ഒരു പ്രണയകഥയുടെ ആദ്യഭാഗമാണ്…3

റുമിൽ കേറിയതും അവളോടുള്ള കലിപ്പിൽ വാതിൽ ഒന്ന് ശക്തിക്കടച്ച് ഞാൻ അവന്മാരുടെ അടുത്തേക്ക് തിരിഞ്ഞു…

” നാറികളേ മനുഷ്യൻ്റെ വില കളഞ്ഞപ്പൊ സമാധാനായല്ലോ… ”

ഞാൻ അവന്മാരോട് ചീറി

” നീ എന്തുവാടാ പറയുന്നേ…ഞങ്ങൾ എന്തോന്ന് തൊലിച്ചെന്നാ…. ”

നന്ദു ബാക്കിയുള്ളവന്മാരുടേ മുഖത്തേക്ക് നോക്കിയതിനു ശേഷം എന്നെ നോക്കി പറഞ്ഞു

” ഓ അവൻ ഒന്നും അറിയത്തില്ല….എനിക്കുണ്ടല്ലോ വിറഞ്ഞു കേറുന്നുണ്ടേ…. ”

അവനെ നോക്കി കടുപ്പത്തിൽ അതും പറഞ്ഞ് ഞാൻ ഭിത്തിയിൽ കൈകുത്തി

” നിന്ന് കഥകളി കാണിക്കാതെ നടന്ന കാര്യം തെളിച്ചു പറ നാറീ… ”

ശ്രീ എന്നെ നോക്കി ചീറി…

” വേറെന്താ നിന്റെയൊക്കെ വാക്കും കേട്ട് ഞാനാ മറ്റവളോട് പോയി സോറി പറഞ്ഞു…. ”

ഉള്ളിലുള്ള ദേഷ്യം പുറത്ത് കാട്ടി ഞാൻ അവന്മാരെ നോക്കി പറഞ്ഞു
” അതിനെന്താപ്പൊ….നല്ലതല്ലേ…തെറ്റു നിൻ്റെ ഭാഗത്തായതുകൊണ്ടല്ലേ ഞങ്ങളങ്ങനെ പറഞ്ഞെ… ”

നന്ദു ചോദ്യ ഭാവത്തിൽ എന്നോട് പറഞ്ഞു

” പഫാ…..ഒലക്കേടെ മൂട്… ”

ഞാൻ അവനെ ഒന്നാട്ടിയ ശേഷം നടന്ന കാര്യം മൊത്തം പറഞ്ഞു…അതോടെ അവന്മാര് ഒരാക്കിയ ചിരി തുടങ്ങി

” ഇതിനാണോ മൈരേ ഈ ഒച്ചപാടും ബഹളവും ഒക്കെ നീ ഉണ്ടാക്കിയേ…. ”

അഭി ചിരിച്ചുകൊണ്ടതു പറഞ്ഞപ്പോൾ എനിക്കങ്ങ് വിറഞ്ഞ് കേറി… ബാക്കി ഉള്ളവന്മാരും എന്നെ നോക്കി ചിരിക്കാൻ തുടങ്ങി

” പഫാ….നാറീ….നിനക്കൊക്കെ ചിരിക്കാം അവളുടെ മുന്നിൽ ഊമ്പിയത് ഞാനല്ലേ…. ”

അതും പറഞ്ഞ് ഞാൻ ദേഷ്യത്തിൽ ബെഡിൽ ഇരുന്നു

” എടാ നിനക്ക് തലക്ക് വല്ല അസുഖവും ഉണ്ടോ… ”

അതു എന്നെ നോക്കി ചോദിച്ചു… അതിന് വിറഞ്ഞു കേറിയ മുഖത്തോടെ ഞാൻ അവനെ ഒന്ന് നോക്കി.

” നീ നോക്കണ്ട…എടാ പൊട്ടാ നീ അവളോട് ആവശ്യമില്ലാതെ ചൂടായി…തെറ്റ് നിൻ്റെ ഭാഗത്താണെന്ന് മനസ്സിലായപ്പോൾ നീ പോയി അതിന് സോറി പറഞ്ഞു… സ്വാഭാവികമായും ഒരു ആവശ്യമില്ലാത്ത വഴക്ക് അടിച്ചയാള് തിരിച്ച് സോറി പറയാൻ വരുമ്പോൾ മറ്റേയാള് ഇച്ചിരി ജാഡ കാണിക്കും… അതാണ് ഇവിടെ നടന്നത് അല്ലാതേ നീ കരുതുംപോലെ ഒന്നും ഇവിടെ നടന്നില്ല… ”
അവനെന്നെ നോക്കി ചിരിച്ചുകൊണ്ട് കാര്യം പറഞ്ഞപ്പോൾ എനിക്കും ഏറക്കുറെ കാര്യം വ്യക്തമാകുന്നുണ്ട്… പക്ഷെ ഒരൊഴുക്കൻ മട്ടിൽ ഞാൻ അവൻ പറഞ്ഞതിനെ തള്ളിക്കളഞ്ഞു…

” അവളുണ്ടല്ലോ…. അഹങ്കാരത്തിന് കൈയ്യും കാലും വച്ച സാധനാ…. ”

ഞാൻ ആരോടെന്നില്ലാതെ പറഞ്ഞു

” ഉണ്ട….കണ്ടപൊട്ടതരം ആലോചിച്ച് നിക്കാണ്ട് വാടാ നാറി വല്ലതും ഞണ്ണാം… ”

എന്നോട് അതും പറഞ്ഞ് നന്ദു നിലത്തിരുന്ന് ഭക്ഷണം എടുത്തു.. പിന്നാലെ അവന്മാരും… കൂടുതലൊന്നും ആലോചിക്കാതെ അതുവിനുള്ള ഭക്ഷണം കട്ടിലിൽ കൊടുത്ത് ഞാനും അവന്മാരോടിരുന്ന് കഴിച്ചു തുടങ്ങി… പക്ഷേ ഉള്ളിനുള്ളിൽ മറ്റവളോട് നാറിയ ഒരു നീരസം എനിക്കുണ്ട് താനും…

പിന്നെ ഞങ്ങൾ സാധനം അടിക്കുന്നത് കണ്ട് അതുവിന് ഇച്ചിരി ഏനക്കേടൊക്കെ ഉണ്ട് പക്ഷേ കാര്യങ്ങളൊക്കെ സെറ്റ് ആയാൽ അടിച്ചുപൊളിക്കാം എന്ന രീതിയിൽ അവനോട് പറഞ്ഞു കൊടുത്തത് കൊണ്ട് പ്രശ്നമില്ല… അങ്ങനെ ഭക്ഷണം കഴിച്ച് കൈ കഴുകുമ്പോളായിരുന്നു ഡോറിനൊരു മുട്ട് കേട്ടത് അത്യാവശ്യം കുറച്ച് സ്പ്രേ ഒക്കെ അടിച്ച് ഞാൻ പോയി ഡോറ് തുറന്നു… പുറത്ത് ദിവ്യയും അവൾക്ക് പിന്നിലായി ശ്രദ്ധയും നിൽപ്പുണ്ട്

” മുറിയും പൂട്ടി അകത്തിരിന്ന് സല്ലപിക്കാൻ ഇത് ഹോസ്റ്റൽ ഒന്നുമല്ല… ”

ഡോർ തുറന്ന എന്നെ നോക്കി ദിവ്യ കടുപ്പത്തിൽ പറഞ്ഞു

“ഞങ്ങള് ഫുഡ്… ”

” വഴീന്ന് മാറി നിക്ക്… ”

ഞാൻ പറഞ്ഞ് തീരും മുമ്പേ എന്നെയും തള്ളിക്കൊണ്ടവൾ ഇതും പറഞ്ഞ് ഉള്ളിലേക്കു കയറിപ്പോയി…
” അല്ല പെങ്ങളേ ഇത് കടിക്കുവോ…?? ”

