങി നിൽപ്പാണ്. പുതിയ ഡ്രസ്സ്‌ ആണ്. ഒരുപക്ഷെ ജിൻസിയോട് എങ്ങാനും പറഞ്ഞ് വാങ്ങിപ്പിച്ചതാവും.

” മ്മ്മ്മ് …. ന്താ…?! ”

അവളെക്കണ്ട ഞാൻ തിരക്കി.

“മ്മ്ച്ചും…”

അവളൊന്നുമില്ല എന്ന അർത്ഥത്തിലൊന്ന് തോളുകുലുക്കി. വീണ്ടും അവളുടെ നോട്ടം ദോശയിലേക്ക് നീണ്ടു.

അപ്പൊ ദോശയുടെ മണമടിച്ച് ഇറങ്ങിവന്നതാണ് ശവം. വിശപ്പ് കാണും.

എന്നോട് ചോദിക്കാനുള്ള മടികൊണ്ടാണ് ഇവിടെ ചുറ്റിപ്പറ്റി നിക്കണത്…

” ന്നാ… വേണേലുണ്ടാക്കിത്തിന്ന്… ”

എന്നുമ്പറഞ്ഞ് ഞാൻ മാവ് അവിടെ വച്ച് ഉണ്ടാക്കിവച്ച ദോശ എടുത്ത് കുറച്ച് പഞ്ചസാര എടുത്ത് ഇട്ടു. അല്ലാണ്ട് കറിയുണ്ടാക്കാനും മാത്രമൊക്കെയുള്ള അഹങ്കാരമൊന്നും എനിക്കില്ലായിരുന്നു.

എന്നിട്ടും അവിടെ ചുറ്റിതിരിഞ്ഞ അവളെക്കണ്ട എനിക്ക് ഇത്തിരി ദേഷ്യം വന്നു.

ഞാൻ ആ കലിപ്പിൽ അവളെ നോക്കിയതും

” അത്… അതെനിക്ക് ഉണ്ടാക്കാനൊന്നും അറിയില്ല… ”

“അഹ്… എനിക്കും അറിയില്ലായിരുന്നു… ദേ ഇപ്പൊ പഠിച്ചേയുള്ളു… അതുപോലങ്ങ് ഉണ്ടാക്കിയേച്ചാ മതി… അല്ലാണ്ട് ഞാനുണ്ടാക്കിത്തന്നിട്ട് നീന്റണ്ണാക്കിലേക് ഒന്നുമിറങ്ങൂന്ന് കരുതണ്ട…! ”

പറഞ്ഞ് നാക്ക് വായിലിട്ടപ്പൊത്തന്നെ കാളിങ് ബെൽ മുഴങ്ങി… “സത്യം…. ” എന്ന് പറയാൻ ഒരുങ്ങിയതാ… പിന്നെ വേണ്ടാന്ന് വച്ചു.

അവൾ ചെന്ന് ഡോർ തുറന്നപ്പോ ദേണ്ടേ ഒരു കാസറോളുമായി ജിൻസിയും അമ്മുവും നിക്കുന്നു.

” ഇതെവിടുന്നാ ദോശ… ”

ജിൻസിയൊരു അത്ഭുതത്തോടെ ഞാൻ കഴിച്ചോണ്ടിരുന്ന ദോശയിലേക്ക് ഉറ്റുനോക്കി.

” അത് ഞാനുണ്ടാക്കിയതാ… ”

തേല്ലോരഭിമാനത്തോടെയാണ് ഞാൻ പറഞ്ഞത്.

” പ്ഫാ… നാറി…. എങ്കിപ്പിന്നെ നിനക്കിന്നലെ എഴുന്നള്ളിക്കായിരുന്നില്ലേ…. അവൻ ദോശയൊണ്ടാക്കാൻ നടക്കണു… നിന്റെക്കെ അണ്ണാക്കിത്തള്ളിതരാൻ രാവിലെ അഞ്ചരക്കെണീറ്റ് തുടങ്ങിയ പണിയാ… എന്നിട്ടവൻ….. ന്നെക്കൊണ്ടൊന്നും പറയിപ്പിക്കണ്ട നീയ്… ”

എന്റെ അഭിമാനം അവളുടെ ആ ഒറ്റ ആട്ടിൽ

സ്വയം കുഴികുത്തി സുഷുപ്തിയിലാണ്ടു. ജിൻസിയെ കാണുമ്മിഴിച്ച് നോക്കിയിരുന്നപ്പോൾ തടകയുടെ എക്കിച്ചിരി കേട്ടത്. പൊട്ടിവന്ന ചിരിയടക്കാൻ പാടുപെടുകയായിരുന്നു അവൾ.

ഞാനുണ്ടാക്കിയിട്ട് അവളൊന്നും തിന്നില്ലയെന്ന് പറഞ്ഞ് നാവ് വായിലേക്കിട്ടതും ജിൻസി ഫുഡ്മായിവന്നത് കണ്ടുള്ള കളിയാക്കലാണ്‌ അത്. സത്യത്തില് ഞാനൊന്ന് ചൂളിപ്പോയി.
പക്ഷെയതൊട്ടും പുറത്ത് കാണിച്ചില്ല.

പക്ഷേ കാസറോളിലെ വിഭവം കണ്ടപ്പോ കണ്ണ് നിറഞ്ഞുപോയി.

ഓട്ടട… എനിക്കേറ്റവും ഇഷ്ടപ്പെട്ട പലഹാരം.

ഞാനതെടുക്കാൻ കൈനീട്ടിയപ്പോൾ ജിൻസിയെന്നെ തടഞ്ഞു.

” അങ്ങനെ നീയിപ്പോ ഇതീന്നെടുത്തു ഞണ്ണണ്ട…. എന്തായാലും കഷ്ടപ്പെട്ട് ഉണ്ടാക്ക്യ ദോശയല്ലേ… അത് ഞണ്ണിയേച്ചാ മതി… ”

പിന്നൊന്നും പറയാതെ കൊതിയടക്കി പഞ്ചസാരേം മുക്കി ദോശ തിന്നുമ്പോൾ

” എന്ത് രുചിയാ ജിൻസിയിതിന്… ആാാഹ…”

എന്നുമ്പറഞ്ഞ് താടകയെന്നെ പ്രലോഭപ്പിച്ചു.

പിന്നെയും എന്തൊക്കെയോ പറഞ്ഞെങ്കിലും അതൊന്നും കേൾക്കാത്തമട്ടിലിരുന്ന് ദോശയും തിന്ന് ഞാനെണീറ്റ് പോയി.

എന്തൊക്കെപ്പറഞ്ഞാലും ഇഷ്ടപ്പെട്ട ഭക്ഷണം മുന്നീക്കൊണ്ട് വച്ച് അതൊന്ന് തൊടാമ്പോലും സമ്മയ്ക്കാത്തേന്റെ കലിപ്പിലായിരുന്നു ഞാൻ.

അമ്മു വീണ്ടും പഴയപടി ആയിട്ടുണ്ട്. വീണ്ടും സോറി പറയാൻപോയി അവളെ സങ്കടപ്പെടുത്തണ്ട എന്നോർത്ത് ഞാൻ പിന്നെയതേപ്പറ്റി ഒന്നും ചോദിക്കാൻ പോയില്ല.

റൂമിൽച്ചെന്ന് ബാഗും എടുത്ത് അമ്മുവിനോടും ജിൻസിയോടും പറഞ്ഞ് പുറത്തേക്കിറങ്ങിയപ്പോൾ താടക കഴിത്തം മതിയാക്കി എന്റെ പിന്നാലെ വന്നു. ഞാൻ കൂട്ടാതെ പോകുമെന്ന് കരുതിയാവും. ബസ്സിന് പോണ ഞാനെന്തിനു അവളെ കൂട്ടണം.

“” അതേയ്…. വണ്ടിയെടുക്കണില്ലേ… “”

പാർക്കിങ്ങും കഴിഞ്ഞ് നടന്നയെന്നെക്കണ്ട് തടകയൊരു സംശയത്തോടെ ചോദിച്ചു.

“” നിന്റച്ഛൻ കൊണ്ടുവച്ചിട്ടുണ്ടോ കിണ്ടി…. എന്നെക്കൊണ്ടൊന്നും പറയിപ്പിക്കണ്ട… “”

അപ്പോഴായിരിക്കണം അവളും അതോർത്തത്. പിന്നെ ഒന്നും മിണ്ടാണ്ട് പിന്നാലെ വന്നു.

ബസ്‌റ്റോപ്പിൽ ഉള്ള തിരക്ക് കണ്ട് മനസ് മടുത്തതാണ്. പക്ഷേ പോയില്ലേലും ജോലിയൊക്കെ ഞാൻതന്നെ ചെയ്യണമല്ലോ എന്നോർത്തപ്പോൾ അവിടെ ബസ്സും കാത്ത് നിന്നു.

അങ്ങനെ ബസ്സിൽ തിക്കിത്തിരക്കി ഓഫീസിനു മുന്നിൽ ചെന്നിറങ്ങി. ഓഫീസിൽ കയറുമ്പഴേ എന്നേം തടകയേയും നോക്കിയുള്ള അവരുടെ ആക്കിച്ചിരി കണ്ടപ്പഴേ ഇവിടേം അത് ഫ്ലാഷ് ആയെന്നെനിക്ക് മനസിലായി.

ചാണകക്കുഴിയിൽ വീണ് ആകെ നാറിനിക്കണ എനിക്കെന്ത് പട്ടിത്തീട്ടം…!

അവർക്ക് പട്ടിവിലകൊടുത്ത് കാബിനിലേക്ക് നടക്കുമ്പോൾ തലതാഴ്ത്തി തന്റെ കാബിനിലേക്ക് പോവുന്ന തടകയെയാണ് കണ്ടത്.

