ഒരു കുടിലല്ല 6

പിറ്റേന്ന് മുതൽ ഞാൻ ജോലി തെണ്ടാനിറങ്ങി, പഴയ പല്ലവി തന്നെ കേട്ട് ചെവി തഴമ്പിച്ചു തുടങ്ങി.

ഒന്നു രണ്ടിടത്ത് ഏറെക്കുറെ കിട്ടി എങ്കിലും നൈറ്റ് ഷിഫ്റ്റ് എടുക്കേണ്ടി വരും എന്ന് പറഞ്ഞതോടെ അമ്മുവിനെ കുറിച്ചോർത്തപ്പോൾ ഒഴിവാക്കേണ്ടി വന്നു…

ചാരു എനിക്കിപ്പോൾ ഫുൾ ആയിട്ടും അമ്മു ആയി,…

കയ്യിലേം തോളിലേം കുറെ തൊലി പെണ്ണിന്റെ നഘത്തിനിടയിൽ കേറ്റിയെങ്കിലും ചാരു വേരോടെ പെണ്ണ് എന്നിൽ നിന്നും പിഴുതുമാറ്റി,…എന്റടുത്തു നിന്നു മാത്രം അല്ല…ഇടയ്ക്ക് കൂടാൻ ചിക്കനും ബിയറും ഒക്കെ ആയി വരുന്ന നുണയനും അർജ്‌ജുനും മനീഷിനും നിത്യയ്ക്കും എല്ലാം ഇപ്പൊ അമ്മു ആണ്,…

ഒന്നു കൂട്ടായതോടെ എല്ലാത്തിന്റേം കയ്യിലും ഇപ്പൊ അവള് പിച്ചിപ്പറിച്ചു വെച്ച പാട് കാണാം അതു കാണുമ്പോഴാണ് ഒരാശ്വാസം…

എന്നും വൈകിട്ട് ഇരുട്ടും മുന്നേ വീട്ടിൽ എത്തണം പേടിച്ചു തൂറി ആയ പെണ്ണിന്റെ കല്പന …

കോലായിൽ എന്നെയും നോക്കി ഇരിക്കുന്ന ഇരുപ്പ് തന്നെ മതി ഒരു ദിവസത്തെ അലച്ചിലിന്റെ ക്ഷീണം മുഴുവൻ മാറാൻ….…

ടീച്ചറുടെ അടുത്ത് പോയി ഇരിക്കാൻ പറഞ്ഞിട്ടുണ്ടേലും എന്നും ചെന്ന് അവർക്ക് ബുദ്ധിമുട്ടാവേണ്ടെന്നു കരുതി ഇടയ്ക്ക് വല്ലോം പോവും എന്നല്ലാതെ എപ്പോഴും ചെന്നിരിപ്പൊന്നും ഇല്ല…

അന്നും ഇരുട്ടു വീഴും മുന്നേ ഞാൻ വീട്ടിലെത്തി കുളി കഴിഞ്ഞു ഈറൻ മാറാത്ത മുടി ആട്ടികളിച്ചു അമ്മു മുറ്റത്ത് തന്നെ ഉണ്ട്, തോട്ടത്തിലെ ചെടിയും നോക്കി കൊഴിഞ്ഞ ഇലയെല്ലാം കൂട്ടി നിന്ന പെണ്ണ് എന്നെ കണ്ടതും ഓടി വന്നു,..

കയ്യിൽ നിന്ന് ബാഗ് വാങ്ങി നടക്കുമ്പോൾ പതിവ് ചോദ്യം വന്നു…

എന്റെ നിരാശ നിറഞ്ഞ മറുപടി കേട്ടിട്ടാവും.

“സാരല്ല്യാ…നമ്മുക്ക് പെട്ടെന്നു ജോലി കിട്ടും ഏട്ടാ…”

എന്നെ നോക്കി ചിരിച്ചു കാണിച്ചു അമ്മു മുന്നേ നടന്നു,
അപ്പോഴാണ് ഇതുവരെ തിരക്കിനിടയിൽ മറന്നുപോയ കാര്യം പെട്ടെന്ന് ഓർമ വന്നത്,….

പെണ്ണ് എപ്പോഴും വീട്ടിലുണ്ട്….നേരത്തെ തറവാട്ടിൽ ആയിരുന്നപ്പോൾ ഇവൾ ക്ലാസ്സിൽ പോകുവായിരുന്നു കോച്ചിങ്ങിന്…പക്ഷെ ഇപ്പൊ അവളതിന് പോയി കാണാറില്ല…

“ഡി അമ്മൂ….”

ഞാൻ വിളിച്ചത് കേട്ട അവൾ തിരിഞ്ഞു പുരികം ഉയർത്തി എന്നെ നോക്കി.

“നീ എന്താ ഇപ്പൊ ക്ലാസ്സിൽ പോവാത്തെ…”

പെട്ടെന്നാണ് ചിരിച്ചുലഞ്ഞു നിന്ന പെണ്ണിന്റെ മുഖത്തു മേഘം പൊതിഞ്ഞത്.

“ഓഹ് എനിക്ക് മതിയായി…ഏട്ടാ…വേറെ എന്തേലും ജോലി നോക്കാന്നെ….ബാങ്ക് ജോലി ഒക്കെ ചുമ്മാ സമയം കളയാനുള്ള പരിപാടി ആയിരുന്നില്ലേ…”

എന്നോട് പറഞ്ഞു തീർക്കുമ്പോഴും അവളുടെ മുഖം കഷ്ടപ്പെട്ടു ഒളിച്ചു പിടിക്കുന്ന സങ്കടം എനിക്ക് കാണാമായിരുന്നു….

“നീ എന്നോട് കള്ളം പറഞ്ഞു തുടങ്ങിയല്ലേ…അമ്മൂ…..

എന്നോടൊന്നും നീ ഒളിക്കില്ല എന്നാ ഞാൻ കരുതിയെ….നിനക്ക് പറയാൻ പറ്റിയില്ലേലും എന്നെ ബോധിപ്പിക്കാൻ ഇങ്ങനൊരു കള്ളം പറയണ്ടായിരുന്നു….”

ഞാൻ പറഞ്ഞു നിർത്തിയതും, ഉണ്ടക്കണ്ണിൽ എന്നെ മുക്കിക്കൊല്ലാൻ പാകത്തിന് വെള്ളോം നിറച്ചു,

വിഷമിച്ചു മലർത്തിയ ചുണ്ടുമായി അവളെന്നെയൊന്നു നോക്കി….

