“ഋഷി……… ഹലോ….. ഋഷി എന്തു ഉറക്കമാടോ… ഒരു ആന കുത്തിയാൽ പോലും അറിയില്ലല്ലോ താൻ.”
“ഓഹ്.. മീര sorry .. ഇന്നലെ ഉറങ്ങാൻ പറ്റിയില്ലടോ., അത് കൊണ്ട് ഒന്ന് മയങ്ങി പോയി.”
“ടോ എന്റെ സ്റ്റോപ്പ്‌ എത്തി ഞാൻ ഇറങ്ങുവ, ഇവിടെ 15 മിനിറ്റ് ഉണ്ട് താൻ പോയി
വല്ലതും കഴിച്ചിട്ട് പോയാമതി “.
അതും പറഞ്ഞു മീര എന്റെ കയ്യും പിടിച്ചു പുറത്തിറങ്ങി..
വൈറ്റിലയിൽ നിന്നും കായംകുളം എത്തിയത് അറിഞ്ഞില്ല..
” ഋഷി.. ഞാൻ പോകുവാണ്.. ഇനി ഇവിടുന്നു മാവേലിക്കരക്ക് വേറെ ബസിൽ പോകണം, താൻ
കൊല്ലത്ത് എത്തിയിട്ട് വിളിക്ക്.”
“ഒക്കെ ടോ, വിളിക്കാം… താൻ ചെല്ല് “
“താൻ എന്തെങ്കിലും കഴിച്ചിട്ടേ ബസിൽ കയറാവു. കേട്ടോ? “
“ആഹ് കേട്ടു “
“എങ്കിൽ ശരിയാടോ, പോകുവാ.”
അപ്പോഴേക്കും അവൾക്കു പോകാനുള്ള ksrtc യുടെ വേണാട് മാവേലിക്കരയുടെ ബോർഡും വെച്ചു
പുറപ്പെടാൻ തയാറായി നിൽപ്പുനടയിരുന്നു.. അവൾ എനിക്കു തന്ന ഷേക്ക്‌ ഹാൻഡ് പിൻവലിച്ചു
ബസിലേക് ഓടിക്കയറി…ബസിന്റെ സൈഡ് സീറ്റിൽ ഇരുന്നു അവൾ എനിക്ക് ടാറ്റാ തന്നു.. അവൾ
പോയി… ബസ് എന്നിൽ നിന്നും മറയുന്നതു വരെ ഞാൻ അവിടെ തന്നേ നിന്നെ..
അപ്പോഴാണ് എന്റെ ഫോൺ റിങ് ചെയ്തത്, ഞാൻ ഫോൺ എടുത്തു നോക്കി. “അഭിമന്യു കാളിങ് “
ഞാൻ ഫോണെടുത്തു.
“ഹലോ? എന്താടാ അഭി “
“ടാ നീ എവിടായി,? “
“കായംകുളം ആയട. “
“നിനക്ക് വട്ട നിനക്ക് കൊട്ടാരക്കര വഴി വരുന്ന സൂപ്പർ ഫസ്റ്റിൽ കയറിയാൽ
പോരായിരുന്നോ?.. ഇനി കൊല്ലത്തിറങ്ങി നീ എപ്പോൾ വീട്ടിലെത്താനാ.. “
അഭിയുടെ ചോദ്യത്തിന് എന്നിൽ ഉത്തരം ഉണ്ടായിരുന്നില്ല. ഞൻ ഒന്ന് മൂളുക മാത്രം
ചെയ്തു.
“ഹലോ..ടാ നീ കേൾക്കുന്നുണ്ടോ “
” ഹ..ഉണ്ടട, നീ പറഞ്ഞോ “.
“ആഹ്.നീ കരുനാഗപ്പള്ളി എത്തുമ്പോൾ എന്നെ ഒന്ന് വിളിക്ക്, ഞാൻ അപ്പോഴേക്കും ഞാൻ
സ്റ്റാൻഡിൽ എത്താം.. ഇപ്പോൾ ഞാൻ കൊട്ടിയം വരെ വന്നതാണ്.. “
“ഹ..ഞാൻ വിളിക്കട… “
“ശരി..ഞാൻ വെച്ചേക്കുവാ.”
