അ… അമ്മു….
അവളുടെ മുഖഭാവം കണ്ടു എന്റെ വായിൽ തന്നെ വച്ചു ആ പേര് മുറിഞ്ഞു പോയി
“വാട് ദി ഹെൽ….. മിസ്റ്റർ പ്രകാശ് എന്താ ഇത് ആരാ ഇത് … എഡോ താൻ… തനാരാ.. ജിനു ആരാ ഇത്??
തനിക്ക് ഒരു മാനേഴ്‌സ് ഇല്ലേ ഒരു മുറിയിലേക്ക് ഇങ്ങനെ ഇടിച്ചു തള്ളി കേറി വരാൻ…. ”
അവളുടെ ചൂടാകൽ കണ്ടു ഞാൻ ഞെട്ടി പോയി ..
” അഖിലെ…. എന്താ ഇത് താൻ എന്തിനാ ഇപോ ഇങ്ങോട്ട് വന്നത് ആരാ തന്നെ ഇങ്ങോട്ട് കയറ്റി വിട്ടത് ??? ”
ജിനു സറും ചാടി കൊണ്ട് വന്നു , ഞാൻ ആണേൽ എന്ത് പറയണം എന്ന് അറിയാത്ത അവസ്ഥയിൽ നിന്നു
” ജിനു ആരാ ഇത്?? ഇവൻ എന്തിന് ഇപോ ഇവിടെ ഇടിച്ചു കയറി??? ” പ്രകാശ് സർ ജിനു സാറിന്റെ നേരെ ചൂടായി
“സർ … ഇത് നമ്മുടെ രവി സർ പറഞ്ഞ ആൾ.. ആണ് ഞാൻ രാവിലെ ഇന്റർവ്യൂ ഒക്കെ ചെയ്ത് എടുത്തത മാഡം വരുന്ന കൊണ്ട് സർ നെ കുറച്ചു കഴിഞ്ഞു കാണാൻ ഞാൻ പറഞ്ഞിരുന്നു .. ഇവനെ ഞാൻ ആ തോമചേട്ടന്റെ കൂടെ വിട്ടതാ എല്ലാം പഠിക്കാൻ ഇവൻ എങ്ങനെ ഇപോ ഇവിടെ എത്തി ന്ന് എനിക്ക് അറിയില്ല ”
ജിനു നിസ്സഹായനായി പറഞ്ഞു
പെട്ടെന്ന് എന്റെ പുറകെ വന്ന തോമസ് ചേട്ടൻ ഓടി ക്യാബിന് ഉള്ളിൽ വന്നിരുന്നു അയാൾ വന്ന ഉടനെ എന്റെ കൈ പിടിച്ചു വലിച്ചു പുറത്തേക്ക് ഇറക്കി . ന്നിട്ട് ക്യാബിന് ഉള്ളിലേക്ക് കയറി അവരോട് സോറി ഒക്കെ പറഞ്ഞ് പുറത്തിറങ്ങി . ഞാൻ ആകെ തകർന്നു പോയിരുന്നു പുള്ളി എന്നെ എന്തൊക്കെയോ പറഞ്ഞു താഴേക്ക് വലിച്ചു നടത്തി കൊണ്ട് പോയി, ഞാൻ ഒന്നും കേൾക്കുന്നുണ്ടായിരുന്നില്ല എന്റെ മനസിൽ എന്റെ അമ്മു ന്റെ ആ മുഖം മാത്രം ആയിരുന്നു ..
ഞാൻ ഒന്ന് ഉറപ്പിച്ചു അവൾക്ക് എന്നെ മനസിലായിട്ടു പോലും ഇല്ല , എങ്ങനെ മനസ്സിലാവാൻ ആണ് അതിന് അത്രേ ചെറിയ പ്രായത്തിൽ അവൾ എന്നെ കണ്ടതല്ലേ ഇത്ര വർഷം കഴിഞ്ഞ് ഞാൻ എന്ന ഒരു വ്യക്തിയെ വരെ അവൾ മറന്നു കാണും ഹ ഹ .
“എടാ… നീ എന്ത് ആലോചിച്ചു നിക്കുവാ ഞാൻ പറയുന്നത് വല്ലതും നീ കേൾക്കുന്നുണ്ടോ??? ”
തോമസ് ചേട്ടൻ ചോദിച്ചു
ഞാൻ ഞെട്ടി സ്‌തലാകാല ബോധത്തിലേക്ക് വന്നു
“ങേ… എൻ… ഏതാ എന്താ ചേട്ടാ ??”
“ആ ബെസ്റ്റ് , ആരോടാ ഞാൻ അപ്പോ ഇത്രേം നേരം വായിട്ടലച്ചത് , നീ എന്തിനാ ഇപോ ഓടി ക്യാബിനിൽ കയറിയെ..°? നിനക്ക് മാനസികമായി എന്തെങ്കിലും പ്രശ്നം ഉണ്ടോ??? ”
” അയ്യോ ചേട്ടാ ഇനി അതും കൂടി താങ്ങാൻ വയ്യ. സോറി ഞാൻ അപ്പോഴത്തെ എന്തോ ഒരു അവസ്ഥയിൽ സോറി ചേട്ടാ… ”
“ഉം… വന്ന ദിവസം തന്നെ ജോലി പോയേനെ.. ആ പുതിയ MD കൊച്ചു ഒടുകത്തെ ചൂടിൽ ആണ് അവരെ രണ്ടിനെയും ഇട്ട് തുള്ളിക്കുവാ .. സ്റ്റാഫിനെ മര്യാദക്ക് നിർത്താൻ എന്നൊക്കെ പറഞ്ഞു ”
“അയ്യോ ചേട്ടാ…”
“ഹ MD വരുമ്പോ തന്നെ ചാക്കിട്ട് എടുക്കാം ന്നും പറഞ്ഞ് പ്ലാൻ ഒക്കെ ചെയ്ത് ഇരുന്നത രണ്ടും ഇപോ നീ കാരണം എല്ലാം കുളം ആയി , ഒന്ന് സൂക്ഷിച്ചോ നീ…പിന്നെ നീ വാ ഞാൻ ഓരോ പണി ഒക്കെ പഠിപ്പിച്ചു തരാം”
ദൈവമേ… ആദ്യ ദിവസം തന്നെ ജോലി പോവോ…. ശിവേട്ടൻ അറിഞ്ഞ പിന്നെ ഞാൻ എങ്ങന പുള്ളിയുടെ മുഖത്ത് നോക്കും . ഞാൻ ഓരോന്ന് ഒക്കെ ആലോചിച്ചു കൂട്ടി , തോമസേട്ടൻ എന്നെ വിളിച്ചു കൊണ്ടു പോയി ഓരോ പ്രോഡക്ട് ഉം അതിന്റെ പ്രവർത്തനവും കാര്യങ്ങളും ഒക്കെ പറഞ്ഞ് തന്നു പിന്നെ led ടിവി ഡിസ്‌പ്ലേ ചെയ്യാനും പഠിപ്പിച്ചു . പിന്നെ എന്നോട് പുള്ളി കസ്റ്റമർ വരുമ്പോ ഡീൽ ചെയ്യന്നത് ഒക്കെ നോക്കി പഠിക്കാൻ പറഞ്ഞു, ഞാൻ പുള്ളിയുടെ കൂടെ നടന്നു ഓരോന്ന് നോക്കി പഠിക്കാൻ തുടങ്ങി.
കുറച്ചു മണിക്കൂർ കഴിഞ്ഞപ്പോൾ ജിനു സറും പ്രകാശ് സറും താഴേക്ക് സ്റ്റെപ്പ് ഇറങ്ങിവരുന്നേ കണ്ടു അവരുടെ മട്ടും മോറും കണ്ടപ്പോ തന്നെ എനിക്ക് മനസിലായി പണി പാളി ന്ന്.
” അഖിൽ… പോയ്‌ പ്രകാശ് സർ നെ കണ്ടിട്ട് വ ”
ജിനു സർ അയാളുടെ ടേബിളിൽ ഇരുന്ന് എന്നോട് വിളിച്ചു പറഞ്ഞു , ഞാൻ പേടിച്ചു പേടിച്ചു താഴെയുള്ള ക്യാബിന് ഉള്ളിൽ കയറി
പുള്ളി അവിടെ ഉണ്ടായിരുന്നു
“സർ…”
” ആ അഖിൽ എന്നാണ് പേര് ല്ലേ? ”
“അതേ സർ ”
” താൻ ഇരിക്ക് .”
ഞാൻ അവിടെ ഇരുന്നു
“സർ ഞാൻ അറിയാതെ കേറി പോയതാ ..”