അതിന് വലിയ വിലകൊടുക്കാതെ ഞാനെന്റെ ജോലികളിലേക്ക് കടന്നു. രണ്ടുദിവസങ്കൊണ്ട് അത്യാവശ്യം ഫയലുകളൊക്കെ വന്ന് കിടപ്പുണ്ട്. അതൊക്കെ ക്രോസ് ചെക്ക് ചെയ്ത് മാറ്റിവച്ചു. രഘു ഭായ് വന്ന് ഇടക്ക് നോക്കിവെക്കണ ഫായലൊക്കെ തടകയുടെ അടുത്തേക്ക് കൊണ്ടുപോകുന്നുണ്ട്.
പുള്ളി എന്നോട് കാര്യങ്ങളുടെ സത്യാവസ്ഥ ചോദിച്ചെങ്കിലും ഒന്നും പറയാനുള്ള മൂഡിൽ അല്ലായിരുന്നു ഞാൻ.

“” കേട്ടത് മുഴുവൻ സത്യമൊന്നുമല്ല ഭയ്യ…. പക്ഷേ ഇപ്പൊ അവളെന്റെ ഭാര്യയാണ് “”

വീണ്ടും വീണ്ടും അയാൾ ചോദിച്ചപ്പോൾ അത്രമാത്രം പറഞ്ഞ് അയാളെ ഒഴിവാക്കി.

” എന്റെ ഭാര്യ…!! ”

അതാലോചിച്ചപ്പോൾ എനിക്ക് ചിരി വന്നു. ആജന്മശത്രുക്കളായ ഞങ്ങൾ കല്യാണം കഴിച്ചു എന്ന് പറയണതിലും വലിയ തമാശയെന്താണ്. ജീവിതം നായനക്കിയെന്ന് കേട്ടിട്ടുണ്ടാവും… പക്ഷേ എന്റെ ജീവിതം താടകയാണ് നക്കിയത്.

ജോലിയൊക്കെ ഏതാണ്ടോതുക്കി ഭക്ഷണം കഴിക്കാനിറങ്ങിയപ്പോഴും താടക അവളുടെ കാബിൻ വിട്ട് പുറത്തിറങ്ങിയിട്ടില്ല.

അത് കാര്യമാക്കാതെ ഞാൻ കാന്റീനിലേക്ക് ചെന്നു.

സഹപ്രവർത്തകരുടെ കളിയാക്കലിന്റെയും കുത്തുവാക്കുകളുടെയും കാഠിന്യമേറിയെങ്കിലും ഭക്ഷണത്തിന്റെ വിലയറിയാവുന്നതുകൊണ്ട് അതിന് ചെവികൊടുത്തില്ല.

” സാർ… എങ്ങനുണ്ടായിരുന്നു… മാഡമെങ്ങനാ കൊള്ളാവോ… ഞങ്ങൾക്കെന്തേലും ഹോപ്പുണ്ടോ… ”

ഒരുത്തൻ വിളിച്ച് ചോദിച്ചതാണ്. അത് കേട്ട് അവിടിരുന്ന പെണ്പിള്ളേരുടെ ഒക്കെ മുഖം ചുളിയുന്നത് ഞാൻ കണ്ടു.

ഭൂമിയോളം താഴാം… പക്ഷേ വീണ്ടും ചവിട്ടിത്താഴ്ത്താൻ നോക്കിയാലെന്തുവേണം.

ക്ഷമയുടെ നെല്ലിപ്പലക്ക കടന്നിട്ട് ഒത്തിരി നേരമായിരിക്കുന്നു.

എന്നിൽ ഉറഞ്ഞുകൂടിയിരുന്ന ദേഷ്യം മുഴുവനും പൊട്ടിയൊലിച്ച് പുറത്തുവന്നു.

ഒരൊറ്റക്കുതിപ്പിന് പറഞ്ഞവന്റെ കഴുത്തിലെന്റെ പിടിവീണിരുന്നു.

“” ഇനിയുന്നിന്റെയീ പിഴച്ചനാവ് കുരച്ചെന്ന് ഞാനറിഞ്ഞാൽ അത് ഞാനരിയും… ചെയ്യൂന്ന് പറയുന്നതീ രാഹുലാണെ ചെയ്യാണ്ട് ഞാനിവിടന്നിറങ്ങില്ല..!””

എനിക്കുപോലും അന്യമായിരുന്ന എന്റെയുള്ളിൽ ഉറങ്ങിക്കിടന്ന മറ്റൊരു രാഹുലായിരുന്നു അത്.

വർഷങ്ങളോളം ഒരു ഇൻട്രോവെർട്ട് ആയിക്കഴിഞ്ഞ് പുറത്ത് പ്രകടിപ്പിക്കാതെ ഉള്ളിലൊതുക്കിയ ദേഷ്യവും ഫ്രസ്ട്രേഷനും എല്ലാങ്കൂടെ ഒറ്റയടിക്ക് പുറത്തുവന്നതാണ്.

എന്റെയാ ഭാവംകണ്ട് കാന്റീൻ നിശബ്ദമായി. ദേഷ്യത്താൽ ചുവന്ന കണ്ണുമായി ഓരോരുത്തരെയും വീക്ഷിക്കുമ്പോൾ അവരിൽ കണ്ട ഭയം… അതൊരു ലഹരിയായി എന്നിൽ പടരുന്നപോലെ.

അപ്പോഴും എന്റെ കയ്യിൽ കിടന്നു പിടഞ്ഞ അവനെ ഞാൻ നിലത്തുനിർത്തി. മുട്ടിൽ ഇരുന്ന് ആഞ്ഞുശ്വസിക്കാൻ ശ്രമിച്ചുകൊണ്ട് ഇരുന്ന അവനെ ഒന്ന് നോക്കി ഞാൻ എന്റെ കാബിനിലേക്ക് ചെന്നു.

കുറച്ച് നേരമെടുത്തു ദേഷ്യമൊന്നടങ്ങാൻ. എന്നാലത് അടങ്ങിയപ്പോ ഒരുതരം ഞെട്ടലായിരുന്നു എനിക്ക്. ഞാൻ തന്നെയാണോ അത് ചെയ്തത് എന്ന് വിശ്വസിക്കാൻ അല്പം പ്രയാസം തോന്നി.
“എന്റീശ്വര ഞാനാണോ ഇനി അമ്പി…!!”

മൾട്ടിപ്പിൽ പേഴ്സണാലിറ്റി ഡിസോഡർ വല്ലോമാണോ എന്നുപോലും ചിന്തിക്കാതിരുന്നില്ല.

ആ ഒറ്റ സംഭവംകൊണ്ട് ഒരു ഗുണമുണ്ടായി. പിന്നെ അവിടെയാരും ആ സംഭവത്തെപ്പറ്റി ഒരക്ഷരം മിണ്ടീട്ടില്ല.

ജോലിത്തിരക്കിൽ സമയം കടന്നുപോയത് അറിഞ്ഞേയില്ല. ഏതാണ്ട് എല്ലാം ഒതുക്കി നോക്കുമ്പോൾ സമയം അഞ്ചുമണി കഴിഞ്ഞിട്ടുണ്ട്. നാലരയോടെ എല്ലാവരും ഇറങ്ങും. എന്തുകൊണ്ടോ ഇന്നെന്നെ വിളിക്കാൻ ആരും വന്നില്ല.

ക്യാബിൻ പൂട്ടി പുറത്തിറങ്ങുമ്പോൾ ലോബിയിൽ ഇരുന്ന് ഉറക്കന്തൂങ്ങുന്ന താടകയെ ആണ് കാണുന്നത്.

“ഇവള് പോയില്ലേ…!!”

അവളുടെ അടുത്തേക്ക് നടക്കാനൊരുങ്ങിയപ്പോഴാണ് എന്റെ ഫോൺ റിങ് ചെയ്യുന്നത്. അതിന്റെ ശബ്ദങ്കേട്ട് താടക ഉറക്കം ഞെട്ടി.

ജിൻസിയാണ് ഫോണിൽ.

“” എടാ നിങ്ങളിറങ്ങിയായിരുന്നോ …? അവളെ വിളിച്ചിട്ടെടുത്തില്ല… സൈലന്റ് ആണെന്ന് തോന്നുന്നു…!!””

“” ഇല്ലടാ… ദേ ഇറങ്ങാൻ പോകുവാ… എന്തേലും വാങ്ങാനുണ്ടോ..? “”

“”ഹേയ്… അല്ലടാ… ഞാനുമമ്മുവും ഒന്ന് പുറത്തോട്ടിറങ്ങി…നിങ്ങളേം പിക്ക് ചെയ്യാന്നോർത്തു…ഒരഞ്ചുമിനുട്ട്.. ഞങ്ങളിപ്പോ അവിടെടുത്തും. “”

“” ഓക്കേഡാ… വെയിറ്റ് ചെയ്യാം… ”

അവളോട്‌യെസ്സുപറഞ്ഞ് ഫോൺ വെക്കുമ്പോൾ തടകയെന്നേം മിഴിച്ച് നോക്കിനിക്കുവായിരുന്നു.

അവൾടെ നോട്ടങ്കാണുമ്പോൾ ആ ഉണ്ടക്കണ്ണ് കുത്തിപ്പൊട്ടിക്കാൻ തോന്നണുണ്ട്. പക്ഷേ വെറുതേപോയി ചൊറിഞ്ഞാലുള്ള അവൾടെ പ്രതികരണം പ്രവാചനാധീതമായതിനാൽ റിസ്ക് എടുക്കണ്ടാന്നുവച്ചു. അല്ലാണ്ടവളെ പേടിയായത് കൊണ്ടൊന്നുവല്ല… ഏത്..!!

“” ആരാ വിളിച്ചേ….!!””

എന്നേം ചൂഴ്ന്ന് നോക്കിയുള്ള അവളുടെ ചോദ്യം വന്നതും ഞാനവളെയൊന്ന് നോക്കി.

“” എന്നെപ്പലരും വിളിക്കും… അതൊക്കെ നിന്നെബോദിപ്പിക്കേണ്ടാവിശ്യം എനിക്കില്ല…!! “”

എത്രയൊക്കെ അടങ്ങിയിരിക്കാം എന്നോർത്താലും സമ്മതിക്കില്ല… അവളല്ല… എന്റെ മനസ്…!!

എന്തോ പറയാനോങ്ങിയ അവൾ എന്തോ ഓർത്തിട്ടെന്നപോലെ അത് വിഴുങ്ങി. പിന്നെ ചുണ്ടുകോട്ടി എന്തോ പിറുപിറുത്ത് ഫോണിൽ നോക്കിയിരിപ്പായി.