“ഓക്കേ ടാ..”
ഫോൺ കട്ട്‌ ചെയ്തു ഞൻ ബസിലേക്ക് കയറി.. അപ്പോഴേക്കും, ബസ് പുറപ്പെടാൻ തയറായിരുന്നു…
അതുകൊണ്ട് ഒന്നും കഴിക്കാൻ നിൽക്കാതെ, ഞാൻ ബസിലേക്ക് കയറി. സീറ്റിൽ ഇരുന്നു…..
വീണ്ടും ഞാൻ കണ്ണുകൾ അടച്ചു സീറ്റിലേക് ചാരികിടന്നു..
——————————
”
ഹായ്… ഋഷി…. “
“ഹായ് , എന്റെ പേരെങ്ങനെ “
“ഓഹ് അതോ, അതൊക്ക അറിഞ്ഞടോ, തന്റെ നാട് കൊട്ടാരക്കരയാണല്ലേ?
“അതെ, എനിക്ക് മനസ്സിലായില്ല, ഇതൊക്കെ നിങ്ങൾക്ക് എന്നെ എങ്ങനെ, “
“എനിക്ക് അറിയാം എന്നല്ലേ? :
ഞാൻ മീര, തന്റെ ടീം ലീഡർ ആണ് “
“ഓഹ്.. സോറി മേഡം… ഞാൻ ആളറിയാതെ.. “
“ടോ താനെന്നെ മീരേന്നു വിളിച്ച മതി, മാഡം എന്നൊക്കെ വിളിക്കുമ്പോൾ എന്തോ ഒരു
ഇറിറ്റേഷൻ ഫീൽ ചെയ്യുന്നു.. “
“ശരി,, മാഡം, സോറി മീര “
“ഹ… തന്റെ താമസം എവിടാ.. ഹോസ്റ്റലിലാണോ, അതോ? “
“ഇവിടെ കളമശ്ശേരിൽ ഒരു ഫ്രണ്ട് ഉണ്ട് തൽക്കാലം അവന്റെ കൂടെ കൂടന്നുവെച്ചു “
“താൻ കളമശ്ശേരിലാണോ? “
“ഹ…സൗത്ത് കളമശ്ശേരി ആ റെയിൽവേ ട്രാക്കിന്റെ അടുത്തുള്ള രണ്ടു നില വീട്ടിൽ..”
“ഹ.. ഞാനും അവിടാണ്, റോയൽ വർക്കിംഗ്‌ വിമൺസ് ഹോസ്റ്റൽ “.
“ടോ മണി അഞ്ചായി, താൻ സിസ്റ്റം ഷെഡ് ഡൌൺ ചെയ്‌തോളും, നമുക്ക് ഒരുമിച്ചിറങ്ങാം..”
ഞാൻ അവൾ പറഞ്ഞത് അനുസരിച്ചു സിസ്റ്റം ഓഫ് ചെയ്തു മീരയുടെ കൂടെ പുറത്തേക്കിറങ്ങി.
പാർക്കിങ് ഏരിയ ൽ നിന്നും ഒരു മഞ്ഞ ഡിയോ യുമായി മീര എന്റെ മുന്നിൽ വന്നു നിന്നു,
കയറാൻ പറഞ്ഞു..
ഞാൻ അവളുടെ കൂടെ വണ്ടിയിൽ കയറി.. ആ യാത്രയിൽ ഞങ്ങൾ കൂടുതൽ പരിചയപ്പെട്ടു… എന്നെ
ഫ്രണ്ട് ന്റെ വീടിനു മുൻപിൽ ഇറക്കി അവൾ ഹോസ്റ്റലിലേക്ക് പോയ്‌..
പിന്നെ ഞങ്ങൾ കൂടുതൽ, അടുത്തു.. അവൾ എന്റെ ബെസ്റ്റി ആയി മാറിയിരുന്നു..