” ഹ സാരമില്ല ഡോ മാഡം ഞങ്ങളെ ഇട്ട് വാരി എന്നലും കുഴപ്പം ഇല്ല ശിവൻ സർ പറഞ്ഞിട് വന്നതല്ലേ താൻ .. അതുകൊണ്ട് എനിക്ക് ഒരു കുഴപ്പവും ഇല്ല ഇനി സൂക്ഷിച്ചൊക്കെ നടക്കണം . ജോലി ഒക്കെ നന്നായി പഠിച്ചെടുക്കാൻ നോക്ക് ”
“അത് ഞാൻ പഠിചോളാ സർ … താങ്ക് യൂ സർ ”
“തന്റെ സർട്ടിഫിക്കറ്റ് ഒക്കെ ഞാൻ കണ്ടു . എന്ത് പ്രശ്നം ആണേലും താൻ ഇക്കാലത്ത് 10 വരെ പഠിച്ചിട്ട് ഒരു കാര്യവും ഇല്ല . മര്യാദക്ക് ഡിസ്റ്റന്റ് ആയി പ്ലസ് 2 ഉം പിന്നെ ഡിഗ്രി യും ഒക്കെ എടുത്തോണം കേട്ടല്ലോ ”
അയാൾ ഇച്ചിരി അധികാരത്തിൽ പറഞ്ഞു, ഞാൻ എന്ത് പറയണം എന്ന് അറിയാതെ നിന്നു
“പറഞ്ഞ കേട്ടോ??”
“ചെ…. ചെയ്യാം സാർ”
“ആ നല്ലത്, താൻ ഇപോ ചെല്ലു എന്ത് ആവശ്യം ഉണ്ടേലും എന്നോട് പറയാൻ മടിക്കണ്ട ”
ഞാൻ ക്യാമ്പിനിൽ നിന്ന് വെളിയിൽ ഇറങ്ങി , ദൈവമേ എന്ത് നല്ല മനുഷ്യൻ .
” ആ എന്തായി മോനെ.. അയാൾ കൊന്നൊ നിന്നെ ? ” തോമാച്ചേട്ടൻ ആണ്
“ഹേയ് ഇല്ല ചേട്ടാ നന്നായി പെരുമാറി എന്നെ വഴക്ക് ഒന്നും പറഞ്ഞില്ല ”
“ആഹാ അത് കൊള്ളാല്ലോ.. എന്ന വ നമുക്ക് മിക്സി യെ പറ്റി പഠിക്കാം ”
ഞാൻ പുള്ളിയുടെ പുറകെ പോയി, അങ്ങനെ ഓരോന്ന് ഒക്കെ പഠിച്ചു ഞാൻ അവിടെ മിക്കവരും ആയി കമ്പനി ഒക്കെ ആയി , എല്ലാരും എന്നോട് വീട് എവിടാ ന്നൊക്കെ ചോദിക്കുമ്പോൾ ഞാൻ ഓരോ കാര്യം കള്ളം പറഞ്ഞൊഴിഞ്ഞു.
വൈകിട്ട് 8 മണി വരെ ഷോപ്പ് ഉണ്ട് നിന്ന് നിന്ന് എന്റെ കാൽ ഒരു പരുവം ആയി . ഇടക്ക് ഒരു കസ്റ്റമറെ അറ്റൻഡ് ചെയ്യാൻ ഞാൻ നോക്കി അവർ ഒരു മിക്സി വാങ്ങി ഞാൻ ആദ്യമായ് അങ്ങനെ ഒരു ഡീൽ ക്ലോസ് ചെയ്തു.
അപ്പോഴക്കെ ഞാൻ മുകളിൽ നിന്നും അമ്മു ഇറങ്ങി വരുമോ എന്നുള്ള ചിന്ത ആയിരുന്നു , വേറെ ഒന്നിനും അല്ല ഒന്ന് കാണാൻ മാത്രം പക്ഷെ അവൾ വന്നില്ല . സ്റ്റാഫുകൾ ഒക്കെ പോകാൻ തുടങ്ങി ഷോപ്പ് ക്ളോസ് ചെയ്യാനുള്ള തയ്യാറെടുപ്പുകൾ ഒക്കെ സെക്യൂരിറ്റി ചേട്ടന്മാർ തുടങ്ങി.
“എടാ നീ പോയില്ലേ??”
ബാഗും ഒക്കെ എടുത്ത് വന്ന തോമാച്ചേട്ടൻ ചോദിച്ചു
“ഞാൻ… ഞാൻ പോവാൻ നിൽകുവായിരുന്നു ചേട്ടാ ”
“അല്ല നീ താമസിക്കുന്ന അങ്ങോട്ട് ഇപോ വണ്ടി വല്ലതും കിട്ടുമോ?? ”
“ഒന്നും അറിയില്ല ഞാൻ രാവിലെ ഓട്ടോ പിടിച്ച വന്നേ ”
” നിനക്ക് സ്ഥലം അറിയാമോ??”
” അതറിയാം ”
“എന്ന വേഗം പോയി ബാഗ് എടുത്തോണ്ട് വാ ഞാൻ ആക്കി തരാം നിന്നെ. ”
“അയ്യോ ചേട്ടന് അത് ഒരു ബുദ്ധിമുട്ടാവില്ലെ?? ”
“ഡെയ് ഡെയ് മര്യാദക്ക് പോയി എടുത്തുകൊണ്ട് വാ നീ.. “
“വേണ്ട ചേട്ട ഞാൻ ഒന്ന് പോയി നോക്കാം പോയി പഠിക്കുന്നത് നല്ലതല്ലേ എല്ലാ ദിവസവും ഇങ്ങനെ ചേട്ടന് എന്നെ ആക്കാൻ പറ്റില്ലല്ലോ ”
“ഒ എന്ന നിന്റെ ഇഷ്ടം. സൂക്ഷിച്ചു ഒക്കെ പോണേ നാളെ കാണാം.”
പുള്ളി അതും പറഞ്ഞു പാർക്കിങ്ങിൽ നിന്നും തന്റെ ബൈക്ക് എടുക്കാൻ പോയി
ഞാൻ ബാഗ് എടുക്കാൻ വേണ്ടി ഉള്ളിലേക്കും കയറി
………………………………………………………………….
രാവിലെ വന്ന മുതൽ ആകെ വട്ടായി ഇരിക്കുവാ എനിക്ക് ഈ സ്വീകരണവും എല്ലാരുടെയും മുഖത്തുള്ള ഭാവവും ഒക്കെ കണ്ടിട്ട്..
എന്തൊക്കെ ആണോ ആവോ ഇനി ഇവിടെ ഞാൻ ചെയ്യണ്ടത് . മണിക്കൂറുകളോളം ആ ബ്രാഞ്ച് ഹെഡ് നെ യും ഫ്ലോർ മാനേജർ നേയും ഒക്കെ ഇരുത്തി ഓരോന്ന് പറഞ്ഞു കൊടുത്തു വായിലെ വെള്ളം വറ്റി . രാവിലെയും ഒന്നും കഴിച്ചില്ല , ഇവിടെ ആരും എന്നോട് ഉച്ചക്ക് ഫുഡ് കഴിക്കുന്ന കാര്യം ചോദിച്ചതും ഇല്ല , നല്ല വിശപ്പ് ഉണ്ട് , ഞാൻ സമയം നോക്കി ഹോ 8 മണി ആയോ .. ഫോണിൽ ഒരുപാട് മിസ് കോൾ ഉണ്ട് ഓസ്‌ട്രേലിയന്ന് അച്ഛൻ വിളിച്ചിരുന്നു അയ്യോ സൈലന്റ് ൽ വച്ച കൊണ്ട് അറിഞ്ഞത് പോലും ഇല്ല ഹാ ഇനി വീട്ടിൽ ചെന്നിട്ട് വിളിക്കാം .
ഞാൻ പയ്യെ എണീറ്റ് ക്യാബിന് ഉള്ളിൽ അങ്ങോട്ടും ഇങ്ങോട്ടും നടന്നു . എന്നാലും ആ രാവിലെ ക്യാബിനിലേക്ക് കേറി വന്ന ആളെ ഞാൻ എവിടെയോ കണ്ടിട്ടുണ്ടല്ലോ പക്ഷെ എത്ര ആലോചിചിട്ടും ഒരു പിടിയും കിട്ടുന്നുമില്ല. പെട്ടെന്ന് ആരോ പുറത്ത് വന്നത് കണ്ടു
“മേ ഐ കം ഇൻ മാഡം??”
” ആ എസ് കം ഇൻ .”