“” നമുക്ക് പോണ്ടേ…!! “”

എന്റെ നോട്ടം മാറിയതും ചോദ്യമെത്തി.

“” ആരുങ്കെട്ടിവച്ചിട്ടില്ലല്ലോ…. പോണോങ്കി പോയ്ക്കൂടെ…!””

ചൊറിയുക എന്ന് തന്നെയാണ് എന്നെന്റെയുദ്ദേശം എന്ന് മനസിലാക്കിയപ്പോൾ അവളുടെ മുഖം വലിഞ്ഞു മുറുകി.
അത് കണ്ട് ഞാനൊന്ന് പതറാതിരിന്നില്ല. കാരണം അവളെ പേടിക്കണം. മാടമ്പള്ളിയിലെ മനോരോകിയാണ് മുന്നിലിരിക്കുന്നത്. പ്രാന്തി എന്ത് ചെയ്യുമെന്ന് ഒരു കണിയാനും പ്രവചിക്കാൻ പറ്റില്ല.!

“” താൻ എപ്പഴേലും കെട്ടിയെടുക്ക്…!””

എന്നുമ്പറഞ്ഞവൾ പുറത്തേക്കിറങ്ങിയപ്പോൾ തന്നെ ജിൻസി കാറുമായി ഓഫീസിന് മുന്നിലെത്തിയിരുന്നു.

എന്നെയൊന്ന് കലിപ്പിച്ച് നോക്കി തടകചെന്ന് കാറിൽ കയറി. പിന്നാലെ ഞാനും.

“” ജിൻസി…. എനിക്കെന്തേലുങ്കഴിക്കണം… നല്ല വിശപ്പുണ്ട്… ഏതേലും റസ്റ്റോറന്റിൽ നിർത്തുവോ…!? “”

കാറ് നീങ്ങിതുടങ്ങിയപ്പഴേ തടകയുടെ നാവ് ചലിച്ചു.

“” അതെന്നതാ പെട്ടന്നൊരു വെശപ്പ്… രണ്ടുങ്കൂടെ തല്ലുപിടിയായിരുന്നോ ഓഫീസിൽ… ഏഹ്..””

എന്തോ വല്യതമാശ പറഞ്ഞമട്ടിലിരുന്ന് സ്വയം ചിരിച്ച ജിൻസിയെ ഞാനറിയാതെയൊന്ന് നോക്കിപ്പോയി…

ഇനിയമ്മൂന്റെ കൂടെനടന്നിട്ടാണോയെന്തോ..!! കാരണമവളുടെ വായീന്നാണ് ഇതുപോലുള്ള ഊളച്ചളികൾ പൊതുവെ വരാറ്.

“” ഉച്ചക്കൊന്നുങ്കഴിച്ചില്ലടീ… ഹോ..!! “”

“” അതെന്നാ കഴിക്കാഞ്ഞേ… “”

ജിനിസിയുടേത് ന്യായമായ ചോദ്യമായിരുന്നു.

“” രാവിലെച്ചെന്നപ്പോമുതലുള്ള അവരുടെ സംസാരോം നോട്ടോം കാണണം…. തൊലിപൊളിഞ്ഞുപോയി… പിന്നേങ്കേറിച്ചെന്ന് കോമഡിപ്പീസാവാൻ തോന്നീല…!””

അഭിരാമിയുടെ ശബ്ദം നന്നേ പതിഞ്ഞുപോയിരുന്നു.

അതിനാരുമൊന്നും പറഞ്ഞില്ലേലും

“” നീയുമൊന്നും കഴിച്ചില്ലേടാ…?!””

എന്നയവളുടെ ചോദ്യം എനിക്ക് നേരെവന്നു.

” ആഹ്… ഞാങ്കഴിച്ചതാ… “”

എന്ന് മറുപടികൊടുത്തതും അവള് തന്ന മറുപടിക്കെട്ട് ഞാനങ്ങില്ലാണ്ടായി.

“” ആഹ്… നിനക്കല്ലേലും നാണോം മാനോമൊന്നുമില്ലല്ലോ…!! “”

“” മൊത്തത്തിനാറിനിക്കണ എനിക്കിത്തിരി നാണോമ്മാനോം കുറവാ…!! അല്ലേലും ചാണകക്കൂഴീവീണ എനിക്കതൊന്നും വല്യ നാറ്റായിട്ടൊന്നും തോന്നീല്ല…! “”

അതത്യാവശ്യം നല്ലരീതിക്ക് കൊണ്ടെങ്കിലും പിടിച്ച് നിൽക്കണല്ലോന്ന് ഓർത്ത് പറഞ്ഞ ഡയലോഗ് അവസാനിക്കുമ്പോ അത് താടകയെ നോക്കിയാണ് പറഞ്ഞത്.

അത് കണ്ടവളൊന്ന് പല്ല് കടിച്ചു. അപ്പൊ ഞാനുദ്ദേശിച്ചതാൾക്ക് മനസിലായി. നോം കൃതാർത്ഥനായി..!!

അങ്ങനെ തടകയെ ഊട്ടാനായി അത്യാവശ്യന്നല്ലയൊരു റെസ്റ്റോറന്റിൽ തന്നെയാണ് ജിൻസി കയറിയത്.

അവിടെ പോസ്റ്റടിക്കണല്ലോ എന്നോർത്ത് ഞാനൊരു ഷേക്ക്‌ ഓർഡർ ചെയ്തു. തരക്കേടില്ലാത്ത രുചിയൊക്കെ ഉണ്ടായിരുന്നെങ്കിലും എനിക്കെന്തോ അതങ്ങട് പിടിച്ചില്ല.

“” ഡീയമ്മു… നിനക്കിത് വേണോ…. എനിക്കിഷ്ടായില്ല…!! “”
ക്യാഷുകൊടുത്തുവാങ്ങിയ സാധനം ചുമ്മാ കളയണമെന്നോർത്താണ്‌ അത് ചോദിച്ചത്.

പക്ഷേ അമ്മുവിനുമ്മുന്നേ അതിലേക്ക് നോട്ടംപോയത് തടകയുടേതാണ്.

അവള് കഴിക്കണ വീറ്റ് പൊറോട്ട വായിൽ കുത്തിക്കയറ്റി രണ്ടുകവിളും വീർത്താണ് ഇരിക്കുന്നത്. എന്നിട്ടവൾടെയാ നോട്ടങ്കൂടെ കണ്ടതുമെനിക്ക് ചിരിവന്നുപോയി. എങ്കിലുമത് പുറത്തുചാടാതെ പിടിച്ചുനിർത്താൻ അത്യാവശ്യം നന്നായി മെനക്കെടേണ്ടിവന്നു.

വിശന്നാൽ ഇങ്ങനെയുമുണ്ടോ ആൾക്കാര്.!!

അമ്മുവതെടുത്തു കുടിക്കണത് കണ്ട് അവളെ നോക്കിപ്പേടിപ്പിക്കുന്ന താടകയേക്കണ്ടപ്പോൾ എന്റെ പിടിവിട്ടുപോയി.

എന്റെ ചിരികണ്ട് ഞെട്ടിയ ജിൻസിയും അമ്മുവും കൂടെ താടകയുടെ ഇരുത്തവും കഴിപ്പും ഭാവവും ഒക്കെ കണ്ടതോടെ ചിരിക്കാൻ തുടങ്ങി. ഒന്നും ചുറ്റും നോക്കിയപ്പോൾ കാണുന്നത് അവിടിരുന്നവരൊക്കെ നേർത്ത ഒരു ചിരിയോടെ ഞങ്ങളെ നോക്കുന്നതാണ്.

അതോടെ കക്ഷി അത്യാവശ്യം വൃത്തിയായിട്ട് ചൂളിപ്പോയി.

“” എടിയതാരും എടുത്തോണ്ടുപോവൂല…. പയ്യെക്കഴിക്ക്..!! “”

ചെറിയൊരു ചിരിയോടെ ജിൻസി അവളെനോക്കിപ്പറഞ്ഞെങ്കിലും അത് കേൾക്കാത്തപോലെ മുഖവും കുനിച്ചിരുന്നുള്ള തീറ്റയായിരുന്നു പിന്നീടങ്ങോട്ട്.

സന്ധ്യയോടടുത്തിട്ടാണ്‌ പിന്നെ ഫ്ലാറ്റിലെത്തുന്നത്. ചെന്ന് കയറിയപാടെ കുളിച്ച് ഫ്രഷ് ആയി കയറിക്കിടന്നു. തലവേദന ഇപ്പോൾ സ്ഥിരമായി മാറിയതുപോലെയാണ്. കുറേ നേരം സിസ്റ്റം ഉപയോഗിക്കുന്നതിനാൽ ആവണമത്.

അവിടിരുന്ന ഒരു ബാംമും എടുത്ത് തടവി കിടന്നതും നിദ്രയുടെ മടിത്തട്ടിലേക്ക് ഞാൻ യാത്രയായി.

ഇടക്ക് ജിൻസി വന്ന് കഴിക്കാൻ വിളിച്ചെങ്കിലും വേണ്ടായെന്ന് പറഞ്ഞ് കിടക്കുകയായിരുന്നു.

*******************

പിന്നീടുള്ള രണ്ടുദിവസം വലിയ സംഭവ വികാസങ്ങളൊന്നുമില്ലാതെ കടന്നുപോയി. താടകയും ഞാനും വാക്കുകൾ കൊണ്ട് പരസ്പരമുള്ള ചൊറിയലൊഴിച്ചാൽ ബാക്കിയെല്ലാം ശാന്തമായിത്തന്നെ കടന്നുപോയി.

ഓഫീസിലെ കളിയാക്കൽ അന്നത്തെ സംഭവത്തോടെ നിന്നിരുന്നു.

“” എടാ… നീയിപ്പോ എപ്പഴും ഓരോ ചിന്തയിലാണല്ലോ… എന്നതാ പ്രശ്നം?! “”

എന്നത്തേയുംപോലെ ജിൻസിയുടെ ഫ്ലാറ്റിലിരുന്നുള്ള അന്തിചർച്ചയ്ക്കിടെ ജിൻസിയുടെ ചോദ്യമായിരുന്നു അത്.