അപ്പോഴേക്കും രണ്ടു വർഷം കഴിഞ്ഞു പോയിരുന്നു..
ഇത്രയും കാലത്തിനിടയിൽ ഞാൻ അവളെ പൂർണ്ണമായും മനസ്സിലാക്കിയിരുന്നു.
..
ഒരുദിവസം അവൾ പെട്ടന്നു ലീവ് എടുത്തു നാട്ടിലേക്ക് പോയി..
അന്ന് ഞാൻ അനുഭവിച്ച വേദന, എനിക്കും ദൈവത്തിനും മാത്രമേ അറിയൂ..
ഒരാഴ്ചയായി മീര നാട്ടിൽ പോയിട്ട്, ഒരു വിവരവും ഇല്ല, വാട്സ്ആപ്പ് ഇല്ല, ഫേസ്ബുക്
ഇല്ല, ഫോൺ ആണേൽ ഫുൾ ടൈം പരുതിക് പുറത്ത്.. ആകെ വട്ടായി നിന്ന ഞാൻ ഒരു സിഗരറ്റ്
കത്തിച്ചു വലിച്ചു കൊണ്ട് ബാല്കണിയിൽ നിൽക്കുമ്പോളാണ്, എന്റെ ഫ്രണ്ട് “ജയ്”
അങ്ങോട്ടേക്ക് വരുന്നത്..
” എന്താടോ തനിക്കു ഒരു മ്ലാനത “
“ഏയ്‌ ഒന്നുല്ലടാ, നിനക്ക് തോന്നിയതാവും “
“എനിക്ക് അങ്ങനെ വെറുതെ തോന്നിയതൊന്നുമല്ല, ഇപ്പോൾ ഒരാഴ്ചയായി നീ ആകെ മൂഡ് ഓഫ്,
എന്താടാ ഓഫീസിൽ വല്ല പ്രശനവും “.
“ഇല്ല…അങ്ങനെ ഒന്നുല്ല.”
“ആഹ് എങ്കിൽ അത് വിട്.. നിന്റെ കൂടെ വരുന്ന ആ പെണ്ണെവിടെ ഇപ്പോൾ കാണുന്നില്ലല്ലോ “.
അവന്റെ ചോദ്യത്തിന് എന്റെ ഉത്തരം മൗനമായിരുന്നു..
“ടാ.നീ എന്താ ഒന്നും മിണ്ടാത്തെ, നിന്റെ ഈ മൂഡ് ഓഫിന് കാരണം അവളാണോ “
അപ്പോഴും എന്റെ ഉത്തരം മൗനം ആയിരുന്നു..
“ഉം… മനസ്സിലായി.. അപ്പോൾ സമ്പവം ഞാൻ ഉദേശിച്ചത്‌ തന്ന. ടാ ഋഷി നിനക്ക് അവളോട്
പ്രേമമാട,, നീ അവളെ സ്നേഹിക്കുന്നു.. അതാണ് നിന്റെ ഈ അവസ്ഥക്ക് കാരണം, നീ പോയി
അവളോട് കാര്യം പറയട.. ഇല്ലേ മണ്ണും ചാരി നിന്നവൻ പെണ്ണും കൊണ്ട് പോയന്ന് വരും..നീ
പെട്ടന്നു പോയി പറയാൻ നോക്ക് “
അവനെന്റെ തോളിൽ തട്ടി സ്റ്റെപ് ഇറങ്ങി താഴേക്കു പോയി.
വീണ്ടും ഞാൻ ഒരു പുകയെടുത്തു ദൂരേക്ക് നോക്കി, അപ്പോളാണ് എന്റെ മനസ്സിൽ ജയ് പറഞ്ഞ
കാര്യങ്ങൾ ഓടി വന്നത്.. മീരേ ഞാൻ സ്നേഹിക്കുന്നുവോ? അവളോട് എനിക്ക് പ്രണയമാണോ? അവളെ
കാണാതിരിക്കുമ്പോളുള്ള എന്റെ നെഞ്ചിലെ തി അതുകൊണ്ടാകുമോ?