ജിനു ആയിരുന്നു
” ആ എഡോ താനോ ? .. എന്തായിരുന്നു?? ”
” അല്ല മാം 8 മണി വരെ ആണ് ടൈം എല്ലാരും അവിടെ മാഡം ഇറങ്ങാൻ കാത്ത് നില്കുവാ “
“ഒ ഐ സി.. ok ok ഞാൻ ദേ വരുവാ താൻ ഇറങ്ങിക്കോ ”
ജിനു വേഗം ഇറങ്ങി പോയി
ഞാൻ വണ്ടി യുടെ കീ യും എടുത്ത് പതിയെ താഴേക്ക് ഇറങ്ങി . നല്ല ക്ഷീണം ഉണ്ട് രാവിലെ എണീറ്റ പിന്നെ ഒന്നും കഴിച്ചില്ലല്ലോ . കണ്ണിൽ ഒക്കെ ഇരുട്ട് കേറുന്നപോലെ ഉണ്ട്
രാവിലെ നിർബന്ധിച്ചു ശങ്കരൻ ചേട്ടനെ വീട്ടിലേക്ക് പറഞ്ഞു വിട്ടത് അബദ്ധമായി പോയെന്ന് തോന്നി.
ഞാൻ ഇറങ്ങി താഴേക്ക് വരുമ്പോൾ അകൗണ്ട്സ് സ്റ്റാഫുകൾ ഒഴികെ മിക്കവരും അവിടെ എന്നെ കാത്ത് നില്പുണ്ട് . രാവിലെ ക്യാമ്പിനിൽ കേറി വന്നവനും അവിടെ നില്പുണ്ട് അവിടെ , അപ്പോഴും എനിക്ക് ആളെ കണ്ടിട്ട് നല്ല പരിചയം തോന്നുന്നുണ്ട് പക്ഷെ ആര് എങ്ങനെ ഒരു പിടിയും ഇല്ല.
ഞാൻ എല്ലാരേം ചുമ്മ ഒന്ന് ചിരിച്ചു കാണിച്ചിട്ട് പുറത്തേക്ക് ഇറങ്ങി . അവർ പെട്ടെന്നു ഷോപ്പ് ക്ളോസ് ചെയ്തു .
“Ok മാഡം അപ്പോ നാളെ കാണാം ഗുഡ് നൈറ്റ് ”
ജിനു അത് പറഞ്ഞു പാർക്കിങ്ങിലേക്ക് ഇറങ്ങി
“ഗുഡ് നൈറ്റ് ജിനു, ഗുഡ് നൈറ്റ് പ്രകാശ് , ഗുഡ് നൈറ്റ് ഓൾ ”
ഞാൻ എല്ലാരേം ഒന്ന് വിഷ് ചെയ്ത് കാർ എടുക്കാൻ വേണ്ടി പാർക്കിങ്ങിലേക്ക് നടന്നു .
ആകെ തളർന്നു പോകുന്ന പോലെ ഉണ്ട് എങ്ങനെയോ നടന്നു ഞാൻ കാറിന്റെ അടുത്ത് എത്തി ഉള്ളിലേക്ക് കയറി കാർ സ്റ്റാർട്ട് ചെയ്ത് പുറത്തേക്ക് എടുത്ത് ഓടിച്ചു .
………………………………………………………………….
ഒരു നോക്ക് എങ്കിലും അവളെ കാണാൻ വേണ്ടിയാണ് തോമസ് ചേട്ടൻ നിർബന്ധിച്ചിട്ടും പോവാതെ അവിടെ തന്നെ നിന്നത്. ബാഗും എടുത്ത് ഞാൻ ഇറങ്ങി വരുമ്പോ കണ്ടു അവൾ സ്റ്റെപ് ഇറങ്ങി വരുന്നത് , രാവിലെ കണ്ടത് പോലെ ആയിരുന്നില്ല അവൾ ആകെ ക്ഷീണിതയായിരുന്നു ന്ന് കണ്ടപ്പോ തന്നെ എനിക്ക് തോന്നിയിരുന്നു .. അവൾ എല്ലാരോടും ഗുഡ് നൈറ്റ് പറഞ്ഞപ്പോൾ എന്നോടും പറഞ്ഞ പോലെ തോന്നി, എന്നെ ഒന്ന് നോക്കിയോ??? ഹേയ്… എനിക്ക് തോന്നിയത് ആവും.
എന്തായാലും അവളെ കണ്ടല്ലോ സന്തോഷമായി .. അവൾ പാർക്കിങ്ങിലേക്ക് പോയി വണ്ടി ൽ കേറുന്ന ഒന്ന് നോക്കി നിന്നിട്ട് ഞാൻ പതിയെ റോഡിലേക്ക് ഇറങ്ങി നടന്നു …
ബസ് വല്ലോം കിട്ടുമോ ന്ന് നോക്കണം ഞാൻ റോഡിന്റെ സൈഡ് പറ്റി ബസ് സ്റ്റാൻഡ് നോക്കി പതിയെ നടന്നു ..
അവളോട് ഞാൻ ആരാ ന്ന് പറയണോ വേണ്ടയോ എന്ന ചോദ്യം എന്റെ ഉള്ളിൽ കിടന്നു വിങ്ങി കൊണ്ടിരുന്നു, പറഞ്ഞാൽ അവൾക്ക് അങ്ങനെ ഒരാളെ ഓർമ പോലും ഇല്ലെന്ന് എങ്ങാനും പറഞ്ഞാൽ പിന്നെ ഞാൻ ഇല്ലാതെ ആയത് പോലെ ആവും. ഇപ്പോൾ ആണേൽ അവളെ ദിവസവും കാണാൻ എങ്കിലും പറ്റുന്നുണ്ട് . ജയിലിൽ ആയിരുന്ന ഓരോ സമയവും ഞാൻ ആഗ്രഹിച്ചിരുന്നത അവിടുന്ന് ഇറങ്ങി ഓടി പോയി അവളെ ഒന്ന് കാണണം ന്ന് കുറെ സംസാരിക്കണം എന്ന് പക്ഷെ ഇപോ കണ്ടപ്പോ എനിക് അവളെ ഫേസ് ചെയ്യാൻ പോലും ആവുന്നില്ല എന്നതാണ് സത്യം.
ഒന്നാലോചിച്ചു നോക്കിയ അവൾ എന്നെ മൻസിലാക്കാഞ്ഞത് നന്നായി ഇത്രേം വലിയ ഒരു സ്ഥാപനത്തിന്റെ MD ഒക്കെ ആയി ഇരിക്കുന്ന അവൾ ഇപോ അവളുടെ ജീവിതത്തിലെ എന്ത് ഉയരത്തിൽ ആയിരിക്കും അങ്ങോട്ടെക്ക് ഒരു കൊലയാളി ആയി ശിക്ഷ അനുഭവിച് ജയിലിൽ നിന്ന് ഇറങ്ങിയ ഞാൻ ഒരിക്കലും സിങ്ക് ആവില്ല . ഈ ജീവിതത്തിൽ ആ അധ്യായം അടഞ്ഞു ഇനി അങ്ങനെ കരുതുക അത് തന്നെയാണ് നല്ലത് ഒന്നുമില്ലേലും ദിവസവും അവളെ ഒന്ന് കാണുക എങ്കിലും ചെയ്യാല്ലോ എനിക്ക് അത് മതി.
പെട്ടെന്ന് ഒരു കാർ വളഞ്ഞു പുളഞ്ഞു അവനെ കടന്നു പോയി റോഡ് സൈഡിലെ മണ്ണിലേക്ക് ഇറങ്ങി പുതഞ്ഞു നിന്നു .
ഞാൻ ഞെട്ടി പോയി .. പൊടി ഒക്കെ അവിടെ പൊങ്ങിയിരുന്നു ഞാൻ ചുറ്റും നോക്കി റോഡിൽ ആരും ഇല്ല വിജനമായ സ്തലമാണ് .. കാറിന് അടുക്കലേക്ക് പോവാണോ വേണ്ടയോ ന്ന് ഒന്ന് ആലോചിച്ചു പിന്നെ രണ്ടും കല്പിച് ഞാൻ അങ്ങോട്ട് നടന്നു
ഈ…. ഈ കാർ ഞാൻ എവിടെയോ….???
കാറിന് മുന്നിലേക്ക് ചെന്നു ഡ്രൈവവിങ് സീറ്റ് ൽ നോക്കിയ എന്നിലൂടെ ഒരു മിന്നൽ പോയി
“അമ്മു….”