അപ്പോഴാണ് അമ്മു എന്നെ ശ്രെദ്ധിക്കുന്നത് എന്ന് തോന്നണു.

“” ഹേയ് ഒന്നുല്ലടീ… ഞാനെന്തോ ആലോയ്ച്ചെയാ…!! “”

“” അതന്ന്യാ ചോയ്ക്കണേ നിനക്കെന്തേലും പ്രശ്നോണ്ടോന്ന് എപ്പോനൊക്ക്യാലും അവന്റൊരു ചിന്ത… “”

“” കുഴപ്പൊന്നല്ല ജിൻസീ… അമ്മേപ്പറ്റിയൊക്കെ ഓർത്തതായിരുന്നു…!!””
“” എന്താപ്പോ അമ്മക്ക്…. ഞാനോരുകുത്തങ്ങ് വച്ചുതരും പറഞ്ഞേക്കാം…!! ബാക്കിയുള്ളോർടെ മൂടുകളയാനായിട്ട് ശവം…!! “”

അതിന് ഞാൻ വെറുതേ ഒന്ന് ചിരിച്ചുകാണിച്ചു.

“” ഹോ…! എന്താ ഇളി…. ഉമ്മ്… ചെല്ല് പോയിക്കിടക്കാൻ നോക്ക്… ഗുഡ് നൈറ്റ്‌…!!””

താടകയും ചർച്ചയിൽ ഞങ്ങൾക്കൊപ്പം ഉണ്ടാകുമെങ്കിലും അവൾ നേരത്തേ പോയി കിടക്കും. അങ്ങനെ ജിൻസിയെയും അമ്മുവിനേം വിഷ് ചെയ്തശേഷം ഞാൻ ചെന്ന് കിടന്നു.

എന്തുകൊണ്ടോ എനിക്ക് ഉറക്കം വരുന്നേയില്ലായിരുന്നു. ബാംഗ്ലൂർ നഗരത്തിന് മേൽ ഇരുണ്ടുകൂടിയ കാർമേഘങ്ങൾ പയ്യെ പെയ്തുതുടങ്ങി. ഇരുളിന്റെ മറനീക്കി ഇടയ്ക്കിടെ എത്തിനോക്കിയ മിന്നൽപ്പിണറുകളുടെ വെളിച്ചം എന്റെ റൂമിൽ ഓരോ നിഴൾരൂപങ്ങൾ സൃഷ്ടിച്ചുകൊണ്ടിരുന്നു.

അതും വീക്ഷിച്ചുകിടന്ന ഞാൻ വാതിൽപ്പടിയിൽ നിന്നായാ രൂപം കണ്ട് ഞെട്ടിത്തരിച്ചു. കാറ്റിൽ പാറിപറന്ന മുടിയിഴകളോടുകൂടിയ പേടിപ്പിക്കുന്ന ഒരു ഇരുൾ രൂപം.

ഞെട്ടിപ്പിടഞ്ഞെണീറ്റ ഞാൻ ബെഡ്‌ഡിനു സൈഡിലെ സ്വിച്ചിൽ വിരലമർത്തി ലൈറ്റ് തെളിയിച്ചു.

തടകയായിരുന്നു അത്. പാതിരാത്രിക്ക് ആളെപ്പേടിപ്പിക്കാനായിട്ട് ഇറങ്ങിയേക്കുവാ ശവം…!!

ഞാനറിയാതെയൊന്ന് നെഞ്ചിൽ കൈവച്ചുപോയി. ഹൃദയതാളം ഇപ്പോഴും പഴയപടിയായിട്ടില്ല. ഇപ്പളറ്റാക്ക് വന്ന് ചത്തേനെ…! അങ്ങനൊരു കാഴ്ചയായിരുന്നു അത്.

“” പേടിപ്പിച്ചാളെക്കൊല്ലാൻ നോക്കുന്നോടി കോപ്പേ..!! “”

അന്നേരത്തെ ഞെട്ടലിൽ വായീന്ന് വീണുപോയതാണ്.

എന്റെ പ്രതികരണം കണ്ട് അവളൊന്ന് പതറി.

“” ഞാൻ… ഞാനിവിടെക്കിടന്നോട്ടെ…?! “”

അവൾടെവശ്യങ്കേട്ട ഞാൻ കാണുന്നത് സ്വപ്നം വല്ലോമാണോ എന്ന ചിന്തയിലായിരുന്നു.

“” എന്താന്ന്…??!! “”

ചോദ്യങ്കേട്ട ഞെട്ടലിൽ വായീന്ന് തെന്നിത്തെറിച്ച വാക്കാണത്. ഞെട്ടിപ്പാണ്ടാരമടങ്ങി നിക്കുമ്പോ ഞാൻ കേട്ടത് മാറിപ്പോയോ എന്ന സംശയവും ഇല്ലാതിരുന്നില്ല.

“” ഞാൻ… ഞാനിന്നിവിടെ കിടന്നോട്ടെ…!! “”

അപ്പൊ കേട്ടത് തെറ്റീട്ടില്ല എന്ന ആശ്വാസത്തോടെ ഇരുന്നപ്പോഴാണ് എന്താണ് അവളുടെ ആവിശ്യമെന്ന് ഓർക്കുന്നത്. അതോടെ ഒന്നൂടെ ഞെട്ടി.

“” ഏഹ്…. അതൊന്നുമ്പറ്റൂല… അപ്പർത്തെങ്ങാൻ പോയിക്കിടക്ക്… കൂടെക്കിടത്താൻപറ്റിയൊരു സാധനം…. ഉറക്കത്തില് നീയെന്നെക്കൊല്ലൂലാന്ന് ആര് കണ്ട്… !!””

“” പ്ലീസ്… ഞാനിവിടേതേലും മൂലക്ക് കിടന്നോളാ… ഒരു ശാല്യോഞ്ചെയ്യൂല… “”
“” അതൊന്നുമ്പറ്റൂല…!! “”

“” പ്ലീസ്… പേടിച്ചിട്ടാടാ…!””

എന്റീശ്വരാ… ഈ ഇടിയുമ്മിന്നലും പേടിയുള്ള ഇവളെയാണോ ഞാനിത്രേന്നാള് പേടിച്ചേ…! അയ്യേ…!!

ഞാനവളെ ഒരയ്യേ ഭാവത്തോടെ നോക്കിയപ്പോളവള് തുടർന്നു.

“” അത്… അത് ഞാനൊരു സ്വപ്നങ്കണ്ടു… സത്യായിട്ടും ഒറ്റക്ക് പേടിയായിട്ടാടാ… പ്ലീസ്…!! “”

എന്റെ ഭാവം കണ്ടിട്ടൊയെന്തോ അവള് വിവരിച്ചുപറഞ്ഞു.

ഓഹ് അപ്പൊ ഏതാണ്ട് ദുസ്വപ്നം കണ്ട് പേടിച്ചതാണ്. സത്യത്തിലവള് നല്ലപോലെ പേടിച്ചിട്ടുണ്ട് എന്ന് അവളുടെ ഭാവം കണ്ടാത്തന്നെ മനസിലാവുന്നുണ്ട്. കണ്ണ് ചെറുതായി കലങ്ങിയിട്ടുണ്ട്… അവളുടെ ശരീരത്തിലുണ്ടായ വിറയൽ അപ്പോഴും നിന്നിട്ടില്ലായിരുന്നു. അതോടൊപ്പം പുറത്ത് മുഴങ്ങുന്ന ഇടിമുഴക്കങ്ങൾക്ക് അവള് ഞെട്ടിവിറക്കുന്നുമുണ്ട്.

ഒരുനിമിഷം ഞാൻ അല്ലിയെ ഓർത്തുപോയി.

ഒരുദിവസം രാത്രിയിലവള് ഇതുപോലെ കരഞ്ഞുകൊണ്ട് റൂമിലേക്ക് വന്നതാണപ്പോ എനിക്കോർമ്മ വന്നത്.

പിന്നെന്തോ അവളോട്‌ നോ പറയാൻ തോന്നിയില്ല.

“” ഇവിടെക്കിടക്കണയൊക്കെ കൊള്ളാം…!! പക്ഷെ എന്തേലുമ്മിധത്തിലെനിക്ക് ശല്യായ ഞാഞ്ചവിട്ടിപ്പുറത്താക്കും… “”

എന്ന് ഞാൻ പറഞ്ഞപ്പോൾ കുട്ടികള് തലയാട്ടണപോലെ തലയുമിളക്കി അവള് ബെഡ്‌ഡിൽ ഓരം ചേർന്ന് കിടന്നു.

എണീറ്റ് താഴെക്കിടക്കാൻ പറയേണ്ടതാണ്… പക്ഷേ തണുപ്പ് അസ്സഹനീയമാവും എന്നറിയാവുന്നതിനാൽ എതിർത്തില്ല. അല്ലേലും എന്നിലെ മനുഷ്വത്വം മരിച്ചിട്ടില്ലാന്നെ.!

ഇത്രേയുള്ളോ താടക…! ഇവളാണോ ഒരോഫീസ് മൊത്തം വിറപ്പിച്ചിരുന്നേ…!!

ഇവളെയാണല്ലോ ഞാനിത്രേങ്കാലം പേടിച്ചോണ്ട് നടന്നെയെന്നോർത്തപ്പോൾ സത്യത്തിലെനിക്കെന്നോട് പുച്ഛം തോന്നി.

ഞാനുറക്കം വരാതെ തിരിഞ്ഞും മറിഞ്ഞും കിടക്കുമ്പോൾ താടക ഉറക്കമ്പിടിച്ചിരുന്നു. ഉറക്കത്തിനിടയിലും അവളിടക്ക് ഞെട്ടുന്നുണ്ടായിരുന്നു. ഇതുനുമ്മാത്രം ഞെട്ടാനിവള് എന്താണാവോ കണ്ടത്…!!

അങ്ങനെ ഓരോ ചിന്തകളിൽ മുഴുകി പയ്യെ ഞാനും ഉറക്കത്തിലേക്കാഴ്ന്നു.