ഒന്നുറപ്പാണ് എനിക്ക് അവളെ ഇഷ്ടമാണ്.അവൾ അടുത്തുള്ളപ്പോൾ ഞാൻ ഒത്തിരി സന്തോഷവാനാണ്,
എന്റെ ചെറിയ കാര്യങ്ങൾക്കു പോലും അവളോട് ചോദിക്കാതെ ഞാൻ തീരുമാനം
എടുത്തിരുന്നില്ല. അതെ എനിക്ക് അവളെ ഇഷ്ടമാണ്.. ജീവിത കാലം മുഴുവൻ അവളെ എനിക്ക്
വേണം. അവളെ എന്റെ ഇഷ്ടം അറിയിക്കണം,
ഒരു പക്ഷേ അവൾക് എന്നെ ഇഷ്ടമായില്ലങ്കിലോ? അവൾ എന്നെ വിട്ടു പോകുമോ? എന്താ ഇപ്പോൾ
ചെയ്യുക..
അങ്ങേ ഓരോന്ന് ചിന്തിച്ചു നിൽക്കുമ്പോളാണ് ഫോൺ റിങ് ചെയ്തത്.
“ഹ… മീര ??”
എന്റെ ചുണ്ടും മനസ്സും ഒരുമിച്ചു മന്ത്രിച്ചു.
ഞാൻ ഫോണെടുത്തു.
“ഹലോ മീര, എത്ര ദിവസമായി തന്റെ ശബ്ദം ഒന്ന് കേട്ടിട്ട്, താനിപ്പോൾ എവിടയാണ്,
വീട്ടിലാണോ, അതോ ഹോസ്റ്റലിൽ വന്നോ, താൻ എന്താ ഒന്നും മിണ്ടാത്തെ “.
ഒറ്റ ശ്വാസത്തിൽ ഞാൻ പറഞ്ഞു നിറുത്തി,
“ഹലോ ഋഷി, താൻ എനിക്ക് സംസാരിക്കാൻ ഒരു അവസരം തരുന്നില്ലല്ലോ, പിന്നെങ്ങനാ ഞാൻ
സംസാരിക്കിന്നെ..”
“ഹോ, സോറി.താൻ പറ, “
“ടോ ഞാൻ രാവിലെ 8.30 ആവുമ്പോഴേക്കും, വൈറ്റിലയിലേക്ക് എത്തും, നീ എന്റെ ഹോസ്റ്റലിൽ
പോയി വണ്ടി എടുത്തോണ്ട് എന്നെ വന്നു പിക്ക് ചെയ്യാമോ? ഒരഴിച്ച ആയില്ലേ ലീവ്
എടുത്തിട്ട് രാവിലെ തന്നേ ഡ്യൂട്ടിക്ക് കയറണം.”
“ഓക്കേ, ടോ ഞാൻ വരാം, അല്ല വണ്ടിയുടെ ചാവി ആരുടെ കയ്യില.”?.
“ആഹ്, അത് സജിനയോട് ഞാൻ വിളിച്ചു പറഞ്ഞോളാം അവൾ വണ്ടി എടുത്തു ഗേറ്റിനു പുറത്തു
വെച്ചുതരും, “
“ഹ.ശരി..അല്ല താനെവിടാരുന്നു ഫോണും കിട്ടുന്നില്ലായിരുന്നു, “
“എല്ലാം നാളെ കാണുമ്പോൾ പറയാം.ഇപ്പോൾ ഞാൻ ഒന്ന് കിടക്കട്ടെ നല്ല തലവേദന “.
“മം…. താൻ കിടന്നോ, രാവിലെ കാണാം “.
അപ്പോഴേക്കും അവൾ ഫോൺ വെച്ചിരുന്നു.
എന്തായാലും അവളുടെ രാവിലെ കാണാല്ലോ. വാച്ചിൽ നോക്കിയപ്പോള് 12.30 കഴിഞ്ഞിരുന്നു.