“യ്യോ അമ്മു മോളേ…. ”
ഞാൻ അതും പറഞ്ഞു ആ ഡോർ തുറന്നു
അവൾ സ്റ്റിയറിങ്ങിലേക്ക് തലവച്ചു മയങ്ങി കിടക്കുവാണ്
“അമ്മു…. ”
അവൾ ഒന്ന് ഞെരങ്ങുന്നുണ്ട് പക്ഷെ ബോധം ഇല്ലെന്ന് തോന്നുന്നു
ഞാൻ നോക്കിയപ്പോൾ വണ്ടി യുടെ ഡോർ ന്റെ സൈഡിൽ ഒരു കുപ്പി വെള്ളം ഇരുപ്പുണ്ട്
ഞാൻ അത് എടുത്ത് അവളുടെ മുഖത്തേക്ക് കുറച്ചു തളിച്ചു
“അമ്മു…… മാഡം..?? ”
“മാഡം…” ഞാൻ ഒന്നൂടെ വിളിച്ചപ്പോൾ അവൾ പതിയെ കണ്ണ് തുറന്നു
“ഞ… ഞാൻ എവിടാ…?? ”
“മാഡം…. എന്താ എന്താ പറ്റിയത് ??”
പെട്ടെന്ന് എന്നെ കണ്ട അവളുടെ മുഖം മാറുന്നത് ഞാൻ കണ്ടു , എന്നാലും അവശത അവളുടെ മുഖത്ത് നിറഞ്ഞു നിന്നിരുന്നു
“താൻ….. താൻ…… താൻ എന്താ … ഞാൻ. എവിടാ…”
” മാഡം പാനിക്ക് ആവണ്ട കാർ റോഡിൽ നിന്ന് സ്ലിപ് ആയി നിന്നപ്പോ ഞാൻ കണ്ടു വന്നതാ ”
“എനിക്… എനിക് എന്താ പറ്റിയത്… ”
” ഒന്നും പറ്റിയില്ല മാം… മാം ഒന്നും കഴിച്ചില്ലേ.. ഇന്ന് ?? ”
“ങേ… തനിക്ക്… തനിക്ക് എങ്ങനെ മനസിലായി..??”
” അല്ല എനിക്ക് തോന്നിനല്ല ക്ഷീണം മുഖത്ത് കാണുന്നുണ്ട് അത് കണ്ടു ചുമ്മ ചോദിച്ചതാ”
അവൾ പെട്ടെന്ന് എന്റകയിൽ നിന്ന് ആ കുപ്പി വാങ്ങി വെള്ളം കുടിച്ചു
“മാം ഈ കോലത്തിൽ പോവണ്ട ആരെയെങ്കിലും വിളിക്ക് വീട്ടിൽ നിന്ന് ”
“ഞാൻ പൊക്കോളാ താൻ തന്റെ പണി നോക്കി പോ”
“ആഹാ അത് കൊള്ളാലോ ഇപോ സഹായിക്കാൻ വന്നത് കുറ്റം ആയോ? “
“സഹായിച്ചതിന് നന്ദി.. ഞാൻ പൊക്കോളാം ”
അവൾ ഡോർ അടക്കാൻ ഒരുങ്ങി
“അമ് …അല്ല മാഡം ഈ സമയത്ത് ഒറ്റക്ക് ഇപോ ഓടിച്ചു പോവണ്ട മാഡം ”
” ഡോ…. ഞാൻ പൊക്കോളാം താൻ തന്റെ പണി നോക്കി പോ ”
അവൾ അതും പറഞ്ഞു വണ്ടി സ്റ്റാർട്ട് ആക്കി പോയി .. ഞാൻ ഒരു നെടുവീർപ്പുമായി അവിടെ നിന്നു
“ദൈവമേ ആപത്ത് ഒന്നും വരാതെ അതിനെ വീട്ടിൽ എത്തിക്കണേ “..
അവിടുന്ന് പതിയെ ഞാൻ ബസ് സ്റ്റാണ്ടിലേക്ക് നടന്നു … മനസിൽ മുഴുവൻ അവൾ ഒരു കുഴപ്പവും ഇല്ലാതെ വീട് എത്തണം എന്നായിരുന്നു .
ബസ് പിടിച്ചു വീടിന് അടുത്തുള്ള സ്റ്റോപ്പിൽ ഇറങ്ങി സമയം 9. കഴിഞ്ഞിരുന്നു ഞാൻ വീട്ടിലേക്ക് കയറി വരുമ്പോ വാതുക്കൽ തന്നെ വർഗീസ് അച്ചായൻ നില്പുണ്ട്
“ആ അഖിലെ ഇത്രേം ലെറ്റ് ആവുമോ താൻ , എന്തായി ജോലിക്ക് കേറാൻ പോയിട്ട്?”
“8 മണി ആവും അച്ചായാ കട അടക്കുമ്പോ പിന്നെ ബസ് സ്റ്റാൻഡിൽ വരെ നടന്നു ബസ് ഒക്കെ കേറി എത്തുമ്പോ ഈ നേരം ആയി ”
ഞാൻ ചിരിച്ചു കൊണ്ട് പറഞ്ഞു കൊണ്ട് സ്റ്റെപ് കേറാൻ തുടങ്ങി
“അതേ നീ ഫ്രഷ് ആയിട്ട് താഴേക്ക് വ ഇന്ന് ഞങ്ങളുടെ ട്രീറ്റ് ആണ് ”
“അയ്യോ അതൊന്നും വേണ്ട അച്ചായാ ”
” വേണം .. നീ വ ഞങ്ങൾ നിന്നെ കാത്ത് ഇരിക്കുവായിരുന്നു ഇത്രേം നേരം. ”
ഇനി പറഞ്ഞിട്ട് കാര്യമില്ല ന്ന് മനസിലായി ഞാൻ റൂമിലേക്ക് കയറി കുളിച്ചു ഫ്രഷ് ആയി ഡ്രസും അണിഞ്ഞു താഴേക്ക് ഇറങ്ങി . കുളിക്കുമ്പോഴും അവൾ വീട്ടിൽ മര്യാദക്ക് എത്തി കാണുമോ എന്നായിരുന്നു ആദി.
താഴേക് ഇറങ്ങി വന്ന എന്നെ കാത്ത് അച്ചായൻ അവിടെ നില്പുണ്ടായി അങ്ങേര് എന്നെ കൂട്ടി വീടിന് ഉള്ളിലേക്ക് കയറി
“ഇതാണ് നമ്മുടെ കൊട്ടാരം വാ.. ”
പുള്ളി എന്നെ പിടിച്ചു അവിടെ സോഫയിൽ ഇരുത്തി
അകത്ത് നിന്ന് അപ്പോ ഒരു സുന്ദരിയായ ചേച്ചി കയ്യിൽ ജ്യൂസുമായി വന്നു മനോഹരമായി സാരി ധരിച്ച പക്കാ നസ്രാണി ചേച്ചി .
” അഖിൽ വന്നിട്ട് ഇപ്പോഴാ ഒന്ന് കാണാൻ പറ്റിയത് ” അവർ ഒരു ഗ്ളാസ് ജ്യൂസ് എനിക്ക് നീട്ടി കൊണ്ട് പറഞ്ഞു
“ഇതാണ് എന്റെ സഹധർമ്മിണി ആനി ”
പുള്ളി അവരെ ചൂണ്ടി കൊണ്ട് പറഞ്ഞു . ഞാൻ ഒന്ന് ചിരിച്ചു കാണിച്ചു
“ഇനി ഒരാൾ കൂടെ ഉണ്ട് മോളെ.. ഇസാ.. ”
“ആ പപ്പാ വരുന്നു ”
അകത്ത് നിന്ന് ഒരു ശബ്ദം കേട്ടു
പെട്ടെന്ന് ഓടി പിടിച്ചു ഒരു പെണ്ണ് അങ്ങോട്ട് വന്നു പെട്ടെന്ന് എന്നെ കണ്ടു സ്തബ്ധയായി നിന്നു .ആനി ചേച്ചിയുടെ തനി പകർപ്പ് ആയി തോന്നി അവളെ കണ്ടപ്പോ ..ഞാൻ ഒന്ന് ചിരിച്ചു കാണിച്ചു , അവൾ പക്ഷെ മുഖം വിളറി ഇരുന്നു
“എടി ഇതാണ് നമ്മുടെ മുകളിൽ താമസിക്കാൻ വന്ന അഖിൽ ”
“ഹായ്… ” നേർത്തത്തെ ഭാവം മാറിയ അവൾ പെട്ടെന്ന് എന്നെ നോക്കി കൈ വീശി
“ഹായ് ഇപോ എന്ത് പഠിക്കുവാ?? ”
എന്തെങ്കിലും ഒന്ന് ചോദിക്കണം എന്നു കരുതി ഞാൻ ചോദിച്ചു
“ഞാൻ ബി കോം 2nd ഇയർ ”
“ആഹാ.. ”
“നമുക്ക് എന്നാൽ ഫുഡ് കഴിച്ചാലോ ??”
ആനി ചേച്ചി ചോദിച്ചു.