“അത്…..അവിടത്തെ കോഴ്സ് ഡ്യുറേഷൻ കഴിഞ്ഞു…ഇനി ക്ലാസ്സിൽ ഇരിക്കണേൽ അടുത്ത ബാച്ചിനുള്ള ഫീ കൊടുക്കണം…..

ഏട്ടൻ ഇങ്ങനെ ആധി പിടിച്ചോടണതിനിടയ്ക്ക് എനിക്കൊന്നും പറയാൻ തോന്നീല….

എവിടേലും സെയിൽസ് ഗേൾ ആയിട്ട് നിന്നെങ്കിലും ഏട്ടനെ സഹായിക്കണോന്നേ തോന്നിയുള്ളൂ….അതോണ്ടാ…..”

ഏങ്ങലടിച്ചു വിങ്ങി പൊട്ടി എങ്ങനെയോ അതു പറഞ്ഞൊപ്പിച്ച അമ്മുവിനെ കണ്ട എനിക്കും സങ്കടം ആണ് തോന്നിയത്…പാവത്തിനെ കരയിക്കേണ്ടി ഇരുന്നില്ല…

പിന്നെ ചെന്നു കെട്ടിപ്പിടിച്ചു, കരച്ചിലൊതുങ്ങണ വരെ പുറം തലോടിക്കൊടുത്തും കണ്ണീരു തുടച്ചും പെണ്ണിനെ ഒന്നു നോർമലാക്കി ചിരിപ്പിച്ചെടുക്കാൻ നല്ല പാട് പെടേണ്ടി വന്നു.

രാത്രി എന്നേം ചുറ്റിപ്പിടിച്ചു കുഞ്ഞിനെ പോലെ കിടന്ന അവളെ കണ്ടപ്പോൾ ഉള്ളിൽ ഒരുപാട് കണക്കുകൾ കൂടുന്നുണ്ടായിരുന്നു.

പിറ്റേന്ന് സ്വന്തം ഹൃദയം പോലെ കൊണ്ടു നടന്ന ബൈക്കു സ്റ്റാൻലി ആശാന്റെ വർഷോപ്പിൽ കൊണ്ടു പോയി കീ കൊടുത്തു എണ്ണായിരം രൂപ കയ്യിൽ വാങ്ങുമ്പോൾ ഉള്ളിൽ പൊടിയുന്ന വേദന നിറഞ്ഞിരുന്നു
എങ്കിലും അവളുടെ മുഖം ആലോചിച്ചപ്പോൾ

വേറൊന്നും ചിന്തിക്കാൻ തോന്നിയില്ല….ഉള്ളിൽ ഉയർന്നു വന്ന കനം നെഞ്ചിൽ തന്നെ ആഴ്ത്തി വെച്ചു തിരിഞ്ഞു നോക്കാതെ നടന്നു,..

പോരാത്ത പണം ബാങ്കിൽ നിന്നുകൂടി എടുത്തപ്പോൾ ഒറ്റയ്ക്കായിപ്പോയ രണ്ടു മൂന്നു നോട്ട് ലോക്കറിൽ കിടന്നു എന്നെ നോക്കി ഇളിച്ചിട്ടുണ്ടാവണം….

ഫീസ് അടച്ചു തിരിച്ചു വരും വഴി ഇനി എന്തെന്ന് ഒരു രൂപവും ഇല്ലായിരുന്നു…

എന്നാൽ അമ്മു പഠിച്ചു ഒരു ജോലി കിട്ടിയാൽ ഒന്നു നേരെ നിക്കാം എന്ന ചിന്തയെ ഉണ്ടായുള്ളൂ….

എന്തു ജോലി എടുത്താണെങ്കിലും അവളെ പഠിപ്പിച്ചേ പറ്റു…

ഓരോന്നാലോചിച്ചു നടന്നു വരുമ്പോഴാണ് മണിയേട്ടൻ വഴി അരികിൽ ഒരു ലോറിയിട്ടിട്ട് ആരെയൊക്കെയോ ഫോണിൽ വിളിച്ചു ഒച്ച വെക്കുന്നത് കെട്ടുകൊണ്ടാണ് ഞാൻ ചെന്നത്, മണിയേട്ടൻ

നുണയന്റെ വീദിനടുത്തുള്ളതാണ്…

വല്ല കാലത്തും ചിറയിൽ ഞങ്ങളോടൊപ്പം കൂടാറും ഉണ്ടായിരുന്നു…

ആളിപ്പോ മേസ്തരിയും സൈറ്റിലേക്ക് വേണ്ട ആളെ കൊടുക്കുന്ന പണിയും ഒക്കെ ആയി നടപ്പാണ്.

“എന്താ മണിയേട്ട ആകെ ചൂടിൽ ആണല്ലോ…”

തലയും വട്ടത്തിൽ തടവി അങ്ങോട്ടും ഇങ്ങോട്ടും തിരിയുന്ന മണിയേട്ടന്റെ തോളിൽ തട്ടി ഞാൻ ചോദിച്ചു…

“ഏഹ്…വിവേകാ….ഹോ ഒന്നും പറയേണ്ടടാവേ… ഒരു ലോഡ് ബ്ലോക്ക് കട്ടയുമായി വന്നതാ ഇവന്മാര്… ഇതു അടുത്ത സൈറ്റിൽ ഇറക്കാൻ ഓരോ പൂറന്മാരേ മാറിമാറി വിളിച്ചോണ്ടിരിക്കുവാ ഞാൻ…ഒരുത്തനും നേരമില്ല…

ഒരാളെ കൂടെ കിട്ടിയ മതി…മൈര്…”

അങ്ങേരു കലിപ്പ് മുഴുവൻ പറഞ്ഞു തീർത്ത് പിന്നെയും ടെന്ഷന് മാറ്റാൻ തല തടവി തുടങ്ങി.

“എന്നാൽ ഞാൻ കൂടാം…നമ്മുക്ക് ഇറക്കാന്നെ…”

ഞാൻ പറഞ്ഞത് കേട്ടതും മണിയേട്ടൻ എന്നെ ആകെ ഒന്നു ചൂഴ്ന്നു നോക്കി.

ഇന്റർവ്യൂ പണ്ടാരംഅടങ്ങാൻ പോയ എന്റെ കോലം കണ്ടിട്ടാണ് ഈ മോന്ത..