ഇപ്പോൾ മനസ്സിൽ വല്ലാത്തൊരു സമാദാനം, അവളോട് സംസാരിച്ചോണ്ടാവും, ഇപ്പോൾ ഒരു
ആശ്വാസം തോനുന്നു..
കട്ടിലിൽ കിടന്നപ്പോഴേക്കും ഞാൻ ഉറങ്ങി പോയി.
ഫോൺ റിങ് ചെയ്തപ്പോഴാണ്, ഞാൻ ഉറക്കം ഉണർന്നത്..
ഞാൻ ഫോൺ എടുത്തു..
“ഹലോ? “
“ടാ നീ എഴുന്നേറ്റില്ലേ? “
” ടോ ഞാൻ ഇപ്പോൾ റെഡി ആയി ഇറങ്ങും 7.45 ആയതല്ലേ ഉള്ളു. താൻ എവിടായി? “
“ഞാൻ കുണ്ടന്നൂർ കഴിഞ്ഞു, ഇപ്പോൾ വൈറ്റില എത്തും, “
“ഞാൻ ദേ എത്തി താൻ ഫോൺ വെച്ചോ.. “
ഫോൺ കുട്ടു ചെയ്തു ഞാൻ പെട്ടന്നു തന്നേ ഫ്രഷ് ആയി മീരയുടെ ഹോസ്റ്റലിലേക്ക് പോയി..
ഭാഗ്യം വണ്ടി ഗേറ്റിന്റെ അടുത്താനുണ്ട്, ഇനി താക്കോല് എവിടെ പോയി തപ്പും..
“ജസ്‌ന മാഡം പറഞ്ഞ ഋഷി സർ ആണോ “
ഞാൻ നോക്കുമ്പോൾ കെട്ടുവള്ളം പോലുള്ള മീശയുമായി, ഒരു തടിച്ച രൂപം എന്റെ നേരെ
വന്നു..
“അതെ ഞാനാണ് ഋഷി “.
“ആഹ് ഇതാ വണ്ടിയുടെ താക്കോൽ.. “
നന്ദി പറയും മുൻപേ താക്കോലും തന്നു അയ്യാൾ പോയിരുന്നു.
ഞാൻ വണ്ടി സ്റ്റാർട്ട് ചെയ്തു നേരെ വൈറ്റിലേക് പോയി.. അപ്പോഴേക്കും 8.15 ആയിരുന്നു.
റോഡിലൊന്നും വലിയ തിരക്കില്ല.. ഒരു 9.മണി ആകുമ്പോൾ ഇടപ്പള്ളി തൊട്ടു വൈറ്റില വരെ
നല്ല തിരക്കാണ് എന്തായാലും പെട്ടന്ന് എത്തണം, ഞാൻ വണ്ടി പറപ്പിച്ചു വിട്ടു.. 8.30
ആയപ്പോഴേക്കും ഞാൻ വൈറ്റിലയിലേക്കു എത്തി.. ഹബ്ബിന് അടുത്തുള്ള പെട്രോൾ പമ്പിൽ
വണ്ടി വെച്ചു ഞാൻ, ത്രിശൂർ ഭാഗത്തേക്ക്‌ പോകുന്ന ബസ് നിറുത്തുന്ന അടുത്തേക്ക്
ചെന്നു.. ഭാഗ്യം ഇതുവരെയും തൃശൂർക്കോ, പാലക്കാട്ടേക്കോ പോകുന്ന വണ്ടി ഒന്നും
വന്നിട്ടില്ല… അവൾ എന്തായാലും L.S ൽ വരില്ലെന്ന് എനിക്ക് ഉറപ്പായിരുന്നു..