വാതിലിനടുത്ത് ഇത് കണ്ട് ചിരിക്കുന്ന ശ്രദ്ധയെ നോക്കി ഞാൻ ചോദിച്ചു… പതുക്കെയാണ് ചോദിച്ചത് അല്ലേൽ അതുവിന് കുത്തേണ്ട ഇഞ്ചക്ഷൻ അവളെൻ്റെ പെടലിക്ക് കുത്തും…

” അവള് കേൾക്കണ്ട…. ”

അതും പറഞ്ഞ് ശ്രദ്ധ ചിരിക്കാൻ തുടങ്ങി… ഞാനും ഒപ്പം കൂടി…

” അല്ല നേരത്തെ കണ്ടില്ലല്ലോ ഇയാളെ… ”

ചിരിക്കുന്നതിനോടൊപ്പം ഞാൻ ശ്രദ്ധയോട് ചോദിച്ചു

” ഒരു പേഷ്യന്റിനെ നോക്കാൻ പോയതായിരുന്നു പക്ഷെ സംഭവങ്ങളൊക്കെ ഞാൻ അറിഞ്ഞു… ”

പുറത്ത് നിന്ന് ഉള്ളിലേക്ക് ദിവ്യയെ ഒന്ന് പാളിനോക്കിയ ശേഷം ശ്രദ്ധ എന്നോടതും പറഞ്ഞു ചിരിക്കാൻ തുടങ്ങി…

” അതിനെ പറ്റി ഓർമ്മിപ്പിക്കല്ലേ…. എനിക്ക് എന്നെ തന്നെ രണ്ടടി അടിക്കാൻ തോന്നും… ”

ഞാൻ ചമ്മിയ മുഖഭാവത്തോടെ ചിരിച്ചുകൊണ്ട് ശ്രദ്ധയോട് പറഞ്ഞു. അപ്പോഴേക്കും ദിവ്യ ഇഞ്ചക്ഷനും വെച്ചുകൊണ്ട് ഞങ്ങളുടെ അടുത്തേക്ക് എത്തിയിരുന്നു…

” നിന്ന് കിന്നരിക്കാണ്ട് വാടീ….. ”

എന്നോട് സംസാരിച്ചിരുന്ന ശ്രദ്ധയുടെ കൈവലിച്ച് നടന്നുകൊണ്ട് ദിവ്യ പറഞ്ഞു… പിന്നെ കാണാം എന്ന് ആംഗ്യഭാഷയിൽ പറഞ്ഞ് ശ്രദ്ധ അവൾക്കൊപ്പം നടന്നു…അതോടെ ഞാനും റൂമിലേക്ക് കയറി…

” ഡാ അവള് നിന്നോടുള്ള കലിപ്പ് എന്നെ കുത്തിക്കോണ്ടാണ് തീർക്കുന്നത്… “
റൂമിൽ കേറിയ എന്നെ നോക്കി അതു പറഞ്ഞു…അതിന് അവനെ നോക്കി ഞാനൊന്ന് ഇളിച്ചു കാട്ടി.

പിന്നെയും സമയം ഒരുപാട് ഞങ്ങൾ ഒരോന്ന് പറഞ്ഞ് തള്ളിനീക്കി… അതിനിടയിൽ എച്ച് ഓ ഡി അനീഷ് സാറേ വിളിച്ച് കാര്യം തിരക്കി വേറൊന്നുമല്ല അറ്റൻഡൻസ് കുറവുള്ളത് കൊണ്ട് ക്ലാസ്സിൽ വരാൻ പറയാനാണ് പുള്ളി വിളിച്ചത്…

” ഡാ എനിക്ക് ഉറക്കം വരുന്നു ഞാൻ ഉറങ്ങാൻ പോവ്വാ… ”

കിടക്കയിൽ കേറി കിടന്നു കൊണ്ട് നന്ദു പറഞ്ഞു… അത് കേൾക്കേണ്ട താമസം ബാക്കി രണ്ടും കയറി കിടക്കയിലേക്ക് ഇടംപിടിച്ചു…

” ഡാ നീ കിടക്കുന്നില്ലേ… ”

മൊബൈലിൽ കുത്തി കളിച്ചുകൊണ്ടിരിക്കുന്ന എന്നെ നോക്കി അതു ചോദിച്ചു

” ഇല്ല മോനെ…കളിയുണ്ട്… നീ കിടന്നോ… ”

ഞാൻ അവനെ നോക്കി പുഞ്ചിരിച്ചു കൊണ്ട് പറഞ്ഞു

” ഓ എന്നാ പിന്നെ ഗുഡ് നൈറ്റ്… ”

അതും പറഞ്ഞ് അവനും കിടന്നു… എനിക്ക് പിന്നെ നമ്മുടെ ബാഴ്സയുടെ കളിയുണ്ട്… നാളെ കോളേജ് ഉണ്ടെന്നും ഇവിടെ ഉറക്കം ശരിയാവില്ലെന്നുമൊക്കെ അറിയാം… പക്ഷെ എന്നാലും കളി കണ്ടേ കിടക്കു അതാണ് എനിക്ക് ബാഴ്സ… പിന്നെ ഒരുപാട് സമയം പുറത്തൊക്കെ ഇറങ്ങി വരാന്തയിലൂടെ ഫോണിൽ കുത്തി കളിച്ചു വേറൊന്നുമല്ല ഫാൻസ് ഗ്രൂപ്പിൽ തന്നെ കളിക്ക് മുന്നെയുള്ള ചർച്ച…

നേഴ്സിങ് കൺസൾട്ടൻസിയിൽ ശ്രദ്ധയും ദിവ്യയും ഉണ്ടായിരുന്നു
തൊട്ടടുത്താണെങ്കിലും ഞാൻ മൈൻഡ് ആകാൻ പോയില്ല… അവരെന്നെ നോക്കി എന്തൊക്കെയോ പറഞ്ഞു ചിരിക്കുന്നുണ്ട്… ഞാൻ ഏതെങ്കിലും പെണ്ണിനെ താരാട്ടുപാടി ഉറക്കുക ആയിരിക്കുമെന്ന് വിചാരിച്ചു കാണും….പക്ഷെ ഞാൻ പാവം ഗ്രൂപ്പിൽ തിരക്കിട്ട ചർച്ചയിലായിരുന്നു…

പിന്നെ

സത്യം പറഞ്ഞാൽ ഞങ്ങളുടെ റൂമിൻ്റെ നേരെ മുന്നിലാണ് നേഴ്സിങ് കൺസൾട്ടൻസി

… റൂമിൽ നിന്ന് ഒന്നുറക്കെ ഒന്നും വേണ്ട ന്യൂട്രൽ ആയി സംസാരിച്ചാൽ തന്നെ അവിടെ നിന്ന് അവർക്ക് കേൾക്കാം…

കുറച്ചുനേരം വരാന്തയിലൂടെ ഉള്ള ചർച്ചയ്ക്കുശേഷം ഏതാണ്ട് ഒന്നരയായപ്പോൾ ഞാൻ റൂമിൽ കയറി ടിവി വെച്ചു കളി കണ്ടുതുടങ്ങി… കളിയുടെ ആവേശത്തിൽ ചില സമയത്ത് ഞാൻ ഇച്ചിരി സൗണ്ട് ഒക്കെ ഉണ്ടാക്കിയിരുന്നു… അതല്ലേലും അങ്ങനെയാ കളികാണുനേരം ഞാൻ പിന്നെ വെറും അതിൽ മാത്രമാണ് സ്ഥലകാലബോധം ഉണ്ടാവില്ല…

” ഡോ… ”

റൂമിൻ്റെ വാതില് തുറന്ന് ദിവ്യ എന്നെ നോക്കി വിളിച്ചു

” എന്നതാ പറാ… ”

കളിയിൽ തന്നെ ശ്രദ്ധിച്ചുകൊണ്ട് അവളെ ഒന്ന് പാളി നോക്കി ഞാൻ ചോദിച്ചു

” ടിവിയുടെ വോളിയം കുറച്ചേ…ഇത് ഹോസ്റ്റൽ അല്ല… ”

അവൾ സ്വരം താഴ്ത്തി എന്നെ നോക്കി പറഞ്ഞു… പക്ഷേ കളിയിൽ മുഴുകിയിരുന്ന ഞാൻ അതൊന്നും ശ്രദ്ധിക്കാൻ പോയില്ല…

” അതേ…തന്നോടാ പറഞ്ഞേ… ബാക്കി റൂമിലുള്ളവർകൊക്കെ ഉറങ്ങണം… ”

ഞാൻ ശ്രദ്ധിക്കാത്തത് കണ്ട് വീണ്ടും കനത്തിൽ അവളെന്നോട് പറഞ്ഞു
” അതിന് ഞാൻ എന്തോ വേണം… അവർക്കൊക്കെ താരാട്ടുപാടി കൊടുക്കണോ…??”