ഇൻസെർട് ചെയ്തിരുന്ന ഷർട്ട് അഴിച്ചു കയ്യും മടക്കി ഞാൻ ഇപ്പൊ ശെരി ആയില്ലേ എന്നു ചോദിച്ചു.

പണിയുടെ തിരക്ക് കൊണ്ടോ ആളെ കിട്ടാഞ്ഞിട്ടുള്ള കലിപ്പ് കൊണ്ടോ പുള്ളി ഓക്കെ പറഞ്ഞു.

മണിയേട്ടന്റെയും വേറെ ഒരുത്തന്റെയും ഒപ്പം ഞാനും ലോറിയിൽ കയറി.
“യൂണിയൻ കാരെ വിളിച്ചാൽ അവന്മാര് ലോകത്തില്ലാത്ത കൂലി പറയും….

അവന്മാരറിഞ്ഞു ഉണ്ടാക്കും മുന്നേ എത്തണം…

പണിക്കാരാവുമ്പോൾ പ്രശ്നമില്ല…”

മണിയേട്ടൻ പറഞ്ഞു കൊണ്ടിരുന്നു.

കുറേ ഉള്ളിലേക്ക് കയറിയാണ് ആഹ് സൈറ്റ്…

പണി പാതി എത്തി നിക്കുന്ന ഒരു വീട്…

“നാളെ പണി തുടങ്ങാൻ ഉള്ളതാടാ അതാ…”

ഇറങ്ങുമ്പോൾ മണിയേട്ടൻ എന്നോട് പറഞ്ഞു.

ഷർട്ടിൽ പൊടി പറ്റിക്കണ്ട എന്നു കരുതി ഞാൻ ഷർട്ട്‌ ഊരി ലോറിയിൽ തന്നെ വെച്ചു.

നിലത്തു കട്ട നിരത്താൻ അറിയാത്തതുകൊണ്ടു ഞാൻ ലോറിയിൽ നിന്നു കട്ട താഴേക്ക് ഇറക്കാൻ മുകളിൽ കയറി.

ഓരോന്നായി താഴേക്ക് ഇറക്കി തുടങ്ങി…

ഇതുപോലെ കട്ടിപ്പണി എടുത്തിട്ട് കുറെ നാളായതുകൊണ്ടാവണം നിമിഷനേരം കൊണ്ടു ഞാൻ വിയർത്തു കുളിച്ചു.

ലോഡ് പാതി ആയതും ഹൃദയം ഇടിക്കുന്നത് ചെവിയിൽ കേൾക്കാം എന്ന അവസ്ഥ ആയി….

ഒപ്പം കിതപ്പും….

എന്തോ ഭാഗ്യത്തിന് മണിയേട്ടൻ നിർത്താൻ പറഞ്ഞു,…

ഹോ സ്തുതിച്ചു പോയി.

കുറച്ചു നേരം കൂടി എടുത്തിരുന്നേൽ എന്നെ അവിടുന്ന് എടുത്തോണ്ട് പോരേണ്ടി വന്നേനെ….

“ബാക്കി വേറെ ലോഡ് ആടാ….ഇവിടുത്തെ പണി തുടങ്ങി വെക്കാൻ തൽക്കാലം ഇത്രേം മതി..”

അങ്ങേരു പറഞ്ഞത് ഡും ഡും എന്നു ഇടിച്ചുകൊണ്ടിരിക്കുന്ന ചെവിയിൽ മൂളക്കം പോലെയാണ് വീണത്.

അതോടെ താഴെ ഇറങ്ങി ഒന്നു നേരെ നിന്നതും തലയാകെ ഒരു മിന്നൽ…കണ്ണു നിറയെ മഞ്ഞളിച്ചു പോയി….

താങ് പിടിച്ചില്ലെങ്കിൽ വീഴും എന്നു ഉറപ്പായതോടെ ലോറിയുടെ പിറകിൽ പിടിച്ചു നിന്നു.

അഞ്ചു മിനിറ്റു മുഴുവനെടുത്തു തല ഒന്നു നേരെ നിക്കാൻ…

“ഡാ ഇന്നാട വെള്ളം കുടിക്ക്….”

എനിക്ക് നേരെ നീട്ടിയ കുപ്പി വെള്ളം ഞാൻ വാങ്ങി അപ്പാടെ കുടിക്കുന്നത് കണ്ട മണിയേട്ടനും ഒന്നമ്പരന്നു കാണണം.

“ഡാ നിനക്ക് വല്ലതും പറ്റിയോ….കുഴപ്പം ഒന്നും ഇല്ലല്ലോ….”

ആകുലതയോടെ ആണ് മണിയേട്ടൻ ചോദിച്ചത്…

“ഏയ്‌ കുഴപ്പം ഒന്നുമില്ല മണിയേട്ട…”

ഞാൻ പറഞ്ഞത് കേട്ടു, മൂളി തലകുലുക്കി ആള് പോയി..
തിരികെ ലോറിയിൽ ഇരിക്കുമ്പോഴും എന്റെ മനസ്സിൽ ഓരോ ആലോചനയിൽ ചുറ്റി തിരിയുകയായിരുന്നു.

“മണിയേട്ട നാളെ മുതൽ ഞാനും വരട്ടെ നിങ്ങളുടെ കൂടെ പണിക്ക്…”

എന്റെ ചോദ്യം കേട്ട് കളിയാക്കിയതാണെന്നു കരുതിയിട്ടാവണം അങ്ങേരോന്നും മിണ്ടിയില്ല,

ഞാൻ പിന്നേം ചോദിച്ചപ്പോൾ അങ്ങേരു ഒന്നും മനസ്സിലാവാത്ത പോലെ എന്നെ ഒരു നോട്ടം നോക്കി.

“നീ ഇതെന്തൊക്കെ ആടാ ഈ ചോദിക്കുന്നെ….ഇത്രേം പഠിച്ചിട്ട് ഇനി എന്റെ സൈറ്റിൽ പണിക്ക് വരാനോ…നീ ഒന്നു പോയേ…”

“എന്ത് പണി ആയാലെന്താ മണിയേട്ട…എനിക്കിപ്പോൾ വീട്ടിലെ കാര്യം നടക്കണം…ടൈ ഉം കെട്ടി വെളുക്കും മുതൽ പാതിരാ വരെ കിടന്നു ചത്തലഞ്ഞാലും അവസാനം കയ്യിൽ കിട്ടുന്നത് വല്ല നക്കാപ്പിച്ചയും ആയിരിക്കും….”