പിന്നെ ഞങ്ങൾ എല്ലാം കൂടെ ഒരുമിച്ചിരുന്നു ഫുഡ് ഒക്കെ കഴിച്ചു കുറെ വർത്തമാനം ഒക്കെ പറഞ്ഞു പഴേ കാര്യങ്ങൾ ഒക്കെ ചോദിക്കുമ്പോ ഓരോ വായിൽ തോന്നിയ കള്ളങ്ങൾ ഒക്കെ പറഞ്ഞു ഞാൻ അഡ്ജസ്റ്റ് ചെയ്തു . ഒടുവിൽ അവരുമായി നല്ല കമ്പനി ആയിട്ടാണ് ഞാൻ അവിടുന്നു മുകളിലേക്ക് പോയത്.
റൂമിൽ പോയി കിടക്കുമ്പോഴും അവൾ വീട്ടിൽ എത്തി കാണുമോ എന്ന പേടി ആയിരുന്നു മനസിൽ, കിടന്നിട്ടും ഉറക്കം വരുന്നില്ല അവസാനം ഞാൻ എങ്ങനെയോ ഉറങ്ങി.
…………………………………………………………………..
“അമ്മു….”
“അമ്മു മോളെ…”
എങ്ങനെയോ വീട് വരെ വണ്ടി ഓടിച്ചെത്തി ഫുഡും കഴിച്ചു റൂമിൽ വന്നു ക്ഷീണം കൊണ്ട് കിടന്നതാണ് ആതിര പക്ഷെ ആ വിളി മാത്രം അവളുടെ ഉപബോധ മനസിൽ ഇങ്ങനെ നിൽക്കുന്നു ഏറെ പ്രിയപ്പെട്ട ആരോ തന്നെ വിളിക്കുന്ന പോലെ.. പക്ഷെ ആര്…??? ഇടക്ക് ഉറക്കത്തിലേക്ക് വഴുതി പൊയ അവൾ പോലീസുകാർ വളഞ്ഞിട്ട് തല്ലുന്ന അർജുൻ നെ ആണ് കണ്ടത്
“അച്ചുവേട്ടാ…..” ന്ന് വിളിച്ച് അവൾ ചാടി എണീറ്റു … അടുത്തിരുന്ന ജഗ്ഗിൽ നിന്ന് വെള്ളം കുടിച്ചു അവൾ കിടന്നു ഇത് പുതിയത് ഒന്നും അല്ല ഇത്രേം വർഷമായി അവൾക്ക് സ്ഥിരമാണ് ആ കാഴ്ച്ച കണ്ടു ഞെട്ടി ഉണരൽ .
അവളുടെ കണ്ണു നിറഞ്ഞൊഴുകുകയാണ് കിടക്കയിലേക്ക് ചുരുണ്ടു കൂടി എങ്ങനെയോ അവൾ ഉറങ്ങി .
പിറ്റേന്ന് രാവിലെ എണീറ്റ് കുളിച്ചൊരുങ്ങി അവൾ ഓഫീസിലേക്ക് പോകാൻ ഇറങ്ങിയപ്പോൾ തന്നെ ശ്രീദേവി വഴി തടഞ്ഞു മുന്നിൽ ഉണ്ടായിരുന്നു
“എന്താ പെണ്ണേ… നിനക്ക് സ്കൂളിൽ പോണ്ടേ?? ”
“ചേച്ചി എന്നെ പറ്റിക്കുവാ ”
“ഞാൻ നിന്നെ പറ്റിച്ചു ന്നോ എപ്പോ?”
” എനിക്ക് ഇന്നലെ ഫോണ് വാങ്ങി തരാം ന്ന് പറഞ്ഞിട്ട്”
“അയ്യോ അതാണോ ഇന്ന് വാങ്ങി തരാം , നീ വേഗം സ്കൂളിൽ പോവാൻ നോക്ക് എനിക്ക് ഓഫിസിൽ പോണം ”
“ചേച്ചി ഇന്ന് നേരത്തെ വരുമോ?”
“എന്തിനാ?”
“ഇന്ന് നമ്മുടെ അമ്പലത്തിൽ കൊടിയേറ്റ് ആണ് ഉത്സവം അല്ലെ . ”
“അതിന് എന്താ ഞാനെങ്ങും ഇല്ല”
” അയ്യോ അങ്ങനെ പറയല്ലേ ചേച്ചീ ഞാൻ എന്റെ കൂട്ടുകരികളോടോകെ പറഞ്ഞു ചേച്ചി യും വരുമെന്ന്. കൊടിയേറ്റ് സദ്യ ഒക്കെ ഉണ്ട് ചേച്ചി അതൊന്നും കണ്ടിട്ടില്ലലോ “
“ഞാൻ എല്ലാം കണ്ടിട്ടുണ്ട് മോളെ .. പക്ഷെ അന്ന് നീ ഇല്ലാന്നേ ഉള്ളൂ”.
“പൊന്നു ചേച്ചിയല്ലേ വരോ?? അമ്മേ ഒന്ന് പറയമ്മെ ?”
അവൾ ദേവി ചിറ്റയെ നോക്കി കൊഞ്ചി
“മോളെ നീ നേരത്തെ വ നമുക്ക് എല്ലാർക്കും കൂടെ പോയിട്ട് വരാം ”
“അയ്യോ ചിറ്റേ അത് ഷോപ്പ്?? ”
“നീ ഒന്ന് നേരത്തെ വന്നു ന്ന് കരുതി അവിടെ ഒന്നും സംഭവിക്കില്ല നീ ഇല്ലാഞ്ഞപ്പോളും അവിടെ കട നന്നായി നടന്നു പോന്നത.. മര്യാദക്ക് വന്നോണം ”
ദേവി ചിറ്റ കടുപിച്ചു പറഞ്ഞു
” അപ്പോ വരില്ലേ ചേച്ചി ?? ”
“ആ വരാം പെണ്ണേ നിനക്ക് ഞാൻ വെച്ചിട്ടുണ്ട് ”
അത് കേട്ടതും ശ്രീദേവി തുള്ളി കൊണ്ട് അമ്മുവിന് ഒരു ഉമ്മയും കൊടുത്ത് ഇറങ്ങി ഓടി
“ഹോ ഈ പെണ്ണ് കെട്ടിക്കാൻ പ്രായം ആയി ന്നിട്ടും നോക്കിയേ നടപ് .. ”
അവൾ ആരോടെന്നില്ലാതെ പറഞ്ഞു
“ഓഹോ അപ്പോ നീയോ?? ” ദേവി ചിറ്റയാണ്
“ആ കാര്യം നമുക്ക് സംസാരിക്കണ്ട ചിറ്റേ ഞാൻ പോണ് ”
“എന്താടി നിനക്ക് വല്ല കാമുകനും ഉണ്ടോ അവിടെ ?”
” ആ ഉണ്ട് അയാളെ ഞാൻ കെട്ടു പക്ഷെ ആൾ അവിടെ അല്ല ഇവിടെ ഉണ്ട്.. പക്ഷെ ഇപോ എവിടാ ന്ന് എനിക്ക് അറിയില്ല കണ്ടുപിടിക്കണം ”
അമ്മു അതും പറഞ്ഞിറങ്ങി കാർ സ്റ്റാർട്ട് ചെയ്ത് ഷോപ്പിലേക്ക് പോയി
ദേവി ക്ക് അവൾ പറഞ്ഞതിന്റെ പൊരുൾ മനസിലായിരുന്നു. അവർ ഒരു നെടുവീർപ്പിട്ടു അകത്തേക്ക് നടന്നു ..
അതേ സമയം അടുക്കളയിൽ നിന്ന് ഇതെല്ലാം കേട്ട അമ്മ കരയുകയായിരുന്നു .
…………………………………………………………………..
ഷോപ്പിൽ പാർക്കിങ്ങിൽ കാറും ഇട്ട് അവൾ ഇറങ്ങി ഉള്ളിലേക്ക് കയറി .
സ്റ്റാഫുകൾ എല്ലാം അവളെ വിഷ് ചെയ്തു അവളും തിരിച്ചു വിഷ് ചെയ്ത് പോകുന്ന വഴിയാണ് അവനെ കണ്ടത് . അവളെ കണ്ടു പുഞ്ചിരിച്ചു നിന്ന അവനെ ഒന്ന് രൂക്ഷമായി നോക്കിയിട്ട് അവൾ മുകളിലേക്ക് അവളുടെ ക്യാബിനിലേക്ക് പോയി.
“എന്താടാ മാഡം നിന്നെ രൂക്ഷമായി നോക്കിയത്??”