ടീവിയിൽ നിന്ന് കണ്ണെടുത്തുകൊണ്ട് ഞാൻ അവളെ നോക്കി ചോദിച്ചു

” അയ്യോ….അവരെയൊക്കെ കൊല്ലാനല്ല…ഉറങ്ങാൻ സമ്മതികാനാ ഞാൻ പറഞ്ഞേ… ”

അവളെന്നെ കളിയാക്കി അതും പറഞ്ഞ് ഇളിക്കാൻ തുടങ്ങി…അത് എനിക്ക് പിടിച്ചില്ല…

” എന്നാ നീ പോയി നിന്റെ തന്തയേയും കൂട്ടി അവരുടെ ഒക്കെ ചെവിയിൽ പഞ്ഞി വച്ചുകൊടുത്തോ…. ”

ഞാൻ അവളെ നോക്കി പരിഹാസ രൂപേണ പറഞ്ഞു

” അതിലും ഭേദം നിന്റെ മൂക്കില് വെക്കുന്നതാടാ നാറീ…. ”

എന്നെ നോക്കി സ്വരം താഴ്ത്തികൊണ്ടവള് പറഞ്ഞു…പക്ഷെ അതുകേട്ടെങ്കിലും മെസ്സി ഫ്രീ-കിക്ക് എടുക്കാൻ തയ്യാറെടുക്കുന്നത് കൊണ്ട് ഞാൻ അവൾക്ക് മറുപടി കൊടുക്കാനോ ശ്രദ്ധിക്കാനോ നിന്നില്ല… കളിയിലേക്ക് മാത്രം ശ്രദ്ധ തിരിച്ചു…

” തൻ്റോടൊന്നും പറഞ്ഞിട്ട് കാര്യമില്ല…വട്ടുകേസ്… ”

അവളെ ശ്രദ്ധിക്കാതെ ടീവിയിൽ മുഴുകിയിരിക്കുന്ന എന്നോട് അതും പറഞ്ഞവൾ തിരിഞ്ഞു നടക്കാൻ തുടങ്ങി… കറക്റ്റ് ടൈമിൽ നമ്മുടെ ചെക്കൻ്റെ ഇടിവെട്ട് ഫ്രീകിക്ക് ഗോൾ….

” ലിയോ…….ഗോൾ……. ”

ആവേശം മൂത്ത് ഇരിപ്പിടത്തിൽ നിന്നെണീറ്റ് ഞാൻ തുള്ളികൊണ്ട് പറഞ്ഞു… പെട്ടെന്നാണ് പോകാൻ നോക്കിയവൾ തിരിഞ്ഞ് നിന്ന് രൂക്ഷമായെന്നെ നോക്കുന്നത് കണ്ടത്…അതോടെ സ്ഥലകാലബോധം വന്നത് കൊണ്ട് ഞാനൊന്ന് പതറി…
” അത് പിന്നെ മെസ്സിയുടെ ഗോൾ…പെട്ടന്നുള്ള ആവേശത്തിൽ…. ”

ഞാൻ വിക്കി വിക്കി അവളോട് പറഞ്ഞു

” തനിക്ക് വട്ടുണ്ടോന്ന് എനിക്കൊരു സംശയമുണ്ടായിരുന്നു… ഇപ്പോ അങ്ങ് ഉറപ്പിച്ചു…. മുഴു വട്ടാണ് തനിക്ക്… ”

എന്നെ രൂക്ഷമായൊന്ന് നോക്കി അതും പറഞ്ഞവൾ തിരിഞ്ഞു നടക്കാൻ തുടങ്ങി

” വട്ട് നിൻ്റെ അപ്പന്… ”

അവള് തിരിഞ്ഞു നടക്കുമ്പോൾ പുറകിൽ നിന്ന് പതുക്കെ പറഞ്ഞ് ഞാൻ അവളെ അടിക്കും പോലെ കൈ വീശി… പറഞ്ഞത് കേട്ടതു കൊണ്ടോ എന്നാണെന്നറിയില്ല കറക്റ്റ് സമയത്ത് ആ സാധനം തിരിഞ്ഞു നോക്കി…അതോടെ വീശിയ കൈ കൊതുകിനെ കൊല്ലും പോലെ വായുവിൽ അടിച്ചു ഞാൻ അവളെ ഒളികണ്ണിട്ടു നോക്കി… എന്റെ കോപ്രായങ്ങൾ കണ്ട് ഒന്നൂടെ എന്നെ കനത്തിൽ നോക്കിയശേഷം അവള് റൂം കടന്നുപോയി അതോടെ ഞാൻ കളിയിലേക്ക് ശ്രദ്ധതിരിച്ചു…ഒടുവിൽ കളിയും കണ്ട് ജയിച്ച സന്തോഷത്തിൽ കിടന്നുറങ്ങി…

” ഡാ അജ്ജൂ എണീക്ക്…. ”

കളികണ്ട് മതിമറന്നുറങ്ങുന്ന എന്നെ കുലുക്കി കൊണ്ട് ശ്രീ വിളിച്ചു…

” എന്നതാടാ നേരം വെളുത്തോ… ”

കണ്ണും തിരുമ്മി എഴുന്നേറ്റ് ചുറ്റിലും നോക്കി…ബാക്കി ഉള്ളവന്മാരൊക്കെ എഴുന്നേറ്റ് കഴിഞ്ഞിരുന്നു… പിന്നെ കുറച്ച് നേരം സംസാരിച്ച് ഇരിക്കുമ്പോഴേക്കും ഗിരിജാൻ്റി എത്തിയിരുന്നു..അതോടെ കോളേജിൽ പോകേണ്ടത് കൊണ്ട് അവിടുന്ന് പെട്ടെന്നിറങ്ങി… പുറത്തേക്ക് നടക്കുംമ്പോളായിരുന്നു എൻ്റെ പ്രിയ മാതാശ്രീ റിസപ്ഷനിനടുത്ത് ദിവ്യയോട് സംസാരിച്ചിരിക്കുന്നത് കണ്ടത്…
അതോടെ ഞാനൊന്ന് പതറി…

” ഗുഡ് മോണിംഗ് ആൻ്റീ… ”

അമ്മയുടെ അടുത്തെത്തിയതും നന്ദു ചിരിച്ചുകൊണ്ട് അമ്മയെ വിഷ് ചെയ്തു

” ഗുഡ് മോണിംഗ്…ഇപ്പാണോടാ വീട്ടിലേക്ക് പോകുന്നെ…നിങ്ങക്കൊന്നും കോളേജിൽ പോണമെന്നുള്ള വിചാരം ഇല്ലേ… ”

അമ്മ ഞങ്ങളെ നാലിനേയും നോക്കി ചോദിച്ചു…

” അതിന് ഇവൻ എഴുന്നേക്കണ്ടേ… ”

അടുത്ത് നിന്ന എന്നെ ഒന്ന് തട്ടിക്കൊണ്ട് ശ്രീ അമ്മയോട് മറുപടി പറഞ്ഞു… അതിനമ്മ എന്നെ ഒന്ന് നോക്കി..