*****************************

പിറ്റേന്ന് ഓഫിസ് ഇല്ലായിരുന്നു.അതുകൊണ്ട് അല്പം വൈകിയാണ് ഉറക്കമുണരുന്നത്.

ദസറ ഉത്സവത്തിന്റെ ലീവ് ആണ് ( ശ്രീരാമൻ രാവണനുമേൽ നേടിയ വിജയം ആഘോഷിക്കുന്ന ഉത്സവമാണ് ദസ്റ.).

താടക എണീറ്റ് പോയിട്ടുണ്ട്. ഞാൻ ഒന്ന് ഫ്രഷ് ആയി ഹാളിലേക്ക് ചെല്ലുമ്പോൾ ജിൻസിയും അമ്മുവും ഹാജർ വച്ചിട്ടുണ്ട്.

എല്ലാരും ഇവിടന്നാണ് ഫുഡ്‌ കഴിക്കാറ്. ജിൻസി രാവിലെത്തന്നെ എല്ലാമുണ്ടാക്കി ഇവിടേക്ക് കൊണ്ടുവരും. അവിടെപ്പോയി കഴിക്കാന്ന് കുറേപ്രാവിശ്യം പറഞ്ഞതാണേലും അവളത് കേട്ടതായിപ്പോലും ഭാവിക്കില്ല.
കേൾക്കണ അവൾക്കില്ലേലും പറയണ എനിക്കു മടുത്തുതുടങ്ങിയതോടെ അത് നിർത്തി.

അന്നത്തെ അവളുടെയാ ഒറ്റയാട്ടോടെ ഞാനെന്റെ പാചകം പൂർണമായി നിർത്തിയിരുന്നു.

ഇടക്ക് എന്തേലും അരിഞ്ഞ് കൊടുക്കുവോക്കെ ചെയ്യുവെങ്കിലും അടുപ്പിനടുത്തേക്ക് അവളെന്നെ അടുപ്പിക്കില്ലായിരുന്നു. അതൊരുപക്ഷെ എന്റെ കഴിവിൽ നല്ല വിശ്വാസം ഉള്ളോണ്ട് ആയിരിക്കണം.

“” ആഹാ എണീറ്റോ കുമ്പകർണൻ… എന്തൊരുറക്കാടാ…!! “”

ഹാളിലെന്റെ തലവട്ടം കണ്ടതേ ജിൻസി എനിക്കിട്ടൊന്ന് കൊട്ടി. ഇവക്കിതീന്ന് എന്ത് സുഖവാണാവോ കിട്ടുന്നെ…!!

“” ഓഹ്… ഇന്ന് പുലരുമ്പഴേ എണീറ്റിട്ട് മലമറിക്കാനൊന്നുവില്ലല്ലോ…!! അല്ലേടിയമ്മൂ..!””

“” എന്നാലും ഇങ്ങനൊന്നുമുറങ്ങാമ്പാടില്ല…!!””

അമ്മുവോരു ചിരിയോടെ പറഞ്ഞപ്പോൾ ഞെട്ടിയത് ഞാനാണ്.

എന്ത് പറഞ്ഞാലുമെന്റെ വാലേൽ തൂങ്ങിയിരുന്ന പെണ്ണാ… ജിൻസിയുടെ കൂടെക്കൂടി അവളുമെനിക്കിട്ട് കൊട്ടാൻ തുടങ്ങിയിരിക്കുന്നു…!! ഇവളെ ഇനിയും വളരാനനുവദിച്ചൂട…!!

“” ഓഹ് പിന്നേ… ഒമ്പതുമണിയൊന്നും വല്യസമയമൊന്നുവല്ല…!! രണ്ടുങ്കൂടെ എനിക്കിട്ടുണ്ടാക്കാണ്ട് എന്തേലും കഴിക്കാൻ താ…!! “”

താടക ഇതൊക്കെ കേട്ട് അവിടിരിക്കുന്നുണ്ടേലും ഒന്നും മിണ്ടിയില്ല. അവൾക്കെന്നെ ഫേസ് ചെയ്യാൻ നല്ല ചമ്മലുണ്ടെന്ന് തോന്നുന്നു. ഇത്രേം കാലം ഉണ്ടാക്കിയെടുത്ത മാരക ബിൽഡപ്പല്ലേ ഒറ്റ രാത്രികൊണ്ട് തകർന്നടിഞ്ഞത്..!! അതിന്റൊരു വിഷമങ്കാണും.! അതോർത്തപ്പോ എനിക്ക് ചിരിവന്നു.

“” എടിയമ്മുവേ… ഇവന് കാര്യമായിട്ടേതാണ്ട് പറ്റീട്ടുണ്ട്ട്ടോ… നോക്യേ ഇരുന്ന് ചിരിക്കണത്…!! “”

അവൾടെ ഡയലോഗ് കേട്ട് ഒന്ന് ചൂളിയെങ്കിലും ഒന്നും പറയാണ്ട് അവള് കൊണ്ടുവന്ന ഇഡലി കുത്തിക്കേറ്റി…!

അല്ലാണ്ട് ജിൻസിയുടെ നാവിനു മുന്നിൽ പിടിച്ചുനിക്കാനുമ്മാത്രം ഞാൻ വളർന്നിട്ടില്ല.

കഴിച്ചോണ്ടിരിക്കുമ്പോഴാണ് പുറത്ത് കാളിംഗ് ബെൽ മുഴങ്ങുന്നത്. ജിൻസിയാണ് പോയി കതക് തുറന്നത്. വാതിൽക്കലേക് നോക്കിയിരുന്ന എനിക്ക് വന്നവരെക്കണ്ട് നല്ല സന്തോഷമായി. അച്ഛനും അമ്മേം അല്ലിയും.

ജിൻസി അമ്മേനേം ചുറ്റിപ്പിടിച്ചാണ് അകത്തേക്ക് കയറിയത്. അവൾക്കിപ്പോ എന്റെയമ്മ സ്വന്തം അമ്മയാണ്.

അല്ലി നേരെയെന്റെ അടുത്തേക്കാണ് വന്നത്.

വന്നുടനെ അവളെന്റെ നടുപ്പുറം കടപ്പുറമാക്കി !…

അവളുടെയാ അടിയിൽ പുളഞ്ഞുപോയി ഞാൻ.

“” എന്താടാ പട്ടി നിനക്കെന്നെ വിളിച്ചാല്…!! ഏഹ്… “”

അവളുടെ പെരുമാറ്റം കണ്ട് എല്ലാരും ഞെട്ടിയിരിക്കുകയായിരുന്നു. അവരാരും അല്ലിയുടെ സൈക്കോത്തരം കണ്ടിട്ടില്ലല്ലോ…! പിന്നെങ്ങനെ ഞെട്ടാണ്ടിരിക്കും?!. അമ്മയും അച്ഛനും ചെറിയൊരു ചിരിയോടെ ഞങ്ങളെ നോക്കുന്നുണ്ട്.
“” എടി ഞാനൊന്ന് പറയട്ടെ…!! ”

എന്റടുത്ത് ഇടുപ്പിൽ കയ്യുങ്കുത്തി നിന്ന അവളെ നോക്കി ഞാൻ കെഞ്ചി.

“” എനിക്കൊന്നുങ്കേക്കണ്ട… നിനക്കല്ലേലും ഇപ്പഴെന്നോട് സ്നേഹൊന്നുല്ല…!! “”

ഒന്ന് ചിണുങ്ങി തിരിച്ചുപോവാൻ നിന്നായവളെ ഞാനവിടെപ്പിടിച്ചിരുത്തി.

“” ഇവിടിരിക്കെടി പോത്തേ…!! “”

വീണ്ടുമൊന്ന് കുതറി എണീറ്റ് പോവാന്നിന്ന അവളെ ഒന്നൂടെ പിടിച്ചിരുത്തി ഞാൻ പറഞ്ഞു.

അതോടെ അവളൊന്നടങ്ങി.

ഞാനൊരു കഷ്ണം ഇഡലി എടുത്ത് സാമ്പാറിൽ മുക്കി അവൾക്ക് നേരെ നീട്ടി.

അവളെന്നെയൊന്ന് തുറിച്ചുനോക്കിയേ അല്ലാണ്ട് വാ തുറന്നില്ല.

“” ഓഹ്… വേണ്ടെങ്കി വേണ്ട… എന്തൊരു ജാടയാണപ്പാ…! “”

എന്ന് പറഞ്ഞ് നീട്ടിയ കൈ പിൻവലിക്കാൻ നിന്നപ്പോ അവളൊന്ന് മുന്നോട്ടാഞ്ഞ് അത് വായിലാക്കി.

“” ഡീ പ്രാന്തീ… ന്റെ കൈ…!! “”

കയ്യടക്കമാണ് തെണ്ടി കടിച്ചത്..!!

“” ഓഹ് സഹിച്ചോ…!! “”

എന്നൊരു ചിരിയോടെ പറഞ്ഞിട്ടവളെന്നെ ചുറ്റിപ്പിടിച്ചു. ഞാനും.

താടകയും ജിൻസിയും അമ്മുവുമൊക്കെ വിശ്വസിക്കാനാവാത്തപോലെ കണ്ണുമ്മിഴിച്ച് നോക്കുന്നുണ്ട്. അവർക്കിതൊക്കെ പുതുമയാണ്. പക്ഷേ അച്ഛനും അമ്മയും ഇതൊക്കെയെന്ത് എന്ന ഒരു ഭാവത്തിലായിരുന്നു.

“” അമ്മേ…””

ഞാനമ്മയെ നോക്കിയൊന്ന് ചിരിച്ചു.

“” നീയെന്താ എണീക്കാൻ വൈകിയോ…!! “”

“” ആഹ് ഇപ്പൊ എണീറ്റേയുള്ളു… ഇന്ന് ലീവാണല്ലോ..! “”

“”ഹ്മ്മ്… മോളേ… സുഖം തന്നല്ലേ…!! “”

എന്നോടൊന്ന് കനപ്പിച്ച് മൂളി അമ്മ താടകയുടെ വിശേഷം തിരിക്കിതുടങ്ങി.

“” കുഴപ്പൊന്നൂല്ലാന്റി… സുഖാണ്..!””