അങ്ങനെ ഓരോന്ന് ചിന്തിച്ചു നിൽക്കുമ്പോൾ അതാ കൊടുങ്ങല്ലൂർ സൂപ്പർ ഫാസ്റ്റ് മുന്നിൽ
വന്നു നിന്നു. ഞാൻ ബസിലേക്ക് നോക്കി, കുറെ ആൾക്കാർ ഇറങ്ങി.. മീരേ കാണുന്നില്ല. ഞൻ
ബസിന്റെ അടുത്തേക്ക് ചെന്നതും ഫ്രോൻഡ് ഡോറിലൂടെ മീര ഇറങ്ങി വരുന്നു, രണ്ടു കയ്യിലും
തോളിലുമായ് മൂന്നു ബാഗുകൾ.
“ഇവളെന്താ നാടുവിട്ടു പോന്നതാണോ ദൈവമേ “?
“എന്താടോ ഋഷി താൻ മിഴിച്ചു നിക്കുന്നെ.. ”
.
“ഏയ്‌ ഒന്നുമില്ലടോ ഈ ലഗേജ് കണ്ടു നോക്കി നിന്നു പോയത.”
“ഓഹ്.. അതോ. താൻ ഒന്ന് ഹെല്പ് ചെയ്തെ നല്ല വെയിറ്റ് ഉണ്ട്.. വണ്ടി എവിടാ.”
അവളുടെ കൈൽ നിന്നും ഒരു ബാഗ് ഞാൻ വാങ്ങി പിടിച്ചു കൊണ്ട് വണ്ടിയെടുത്തേക്കു
നടന്നു..
“വണ്ടി ആ പമ്പിൽ വെച്ചേക്കുവാ, താൻ വാ.”
“ഉം “
എന്റെ കൈയിലിരുന്ന ബാഗ് ഞാൻ എടുത്തു ഡിയോ യുടെ ഫ്രോന്റിലെ കരിയർ ഗ്യാപ് ൽ വെച്ചു,
മീര ഒരു ബാഗ് പുറത്തും, മറ്റേതു ഞങ്ങൾക്ക് ഇടയിലും വെച്ചു വണ്ടിയിലിരുന്നു..
ഞാൻ വണ്ടി സ്റ്റാർട്ട് ചെയ്തു ഹബ്ബിന് പുറത്തേക്കു ഇറങ്ങി….
” ഓഹ് ഈ ബൈ പാസ്സിന്റെയും ഫ്ലൈ ഓവറിന്റെ പണി കഴിഞ്ഞായിരുന്നെ, വളരെ സ്മൂത്ത്‌ ആയി
പോകാമായിരുന്നു “
“ഓഹ് ഇതൊന്നും ഇപ്പോഴൊന്നും ശെരിയാവില്ലടോ “
“ഉം, ടോ ഋഷി താൻ ഇന്ന് ഓഫീസിൽ വരുന്നില്ലേ? “
“എനിക്ക് ഇന്ന് ഓഫ് ആടോ, “
“ഓഹ്.. അപ്പോൾ ഇന്ന് ഞൻ ഒറ്റക്ക് പോണോല്ലോ “
“ഉം.. അല്ല താൻ ഈ ഒരാഴ്ച എവിടായിരുന്നു? ഫോണിൽ കിട്ടിയതേ ഇല്ല. “
“ഞാൻ അച്ഛന്റെ തറവാട്ടിലായിരുന്നു…. ഇടിക്കില് അവിടെ ഫോണിന് റേഞ്ച് ഇല്ല..അതാ
കിട്ടാതിരുന്നേ “
“ആഹ്, വീട്ടിൽ എല്ലാർക്കും സുഖമാണോ “?
“എല്ലാർക്കും സുഖം, തന്നേ അമ്മ തിരക്കിന്നു പറയാൻ പറഞ്ഞു, “.
” അതെയോ.. ഉം..ഉം “
“ടോ ഋഷി വൈകിട്ടു താൻ ഫ്രീ ആണോ? “
“ആഹ് അതെ.! എന്താടോ? “
” ഒന്നുമില്ല വൈകിട്ടു എന്റെ കൂടെ ഒന്ന് മറൈൻ ഡ്രൈവ് വരെ വരാമോ? “
” പിന്നെന്താ വരല്ലോ “
“താങ്ക്സ് !”