” മാഡത്തിന് അറിയുന്ന ആൾക്കാരാണോ ഇവർ… ”

അത്രയും നേരം ഞങ്ങളുടെ സംസാരം നോക്കിനിന്ന ദിവ്യ അമ്മയോട് ചോദ്യ ഭാവത്തിൽ തിരക്കി

” അതേ… എന്താ വല്ല കുഴപ്പവും ഉണ്ടാക്കിയോ ഇവന്മാര്… ”

അമ്മ ഞങ്ങളെ ചൂഴ്ന്ന് നോക്കിക്കൊണ്ട് അവളോട് ചോദിച്ചു…

” മുഴുവൻ പേരുമില്ല ഇയാളാണ് കുഴപ്പക്കാരൻ… ”

എന്നെ നോക്കി ദിവ്യ അമ്മയോട് പറഞ്ഞു… അതു കേൾക്കേണ്ട താമസം അമ്മ എന്നെയൊരു നോട്ടം നോക്കി
” അപ്പൊ ശരിയടാ കാരിയോണ്…. ഞങ്ങൾ പാർക്കിങ് ഏരിയയിൽ ഉണ്ടാവും… ”

എന്നോട് സ്വകാര്യത്തിൽ നന്ദു പറഞ്ഞു അതിന് ശേഷം അവന്മാര് മെല്ലെ തടിതപ്പി… അവന്മാരോട് വലിയാൻ നോക്കിയ എന്നെ അമ്മ കൃത്യം കൈ പിടിച്ചു നിൽപ്പിച്ചു..

” എൻ്റെ പൊന്നു മാഡം… ആകാശം നോക്കി നടന്ന് ആൾക്കാർ ഇടിച്ച് കൊല്ലാൻ നോക്കുക… എന്നിട്ട് ആരെയാണോ തട്ടിയത് അവരെ തെറി വിളിക്കുക… പാതിരാത്രി ടിവിയിൽ എതാണ്ടക്കയോ കളിയും വെച്ച് ഒച്ച ഉണ്ടാക്കുക…ഇങ്ങനെ എന്തൊക്കെയോ ഹോബികളാണ് ഇയാൾക്ക്… ”

എന്നെ നോക്കി ചിരിച്ചുകൊണ്ട് അവളമ്മയോട് ഇതൊക്കെ പറയുമ്പോൾ കൊല്ലേണ്ട ദേഷ്യം ആയിരുന്നു എനിക്ക് ആ പന്നിയെ…പക്ഷെ ഇതൊക്കെ കേട്ട് ശ്രദ്ധ ചിരിക്കുന്നുണ്ടായിരുന്നു…

” അത് പിന്നെ അങ്ങനെയല്ലേ വരൂ… ”

എൻ്റെ കൈയിൽ ഒരു നുള്ള് തന്നുകൊണ്ട് എന്നെ നോക്കി അമ്മ പറഞ്ഞു

” അല്ല മാഡത്തിന്റെ ആരാ ഇയാള്… റിലേറ്റീവാണോ… ”

അത്രയും നേരം ചിരിച്ചുകൊണ്ടിരിക്കുന്ന ശ്രദ്ധ അമ്മയെ നോക്കി ചോദിച്ചു

” പിന്നേ….അടുത്ത റിലേറ്റീവാ… ചെറുതായിട്ട് എൻ്റെ മോനായിട്ട് വരും…എൻ്റെ ഏക സന്താനം…അല്ല്യോടാ… ”

അടുത്തു നിന്ന എന്നെ നോക്കി ചിരിച്ചുകൊണ്ട് അമ്മ അത് പറഞ്ഞപ്പോൾ അവളുമാര് രണ്ടും ഞെട്ടി കൊണ്ട് മുഖത്തോടു മുഖം നോക്കുന്നത് കണ്ടു… ഒരുമാതിരി സന്തൂർ സോപ്പിൻ്റെ പരസ്യത്തിൽ ഉള്ള മമ്മി സീൻ പോലെ…
അല്ല ഇവളുമാരെ എന്തിനാ ഞെട്ടുന്നെ… ചിലപ്പോ അവരുടെ ഡോക്ടറുടെ മോനെ അവരോട് തന്നെ ആളറിയാതെ ഓരോന്ന് പറഞ്ഞത് കൊണ്ടായിരിക്കാം… അല്ലെങ്കിൽ പിന്നെ ഇത്രയും പാവപ്പെട്ടരാൾക്ക് എങ്ങനെ ഇതുപോലെ തലതെറിച്ച ഒരു സന്താനം ഉണ്ടായി എന്നതു കൊണ്ടുമായിരിക്കാം…

ഞാൻ സ്വയം മനസ്സിൽ ഓർത്തു

” സോറി മാഡം മാഡത്തിൻ്റെ മോനാണെന്നറിയാതെ…. ”

ചമ്മലോടുകൂടി എൻ്റെ അമ്മയെ നോക്കി ദിവ്യ പറഞ്ഞു

” ഹേയ് അതൊന്നും പ്രശ്നമില്ല…മോള് പറഞ്ഞതൊക്കെ ഇവൻ്റെ കാര്യം വെച്ചുനോക്കുമ്പോൾ ശരിയായിരിക്കും… ”

അമ്മ എന്നെ നോക്കി ചിരിച്ചുകൊണ്ട് പറഞ്ഞു….അത് കേട്ടപ്പോൾ എനിക്കാകെ ചമ്മലും ദേഷ്യവും ഒക്കെ കേറി വന്നു… അല്ലപിന്നെ അമ്മയുടെ ഒരു മോള് വിളി…

” അമ്മേ ഞാൻ പോവ്വാണേ…. ”

ഞാൻ എങ്ങനെയെങ്കിലും സ്ഥലം വിട്ടാൽ മതി എന്നുള്ള ചിന്തയിൽ അമ്മയോട് അതും പറഞ്ഞ് നടക്കാൻ തുടങ്ങി… പോകുന്ന പോക്കിൽ അവളെ ദഹിപ്പിക്കുന്ന ഒരു നോട്ടം നോക്കാനും ഞാൻ മറന്നില്ല…

” അതേ…. ”

നടന്നു കുറച്ച് മുന്നോട്ടെത്തിയപ്പോളായിരുന്നു പുറകിൽ നിന്നൊരു വിളി കേട്ടത്ത്…തിരിഞ്ഞു നോക്കിയപ്പോൾ ആ സാധനം എൻ്റടുതേക്ക് സ്പീഡിൽ വരുന്നത് കണ്ടു..അതോടെ ഞാൻ മൈൻ്റ് ചെയ്യാണ്ട് പിന്നേയും തിരിച്ച് നടക്കാൻ തുടങ്ങി… പക്ഷേ പാർക്കിങ് ഏരിയയുടെ തൊട്ടടുത്ത് എത്തിയപ്പോൾ അത് എങ്ങനെയൊക്കെയോ ഓടി എൻ്റടുത്തേക്കെത്തി…
” അതേ ഇയാക്കിപ്പൊ ചെവിയും കേട്ടുടേ… ”

എൻ്റെ മുന്നിൽ കേറി നിന്നവൾ പറഞ്ഞു

” തനിക്കിപ്പൊ എന്തുവാ വേണ്ടേ….മുനിന്ന് മാറ്… ”

ഞാൻ അവളെ നോക്കി ഇച്ചിരി കലിപ്പിൽ തന്നെ പറഞ്ഞു

” നിക്ക് ഒരു സോറി പറയാൻ വന്നതാ… ”

സ്വരം താഴ്ത്തി അതും പറഞ്ഞവളെൻ്റെ പ്രതികരണം നോക്കി നിന്നു

” പറയണ്ടതൊക്കെ വിളമ്പി കൊടുത്ത് അമ്മയുടെ മുന്നിൽ എന്നെ ഇട്ടൂഞ്ഞാലാട്ടിട്ട് ഇപ്പൊ അവളുടെ ഒരു സോറി… ”

ഞാൻ അവളെ നോക്കി പല്ലിറുമ്മി കൊണ്ട് പറഞ്ഞു

” അത് പിന്നെ ഇയാള് മാഡത്തിന്റെ മോനാണെന്ന് അറിയാഞ്ഞിട്ടല്ലേ… ”