താടക ചെറിയൊരു ചിരിയോടെ മറുപടി കൊടുത്തു.

അമ്മ അവളുടെ അടുത്തേക്ക് നാടന്ന് അവളുടെ മുടിയിലൊക്കെ തഴുകി.

“” ഇനിയെന്നെ അമ്മേന്ന് വിളിച്ചാമതീട്ടോ…!!””

അത് പറഞ്ഞമ്മ അവളുടെ നെറ്റിയിൽ ചുണ്ടമർത്തി.

എന്തുകൊണ്ടോ അവളുടെ കണ്ണ് നിറയുന്നുണ്ടായിരുന്നു.

അമ്മ തന്നെ അവളുടെ കവിളിലേക്ക് ഒലിച്ചിറങ്ങിയ കണ്ണീരിനെ തുടച്ചുമാറ്റി.

“” ഇതമ്മേടെ വകയൊരു സമ്മാനം…! “”

അമ്മ അവളുടെ കയ്യിലേക്ക് ഒരു സ്വർണമാല വച്ചുകൊടുത്തു.
“” ഇതൊന്നും വേണ്ടമ്മേ… പ്ലീസ്.. “”

“” ഇതില് വേണം അവൻകെട്ടിയ താലി കോർത്തിടാൻ…!! അതെന്റെ ആഗ്രഹായിരുന്നു… അവന്റെ കല്യാണത്തിനുള്ള താലി എന്റേവകയാവണമെന്ന്…! മോളെന്റെയാഗ്രഹം സാധിച്ചുതരൂലേ…!””

ഞാനിതൊക്കെ കേട്ട് തരിച്ചിരിക്കുവായിരുന്നു. അഭിരാമിയെന്നെയൊന്ന് നോക്കി. അതിന്റെയർത്ഥമെന്താണ് എന്നെനിക്ക് മനസിലായില്ല. അതിന് ശേഷം അവളമ്മയെ നോക്കിയൊന്ന് ചിരിച്ചു. പിന്നേ അമ്മയുടെ കയ്യിൽനിന്നും ആ മാല വാങ്ങിച്ചു ശേഷം അമ്മയുടെ കാലുതൊട്ട് വണങ്ങി.

“” എന്താമോളെ ഈ കാണിക്കണേ…!! “”

എന്നും പറഞ്ഞ് അമ്മയാവളെ പിടിച്ചെണീപ്പിച്ചു. അവളെ അമ്മ ഇറുകെ പുണർന്നു.

എല്ലാവരും ഒരു ചിരിയോടെയാണ് അതൊക്കെ നോക്കിനിന്നത്. പക്ഷേ എനിക്ക് ഒരന്താളിപ്പായിരുന്നു. എന്താണ് സംഭവിക്കുന്നത് എന്നുപോലും മനസിലാവാതെ അവരെയും നോക്കി ഇരിക്കുകയായിരുന്നു ഞാൻ.

അമ്മ അവളെയിങ്ങനെ സ്നേഹിക്കുന്നത് കാണുമ്പോൾ പേടിതോന്നുന്നുണ്ട്. കാരണം എനിക്കവളെ എന്റെ ഭാര്യയായി കാണാൻ കഴിയുന്നില്ല എന്നത് തന്നെ. എന്തുകൊണ്ടോ ഞങ്ങൾക്കിടയിൽ ഒരു അകൽച്ച…!! ഒരദൃശ്യവേലി ഞങ്ങളെ തമ്മിൽ വേർപെടുത്തുന്നുണ്ടായിരുന്നു. അതെന്താണ് എന്നുമാത്രമറിയില്ല.

കുറച്ചുനേരമെടുത്തപ്പോൾ ഞാൻ പഴയപടിയായി. എല്ലാവരും കൂടെ അടിപിടിയും പാട്ടും ബഹളവും ഒക്കെയായിരുന്നു പിന്നേ.

ഉച്ചക്ക് എല്ലാവരുങ്കൂടെ പുറത്തൊക്കെ കറങ്ങാനിറങ്ങി. അന്നെല്ലാവരും പുറത്ത് നിന്നാണ് ഭക്ഷണം കഴിച്ചത്.

“” ഏട്ടാ… എനിക്ക് ഐസ്ക്രീം വാങ്ങിത്തരുവോ..?! “”

അല്ലി എന്റെ പിന്നാലെ കൂടീട്ടുണ്ട്. ഇനിയത് കിട്ടാതെ അവളടങ്ങില്ല.

“” ഒരെണ്ണത്തിലൊതുക്കണം… നിനക്ക് പണ്ടേയുള്ള സൂക്കേടാ ഐസ്ക്രീം വലിച്ചുകേറ്റി തൊണ്ടവേദനയാന്നും പറഞ്ഞുള്ള കരച്ചില്…! അതോണ്ടൊരെണ്ണം വേണേ വാങ്ങിച്ചു തരം… “”

അത് കേട്ട് പെണ്ണോന്ന് ചിണുങ്ങിയെങ്കിലും ഒരെണ്ണം മതിയെന്ന് പറഞ്ഞു.

“” അതേയ് അവൾക്ക് മാത്രം പോരാ ഞങ്ങൾക്കും വേണം…!! “”

ഇത് കേട്ടോണ്ട് വന്ന അമ്മുവും ജിൻസിയും വിളിച്ചുപറഞ്ഞു.

“” ഡീ നിനക്ക് വേണോ..?!! “”

അവർക്കൊപ്പമുണ്ടായിരുന്ന തടകയോട് ജിൻസി ചോദിച്ചെങ്കിലും അവളതിന് മറുപടിയൊന്നും കൊടുത്തില്ല.

“” ഓഹ് വേണ്ടേൽ വേണ്ട…!! എടാ രണ്ടെണ്ണങ്കൂടെ… സ്ട്രോബെറി “”

ജിൻസി എന്നോട് പറഞ്ഞു.

താടക ഒന്നും പറഞ്ഞിരുന്നില്ലായിരുന്നു എങ്കിലും അവൾക്കും വേണം എന്ന് അവളുടെ മുഖം വിളിച്ചു പറയുന്നുണ്ടായിരുന്നു. ഒരുപക്ഷെ ഇന്നലത്തെ സംഭവത്തോടെയുണ്ടായ ചമ്മലാവാം അവളുടെ മൗനത്തിനു കാരണം.

ഞാനും അല്ലിയും ചെന്ന് ഐസ്ക്രീം വാങ്ങിച്ചു. എന്തുകൊണ്ടോ ഞാൻ അപ്പോൾ തടകക്ക് കൂടി വേണ്ടിയും വാങ്ങിയിരുന്നു. അതെന്തിനാണെന്ന് എനിക്കറിയില്ല. ഇനി വീണ്ടുമാ മനസാക്ഷി കാരണമാണോ എന്തോ…ഏത്..!!

ഐസ്ക്രീം എല്ലാവർക്കും കൊടുത്ത് അവസാനം ഉണ്ടായ ഒരെണ്ണം അല്ലി താടകക്ക് കൂടെ കൊടുത്തതും ജിൻസിയുടെ വിളയാട്ടം തുടങ്ങി.

“” രണ്ടുന്തമ്മില് വഴക്കാണെലെന്താ… എന്തൊരു സ്നേഹാന്ന് നോക്യേ… അവനവക്ക് വേണ്ടി ഐസ്ക്രീമൊക്കെ വാങ്ങിക്കൊടുക്കണു…!! എന്നിട്ട് പറയുമ്പോ രണ്ടും കണ്ടാ കീരീം പാമ്പും..!! “”

കോപ്പ് വേണ്ടായിരുന്നു എന്ന് തോന്നിപ്പോയി. അല്ലേലും എനിക്കെന്തിന്റെ കേടായിരുന്നു. ആജന്മ ശത്രുവിന് ഐസ്ക്രീം വാങ്ങിക്കൊടുത്തേക്കുന്നു ഊള…!! മനസാക്ഷി ഒരൊറ്റയാള് കാരണം വീണ്ടും വീണ്ടും കുഴീല് ചാടുകയാണ്.

പെഴച്ച മനസാക്ഷി.

താടക അതിനോടകം ഐസ്ക്രീം കഴിച്ചുതുടങ്ങിയിരുന്നു. അവളത് ആസ്വദിച്ചു കഴിക്കുന്നതിനിടെയാണ് അവളുടെയാ ഡയലോഗ് വന്നത്. അതോടെയാവളുടെ ചുണ്ടിലൊരു ചിരി മിന്നിമാഞ്ഞു.

അത് ജിൻസി കണ്ടെന്നു തോന്നണു.

“” നീ ചിരിക്കുവൊന്നും വേണ്ടമോളെ… ലേശം ഉളുപ്പുണ്ടേ വേണ്ടാന്നും പറഞ്ഞേച്ച് നീയിപ്പോ ഇത് വാങ്ങിക്കഴിക്കുവോ..!! “”

തടകയോടായി ജിൻസി പറഞ്ഞത് കേട്ടപ്പോ അവളൊന്ന് ചൂളി..

“” അതിനാരാ വേണ്ടാന്ന് പറഞ്ഞേ…! ഞാനൊന്നും പറഞ്ഞില്ലല്ലോ…!””

അവൾ കുട്ടികള് പറയണപോലെയത് പറഞ്ഞപ്പോൾ എല്ലാരുമവളെ നോക്കി ചിരിച്ചു.

പിന്നീട് അവിടേം ഇവിടേം ഒക്കെ കറങ്ങി സന്ധ്യയായപ്പോഴാണ് തിരിച്ച് ഫ്ലാറ്റിലെത്തുന്നത്.

“”കണ്ണാ…! ഞങ്ങള് നാളെ രാവിലെ പോവൂട്ടോ…! “”

പാർസൽ വാങ്ങിച്ചോണ്ടുവന്ന ബിരിയാണി എല്ലാവരും ഒപ്പമിരുന്നു കഴിക്കുമ്പോഴാണ് അമ്മ അത് പറഞ്ഞത്.

“” അതെന്താ… അമ്മയന്ന് പറഞ്ഞേയല്ലേ ഒരാഴ്ച ഇവിടെ നിന്നിട്ടേ പോവുള്ളൂന്ന്..!! “”

അത് കേട്ടപ്പോൾ സത്യത്തില് എന്തോ വല്ലാണ്ട് സങ്കടം തോന്നുന്നുണ്ടായിരുന്നു.