“ഏയ്‌ അതൊന്നും വേണ്ടടോ, താൻ എന്നെ ഒരു അന്യനായാണോ കാണുന്നെ..”
“അയ്യോ ഞാനൊന്നും പറഞ്ഞില്ലേ, ആ താങ്ക്സ് ഇങ്ങ് തിരിച്ചെടുത്തു, പോരെ. “
അവൾ കള്ള പിണക്കം നടിച്ചു പറഞ്ഞു..
അപ്പോഴേക്കും ഞങ്ങൾ ഹോസ്റ്റലിൽ എത്തി അവളെ ഇറക്കി വണ്ടിയും ഏൽപ്പിച്ചു ഞാൻ
മടങ്ങി…..
______________________________
“ഹലോ. മാഷേ… ഇറങ്ങുന്നില്ല നിങ്ങളുടെ സ്റ്റോപ്പ്‌ എത്തി… “
കണ്ടക്ടർ തട്ടി വിളിച്ചപ്പോഴാണ് ഞൻ ചിന്തയിൽ നിന്നും ഉണർന്നത്,..
“എവിടായി,? “
“കൊല്ലം എത്തി ” നിങ്ങളുടെ സ്റ്റോപ്പ്‌…
അപ്പോഴാണ് ഞാൻ അഭിയെ വിളിച്ചില്ലന്നു ഓർത്തത്‌.. എന്റെ ലഗേജ് എടുത്തു ഞാൻ
പുറത്തേക്കിറങ്ങി.. ഫോൺ എടുത്തു നോക്കിയപ്പോള് 14 മിസ് കാൾ. അഭിയും, മീരയും,
അമ്മയും വിളിച്ചിരിക്കുന്നു.
ഞാൻ പെട്ടന്നു തന്നേ ഫോൺ എടുത്തു അഭിയെ വിളിച്ചു,
“ഹലോ ടാ “
ഞാൻ സംസാരിക്കാൻ തുടങ്ങും മുൻപേ അവന്റെ വായിൽ നിന്നു നല്ല പുളിച്ച രണ്ടണ്ണം കിട്ടി…
“സോറി ടാ..ഞാൻ ഉറങ്ങി പോയി, നീ ഇനി തിരിച്ചു പൊയ്ക്കോ ഞാൻ ബസിൽ വന്നോളാം “
“നീ ഒരു കോപ്പിലും പോകണ്ട, നീ ബോട്ട് ജെട്ടി ടെ അടുത്തേക്കുവ ഞാൻ അവിടെ ഉണ്ട്… “
അതും പറഞ്ഞു അവൻ ഫോൺ കട്ട്‌ ചെയ്തു..
കൊല്ലത്തെ ബസ്റ്റാന്റും, ബോട്ട് ജെട്ടിയും അടുത്തടുത്താണ്, അതുകൊണ്ട് പെട്ടന്നു
തന്നേ ഞാൻ അവിടെ എത്തി. സമയം 8.30 പിഎം ആയിരുന്നു..
സൈഡ് ലേക്ക് മാറ്റി അഭിയുടെ വെള്ള ഇന്നോവ കിടക്കുന്നു, എന്നെ കണ്ടതും അവൻ വന്നു
എന്റെ ലഗേജ് വാങ്ങി വണ്ടിയിൽ വച്ചു, പിന്നെ ഞങ്ങൾ വണ്ടിയിൽ കയറി വീട്ടിലേക്ക്
പുറപ്പെട്ടു..
തുടരും………
ഇത് എന്റെ ആദ്യ കഥയാണ്, അല്പം ലാഗ് ഉണ്ട്, ഈ കഥ അങ്ങനെ എനിക്ക് പറയാൻ പറ്റുള്ളൂ,
വായനക്കാർ ദയവു ചെയ്തു എന്നെ മനസ്സിലാക്കണം.. കഥ വായിച്ചു അഭിപ്രായം പറയണം…
നിങ്ങളുടെ വാക്കുകൾ എന്തായാലും ഞാൻ അത് സ്വീകരിക്കും..
478700cookie-checkമിഥുനം