ഇതൊക്കെ കണ്ടു നിന്ന തോമാച്ചേട്ടൻ അഖിലിനോട് ചോദിച്ചു
“ആ എനിക്ക് അറിയില്ല ചേട്ടാ ” അതും പറഞ്ഞ് അവൻ ഒരു കസ്റ്റമർ വന്നപ്പോ ആ വഴി പോയി ”
ഉച്ചവരെ വലിയ കുഴപ്പം ഒന്നും ഇല്ലാതെ പോയി ഒന്നുരണ്ട് കസ്റ്റമർ ഒക്കെ ഡീൽ ok ആയി ക്ലോസ് ആക്കി അവൻ
ഉച്ചക്ക് ഫുഡ് അവൻ വച്ചു കൊണ്ടുവന്നിരുന്നു എല്ലാരും കൂടെ ഇരുന്ന് കഴിച്ചു . അങ്ങനെ ഫുഡ് ഒക്കെ കഴിഞ്ഞു അവർ എല്ലാം ഹോം തിയേറ്ററിൽ പാട്ട് ഒക്കെ ഇട്ട് നിൽക്കുമ്പോൾ
“അഖിലേ നിന്നെ മാഡം വിളിക്കുന്നു ” ജിനു ആണ്
“എന്ന.. എന്നെയാണോ സർ?? ”
“അതേടാ നിന്നെ തന്നെ ആണ് ..”
“എന്നെ എന്തിനാ സർ ?”
“ശെടാ എനിക്ക് എങ്ങനെ അറിയാൻ ആണ് അത് നീ വല്ല പരിപാടി യും കാണിച്ചോ?? അവിടെ ഫുൾ കാണാൻ പറ്റും ക്യാമറ യിൽ ”
“ഞാൻ…. ഞാൻ ഒന്നും ചെയ്തില്ല ”
” നീ എന്തായാലും ഒന്ന് ചെന്നു നോക്ക് കാര്യം അറിയാല്ലോ വേഗം ചെല്ലു”
…………………………………………………………………..
അവൾ എന്നെ എന്തിനാ ഇപോ വിളിക്കുന്നെ…
ഞാൻ പതിയെ സ്റ്റെപ്പ് കേറി മുകളിൽ എത്തി . ക്യാമ്പിനിൽ അവൾ ഇരുപ്പുണ്ട്
“മേ ഐ കം ഇൻ മാഡം?”
ഞാൻ പതിയെ ആ ഡോറിൽ തട്ടി കൊണ്ട് ചോദിച്ചു
” യെസ് കമിൻ ”
ഞാൻ അകത്തേക്ക് കയറി . അവൾ ഒരു പച്ച ചുരുദാർ ആണ് ഇട്ടിരിക്കുന്നത് ഒതുക്കി ചീകി ഇട്ടിരുന്ന മുടിയിഴകളിൽ രണ്ടു മൂന്നെണ്ണം അവളുടെ മുഖത്തേക്ക് പാറി കിടപ്പുണ്ട്
ദൈവമേ എന്ത് രസമാണ് ഇവളെ കാണാൻ … ദിവസം മുഴുവൻ ഇങ്ങനെ നോക്കി ഇരിക്കാൻ തോന്നുവ
“എഡോ…. താൻ എന്ത് ആലോചിച് നില്കുവാ “
“ങേ…. ആ… എന്ത് എന്താ മാഡം ?” പെട്ടന്ന് ഞാൻ സ്‌തലാകാല ബോധത്തിലേക്ക് വന്നു
“താൻ അവിടെ ഇരിക്കാൻ ”
“വേണ്ട മാഡം ഞാൻ നിന്നോളാ”
“ഹ ഇരിക്കാൻ പറഞ്ഞാൽ ഇരിക്കുക ”
ഞാൻ യാന്ത്രികമായി അവിടെ ഇരുന്നു
” ആ….. താൻ അല്ലെ ഇന്നലെ രാത്രി കാറിൽ ”
“അയ്യോ മാഡം അത് ഞാൻ പെട്ടെന്ന് വണ്ടി പാളി കിടക്കുന്ന കണ്ടപ്പോ വിട്ടിട്ട് പോവാൻ തോന്നിയില്ല സോറി”
“ഹ അതിന് എന്തിനാ സോറി പറയുന്നേ താൻ നല്ല കാര്യമല്ലേ ചെയ്തത് ”
“ആണോ….”
“ങേ… അല്ലെ.. ഞാൻ തന്നോട് ഒരു നന്ദി പറയാൻ വേണ്ടിയാണ് വിളിപ്പിച്ചത് .
വളരെ നന്ദി ഇന്നലെ എനിക്ക് ഒന്നും പറ്റാതെ വീട്ടിൽ എത്താൻ പറ്റിയത് താൻ കാരണമാണ് ”
“നന്ദിയൊന്നും വേണ്ട മാഡം ”
” ആട്ടെ തന്റെ പേര് എന്താണ്.??”
“ഞാൻ അർ… അഖിൽ… അഖിൽ മാഡം ”
“എഡോ താൻ ഇങ്നെ മാഡം മാഡം മാഡം ന്ന് എപ്പോഴും വിളിക്കണ്ട ”
“പിന്നെ ഞാൻ എന്ത് വിളിക്കാൻ ആണ് ? ”
” എന്റെ പേര് ആതിര എന്നാണ് വേണേൽ അത് വിളിച്ചോളൂ ”
“Ok ആതിര”
“തനിക്ക് ഈ ആളെ കാണുമ്പോ കളിയാക്കി ചിരിക്കണ പരിപാടി ഉണ്ടോ?”
“അയ്യോ മാഡം, അല്ല അതിര ഞാൻ അങ്ങനെ ഒന്നും ഉദ്ദേശ്യം വച്ചല്ല ചിരിച്ച് രാവിലെ കണ്ടത് ആണെങ്കിൽ ”
“ഹും.. ok ok പിന്നെ തന്റെ റെസ്യൂമേ ൽ ഇതെന്താ 10 ത് വരെ പഠിച്ചതായി കാണിച്ചിരിക്കുന്നത്?? ”
അവൾ അവളുടേ ടേബിളിൽ ഇരുന്ന് ഫയലിൽ നിന്നും എന്റെ റെസ്യൂമേ എടുത്ത് ചോദിച്ചു .
“അത്..ഞാൻ അത്രേ പഠിച്ചുള്ളൂ ആതിര ”
“അതെന്താ? “
“അത്.. അപ്പോ കുറെ പ്രോബ്ലംസ് ഉണ്ടായി ”
“എന്ത് പ്രോബ്ലം? ”
“അത് കുറച്ചു പേഴ്‌സ്നൽ ആണ് ആതിരാ പറയാൻ എനിക്ക് ബുദ്ധിമുട്ട് ഉണ്ട്”
“ഹ ന്ന പറയണ്ട താൻ … എന്നാൽ പൊക്കോ”
ഞാൻ എണീറ്റ് ഡോർ ലക്ഷ്യമായി നടന്നു
“അതേ… ഈ പ്ലസ് 2 ഉം ഡിഗ്രി യ്യും ഒക്കെ ഡിസ്റ്റന്റ് ആയിട്ട് പഠിക്കാൻ പറ്റും ”
ഞാൻ അവളെ ഒന്ന് നോക്കി ചിരിച്ചു കാണിച്ചു പുറത്തേക്ക് ഇറങ്ങി .
അവളോട് രണ്ടു വാക്ക് ങ്കിൽ രണ്ടു വാക്ക് സംസാരിക്കാൻ പറ്റിയതിൽ അതീവ സന്തോഷത്തിൽ ആയിരുന്നു ഞാൻ. അതും അല്ല അവൾ ആതിര ന്ന് വിളിച്ചുകൊള്ളാൻ പറയുകയും ചെയ്തു ഹോ എനിക്ക് ഇനി എന്ന വേണം …
ഞാൻ സന്തോഷത്തോടെ സ്റ്റെപ്പ് ചാടി ചാടി ഇറങ്ങി
“എന്താടെ ഭയങ്കര സന്തോഷത്തിൽ ആണല്ലോ , എന്താ അവിടെ നടന്നത് ??”
ഞാൻ ഇറങ്ങി വരുന്നതും കാത്ത് തോമാച്ചേട്ടൻ സ്റ്റപ്പിന് താഴെ നില്പുണ്ട്
“ഹേ… മാഡം ചുമ്മ ഓരോ കാര്യം തിരക്കാൻ വിളിച്ചതാണ് ”
“ഒ പിന്നെ ഞങ്ങളോട് ഒന്നും ഒരു കാര്യവും തിരക്കാൻ ഇല്ലല്ലോ?”