അവളെന്നെ നോക്കി പറഞ്ഞു

” മിണ്ടരുത് നീ…. എനി വീട്ടിൽ ചെന്നാ കേൾക്കേണ്ടത് ഞാനല്ലേ… ”

അതും പറഞ്ഞ് ഞാനവളെ കടുപ്പത്തിൽ ഒന്ന് നോക്കി നടക്കാൻ നോക്കി പക്ഷെ വീണ്ടും ആ മുന്നിൽ വട്ടം നിന്നു

” ഇയാള് ചൂടാവാതേ…ഒരു തെറ്റ് ആർക്കും പറ്റില്ലേ…ഒന്ന് ക്ഷമിക്ക് ”

അതു പറഞ്ഞവളെനിക്ക് സന്തി സംഭാഷണത്തിനുള്ള കൈനീട്ടി…
ഒരു ഒഴുക്കൻ മട്ടില് അത് തള്ളിക്കളയാൻ നോക്കിയ എൻ്റെ തലച്ചോറിലേക്ക് ഒരു കുരുട്ടുബുദ്ധി എത്തി… അതോടെ ഞാനും അവളുടെ കയ്യിൽ പിടിച്ചു… അതോടെ അവളുടെ മുഖത്ത് ഒരു ചിരി ഒക്കെ വന്നു…

പക്ഷേ ആ ചിരി മാറ്റാൻ എനിക്കധിക സമയം വേണ്ടി വന്നില്ല… പിടിച്ചു കൊണ്ടിരുന്നു അവളുടെ കൈ ഞാൻ ചുറ്റിലും ഒന്ന് നോക്കിയ ശേഷം ഞെരിക്കാൻ തുടങ്ങി… അതോടെ അവൾക്ക് അമളി പറ്റിയത് മനസ്സിലായി…

” ഡോ പ്ലീസ്….വിട് വിട് എനിക്ക് വേദനിക്കുന്നു… ”

കൈ ഒക്കെ കുടഞ്ഞവൾ പതുക്കെ എന്നെ നോക്കി പറഞ്ഞു… പക്ഷെ നമ്മുടെ കരുത്തിനോട് പൊരുതാൻ അതിനെ കൊണ്ടൊക്കെ പറ്റ്വോ…?

” നിനക്ക് വേദനിക്കണം…. ”

ഞാൻ ചുറ്റിലും നോക്കി അവളുടെ കൈ ഒന്നൂടെ അമർത്തിക്കൊണ്ട് പറഞ്ഞു…

” പ്ലീസ്…ഡോ…എൻ്റെ കൈ പോയി… ”

അവള് ഒന്ന് കുതറി കൊണ്ട് ദയനീയമായി എന്നോട് പറഞ്ഞു

” ആണോ അച്ചോടാ…എന്നാ പറ….മോള് ഏട്ടനെ എന്തോ പേര് വിളിക്കുമായിരുന്നല്ലോ…അത് ഇനി വിളിക്കുമോ… ”

ഞാൻ പിടി വിടാതെ അവളോട് ചോദിച്ചു…അതിന് ഇല്ല എന്ന് അവള് തലയാട്ടി…

” ഇനി എന്നെ ശല്ല്യം ചെയ്യാൻ വര്വോ… ”
വീണ്ടും അവളെ നോക്കി ചോദിച്ചു… അതിനും ഇല്ലാ എന്നുള്ള അർത്ഥത്തിൽ അവൾ തലകുലുക്കി… അതോടെ ചുറ്റിലും ഒന്ന് നോക്കി ഞാൻ അവളുടെ കൈവിട്ടു… വിടേണ്ട താമസം ഒരു ദീർഘനിശ്വാസം എടുത്തവളൾ കയ്യൊക്കെ നോക്കുന്നത് കണ്ടു

” ൻ്റെ കൃഷ്ണ…എൻ്റെ കൈ….തനിക്ക് പ്രാന്താടോ കാലാ…. ”

അവൾ എന്നെ നോക്കി പല്ലിറുമ്മി കൊണ്ട് പറഞ്ഞു

” എന്തുപറ്റി മോൾക്ക് വേദനിച്ചോ…?? ചേട്ടൻ ഒരു തമാശ കാണിച്ചതല്ലേ… ”

ഞാൻ അവളെ നോക്കി ചിരിച്ചുകൊണ്ട് പറഞ്ഞു…അതിനവളെന്നെ ദഹിപ്പിക്കുന്ന ഒരു നോട്ടം നോക്കി

” തന്നോടൊക്കെ ഒരു സോറി പറയാൻ വന്ന എന്നെ പറഞ്ഞാ മതി…. ”

അവൾ കനത്തിൽ എന്നെ നോക്കി പറഞ്ഞു

” സോറി പറയാൻ വന്ന ആൾക്കാരോട് നല്ലോണം പെരുമാറിയില്ലെങ്കി അവരും ഇങ്ങനെ തന്നെ പെരുമാറും…അപ്പൊ ചേട്ടൻ പോട്ടെ മോളെ… ”

അവളെ നോക്കി അതും പറഞ്ഞ് ഒരു വിജയ ചിരിയോടെ ഞാൻ തിരിഞ്ഞു നടന്നു

” പൊട്ടകണ്ണൻ പട്ടി…. ”

തിരിഞ്ഞു നടക്കുന്ന ഞാൻ പുറകിൽ നിന്നുള്ള അവളുടെ അടക്കം പറച്ചില് കേട്ടു… അതിന് മറുത്തൊന്നും പറയാതേ ചിരി ഒന്നൂടി ഉച്ചത്തിലാക്കി ഞാൻ പാർക്കിങ് ഏരിയയുടെ ഉള്ളിലേക്ക് കയറി…
” എന്താടാ ഒറ്റയ്ക്ക് ഇളിക്കുന്നെ വട്ടായോ…അതൊ നിന്റെ അമ്മ തലയ്ക്കിട്ട് തന്നോ… ”

ചിരിച്ചുകൊണ്ട് പാർക്കിംഗ് ഏരിയയിലേക്ക് കയറിയ എന്നെ നോക്കി നന്ദു പറഞ്ഞു

” അതൊക്കെ ഉണ്ട് മോനെ….അല്ല അവന്മാര് പോയോ… ”

നന്ദു മാത്രം അവിടെ നിൽക്കുന്നത് കണ്ട് ഞാൻ തിരക്കി

” അവരൊക്കെ പോയി… കോളേജിൽ എത്തിക്കോളും…അത് വിട്… ഇയാള് അവിടെ നടന്ന കാര്യം പറ… ”

അവനെന്നെ നോക്കി ആകാംക്ഷയോടെ ചോദിച്ചു

” ആ പറയാം നീ വണ്ടി കേറ്…. ”

വണ്ടി സ്റ്റാർട്ട് ആക്കിയതിനുശേഷം അവനോട് ഞാൻ പറഞ്ഞു..അവൻ കയറിയതും വീട് ലക്ഷ്യമാക്കി വണ്ടി മുന്നോട്ടെടുത്തു

” കുറെ നേരായി ചോദിക്കുന്ന നടന്ന കാര്യം പറ മോനേ… ”

യാത്രയിൽ വണ്ടിയുടെ പുറകിൽ നിന്നും അവൻ എന്നോട് ചോദിച്ചു… അതിന് അവൾ അമ്മയോട് പറഞ്ഞതും തിരിച്ച് പോകാൻനേരം അവളുടെ കൈ പിടിച്ചു ഞെരിച്ചതൊക്കെ ഞാൻ ആ പൊട്ടനോട് പറഞ്ഞു കൊടുത്തു…

” ഓ അയിനാണോ ഇയാള് നേരത്തേ ഇളിച്ചത്… ”
ഞാൻ പറഞ്ഞു തീർന്നതും ഒരൊഴുക്കൻ മട്ടിൽ അവൻ പറഞ്ഞു

” പിന്നെ ഇന്നലെ എന്നെ ഊഞ്ഞാലാട്ടിയവളെ തിരിച്ച് ഊഞ്ഞാലാട്ടിയാ സന്തോഷം വരില്ലേ… ”

ഞാൻ വണ്ടിയുടെ സ്പീഡ് ഒന്നുകൂടി വർദ്ധിപ്പിച്ച ശേഷം അവനോട് പറഞ്ഞു..