“എന്നാലും…എനിക്ക് അതങ്ങു…ഉൾക്കൊള്ളാൻ പറ്റുന്നില്ലെടാ…”

മണിയേട്ടൻ പിന്നെയും നിന്നു മടിഞ്ഞപ്പോൾ എനിക്ക് നല്ലൊരു ജോലി കിട്ടും വരെ മതിയെന്നു അങ്ങേരോട് പറഞ്ഞു….പിന്നെയും കുറെ കെഞ്ചിയപ്പോൾ,…അവസാനം ഹെൽപർ ആയി കൂടെ കൂടിക്കൊള്ളാൻ, പറഞ്ഞു…

ദിവസം അറുന്നൂറ് രൂപ തച്ചും ഉറപ്പിച്ചു.

മണിയേട്ടന് സിറ്റിയിലെ കുറച്ചു ബില്ഡിങ്ങിലും ആളെ വിടുന്ന പണി ഉള്ളതുകൊണ്ട്, ആരും അറിയത്തും ഇല്ല…

എല്ലാം കണക്ക് കൂട്ടി ആണ് ഞാൻ ചോദിച്ചതും…

തിരികെ പോരും വഴി ഇന്ന് ലോഡിറക്കിയ വകയിൽ മണിയേട്ടൻ തന്ന അഞ്ഞൂറ് കയ്യിൽ ഉണ്ടായിരുന്നു.

കൂടെ ബാങ്കിൽ നിന്ന് വലിച്ച അവസാന മുന്നൂറും…

വീട്ടിലേക്കുള്ള അത്യവശ്യം സാധനങ്ങളും വാങ്ങി…

ഞാൻ വീട്ടിലെത്തി.

“ബൈക്ക് എന്തേ….”

പതിവ് തെറ്റിച്ചു നടന്നു വരുന്ന എന്നെ കണ്ട്‌ കയ്യിൽ നിന്ന് കിറ്റുകൾ വാങ്ങുന്നതിനിടയിൽ അമ്മു ചോദിച്ചു.

“നാളെ തുടങ്ങി…അമ്മു ക്ലാസ്സിൽ പൊയ്ക്കോട്ടോ…ഫീസ് ഞാൻ അടച്ചിട്ടുണ്ട്…

നല്ലോണം പഠിച്ചു എക്സാം ക്ലിയർ ചെയ്തോണം…”

അവളുടെ ചോദ്യം തിരിച്ചു വിടാനാണ് ഞാൻ പറഞ്ഞതെങ്കിലും, പെണ്ണ് വീണ്ടും കറങ്ങി അവിടെ എത്തി.

“അതിന് ഏട്ടന്റയിൽ പൈസ ഉണ്ടായിരുന്നോ…”

“അത്…അതൊക്കെ ഞാൻ ഒപ്പിച്ചു…”

“എങ്ങനെ…..ബൈക്ക്…എവിടെ…”

അവള് വിടാനുള്ള ഒരു ഭാവവും ഇല്ലെന്ന് മനസ്സിലായി…
“ഞാൻ അത് കൊടുത്തു….

അങ്ങനെയാ…ഫീസടച്ചേ”

അവളുടെ മുഖം പെട്ടെന്നാണ് വാടിപോയത്.

മുഖവും കുനിച്ചു നിൽക്കുന്ന പെണ്ണ് കരയാനുള്ള പുറപ്പാടാണെന്നു മനസിലായതോടെ, ഞാൻ കവിളിൽ പതിയെ ഒന്നു തട്ടി.

“അമ്മു ഒന്നൂല്ല…എനിക്ക് ജോലി കിട്ടി…നീ കൂടെ നല്ലൊരു ജോലിക്ക് കേറിയാ നമുക്ക് പുതിയതൊരെണ്ണം വാങ്ങിച്ചൂടെ….പിന്നെന്താ…”

പെണ്ണ് കിടന്നു വിങ്ങിപ്പൊട്ടി മിണ്ടാട്ടം മുട്ടി നടക്കും മുന്നേ,ഞാൻ ഒന്ന് സമാധാനിപ്പിച്ചു.

“ജോലി കിട്ടിയോ…എവിടെയാ….”

പെട്ടെന്ന് തന്നെ അവൾ എന്നോട് ചോദിച്ചു.

“ഉം…. അക്കൗണ്ട്‌സ് ഇൽ ….കാക്കനാട് ഒരു സൂപ്പർ മാർക്കറ്റ് ഇൽ….”

മണിയേട്ടന്റെ കൂടെ ഉള്ള ജോലി തത്കാലം പറയേണ്ടെന്നു വെച്ചു,…അതൂടെ അറിഞ്ഞാൽ ചിലപ്പോ,…കരഞ്ഞു നാശമാക്കി,…ചിലപ്പോൾ എന്തൊക്കെ കാണിച്ചു കൂട്ടും എന്നു പോലും പറയാൻ പറ്റില്ല…

അതോടെ അവളുടെ മുഖം ഒന്ന് തെളിഞ്ഞു.

“നന്നായിട്ട് പഠിച്ചോണേ… അമ്മൂസെ….നിന്നെ ഒരു നിലയിലെത്തിച്ചിട്ട് വേണം എനിക്കൊന്നു വിശ്രമിക്കാൻ…”

ഞാൻ ഒരു കാരണവരെ പോലെ പറയുന്നത് കെട്ടിട്ടാവണം…

കുറുമ്പ് കുത്തിയ കളിയാക്കലാണ് ആദ്യം പെണ്ണിന്റെ വായിൽ നിന്ന് വന്നത്…

“ഞ ഞ്ഞ ഞ്ഞ…..”

ചിരിച്ചു തെറ്റിത്തെറിച്ചു അടുക്കളയിൽ എനിക്കുള്ള ചായ എടുക്കാൻ പോയ അമ്മുവിനെ ഞാൻ നോക്കി നിന്നു…

എന്റെ അനിയൻ നാറി, അറിയാതെ എനിക്ക് ചെയ്ത പുണ്യമാണ് ഇവളെന്ന് തോന്നിപ്പോയി..

പക്ഷെ അപ്പോഴേക്കും മനസ്സിൽ ഇരുന്നു വേറൊരു നാറി പണി തുടങ്ങി, ഒറ്റ ചോദ്യത്തിൽ അവനെന്റെ ട്യൂബ് ഊരി വിട്ടു,…

“അവൾ നിന്നെ ഒരു ആങ്ങളയെ പോലെയാണ് കാണുന്നതെങ്കിലോ….കിലോ കിലോ…”

അതോടെ ചിരിച്ചോണ്ടിരുന്ന ഞാൻ മൂഞ്ചിക്കുത്തി മനസ്സിൽ മൂന്നു തെറിയും വിളിച്ചു തോർത്തും എടുത്തു കുളിക്കാൻ പോയി…

***********************************

പിറ്റേന്ന് എന്റെ ഒപ്പം തന്നെ അവളും റെഡി ആയി ഇറങ്ങി,..