“എന്റെ പൊന്നു ചേട്ടാ… വാ ഞാൻ എല്ലാം പറയാം ”
“ആ അങ്ങനെ വഴിക്ക് വാ ”
ഞാൻ പുള്ളിയും ആയി ഫ്രിഡ്ജ് ഒക്കെ ഡിസ്‌പ്ലേ വച്ചിരിക്കുന്ന പോർഷനിലേക്ക് നടന്നു
“പൊന്നു ചേട്ടാ വേറെ ഒന്നുമല്ല ഇന്നലെ ചേട്ടൻ എന്നെ വണ്ടിയിൽ കൊണ്ടുപവാൻ വിളിച്ചില്ലേ? ”
“ആ വിളിച്ചു പക്ഷെ നീ വന്നിലാലോ ”
“അതേ വന്നില്ല എനിക്ക് ബസിൽ പോകുന്ന വഴി ഒക്കെ ഒന്ന് പഠിക്കാൻ വേണ്ടി ആണ് ഞാൻ ഇന്നലെ നിന്നത്, അങ്ങനെ ഞാൻ ഷോപ്പ് ഒക്കെ ക്ളോസ് ആയി കഴിഞ്ഞു എല്ലാരും പിരിഞ്ഞപോ മാഡം ഇറങ്ങി വരുന്ന കണ്ടു അവൾ കാറിൽ കേറുന്നതും കണ്ടു ഞാൻ പതിയെ നമ്മുടെ വഴിയേ ബസ് സ്റ്റാൻഡ് ലക്ഷ്യമാക്കി നടക്കുമ്പോ ആ വളവിൽ വച്ചു ഒരു കാർ വളഞ്ഞ് പുളഞ്ഞു വന്നു മണ്ണിൽ പുതഞ്ഞു”
” ആരുടെ കാർ ???”
“ഹ പറയട്ടെ ഇടക്ക് കേറാതെ ”
“ആതിര ടെ കാർ ആയിരുന്നു അത് ”
“ആതിരയോ??? ഒ മാഡം ?
അയ്യോ എന്നിട്ട്”
“അതേ… ഞാൻ ഓടി ചെന്നു നോക്കുമ്പോ ആകെ അവശയായി കിടക്കുന്ന ആതിരയെ കണ്ടു ഞാൻ അമ്മു നെ വിളിച്ച് എണീപ്പിച്ചു കാറിൽ വെള്ളം ഉണ്ടായിരുന്നു അതൊക്കെ മുഖത്തു തളിച്ചു കുടിക്കാനും ഒക്കെ കൊടുത്തു അവൾ എന്നിട്ട് നോർമൽ ആയപ്പോ വീട്ടിൽ പോയി. അതിന് ഒരു നന്ദി പറയാൻ വിളിച്ചതാ. അല്ലാതെ വേറെ ഒന്നും അല്ല .”
“ഹോ … ദൈവമേ ഒന്നും പറ്റിയില്ലലോ ഭാഗ്യം . ആ അപ്പോ അതാണ് രാവിലെ നിന്നെ കണ്ടപ്പോ നോക്കിട്ട് പോയത് ല്ലേ??”
“ആ അതേ… ”
” അല്ല ടാ മോനെ… ഒരു കാര്യം ഉണ്ടല്ലോ?? ”
ഞാൻ സംശയത്തോടെ പുള്ളിയെ നോക്കി
“എ… എന്താ ചേട്ടാ??”
“അല്ല നീ ഇപ്പോഴും അമ്മു എന്നാണ് ല്ലോ മാഡത്തിനെ വിളിച്ചത്??? ”
ഞാൻ ഞെട്ടി
“ഹേയ്… ഞാനോ ഇല്ലാലോ ”
“നീ ഉരുളാണ്ട് സത്യം പറ നിനക്ക് എന്തോ രഹസ്യം ഉണ്ട്… ആതിരയെ നീ ആദ്യമായി അല്ല ഇവിടെ കാണുന്നത് . അന്ന് ഞാൻ ഇവളുടെ വീടിനെ പറ്റി പറഞ്ഞപ്പോഴും നീ ഇതേ പേരും വിളിച്ചാണ് ക്യാബിനിലേക്ക് ഓടിയത്. സത്യം പറ”
“അയ്യോ ചേട്ടാ… അത്..”
“നിനക്ക് പറ്റുമെങ്കിൽ പറഞ്ഞ മതി. പിന്നെ എന്നോട് പറഞ്ഞു ന്ന് കരുതി ഞാൻ ആരോടും പോയ്‌ എല്ലാം പറഞ്ഞു നടക്കുക ഒന്നും ഇല്ല . എന്നെ നിനക്ക് വിശ്വാസം ഉണ്ടെങ്കിൽ മാത്രം പറഞ്ഞ മതി”
“അയ്യോ ചേട്ടാ വിശ്വാസ കുറവ് ഉണ്ടായിട്ട് ഒന്നും അല്ല എന്റെ ജീവിതത്തിൽ തന്നെ അടഞ്ഞ ഒരു അദ്ധ്യായം ആണ് അവ . വീണ്ടും വീണ്ടും… “
” എന്ന വേണ്ട ടാ നിനക്ക് സങ്കടം ആവുമെങ്കിൽ ഞാൻ ഇത് ചോദിച്ചത് ആയി തന്നെ നീ മറന്നേക്ക് ”
“ഹേയ് അങ്ങനെ ഒന്നും ഇല്ല ഞാൻ പറയാം പക്ഷെ ഇവിടെ വച്ചു പറഞ്ഞാൽ ശരിയാവില്ല വൈകിട്ട് ഇറങ്ങിയിട്ടു നമുക്ക് നോക്കാം”
“ഓകെ എന്ന വൈകിട്ട് ഒരുമിച്ചു പോകാം സംസാരിക്കാൻ പറ്റിയ ഒരു സ്ഥലം ഉണ്ട് അവിടെ വച്ചു പറയാം ”
“ഏത് സ്ഥലം?? ”
“അത് നീ അപ്പോ കണ്ടോ..”
പുള്ളി അതും പറഞ്ഞു ഒരു കസ്റ്റമറെ കണ്ടു ആ വഴി പോയി. ഞാനും അടുത്ത കസ്റ്റമറെ ഒപ്പിക്കാൻ വേണ്ടി പോയി.
വൈകിട്ട് വരെ ഓരോ കാര്യവും സെയിലും ഒക്കെ ആയി സമയം പോയി . ഇടക്ക് അമ്മു ഇറങ്ങി താഴെ വന്നു എല്ലാം നടന്നു കാണുകയും എന്നെ കണ്ടപ്പോ ഒന്ന് ചിരിച്ചു കാണിക്കുകയും ഒക്കെ ചെയ്തു എനിക്ക് പിന്നെ എന്ത് വേണം ആകെ സന്തോഷം .
പക്ഷെ അവൾ നേരത്തെ അഞ്ചര ആയപ്പോൾ തന്നെ കാറും എടുത്ത് പോകുന്ന കണ്ടു എനിക്ക് കുറച്ചു സങ്കടം ആയി എന്നത് വേറൊരു കാര്യം
അങ്ങനെ ഷോപ് ക്ളോസ് ആവാൻ സമയം ആയപ്പോൾ. ഞങ്ങൾ രണ്ടും കൂടെ തോമ ചേട്ടന്റെ ബൈക്കിൽ കേറി പുറപ്പെട്ടു
“എവിടാ ചേട്ടാ ആ സ്ഥലം ??”
“അതൊകെ ഉണ്ടാടാ നീ പിടക്കാതെ”
പുള്ളി വണ്ടി ഓടിച്ചു അടുത്തുള്ള ബിയർ ആൻഡ് വൈൻ പാർലറിൽ ആണ് കേറിയത്
“ആ ഇതായിരുന്ന സ്ഥലം ”
ഞാൻ വണ്ടിയിൽ നിന്ന് ഇറങ്ങി ചോദിച്ചു
“അതേ നീ വാ ”
പുള്ളി വണ്ടി സൈഡ് ആക്കി ഇറങ്ങി അകത്തേക്ക് നടന്നു പുറകെ ഞാനും.
അവിടെ ഒഴിഞ്ഞ ഒരു മൂലക്ക് ഉള്ള ടേബിൾ നോക്കി ഞങ്ൾ ഇരുന്നു .പുള്ളി രണ്ട് ബിയറും പറന്നു അത് വന്നു പൊട്ടിച്ചു കുടി തുടങ്ങി.
“ആ ഇനി പറ നീ എന്താ സംഭവം”
“അത്.. അത് ചേട്ടാ… മാഡം അത് അത്… ”
“ഹ കാര്യം പറയട”
“അവൾ അവൾ എന്റെ അമ്മുവാ”
“നിന്റെ…. നിന്റെ അമ്മുവോ??? എന്നു വച്ചാൽ??”
അയാൾ ഞെട്ടലോടെ ചോദിച്ചു
“അത് പഴേ കഥയാണ് …. ”
“ഹ നീ പറയു ചെക്കാ…ലാഗ് ആക്കാതെ ”
“ഞാൻ ഞാനൊരു ശിക്ഷ കഴിഞ്ഞിറങ്ങിയ കൊലയാളി ആണ് ചേട്ടാ”
“ങേ….”