” നടക്കട്ടെ നടക്കട്ടെ…നിനക്കവളെ ഒരു നോട്ടം ഉണ്ടല്ലേ… ”

എന്നെ ഇളക്കാൻ എന്നോണം അവൻ പറഞ്ഞു..

” പഫാ…..നാറി…..നീ എങ്ങോട്ടാ ഈ പറഞ്ഞുണ്ടാക്കുന്നേന്ന് എനിക്കറിയാം… പണ്ടിതുപോലെ നീയെന്നെ ഒന്നിളക്കി വിട്ടേൻ്റെ ക്ഷീണം മാറിട്ടില്ല… ”

ഞാൻ പുറകിൽ ഇരിക്കുന്ന അവനെ കണ്ണാടിയിലൂടെ നോക്കി കൊണ്ട് പറഞ്ഞു

” ഞാൻ പറഞ്ഞെന്നേയുള്ളൂ… ആർക്കറിയാം മനസ്സിലിരിപ്പെന്താന്ന്… ”

അവൻ ചിരിച്ചുകൊണ്ട് വീണ്ടുമെന്നെ ഒന്നിളക്കി

” നീ മിണ്ടല്ലേ…. പിന്നെ അവള്… അതിലും ഭേദം നീ എന്നെ വല്ല അതിർത്തിയിലും കൊണ്ടാക്ക്… ഞാൻ കമ്പി വേലിയും ചാടി പാകിസ്ഥാൻ വരെ പോയി ഒരു ഗ്ലാസ് വെള്ളം കുടിച്ചിട്ട് ജീവനുണ്ടേ തിരിച്ചുവരാം…
ചിരിച്ചുകൊണ്ട് ഞാൻ അവനോട് പറഞ്ഞു… അതിന് അവനും ചിരിച്ചു…

” ഞാൻ പറഞ്ഞന്നേയുള്ളൂ… ”

ചിരിയോടെ അവൻ എന്നോട് പറഞ്ഞു

” എന്നാ നീ കൂടുതൽ പണയണ്ട… കീരിയും പാമ്പും ഒന്നായ ചരിത്രമില്ല… ”

അവനോട് അവസാനമായി അതും പറഞ്ഞു വണ്ടി പറപ്പിച്ചു വിട്ടു… പിന്നെ അവനെ അവനെ വീട്ടിൽ ഇറക്കി നേരെ വീട്ടിൽ പോയി കുളിച്ച് ബ്രേക്ക്ഫാസ്റ്റൊക്കെ കഴിച്ച് നേരെ കോളേജിലേക്ക്….

കോളേജിൽ പിന്നെ പ്രത്യേകിച്ച് സംഭവങ്ങൾ ഒന്നും ഇല്ലായിരുന്നു… അതുവിൻ്റെ ആരോഗ്യനിലയും കാര്യങ്ങളുമൊക്കെ പിള്ളേരും മാഷുമാരൊക്കെ ചോദിച്ചു അത്രതന്നെ…. പിന്നെ ആകെ ഉള്ള ഒരു ഏനകേട് കോളേജിൽ ഒരുത്തിയുണ്ട് എൻ്റെ ക്ലാസ്സിലെ ആതിര… അവൾക്ക് എന്നോട് ഏതാണ്ടൊക്കെയോ പ്രണയമോ എന്തോ തേങ്ങയാണ്….പക്ഷെ എനിക്ക് അതിനോടൊന്നും ഇപ്പോൾ താൽപര്യമില്ല… ആ സീനൊക്കെ ഡിഗ്രി കാലത്തിലെ വിട്ടതാ… അതു വഴിയേ പറയാം…

അങ്ങനെ വൈകുന്നേരം വരെ കോളേജ് തള്ളി നീക്കി വീട്ടിലേക്ക് തിരിച്ചു…. ഫ്രഷ് ആയിട്ട് വേണം ഹോസ്പിറ്റലിലേക്ക് പോകാൻ… വീട്ടിലേക്ക് എത്തുമ്പോൾ അമ്മയും അച്ഛനും ഒക്കെ എത്തിയിരുന്നു… രാവിലത്തേ കാര്യം ഓർത്തപ്പോൾ അമ്മയെ ഫേസ് ചെയ്യാൻ എനിക്ക് ഇചിരി ചമ്മലില്ലാതില്ല…

” ആ നീ വന്നോ…. ”

എന്നെ കണ്ടതും ഉമ്മറത്തിരുന്ന് ചായ കുടിച്ചു കൊണ്ടിരിക്കുന്നു അച്ഛൻ പറഞ്ഞു… അതിന് ഒരു പുഞ്ചിരി നൽകി കൊണ്ട് ഞാൻ ഉള്ളിലേക്ക് കയറി…

” പൊന്നുമോൻ ഒന്നവിടെനിന്നേ…. എന്നിട്ട് ഇങ്ങോട്ട് വാ…”
ഓടി പാഞ്ഞ് റൂമിലേക്ക് കയറാൻ പോയ എന്നെ ഹാളിൽ ഇരുന്ന് ചായ കുടിക്കുന്ന അമ്മ കയ്യോടെ പൊക്കി… അതോടെ ഞാൻ ഒന്ന് പതറി… പിന്നെ ഭാവമാറ്റം ഒന്നും ഇല്ലാത്തത് പോലെ അമ്മയുടെ അടുത്ത് പോയി ഇരുന്നു

” എന്താ അമ്മേ… ”

ഞാൻ അമ്മയെ നോക്കി നിഷ്ക്കു ഭാവത്തിൽ ചോദിച്ചു… അതിനു പെട്ടെന്ന് ഒരു പിടിത്തം ആയിരുന്നു ചെവിക്ക്

” എന്താന്നോ…. മനുഷ്യനെ നാണം കെടുത്തരുതെന്ന് പറഞ്ഞ് വിട്ടിട്ട് നീ എന്തൊക്കെയോ ഹോസ്പിറ്റലിൽ കാണിച്ചു കൂട്ടുന്നേ… ”

ചെവിയിലെ പിടി വിടാതെ അമ്മ എന്നെ നോക്കി പറഞ്ഞു

” ഡോക്ടറേ ഇങ്ങള് ചൂടാവല്ലേ….ചെവി വിട്… എനിക്ക് വേദനിക്കുന്നു ഞാൻ ഒന്ന് പറഞ്ഞോട്ടേ… ”

ഞാൻ അമ്മയെ നോക്കി പറഞ്ഞു

” നീ ഒന്നും പറയണ്ട…. പറയണ്ടതൊക്കെ ദിവ്യ പറഞ്ഞല്ലോ…. ”

അമ്മ പിടി വിട്ടുകൊണ്ട് എന്നെ നോക്കി പറഞ്ഞു…

“എൻ്റെ ചെവിട് പോയി…. ഒരു ദിവ്യ…. അവള് പറയുന്നതൊക്കെ അങ്ങ് വിശ്വസിച്ചോ… ”

പിടിച്ചു പൊന്നാക്കിയ ചെവിട് ഒന്ന് തടവികൊണ്ട് ഞാൻ അമ്മയോട് പറഞ്ഞു..