കവല വരെ ഓരോന്നു പറഞ്ഞും എന്നെ പിച്ചിയും വലിച്ചും ചിരിച്ചും കൂടെ നടന്നു ബസ് കേറിപ്പോയതോടെ

ഞാൻ വേഗം അടുത്ത ബസ് പിടിച്ചു മണിയേട്ടന്റെ വീട്ടിൽ എത്തി.
അങ്ങേരോട് പറഞ്ഞു ബാഗിൽ ചുരുട്ടി വെച്ച എന്റെ പഴയ ഒരു മുണ്ടും ഷർട്ടും എടുത്തിട്ട് അങ്ങേരുടെ കൂടെ സൈറ്റിലേക്കിറങ്ങി,….

ഒരു മൂന്നു നില കെട്ടിടത്തിന് മുന്നിലാണ് യാത്ര അവസാനിച്ചത്,…

ആദ്യം വന്ന അണ്ണന്മാർ ഇപ്പൊ സൂപ്പർവൈസർമാരാണ്, വരാൻ വൈകിയ ഭായിമാർ പണിക്കാരും,..

അവിടെ മണിയേട്ടൻ പറഞ്ഞതുവെച്ചു പതിയെ പണി തുടങ്ങി,ഭായിമാർ കൊണ്ടു വന്നു വെച്ചു കൊടുക്കുന്ന സിമന്റും മണ്ണും കൂട്ടിക്കൊടുക്കുന്ന പണി ആണ് മണിയേട്ടൻ എന്നെ ഏൽപ്പിച്ചത്,…

ആദ്യത്തെ ആവേശത്തിൽ കൈകോട്ടു കൊണ്ടൊന്നു അമ്മാനമാടി ഭായിമാരെ നാണിപ്പിക്കാൻ ഒരു കഠിന ശ്രെമം നടത്തി,…

പതിനഞ്ചു മിനിറ്റു കുനിഞ്ഞു നിന്ന് മരണ വെട്ട് വെട്ടിയതും അവൻ വന്നു,…

ഇന്നലെ വന്ന അതേ മഞ്ഞ വെളിച്ചവും ഈച്ചകളും തലയ്ക്ക് ചുറ്റും,…

എന്റെ വിയർത്തു മൂടിയ മുഖം കണ്ട മണിയേട്ടന് കാര്യം മനസ്സിലായിട്ടാണെന്നു തോന്നുന്നു,…

നൈസായി ഒരു ഭായിയെ വിളിച്ചു അതേൽപ്പിച്ചു എന്നെ ഒരു കട്ട കൂട്ടി വെച്ചതിന്റെ മേലെ കൊണ്ടു വന്നു പ്രതിഷ്ഠിച്ചു,…

ചെവിയിൽ ഇടിയും ഇടിച്ചു ശ്വാസം വലിച്ചു വിട്ട് കുറച്ചു ഒന്ന് ഇരുന്നു…

അപ്പോഴേക്കും മണിയേട്ടൻ വെള്ളം കൊണ്ട് തന്നു.

“ശരീരത്തിന് ശീലം ഇല്ലാത്തത് പെട്ടെന്ന് ചെയ്ത കൊണ്ടാ…നിന്റെ മരണ വെട്ട് കണ്ടപ്പോഴേ എനിക്ക് തോന്നിയതാ…”

എന്നെ നോക്കി തൊലിഞ്ഞ ഒരു ഇളിയുമായി മണിയേട്ടൻ പറഞ്ഞു,…

അങ്ങേരെ ചുമ്മാതാണേലും രണ്ടു തെറി പറയണം എന്നുണ്ട്, ശ്വാസം എടുക്കുന്നതും ഒന്നു തല നേരെ നിക്കുന്നതും എന്റെ ഇപ്പോഴത്തെ പ്രധാന മുൻഗണനാ വിഷയം ആയതുകൊണ്ട് ചുമ്മ നോക്കി ഇരുന്നു.

“പിത്തം ഇളകി കഴിയുമ്പോൾ ശെരി..ആവും…

എന്തേ ഇനിയും ഈ പണിക്ക് നീക്കാൻ തോന്നണുണ്ടോ…”

അങ്ങേര് ചിരിയോടെ ഒന്നു കളിയാക്കി പറഞ്ഞു.

അതെനിക്ക് ഇഷ്ടോയില്ല….

ഇനിയും ഒരു നൂറു ചട്ടി കൂടി കൊണ്ടുവാ കട്ടപ്പ എന്നൊക്കെ പറയണം എന്നുണ്ടായെങ്കിലും നേരെ നിന്നത് തന്നെ ഭാഗ്യം എന്നു ഉള്ളിൽ പറഞ്ഞു,

ചെന്ന് കൈകോട്ടെടുത്തു…

ആവേശത്തിന്റെ അണ്ടിക്ക് ആദ്യമേ അടികിട്ടിയത് കൊണ്ടും ബിൽഡിങ് ന്റെ പണി ഇന്ന് തന്നെ തീർത്തു കൊടുത്താൽ ഇതെന്റെ പേരിൽ ഒരുത്തനും എഴുതി തരില്ല എന്നു ബോധം വന്നതുകൊണ്ടും,…
വെട്ടിന്റെ ആഴവും ബലവും കുറച്ചു പയ്യെ ഞാനാ പന തിന്നു തുടങ്ങി…

അന്നത്തെ പണി കഴിഞ്ഞു പാതിബോധത്തിലാണ് വന്നു വീട്ടിൽ കയറിയത്,…

അമ്മു എനിക്ക് മുന്നേ എത്തിയിരുന്നു പെണ്ണ് ഓരോ വിശേഷം പറഞ്ഞു ചെവി തിന്നുമ്പോളും, എന്റെ കണ്ണ് ഇന്നത്തെ പണിയുടെ ക്ഷീണത്തിൽ അടഞ്ഞു പോവുന്നുണ്ടായിരുന്നു,…

അവസാനം ഷോപ്പിലെ പണി കൂടുതൽ ആയതുകൊണ്ട് ക്ഷീണം ആണെന്ന് പറഞ്ഞു അവളെ ഒതുക്കി റൂമിലെ ബെഡിലേക്ക് വീണതും ഞാൻ ഉറങ്ങിപ്പോയി.