“” ശങ്കരേട്ടന്റെ ഏതോ ബന്ധു മരിച്ചെടാ… പുള്ളിയിന്ന് വയനാടേക്ക് പോയി. ഇനി ചടങ്ങൊക്കെ കഴിഞ്ഞേ തിരിച്ചുവരുള്ളൂ. അതുവരെ എവിടെയാരുമില്ലാണ്ട് എങ്ങനെയാ… ഒന്നുല്ലേ ടോമിക്ക് ഭക്ഷണമെങ്കിലും കൊടുക്കണ്ടേ…!! “”

ടോമി വീട്ടിലെ നായ്ക്കുട്ടിയാണ്. ഞാൻ ബാംഗ്ലൂർക്ക് വരുന്നതിന്റെ ഒന്നരമാസം മുന്നെയാണ് അവനെ വാങ്ങിക്കുന്നത്. ബീഗിൾ ബ്രീഡാണ് ടോമി. അടുത്ത വരവിന് അവനെ ഇവിടേക്ക് കൊണ്ടുവരണം എന്നൊക്കെ ഓർത്ത് ഇരിക്കുവായിരുന്നു ഞാൻ.

“” അമ്മേ… എന്നാലും..!! “”

“” ഒരെന്നാലുമില്ല… ഞങ്ങള് ഫ്ലൈറ്റ് ടിക്കറ്റ് ഒക്കെ ബുക്ക്‌ ചെയ്തെയാണ്. “”

അച്ഛനാണ് പറഞ്ഞത്. പിന്നേ ഞാനെന്ത് പറയാനാണ്.

അതോടെ ഞാനാകെ ഡൌൺ ആയി. ഭക്ഷണം പോലുമിറങ്ങാത്ത അവസ്ഥ.

“” ഞാനിവിടെ ഏട്ടന്റൊപ്പം നിന്നോട്ടെയാമ്മേ…!! “”

അല്ലി ഒരു വിങ്ങലോടെ ചോദിച്ചപ്പോൾ എന്റെ കണ്ണ് നിറഞ്ഞു.

“” നിനക്കിവിടേക്ക് അഡ്മിഷൻ നോക്കുന്നുണ്ട്… അപ്പൊ ഒരുമാസം കഴിഞ്ഞ് ഇവിടെ വന്ന് നിക്കാട്ടോ… ഇപ്പൊ നമുക്ക് വീട്ടിലേക്ക് പോവാം…! “”

അച്ഛനവളെ ആശ്വസിപ്പിക്കുന്ന പോലെ പറഞ്ഞപ്പോൾ അവൾ കണ്ണീരോടെ തലയാട്ടി.

വെറുതേ പത്രത്തിൽ വിരലിട്ടിളക്കി കുറച്ച് നേരമിരുന്ന് ഞാനെണീറ്റ് കൈ കഴുകി നേരെ റൂമിലേക്ക് ചെന്നു.

എന്തുകൊണ്ടോ വല്ലാത്തൊരു സങ്കടം എന്നിൽ നിറയുന്നു. അമ്മ എന്തൊക്കെയോ എന്നിൽ നിന്ന് ഒളിക്കുന്നപോലെയും പഴയ പോലെ എന്നോട് പെരുമാറാത്തപോലെയുമൊക്കെ എനിക്ക് തോന്നിക്കൊണ്ടിരുന്നു.

അവിടെക്കിടന്ന് ഞാനുറങ്ങിപ്പോയി.

രാവിലേ എണീക്കുമ്പോൾ നെഞ്ചിൽ ഒരു ഭാരം പോലെ. അല്ലിക്ക് പണ്ടേയുള്ള സ്വഭാവമാണ് എന്റെ നെഞ്ചിലിങ്ങനെ തലചായ്ച്ചുള്ള ഈ ഉറക്കം. ഞാനവളെ ചേർത്ത് പിടിച്ചു.

നെഞ്ചിലേക്ക് നോക്കിയ ഞാൻ മരവിച്ചുപോയി. അല്ലിയല്ല പകരം താടക ആയിരുന്നു അത്.

ഒരു നിമിഷം അവളെ അങ്ങനെ നോക്കി നിന്നുപോയി.

ഉറങ്ങുമ്പോൾ ഉള്ള അവളുടെ മുഖം… എന്തൊരു ക്യൂട്ട് ആണത്. കൊച്ചുപിള്ളേരുടെ ഉറക്കം നോക്കിനിക്കുന്നപോലെ നോക്കിയിരിക്കാൻ തോന്നുന്ന ഒരു കുട്ടിത്തമുണ്ടായിരുന്നു അവളുടെ മുഖത്ത്. ചുവന്ന ആ അല്ലിചുണ്ടുകളിൽ നേർത്ത ഒരു പുഞ്ചിരിയുള്ളപോലെ. കഴുത്തിൽ അമ്മയിന്നലെ സമ്മാനിച്ച മാല ഇടം പിടിച്ചിരുന്നു. അതവളുടെ വിളഞ്ഞ മാമ്പഴം പോലുള്ള മുലയിടുക്കിലേക്ക് ഇറങ്ങിനിക്കുന്നു. അവയുടെ മുഴുപ്പും വെളുപ്പും…!.നോക്കി നിന്നുപോയി.!!

“ഈശ്വരാ… ശത്രുക്കൾക്കിത്രേം സൗന്ദര്യം കൊടുക്കല്ലേ…!! ”

ശത്രു…!! ഇവളെന്റെ ശത്രുവല്ലേ….!!

അവളുടെ സൗന്ദര്യത്തിലലിഞ്ഞ ഞാൻ അത് പൂർണമായും മറന്നിരുന്നു.

“” ഡീ…!! “”

എന്നലറി ഞാനവളെ എന്റെ ദേഹത്തുനിന്ന് തള്ളിമാറ്റി.

അവളൊരു ഞെട്ടലോടെ ഞെട്ടിപ്പിടിച്ചെണീറ്റു.

“” നീ… നീയെന്താ ഇവിടെ….!! ഇന്നലെ ഇവിടെ കിടന്നോന്ന് സമ്മതിച്ചൂന്ന് വച്ച് എന്നും ഇവിടെ സ്ഥിരതാമസമാക്കാന്നാണോ കരുതിയേക്കണേ…!! “”

“” അതമ്മ… അമ്മ പറഞ്ഞിട്ടാ ഞാനിവിടെ…!! “”

“” അമ്മ പറഞ്ഞൂന്ന് വച്ച്..! “”

“” ഹലോ ചൂടാവണ്ട…! അല്ലിയുടെ ഒന്നിച്ച് കിടന്നോളാന്ന് ഞാമ്പറഞ്ഞെയ… അമ്മയാ സമ്മതിക്കാഞ്ഞേ…!””

ആദ്യത്തെ അവളുടെ ഞെട്ടലൊക്കെ മാറിയതും അവള് ഫോമായി.

അത് കണ്ട് ഞാനൊന്ന് പതറാതിരുന്നില്ല.

“” അമ്മ ഈ റൂമിൽ കിടക്കാനാ പറഞ്ഞേ… അല്ലാണ്ട് എന്റെ നെഞ്ചത്ത് കിടക്കണോന്ന് അല്ല…!! “”

പതറലോളിപ്പിച്ച് ഞാൻ പറഞ്ഞതും അവള് ചമ്മി.

“” അതുറക്കത്തില്… അറിയാണ്ട്..!! “”

നന്നായി ചമ്മിയതുകൊണ്ടാണെന്ന് തോന്നുന്നു നേരത്തേ ഉണ്ടായ കനമൊന്നും ശബ്ദത്തിനില്ലായിരുന്നു.

അവളെയൊന്ന് കണ്ണുരുട്ടി ഞാൻ എണീറ്റ് ഫ്രഷ് ആവാനായി പോയി. അമ്മ എണീറ്റ് അടുക്കളയിൽ ആയിരുന്നു. ഒരു മണിക്കൂർ കൂടെ കഴിഞ്ഞാൽ അവർ ഇവിടന്ന് ഇറങ്ങും. എയർപോർട്ടിലേക്ക് വല്യ ദൂരമൊന്നുമില്ല.

“” മോനൂന് ദോശയെടുക്കട്ടെ…?! “”

അമ്മ എന്നോട് ചോദിച്ചതും കേട്ടുകൊണ്ടാണ് താടക അങ്ങോട്ട് കേറിവന്നത്.

അവൾടെ മുഖത്തെയാ തൊലിഞ്ഞ ചിരികൂടെ കണ്ടതും ഫ്ലാറ്റിപ്പോ ഇടിഞ്ഞു വീണിരുന്നെങ്കിൽ എന്നോർത്തുപോയി.!!

അല്ലാണ്ട് പിന്നേ…! ഈ പത്തിരുപത്തിയാറ് വയസുള്ള എന്നെപ്പോലുള്ളവരെ കുട്ടൂസേ മോനൂസേ എന്നൊക്കെ വിളിക്കുന്നതിത്തിരി കോമെഡി ആയ്ട്ട് ആണ് എനിക്കെപ്പഴും തോന്നാറ്. ഒരുമാതിരി ഗുണ്ടകൾക്ക് ഇക്കിളി സുകു എന്ന് പേരിട്ടമാതിരി.!!

അങ്ങനെ ഫുഡ്‌ അടിയൊക്കെ കഴിഞ്ഞ് അവർ ഇറങ്ങാൻ തയാറായി. ജിൻസിക്കിന്ന് ഡ്യൂട്ടി ഉണ്ട്. അമ്മുവും ഇന്ന് തിരിച്ച് ജോയിൻ ചെയ്യുകയാണ്. അവർ രണ്ടുപേരും രാവിലേ ഇവിടേക്ക് വന്ന് അവരെയൊക്കെ കണ്ട് യാത്ര പറഞ്ഞൊക്കെയാണ് ജോലിസ്ഥലത്തേക്ക് പോയത് തന്നെ. ഞാൻ ഇന്ന് ലീവ് ആക്കി. താടകയും ലീവ് ആണെന്നുതോന്നുന്നു. കാരണം ഓഫീസിലേക്കുള്ള ഒരുക്കങ്ങളൊന്നും തന്നെ നടന്നിട്ടില്ല.