” ഡാ.. ഡാ… ആ കൊച്ചിനെ പറയണ്ടേ എനിക്ക് നിന്നെക്കാൾ വിശ്വാസം അവളെയാ… ”

അമ്മ എന്നെ നോക്കി പുഞ്ചിരിച്ചുകൊണ്ട് പറഞ്ഞു

” ആഹാ ഇത് നല്ല കൂത്ത്…. സ്വന്തം മോനെ വിശ്വാസമില്ലാത്ത വേറെ വല്ല വെടക്ക് പെൺപിള്ളേരും പറയുന്നത് വിശ്വസിച്ച് നടക്കുന്ന ഒരു മണ്ടി ഡോക്ടർ… ”

ഞാൻ അമ്മയ്ക്കൊരു തട്ട് വെച്ചു കൊടുത്ത് കൊണ്ട് ചോദിച്ചു

” ഡാ അജ്ജൂ വേണ്ടാട്ടോ…നിന്നോട് ഞാൻ പറഞ്ഞു ദിവ്യ നല്ല കൊച്ചാന്ന്…നീ അങ്ങനൊക്കെ ചെയ്യ്തോണ്ടല്ലേ അവള് എന്നോട് പറഞ്ഞേ… ”

അമ്മ എന്നെ നോക്കി പറഞ്ഞു..

” ഞാൻ ഒരു സംശയം ചോദിച്ചോട്ടെ… അത് ഇങ്ങടെ മോളാണോ… ”

അവളെ കൊണ്ടുള്ള അമ്മയുടെ സംസാരം കേട്ട് ഞാൻ ചോദിച്ചു… ചോദിക്കേണ്ട താമസം അമ്മ ചിരിക്കാൻ തുടങ്ങി…

” പോടാ അവിടുന്ന്….എനിക്കാ കൊച്ചിനെ വലിയ ഇഷ്ടാ…. നല്ലൊരു മോളാ അത്… ”

അമ്മ എന്നെ നോക്കി പുഞ്ചിരിച്ചു കൊണ്ട് പറഞ്ഞു

” പിന്നേ നല്ല മോളാ… ”

ഞാൻ ഒരു ഒഴുക്കൻ മട്ടിൽ അമ്മയെ നോക്കി പറഞ്ഞു
” എന്താടാ…നല്ല മോള് തന്നെയാ… അമ്മയില്ലാതെ വളർന്ന കൊച്ചാ… അതുകൊണ്ടുതന്നെ അതിനെന്നോട് ഒരു പ്രത്യേക സ്നേഹാ… എത്രയോ വട്ടം അത് പറഞ്ഞിട്ടുണ്ട് മാഡം എനിക്ക് ഒരു അമ്മയെ പോലെയാന്ന്… ”

അമ്മ എന്നെ നോക്കി ചിരിച്ചുകൊണ്ടു പറഞ്ഞു… ഇതൊക്കെ കേട്ടപ്പൊ അമ്മയ്ക്ക് അവളെ എന്തോ ഇഷ്ടമുള്ളതുപോലെ എനിക്ക് തോന്നി…

” ഓ പിന്നേ… എന്നാ പിന്നെ അതിനെ ഇങ്ങ് കൂട്ടിക്കോ… ”

ഞാനൊരു ഒഴുക്കൻ മട്ടിൽ പറഞ്ഞുകൊണ്ട് എണീറ്റു… പക്ഷേ അമ്മയില്ലാതെ വളർന്നു എന്നൊക്കെ കേട്ടപ്പോൾ ഒരു സെൻറിമെൻസ് തോന്നി…

” വല്ല എക്സ്ചേഞ്ച് ഓഫർ ഉണ്ടേൽ നിന്നെ കൊടുത്ത് അവളെ വാങ്ങായിരുന്നു… ”

മുകളിലേക്ക് കയറാൻ പോയ എന്നെ ഒന്ന് ദേഷ്യം പിടിപ്പിക്കാൻ വേണ്ടി അതും പറഞ്ഞമ്മ ചിരിക്കാൻ തുടങ്ങി…

” ഡോക്ടറെ അസ്ഥാനത്തുള്ള കൗണ്ടറ് വേണ്ടാട്ടോ…. ”

അമ്മയെ നോക്കി അതും പറഞ്ഞ് ഞാൻ സ്റ്റെപ്പ് കയറി റൂമിലേക്ക് നടന്നു…പുറകീന്ന് എൻ്റെ മറുപടി കേട്ട് പുള്ളികാരി അടക്കി ചിരിക്കുന്നുണ്ട്…

പിന്നെ സമയം വൈകിപ്പിച്ചില്ല വേഗം ഫ്രഷായി ഹോസ്പിറ്റലിലേക്ക് പോവാൻ താഴേക്കിറങ്ങി… പോകുന്നപോക്കിൽ നന്ദുവിനെ ഇന്നും പിക്ക് ചെയ്യണം…

” ദാ ചായ കുടിക്ക്… ”

താഴേക്കിറങ്ങി വന്ന എന്നെ ഡൈനിങ് ടേബിളിനടുത്തേക് പിടിച്ചിരുത്തി
കൊണ്ട് അമ്മ പറഞ്ഞു… പുഞ്ചിരിയോട ഞാൻ അവിടെ ഇരുന്ന് ചായയും പലഹാരങ്ങളും കഴിച്ചു തുടങ്ങി..

” ഡാ ഇനി പോയി അവിടുന്ന് അലമ്പുണ്ടാക്കരുത്… ”

ചായ കുടിച്ചു കൊണ്ടിരിക്കുന്നു എന്നെ ഓർമ്മപ്പെടുത്തുന്നപോലെ അമ്മ പറഞ്ഞു…

” ശ്രമിക്കാം ഡോക്ടറെ.. ”

ഞാൻ അമ്മയെ നോക്കി ചിരിച്ചുകൊണ്ട് പറഞ്ഞു

” നീ കൂടുതൽ കിണിക്കല്ലേ… ”

തലയ്ക്ക് ഒരു കൊട്ട് തന്ന് അതും പറഞ്ഞ് അമ്മ ഉമ്മറത്തേക്ക് നടന്നു… പിന്നാലെ ചായ കുടിച്ച ശേഷം ഞാനും ഇറങ്ങി… ഉമ്മറത്തിരുന്ന അച്ഛനോടും അമ്മയോടും യാത്രപറഞ്ഞ് നന്ദുവിനെ പിക്ക് ചെയ്തു നേരെ ഹോസ്പിറ്റലിലേക്ക്…

” ഡാ ഇന്ന് നിന്നോട് മറ്റേ ആതിര എന്തോ സംസാരിക്കുന്നത് കണ്ടല്ലോ… ”

വണ്ടി പാർക്ക് ചെയ്യുമ്പൊ എന്നെ നോക്കി നന്ദു ചോദിച്ചു

” അവൾക്ക് വട്ടാ…അതിന്റെ കാര്യം വിട്ടേക്ക്… ”

ഞാൻ ഒരു ഒഴുക്കൻ മട്ടിൽ മറുപടി പറഞ്ഞ് വണ്ടി പാർക്ക് ചെയ്തിറങ്ങി

” എന്താടാ മോനു നിനക്ക് ജാഡ ആണോ… അവൾക്ക് നിന്നോട് പ്രേമം ആയോണ്ടല്ലേ… “
അവൻ എന്നെ നോക്കി ഇളിച്ചു കൊണ്ടു പറഞ്ഞു

” അതിന് എനിക്ക് എന്നതാ നാറി… അവൾക്ക് ഭ്രാന്തന്നെല്ലാതെ…”

അവന് ഇത്തിരി കടുപ്പത്തിൽ തന്നെ ഞാൻ മറുപടി നൽകി

” ഓ സാറിന് ഇവിടത്തെ നേഴ്സ് കൊച്ചിനെ അല്ലേ നോട്ടം ഞാൻ അത് മറന്നു… ”

അവൻ എന്നെ നോക്കി ഇളിച്ചുകൊണ്ടു പറഞ്ഞു… അതെനിക്ക് ഇഷ്ടപ്പെട്ടില്ല ഞാൻ അവൻ ഒരു തള്ള് വെച്ച് കൊടുത്തു…. പക്ഷേ ആ തള്ള് അവനും ഇഷ്ടപ്പെട്ടു കാണില്ല… ആ നാറി എന്നെ പിടിച്ചും ഒരു തള്ള് തന്നു… പക്ഷേ ചെറിയൊരു അമളി പറ്റി അവൻ്റെ തള്ളിൽ എൻ്റെ കാല് നേരെ പോയി ഒരു തുരുമ്പ് പിടിച്ച കമ്പിയോട് തട്ടി… ഭാഗ്യം പക്ഷേ ചെറിയൊരു മുറിവേ ഉണ്ടായിരുന്നുള്ളൂ…

” ഡാ മൈരേ എൻ്റെ കാല്… ”

ഞാൻ അവനെ നോക്കി ചീറി… അതോടെ അവൻ എൻ്റടുതേക്ക് വന്നു

” ഡാ ഇത് ചെറിയ മുറിവേ ഉള്ളൂ…പക്ഷെ തുരുമ്പാ… നീ ടി ടി അടിച്ചിനോ അടുത്തെങ്ങാനും… ”

അവൻ കാല് നോക്കിക്കൊണ്ട് എന്നോട് ചോദിച്ചു..