രാത്രി അത്താഴം കഴിക്കാൻ കുലുക്കി വിളിച്ച അവളോട്‌ വേണ്ടാന്ന് പറഞ്ഞെങ്കിലും അതൊന്നും അവള് കേട്ടില്ല എന്നെ കുത്തിപ്പൊക്കി തീറ്റിച്ചിട്ടെ അവള് ഉറങ്ങാൻ വിട്ടുള്ളൂ….

പിറ്റേന്ന് ഉണർന്നതും ഈ പണിക്ക് ഇനി പോണോ എന്നു ഞാൻ ചിന്തിക്കാതെ ഇരുന്നില്ല,…

പക്ഷെ കുളിച്ചൊരുങ്ങി ചുരിദാറും ഇട്ട് എന്റെ മുൻപിൽ ചിരിയോടെ നിക്കുന്ന അമ്മുവിന്റെ മുഖം കണ്ടതും,….കിടന്നിടത്തുനിന്ന് ചാടിപ്പിടിച്ചു എഴുന്നേറ്റു,…

പിന്നേം അവളുടെ കൊഞ്ചലും വർത്താനോം ഇന്നലെ ഞാൻ ഉറങ്ങിപ്പോയതുകൊണ്ടു എന്നോട് പറയാൻ പറ്റാതിരുന്ന ക്ലാസ്സിലെ വിശേഷവും എല്ലാം പറഞ്ഞുകൊണ്ടു ബസ് സ്റ്റോപ്പിലെത്തി,…

കേറും മുന്നേ ഒരു ഇരുന്നൂറ് രൂപ അവളുടെ കയ്യിൽ കൊടുത്തു വിട്ടു…

എന്തെങ്കിലും ആവശ്യം ഉണ്ടെങ്കിലോ…

ബാക്കി നാന്നൂറ് കയ്യിൽ ഉണ്ട്…

എന്റെ ബസും കാത്തു നിൽക്കുമ്പോൾ ശരീരം വേദന ഉണ്ടെങ്കിലും മനസ്സിന് വല്ലാത്ത സുഖം ആയിരുന്നു…

***********************************

മണിയേട്ടന്റെ കൂടെ ഇപ്പൊ ഒരു മാസത്തോളം ആയി ആദ്യമുണ്ടായിരുന്ന ബുദ്ധിമുട്ടൊക്കെ ഇപ്പൊ ശീലങ്ങളായി, അതിന്റെ ഓരോ ബോണസ് എന്നോണം കയ്യിലും കാലിലും എല്ലാം ഓരോ മുറിവും പാടും ഒക്കെ നിറഞ്ഞു,…ഇതെല്ലാം കണ്ടു പിടിച്ചു പെണ്ണ് ചോദിക്കുമ്പോൾ കള്ളം പറഞ്ഞു ഊരിപ്പോരാനാ പാട്,…സൂപ്പർമാർക്കറ്റ് നുണ തന്നെ അർജ്ജു്നോടും നുണയനോടും മനീഷിനോടും രാഹുലിനോടും കാച്ചി,…അവസ്‌ഥ ഇതായിരുന്നതുകൊണ്ടു അവന്മാരും അത് വിശ്വസിച്ചു.

പിന്നെ ജിമ്മിൽ പോവാതെ തന്നെ ബോഡിയും ഒന്നു സെറ്റ് ആവുന്നത് കണ്ട ഞാനും ഹാപ്പി…

അമ്മു ഇപ്പൊ ഓരോ എക്സാം ഒക്കെ എഴുതുന്നുണ്ട്,….

ഇടയ്ക്ക് ഞങ്ങൾ രണ്ടും അച്ഛനെയും അമ്മയെയും പോയിക്കാണും,,…ഇതിനിടയിൽ ആഹ് നാറിയുടെ കല്യാണം കേമമായി തന്നെ നടന്നു,….
രണ്ടു ദിവസം അവിടെ നിന്നു ചേട്ടന്റെ കടമകളൊക്കെ ചെയ്തു തീർത്തിട്ടാണ് തിരികെ പോന്നത്, ഇനി ആഹ് നാറി ആയി അവന്റെ പാടായി…

അമ്മുവിന് അവിടെ എത്തിയപ്പോൾ മുതൽ വല്ലാത്ത വീർപ്പുമുട്ടാൽ ഉള്ളത് മുഖം കണ്ടപ്പോഴേ ഞാൻ ശ്രെദ്ധിച്ചിരുന്നു…

ഒന്നൂല്ലേലും ഒരിക്കെ സ്നേഹിച്ചിരുന്നവന്റെ കല്യാണം അല്ലെ അതായിരിക്കും.

ഞങ്ങളുടെ വീട്ടിലെ പാർട്ടി ഇപ്പോഴും നടക്കാറുണ്ട്…

ആരുമില്ലാന്നു തോന്നതിരിക്കാൻ അവന്മാരെല്ലാം കൂടെ ചേർന്നു ഉണ്ടാക്കുന്ന ഒച്ചയും ബഹളവുമൊക്കെ ഞാനും അമ്മുവും ഒത്തിരി അസ്വദിക്കാറുമുണ്ട്….

അങ്ങനെ പണിയും പഠിത്തവും, വീട്ടുകാര്യങ്ങളും ഒക്കെയായി ഞങ്ങൾ പൊയ്ക്കൊണ്ടിരുന്നു.

അന്ന് ശെനിയാഴ്ച്ച തച്ചും വാങ്ങി വീട്ടിലേക്ക് വരുവായിരുന്നു ഞാൻ,..

അമ്മു കൂട്ടുകാരികളുടെ കൂടെ സിനിമയ്ക്ക് പോവാണെന്നു പറഞ്ഞിരുന്നു, ഇനി ബസിറങ്ങിക്കഴിയുമ്പോൾ അവള് വിളിക്കും അപ്പൊ വിളിച്ചോണ്ട് പോരാൻ ചെന്നാൽ മതി.

വീടിന്റെ ഗേറ്റും കടന്നു ചെല്ലുമ്പോൾ മുൻപിൽ തന്നെ ആളിരിക്കുന്നു…

ഉടുപ്പ് ഇന്നാള് വാങ്ങിയ ഇളം നീല ചുരിദാറും വെള്ള ലെഗ്ഗിൻസുമായിരുന്നു.