ഞാനും അല്ലിയും അമ്മയും അച്ഛനും എയർപോർട്ടിലേക്ക് യാത്രയായി. കൂടെ താടകയും ഉണ്ട്. ഞാനാണ് ഡ്രൈവ് ചെയ്തത്. കാർ കൊണ്ടുപോവാത്തത് ഉപകാരമായിരുന്നു. എന്നും ബസ്സിലെ ഉന്തും തള്ളും സഹിക്കേണ്ടല്ലോ…!!

“” ഞങ്ങളെന്നാ പോട്ടേടാ…!! “”

അച്ഛനെന്റെ കൈ പിടിച്ചുകൊണ്ട് പറഞ്ഞു.

അതിന് മറുപടി പറയാതെ അച്ഛനെ നോക്കിനിന്നപ്പോൾ അച്ഛൻ തുടർന്നു.

“” നിനക്കെന്നോട് ദേഷ്യുണ്ടോടാ…! ഉണ്ടാവുംന്ന് അറിയാം… നിന്റെകൂടെ അഭിപ്രായം ഞാൻ നോക്കേണ്ടതായിരുന്നു.””

“” ഹേയ്… അതൊക്കെ കഴിഞ്ഞില്ലേ… ഇനീപ്പോ പറഞ്ഞിട്ടെന്തിനാ…! കുഴപ്പല്ല… “”

സത്യത്തില് എനിക്കച്ചനോടല്പം നീരസം തോന്നിയെന്നത് സത്യം തന്നെയാണ്. പക്ഷേ അത് മറച്ചുവച്ചു.

ഞാൻ പറഞ്ഞത് കേട്ട് അച്ഛൻ എന്നെ കെട്ടിപ്പിടിച്ചു.

കുറേ നാളുകൾക്ക് ശേഷമാണ് അച്ഛനെന്നെ ഇങ്ങനെയൊന്ന് ചേർത്തുപിടിക്കുന്നത്. ആ നെഞ്ചിൽ മുഴുവൻ ഞങ്ങളോടുള്ള സ്നേഹമാണെങ്കിലും അപൂർവമായി മാത്രമേ അച്ഛനത് പ്രകടിപ്പിക്കൂ.

കുറച്ചപ്പുറം അമ്മ തടകയേം ചുറ്റിപ്പിടിച്ച് നിൽപ്പുണ്ട്. ഞങ്ങൾ അവരുടെ അടുത്തേക്ക് ചെന്നു.

രണ്ടാൾടേം കണ്ണ് നിറഞ്ഞിരുന്നു.

“” കണ്ണാ ഞങ്ങളെന്നാ പോട്ടേട… നീയിവളേം കൂട്ടിയൊന്ന് വീട്ടിലേക്ക് വരണം… അത് അധികം വൈകിപ്പിക്കണ്ട കേട്ടോടാ…! “”

“” ഹ്മ്മ്… വരാം…. കുറച്ചുദിവസം അടുപ്പിച്ച് ലീവ് കിട്ടുവാണേൽ അപ്പൊ അങ്ങെത്തിക്കോളാം.. “”

അമ്മയുടെ കവിളിൽ ഒരുമ്മയും കൊടുത്ത് അത് പറഞ്ഞപ്പോൾ അല്ലി കിടന്ന് ചിണുങ്ങി.

“” അമ്മക്ക് മാത്രേയുള്ളോ…. എനിക്കില്ലേ..””

ഞാനൊരു ചിരിയോടെ അവളെ ചേർത്ത് പിടിച്ച് നെറ്റിയിൽ ചുണ്ടമർത്തി.

“” സന്തോഷായിട്ട് പോയിട്ട് വാ… ഞാൻ പെട്ടന്നങ്ങുവരാട്ടോ.. “”

അല്ലിയെ ചേർത്ത് പിടിച്ചത് പറഞ്ഞപ്പോൾ അവളും എന്റെ കവിളിൽ ചുംബിച്ചു.

അവരെ യാത്രയാക്കി അവിടന്ന് ഇറങ്ങുമ്പോൾ എന്റെ കണ്ണിൽ ഒരു നീർത്തിളക്കമുണ്ടായിരുന്നു.

കാറിൽ താടക എന്നോടൊപ്പം മുന്നിൽ തന്നെയാണ് ഇരുന്നത്. കുറേ നേരത്തേ നിശബ്ദതയ്ക്ക് ശേഷം താടക ചിലച്ചുതുടങ്ങി.

“” മോനൂന് സുഖാണോ..?! “”

അമ്മ വിളിക്കണ ടോൺ ഇമിറ്റേറ്റ് ചെയ്ത് അവളെന്നെ ചൊറിഞ്ഞു.

എന്നാൽ ഞാനത് മൈൻഡ് ആക്കിയില്ല.

“” മോനൂന് ദേഷ്യമ്മരുന്നുണ്ടോ…!! “”

വീണ്ടുമതിന് പട്ടിവിലകൊടുത്തപ്പോൾ അവളടങ്ങുമെന്ന് കരുതിയ എനിക്ക് തെറ്റി.

“” ശ്യെടാ ഇത് മിണ്ടുന്നില്ലല്ലോ….!! കേടായിപ്പോയോ…? മോനു അവിടന്നിറങ്ങിയപ്പോ മിണ്ടുന്നതെടുത്തില്ലേ…!! “”

അതോടെന്റെ പിടിവിട്ടു.

“” നായിന്റമോളേ…. തന്തക്കും തള്ളക്കും പറയിപ്പിക്കണ്ടടങ്ങി ഇരുന്നില്ലേ നീയെന്റേന്ന് വാങ്ങും…!! “”

“” ഓഹ് പിന്നേ… ഇയാള് കൊറേയുണ്ടാക്കും… ഞാനതും നോക്കി ചുമ്മാ നിക്കുവല്ലേ…!! ”

“” അന്നോഫീസീ വച്ചൊരെണ്ണം കിട്ട്യപ്പോ നിന്നാടിലെ… ഇനി ഞാങ്കയ് വെക്കുവാണേ ഒന്നീ നിക്കില്ലാന്നുകൂടെ ഓർത്തേച്ചാമതി…!””

“” അപ്പൊ താനെന്നെ തല്ലുവോ… തല്ലിനോക്കടോ…! ബാക്കി ഞാനപ്പോ കാണിച്ചുതരാം..! “”

“” എന്തേ നിനക്ക് സംശയമുണ്ടോ…. പിന്നെ നിന്റെയീ തിളപ്പെന്റെ അമ്മയെ കണ്ടേച്ചാണേൽ ഇതൂടെ ഓർത്തോ… നമ്മടെ കാര്യത്തിലിനി ഇടപെടൂലാന്ന് അമ്മേക്കൊണ്ട് സത്യഞ്ചെയ്യിച്ചിട്ടാ ഞാനമ്മേനെ പറഞ്ഞയച്ചത്…. അതോണ്ടേനി പുന്നാര മോളേ… ഞാന്നിന്നെ തല്ലിക്കൊന്നാലുവമ്മ ഇടപെടൂല…!! “”

ഞാനത് പറഞ്ഞപ്പോ തടകയേതാണ്ട് കാറ്റുപോയ ബലൂൺ പോലെ ഒതുങ്ങിപ്പോയി. അപ്പൊ അമ്മേടെ ബലത്തിലാണ് നാറിയീ കിടന്ന് തിളച്ചത്.

എന്നെയൊന്ന് തുറിച്ചുനോക്കി ഏതാണ്ടൊക്കെ പിറുപിറുത്ത് അവള് പിന്നീടങ്ങോട്ട് വിൻഡോയിലൂടെ പുറത്തേക്ക് നോക്കിയിരിപ്പായി.

അതുകണ്ട് എനിക്ക് ചിരിവന്നുപോയി.

ഇത്രേ ഉള്ളു നീ… ഇനി രാഹുലിനോട് കളിക്കാൻ നിന്നാ എടുത്ത് വല്ല പൊട്ടാക്കിണറ്റിലുമിടും കേട്ടോടി മരത്തവളേ….!!

മനസ്സിൽ സ്വയം പറഞ്ഞ് ചുണ്ടിൽ ഊറിവന്ന ചിരിയോടെ ഞാൻ തിരിച്ച് ഫ്ലാറ്റിലേക്ക് ഡ്രൈവ് ചെയ്തുകൊണ്ടിരുന്നു.

*********

അവരുടെ ഓരോ നീക്കവും വീക്ഷിച്ച് ഒരു കറുത്ത മോഡിഫൈഡ് മാഹീന്ത്ര താർ അവരുടെ പിന്നാലെ ഉണ്ടായിരുന്നത് ഇരുവരും ശ്രദ്ധിച്ചില്ല. താറിനകത്തിരുന്ന ആരോഗ്യവാനായ യുവാവ് ഫോണിൽ ആരോടോ സംസാരിക്കുകയായിരുന്നു.

“” സാർ… നമ്മുടെ പ്ലാൻ വർക്ക്‌ ആയില്ല എന്നാണ് തോന്നുന്നത്…!! അവളെ വീട്ടിൽ നിന്ന് പുറത്താക്കി എന്ന വിവരം സത്യം തന്നെയാണ്… പക്ഷേ അവളിപ്പോഴും സന്തോഷത്തോടെയാണ് ഇരിക്കുന്നത്…!! “”

ആ യുവാവ് ഫോണിലൂടെ സന്ദേശം കൈമാറി.

“” അവൾ സന്തോഷിക്കട്ടെ….!! പക്ഷേ ആ സന്തോഷത്തിന്റെ ആയുസ്സ് തീരുമാനിക്കുന്നത് ഞാനാണ്…!!””

ഗംഭീര്യമുള്ള ശബ്ദത്തിൽ ഒരു മുഴക്കം പോലെ മറുപടി ആ യുവാവിനെ തേടിയെത്തി. അതിന് പിന്നാലെ അയാളുടെ അട്ടഹാസവും!!

തുടരും.

20cookie-checkസുന്ദരി – 10no