” ഇല്ലെടാ…അതടിക്കെണ്ടി വരുമോ… ”

ഞാൻ ഗൗരവത്തിൽ അവനെ നോക്കി ചോദിച്ചു
” എടാ ചെറിയ മുറിവ് ആണെങ്കിലും ചിലപ്പോ അടിക്കേണ്ടി വരും…. വളരെ തുരുമ്പുള്ളതാ… ”

അവൻ എന്നെ നോക്കി മറുപടി പറഞ്ഞു

” ഏതു നേരത്താടാ നാറി നിനക്ക് എന്നെ തള്ളാൻ തോന്നിയെ… ”

ഞാൻ അവനെ നോക്കി പല്ലിറുമ്മി കൊണ്ട് പറഞ്ഞു

” അത് ഇയാൾ എന്നെ പിടിച്ചു തള്ളിയോണ്ടല്ലേ… നിന്ന് ഡയലോഗ് അടിക്കാണ്ട വണ്ടി എടുക്ക് ഹോസ്പിറ്റലിൽ പോവാം… ”

അവൻ എന്നെ നോക്കി ഗൗരവത്തിൽ പറഞ്ഞു

” നീ പൊട്ടൻ ആയിട്ട് അഭിനയിക്കുന്നാണോ മൈരേ… പിന്നെ ഇത് എവിടെയാണ്… ”

ഞാൻ അവനെ നോക്കി ചോദിച്ചു

” പറഞ്ഞപോലെ ഇതിപ്പോ ലാഭായല്ലോ

… നമ്മൾ ഹോസ്പിറ്റലിൽ അല്ലേ ഉള്ളേ… എന്നാ വേഗം വാ കാണിക്കാം… ”

ഇന്നസെന്റിന്റെ സിനിമ ഡയലോഗും അടിച്ച് ചിരിച്ചുകൊണ്ട് എന്നെ നോക്കി പറഞ്ഞ് ആ നാറി നടക്കാൻ തുടങ്ങി
” ലാഭം നിൻ്റപ്പൻ്റെ… എന്നെക്കൊണ്ടൊന്നും പറയിപ്പിക്കണ്ട… ”

പുറക്കിൽ നിന്ന് അതും പറഞ്ഞ് ഞാനും അവൻ്റെ പിന്നാലെ നടക്കാൻ തുടങ്ങി… പിന്നെ നേരെ ചെന്ന് ഡോക്ടറെ കാണിച്ചു.. അങ്ങേരും ടി ടി അടിക്കാൻ നിർദ്ദേശിച്ചു… അതോടെ നേരെ കേഷ്വാളിറ്റിയിലേക്ക് നടന്നു… അവിടെ ശ്രദ്ധയെ കണ്ടു അവളോട് കാര്യം പറഞ്ഞു.. അതോടെ തൊട്ടടുത്തുള്ള ബെഡ് കാണിച്ച് അവൾ എന്നോട് ഇരിക്കാൻ പറഞ്ഞു

” എന്തു പറ്റിയതാ… ”

ഒരു സിറിഞ്ചിൽ മരുന്നെടുത്ത് കൊണ്ട് ശ്രദ്ധ എന്നെ നോക്കി ചോദിച്ചു…

” അതൊരു തെണ്ടിയുടെ സംഭാവനയാ… ”

അടുത്തുനിൽക്കുന്ന നന്ദുവെ ഒരു നോട്ടം നോക്കി ഞാൻ പറഞ്ഞു… അതിന് അവനും ശ്രദ്ധയും ചിരിക്കുന്നുണ്ട്… പക്ഷേ എൻ്റെ ശ്രദ്ധ മൊത്തം അവളുടെ കയ്യിലുള്ള സിറിഞ്ചിൽ ആയിരുന്നു… ഒന്നാമതേ എനിക്ക് സൂചി പേടിയാ…

” ശ്രദ്ധേ ഒന്നുമെല്ലനെ കുത്തണേ… ”

ഞാൻ അവളെ നോക്കി ചമ്മിയ ഭാവത്തോടെ പറഞ്ഞു.. അതിന് അവൾ ഒരു പുഞ്ചിരി നൽകി

” അവന് ജന്മനാ സൂചി പേടിയാ…. ”

എന്നെ കളിയാക്കി ചിരിച്ചു കൊണ്ട് തെണ്ടി നന്ദു പറഞ്ഞു

” ഒരു കാര്യം ചെയ്യ് നീ ഒരു മൈക്ക് വച്ച് എല്ലാവരെയും അറിയിക്ക്… ”

ഞാൻ അവനെ നോക്കി പല്ലിറുമ്മി കൊണ്ട് പറഞ്ഞു.. അവനും അവളും അത് കേട്ട് ചിരിക്കുന്നുണ്ട്…
” പേടിക്കണ്ട ഇതിപ്പൊ കഴിയും താൻ കണ്ണടച്ചോ… ”

ശ്രദ്ധ എന്നെനോക്കി പറഞ്ഞു… അതോടെ ഞാൻ കണ്ണുംപൂട്ടി ഇരുന്നു

” ശ്രദ്ധേ…………”

ഒരു വിളി കേട്ടാണ് ഞാൻ കണ്ണ് തുറന്നത്… സൂചികുത്താൻ പോയ ശ്രദ്ധയും എന്നെപ്പോലെ തന്നെ ആ വിളി കേട്ട് തിരിഞ്ഞു നോക്കി… വേറാരുമല്ല നമ്മുടെ കഥാനായിക ദിവ്യ…

” ഇങ്ങ് താ ഞാൻ വെക്കാം… ”

അവൾ എന്നെ നോക്കി ശ്രദ്ധയുടെ കൈയിൽനിന്ന് സിറിഞ്ച് പിടിച്ചുവാങ്ങി… അതോടെ ഞാൻ എറങ്ങി ഓടിയാലോന്ന് വരെ ചിന്തിച്ചു… ഇതൊക്കെ കണ്ട് നന്ദുവും ശ്രദ്ധയും ചിരിക്കുന്നുണ്ട്…

” അപ്പൊ എങ്ങനാ കുത്തട്ടേ ഏട്ടാ… ”

ദിവ്യ എന്നെ ഒരു വല്ലാത്ത നോട്ടം നോക്കി പറഞ്ഞു… അതിന് ഞാൻ ഭയത്തോടെ അവളോട് വേണ്ട എന്ന അർത്ഥത്തിൽ തലയാട്ടി… രാവിലെ അവളുടെ കൈ ഞെരിച്ച സംഭവത്തെ സ്വയം ഞാൻ മനസ്സിൽ പഴിച്ചു…

” അങ്ങനെ പറഞ്ഞാൽ എങ്ങനാ….ഇപ്പൊ ശരിയാക്കിത്തരാം… ”

അതും പറഞ്ഞ് അവളെൻ്റെ കൈ പിടിച്ച് സിറിഞ്ചടുപ്പിച്ചു… അതോടെ പടച്ചോനെ ഇങ്ങള് കാത്തോളീ…. എന്ന് മനസ്സിൽ പറഞ്ഞ് ഞാൻ കണ്ണടച്ചിരുന്നു….

21cookie-checkഒരു പ്രണയകഥയുടെ ആദ്യഭാഗമാണ്…3no