വാതിൽപ്പടിയിൽ തന്നെ ഇരുന്ന അവൾ ഞാൻ വരുന്നത് കണ്ടതും എഴുന്നേറ്റു.

“നീ സിനിമയ്ക്ക് പോയില്ലേ അമ്മൂ….”

രാവിലെ കൂട്ടുകാരികളുടെ കൂടെ കറങ്ങാൻ പോണു…പിന്നെ സിനിമയ്ക്ക് പോകും എന്നൊക്കെ പറഞ്ഞു തുള്ളിച്ചടിപ്പോയ ആളാണ് ഇപ്പൊ എന്നെയും നോക്കി ഇരിക്കുന്നത്.

“സിനിമ കഴിഞ്ഞിറങ്ങുമ്പോ വൈകും എന്നൊക്കെ ആണല്ലോ പറഞ്ഞിരുന്നെ…പിന്നെന്തു പറ്റി…”

ഞാൻ ചോദിച്ചോണ്ടു അടുത്തേക്ക് എത്തിയതും നിലവിളിച്ചോണ്ട് ഓടിപ്പാഞ്ഞു എന്റെ നെഞ്ചിലേക്ക് വീണു എന്നെയും കെട്ടിപ്പിടിച്ചു മോങ്ങുന്ന അമ്മുവിനെയാണ് ഞാൻ കണ്ടത്.

പെട്ടെന്നുള്ള അവളുടെ ഈ ചാട്ടത്തിലും മോങ്ങലിലും ഞാൻ ഒന്ന് പേടിച്ചു…

ആദ്യം മനസ്സിൽ വന്നത് വല്ലോരും തട്ടിപ്പോയോ എന്നാ….

അവളെ പിടിച്ചു മാറ്റി കാര്യം ചോദിക്കാൻ നോക്കിയിട്ട് എവിടെ, ഉടുമ്പ് പിടിക്കുമ്പോലെ എന്നേം അള്ളിപ്പിടിച്ചു കുറെ നേരം കൂടി ഏങ്ങലടിച്ചു കരഞ്ഞു, പിന്നെ പതിയെ മൂക്ക് വലിയായി,…

എന്റെ ഷർട്ട് ഇതിനോടകം നനച്ചു കുതിർത്തിയിട്ടുണ്ട്.

പയ്യെ മുടിയിലൊക്കെ ഒന്നു തലോടി വിടുവിച്ചു പെണ്ണിനെ ഒന്നു നീക്കി നിർത്തി,…
ഹോ കരഞ്ഞു മുഖം ഒക്കെ വീർത്തു വിങ്ങി ഇരിപ്പുണ്ട്,…

കണ്ണും മൂക്കും എല്ലാം ചുവന്നു ഇപ്പൊ ഒരു പ്രാന്തിയെ പോലെ ഉണ്ട്.

“എന്താ അമ്മൂസെ പറ്റിയെ…ഇങ്ങനെ അലറിവിളിച്ചു കരയാൻ എന്താ ഉണ്ടായേ….”

പിന്നേം എന്റെ നെഞ്ചിലേക്ക് ചാരാൻ പോയ അമ്മുവിനെ ഞാൻ നീക്കി പിടിച്ചു ചോദിച്ചു.

“ഇന്ന്….ഇന്ന്….”

വിതുമ്പി അവൾക്ക് പറയാൻ പറ്റുന്നില്ല…ശ്വാസം വലിച്ചും മൂക്ക് പിഴിഞ്ഞും ഒന്നു നേരെ ആവാൻ നോക്കുവാണ് പെണ്ണ്…

അവളേം വിളിച്ചോണ്ട് അകത്തുകയറി ഞാൻ അവിടെ ഉള്ള കസേരയിൽ ഇരുന്നു അവളെ അവിടെ ഇരുത്താൻ നോക്കിയപ്പോൾ അവൾ വന്നു എന്റെ തുടയിൽ തലയും വെച്ചു നിലത്തിരുന്നു.

“ഇന്ന് ഞാൻ ഏട്ടനെ കണ്ടു….പുറത്തു വെച്ചു…..”

കണ്ണും നിറച്ചു അമ്മു പറഞ്ഞതും എന്റെ നല്ല ജീവൻ അങ്ങു പോയി.

“എന്തിനാ….ന്നോട് കള്ളം പറഞ്ഞേ….എനിക്ക് വേണ്ടി എന്തിനാ….ങ്ങനെ കഷ്ടപ്പെടുന്നെ…”

കുഞ്ഞുകുട്ടിയെപ്പോലെ തേങ്ങുന്ന അമ്മുവിന്റെ ചോദ്യത്തിന് മുന്നിൽ ഉത്തരം ഇല്ലാതെ ഞാൻ ഇരുന്നു വിയർത്തുപോയി.

“സിനിമയ്ക്ക് പുവാൻ വേണ്ടി ബസിൽ ഇരിക്കുമ്പോഴാ ഒരു ചാക്കും തൂക്കി ഏട്ടൻ ഒരു ബില്ഡിങ്ങിനുള്ളിലേക്ക് പോവുന്ന കണ്ടേ….

നിക്ക് സഹിക്കാൻ പറ്റിയില്ല….

എനിക്ക് ഓടി വരാണോന്നു ഉണ്ടായിരുന്നു….

പക്ഷെ കരച്ചില് വന്നിട്ട് നിക്കൊന്നു മിണ്ടാമ്പോലും പറ്റിയില്ല…”

എന്റെ മുട്ടിൽ തലയും വെച്ചു ഇടറി പറയുന്ന അമ്മുവിന്റെ തലയും തലോടി ഇരിക്കാൻ മാത്രമേ എനിക്ക് പറ്റിയുള്ളൂ…

“ഏട്ടൻ…ഇനി അവിടെ ആഹ് പണിക്ക് പോവണ്ട..….എനിക്കിനി പഠിക്കണ്ട….ഞാൻ എവിടേലും ജോലിക്ക് പൊക്കോളാം….”

എന്റെ കാലും ചുറ്റിപ്പിടിച്ചു ഇരുന്നു പതം പറയുന്ന അമ്മുവിന്റെ അടുക്കെ അതോടെ ഞാൻ കസേരയിൽ നിന്നിറങ്ങി ഇരുന്നു.

പെണ്ണിന്റെ കണ്ണ് രണ്ടും തുടച്ചു കൊടുത്തിട്ടും പിന്നെയും ഒഴുകി ഇറങ്ങുവാണ്.

“എന്റമ്മൂസെ….ആദ്യം എനിക്ക് കുറച്ചു കഷ്ടപ്പാടൊക്കെ ഉണ്ടായീ എന്നുള്ളതൊക്കെ ശെരിയാ….പക്ഷെ ഇപ്പൊ ഒരു കുഴപ്പോം ഇല്ല….

ഞാനിപ്പോ മുമ്പത്തേക്കാളും ഹാപ്പി ആഹ്…”

“എന്നാലും വേണ്ട….ഏട്ടനിങ്ങനെ കഷ്ടപ്പെടുവാണ് എന്നറിഞ്ഞിട്ട് എനിക്കെങ്ങനാ മനസമാധാനമായിട്ട് ഇരിക്കാൻ പറ്റണേ…,”
“അമ്മൂ…നീ ഇപ്പൊ വേറെ ഒന്നും ആലോചിക്കണ്ട നന്നായിട്ട് പഠിച്ചാൽ മതി എന്നിട്ട് എക്സാം ക്ലിയർ ചെയ്തു,…ബാങ്കിൽ കേറി പറ്റ്…..വീട്ടിലെ കാര്യമൊക്കെ ഇപ്പൊ ഞാൻ നോക്കിക്കോളാം…അമ്മൂട്ടി ഇപ്പൊ പഠിച്ചാൽ മതീട്ട….

വെറുതെ ഇരുന്നു കരഞ്ഞു,…മുഖമൊക്കെ നാശമാക്കി….”

കുഞ്ഞികൊച്ചൊന്നും അല്ലെങ്കിലും,…അമ്മു ചില നേരങ്ങളിൽ കുഞ്ഞിപിള്ളേരെക്കാളും കഷ്ടമാണ്….ചിലപ്പോൾ എന്നെക്കാൾ ബോൾഡും സ്ട്രോങ്ങും…

അതുകൊണ്ടു തന്നെ ഇപ്പൊ ഒന്നു കൊഞ്ചിക്കാൻ ഞാൻ തീരുമാനിച്ചു തന്നെയാണ് അങ്ങനെയൊക്കെ പറഞ്ഞത്…

അന്ന് മുതൽ പെണ്ണ് കൊണ്ടുപിടിച്ചിരുന്നു പഠിത്തം ആയിരുന്നു…എന്റെ കയ്യിൽ നിന്ന് അങ്ങനെ ഇങ്ങനെ ഒന്നും പൈസ മേടിക്കില്ല നിർബന്ധിച്ചു കയ്യിൽ കൊടുത്താണ് ഞാൻ വിട്ടിരുന്നത്,….

വൈകിട്ട് ഞാൻ എത്തിക്കഴിഞ്ഞാൽ പിന്നെ ദേഹ പരിശോധന ഒക്കെ ഉണ്ട്,…എന്തെങ്കിലും മുറിവോ ചതവോ കണ്ടാൽ പിന്നെ കണ്ണീരൊലിപ്പിക്കലും പതം പറച്ചിലുമൊക്കെയായി അന്ന് കൂടും,…എങ്കിലിവൾക്ക് നോക്കാതിരുന്നാൽ പോരെ എന്നു ഞാനും ആലോചിക്കുമെങ്കിലും, പെണ്ണിന്റെ സ്വഭാവം അറിയാവുന്നത് കൊണ്ടു പറയാനൊന്നും പോവില്ല…

രാത്രി വൈകിയും ബുക്കും നോക്കി ഇരിക്കുന്ന അമ്മുവിനെ നിര്ബന്ധിച്ചാണ് ഉറങ്ങാൻ വിളിച്ചു കിടത്തുന്നത്.

രാവിലെ പോക്കും വൈകിട്ട് തിരിച്ചുള്ള വരവും ഒക്കെ ഇപ്പൊ എന്റെ കൂടെ ആണ്…

ബൈക്കിന്റെ കുറവ് നികത്താൻ ഞാൻ ഒരു സൈക്കിൾ വാങ്ങി…

അമ്മൂനെയും മുന്നിലിരുത്തിയായി ഞങ്ങളുടെ യാത്ര,….

അന്നും പതിവുപോലെ കുളിയും കഴിഞ്ഞു ഞാൻ മുറിയിലേക്ക് വരുവായിരുന്നു,…

മുറിയിൽ നിന്ന് മൂളിപാട്ടു ഒക്കെ കേൾക്കുന്നുണ്ട് പെണ്ണ് നല്ല മൂഡിലാണെന്നു തോന്നിയപ്പോൾ പയ്യെ ഞാൻ അവളെ ഒന്നു പേടിപ്പിക്കാം എന്നു കരുതിയിട്ടാണ് ഒന്നു നൂണ്ടു നോക്കിയത്,…

എന്റെ കണ്ണു തെളിയാൻ ഒന്നൂടെ ഒന്നു തിരുമ്മി നോക്കേണ്ടി വന്നു.

അമ്മു അവിടെ ഒരു കറുത്ത ലെഗ്ഗിൻസും ചുവന്ന ബ്രായും ധരിച്ചു കണ്ണാടിയിൽ നോക്കി കണ്ണെഴുതുന്നു,..

മുടി കുളികഴിഞ്ഞു ടവ്വലിൽ ചുറ്റി വെച്ചിട്ടുണ്ട് പെണ്ണ്,..

ചെയ്യുന്നത് തെണ്ടിതരം ആണെങ്കിലും അമ്മുവിന്റെ ലുക്കിൽ ഞാൻ ഫ്രീസ് ആയിപ്പോയി എന്നു പറയുന്നതാവും സത്യം.

അമ്മു ഒന്നും അറിയാതെ മൂളിപ്പാട്ടും പാടി മുടിയഴിച്ചു കെട്ടുകയാണ്,

ഒഴുകുന്ന വയറിന് നടുവിൽ കുഴിഞ്ഞ പൊക്കിൾ ബ്രായിൽ തുളുമ്പുന്ന വെണ്ണ കുന്നുകൾ,..
ലെഗ്ഗിൻസിൽ വിരിഞ്ഞു ചാടിയ നിതംബം, പെണ്ണിന് വലിയ ചന്തിയാ… എനിക്കൊരൂഹം ഉണ്ടായിരുന്നെങ്കിലും അവളുടെ ചന്തി ഞാൻ വിചാരിച്ചതിലും വലുതായിരുന്നു.

00cookie-checkഒരു കുടിലല്ല 6no