പുള്ളി പെട്ടെന്ന് കുടിച്ചുകൊണ്ടിരുന്ന ബിയർ താഴെ വച്ചു ഞെട്ടി എന്നെ നോക്കി
ഞാൻ നടന്ന കാര്യങ്ങൾ എല്ലാം പുള്ളിയോട് പറഞ്ഞു
“എടാ അപ്പോ… അപ്പോ നിന്നെ അവൾക്ക് മനസിലായില്ലേ??”
“എങ്ങനെ മനസിലവാനാണ് ?? അത്ര ചെറു പ്രായത്തിൽ എന്നെ കണ്ടതല്ലേ.”
“നിനക്ക് എന്ന അവളോട് കാര്യം പറഞ്ഞ പോരെ.. നീ ആരാ ന്ന്?”
“ഞാൻ ആദ്യം അത് ആലോചിച്ചത അന്ന് ഓടി ആ ക്യാബിനിൽ കേറിയത് അതിന് തന്നെ ആയിരുന്നു പക്ഷെ…. പിന്നെ വേണ്ട ന്ന് വച്ചു ”
“എന്താടാ ”
” ചേട്ടൻ അവളുടെ ഇപ്പോഴത്തെ സ്ഥിതി കണ്ടില്ലേ അവിടേക്ക് എന്നെ പോലെ ഒരാൾ… എങ്ങനെ ശരിയാവാൻ ആണ് ”
“എന്നാലും നീ അവൾക്ക് വേണ്ടി അല്ലെ നിന്റെ ജീവിതം ഇത്രയും നാൾ കളഞ്ഞത്??’”
“ഹ പോട്ടെ ചേട്ടാ… അവൾ സന്തോഷത്തോടെ ജീവിക്കുന്നത് എനിക്ക് ഇവിടെ നിന്ന് കാണാൻ പറ്റുമല്ലോ അത് മതി എനിക്ക് ബാക്കി കാലം ജീവിക്കാൻ ”
“എന്നാലും മോനെ… നീ… അവൾ നിന്നെ കാത്ത് ഇരിക്കുക ആണേൽ??”
“ഹേയ് അങ്ങനെ ഒന്നും ഉണ്ടാവില്ല ചേട്ടാ.. ഇത്ര കൊല്ലം ആയിട്ട് എന്നെ ഒന്ന് തിരക്കുക കൂടി ചെയ്യാത്ത അവൾ എന്നെ ഓർക്കുന്നു കൂടി കാണില്ല പിന്നല്ലേ”
“എടാ അതിന് ആ കൊച്ചിനെ ഞാനും ആദ്യമായ് ആണ് കാണുന്നെ അന്ന്. അവൾ ഇവിടെ ഒന്നും ഇല്ലായിരുന്നു പുറത്ത് എന്തോ ആയിരുന്നു ഓസ്‌ട്രേലിയയിലോ മറ്റോ..”
ഞാൻ ഒന്നും മിണ്ടാതെ ഒന്ന് മൂളുക മാത്രം ചെയ്തു
“അതൊകെ പോട്ടെ ചേട്ടാ നമുക്ക് പോയാലോ”
” ആ പോവാം.. ഇന്ന് ഇനി ഞാൻ ആക്കി കൊള്ളാം നിന്നെ ബസിന് പോവണ്ട”
“Ok ചേട്ടാ ”
അങ്ങനെ പുള്ളിയുടെ വണ്ടിയിൽ ഇരുന്ന് പോകുന്ന വഴിയാണ് അമ്പലത്തിന്റെ മുന്നിൽ എത്തിയപ്പോൾ തിരക്കും മേളവും ഒക്കെ കണ്ടത്
“ഇവിടെ ഇന്ന് കൊടിയേറ്റ് ആണ് കിടിലൻ ഉത്സവമാ ” തോമ ചേട്ടൻ പറഞ്ഞു
“ഹ അറിയാം ചേട്ടാ പണ്ട് ഒരുപാട് വന്നു കൂടിയതാ ..അതേ എന്നെ എന്നാൽ ഇവിടെ ഇറക്കാമോ??”
“എന്താടാ??”
“അല്ല പെട്ടെന്ന് ഇതൊക്കെ കണ്ടപ്പോൾ ഒന്ന് കൂടാൻ മോഹം ”
“ആ അടിപൊളി ന്ന കൂടിക്കോ ഞാൻ പോവാ വീട്ടിൽ പെണ്ണുമ്പിള്ള കാത്തിരിക്കും ”
പുള്ളി എന്നെ അവിടെ ഇറക്കി വണ്ടി ഓടിച്ചു പോയി.
ഞാൻ ചുറ്റും ഒന്ന് നോക്കി , പഴേ പോലെ ഒന്നും അല്ല നല്ല മാറ്റം വന്നിരിക്കുന്നു അമ്പലത്തിനും ചുറ്റുപാടിനും ഒക്കെ .
ഞാൻ റോഡ് ക്രോസ് ചെയ്ത് അമ്പലപറമ്പിലേക്ക് കയറി .അവിടെ ഒക്കെ കറങ്ങി നടന്നു അവിടെ മുഴുവൻ ആളും ബഹളവും ഒക്കെയാണ് കുറെ നടന്നു അവസാനം കൊടിയേറ്റ് സമയം ആയി ന്ന് അറിഞ്ഞ് എല്ലാവരും കൊടിമര ചുവട്ടിലേക്ക് നീങ്ങിയപോൾ ഞാനും പതിയെ അങ്ങോട്ട് നടന്നു . എല്ലാവരും മുകളികേക്ക് നോക്കി കൈ കൂപ്പി നിൽക്കുന്നു ഞാനും അതേ പോലെ നിന്നു, പണ്ട് അമ്മുന്റെ തറവാട്ടിൽ നിന്ന് എല്ലാരും കൂടെ വരുമ്പോ ആ കൂടെ ഞാനും വന്നിരുന്നു ഇങ്ങനെ അവർ എല്ലാം നില്കുമ്പോ അപ്പുറം മാറി ഞാനും നിന്നിട്ടുണ്ട്..
ഞാൻ കണ്ണുകൾ അടച്ചു നിന്നു . മന്ത്രോച്ചാരണവും മേളവും അകമ്പടിയോടെ അമ്പലത്തിൽ ഉത്സവ കൊടിയേറി , ഞാൻ കണ്ണ് തുറന്നു ആ കൊടിയിൽ നോക്കി ഒന്ന് കൈ കൂപ്പി താഴേക്ക് നോക്കി… ന്റെ ഹൃദയം നിന്നു പോയി.
ഞാൻ നില്കുന്നതിന്റെ അപ്പുറത്തെ സൈഡിൽ ഒരു കസവു സാരി ഉടുത്ത് അണിഞ്ഞൊരുങ്ങി ഒരു ദേവി യെ പോലെ നിൽകുന്ന എന്റെ അമ്മു. ഞാൻ അവളെ തന്നെ നോക്കി അവിടെ നിന്നു അവളുടെ കൂടെ ഒരു പെണ്കുട്ടി ഉണ്ട് അവളുമായി എന്തൊക്കെ യോ പറയുകയും മൊബൈലിൽ ഫോട്ടോ എടുക്കുകയും ഒക്കെയാണ് അവൾ. ഞാൻ അതൊകെ നോക്കി അതേ നില്പ് നിന്നു.
“എടാ ആ പീസ് കൊള്ളാല്ലോ??”.
“എന്ത് ചരക്കാ മോനെ അത് കൂടെയുള്ള ആ പെണ്ണും കൊള്ളാം”
“നമുക്ക് ഒന്ന് ട്രൈ ചെയ്താലോ??”
“പിന്നെന്താ വാ..”
എന്റെ പുറകിൽ നിന്ന രണ്ടു യുവാക്കളുടെ ശബ്ദമാണ് ഞാൻ കേട്ടത് .. അവന്മാർ അതും പറഞ്ഞു അമ്മുവിന്റെ ഭാഗത്തേക്ക് പോവുന്നത് ഞാൻ കണ്ടു. ഒട്ടും അമാന്തിക്കാതെ ഞാനും അവരുടെ പുറകെ പോയി.
അമ്മുവും ആ പെണ്കുട്ടി യും കൂടെ നടക്കുകയാണ് പുറകെ അവരേ ഫോളോ ചെയ്ത് അവന്മാർ രണ്ടു പേരും പുറകെ ഞാനും .
ആ പെണ്ണ് അവളെ കൈയിൽ പിടിച്ചു വലിച്ചു വളക്കടകളുടെ അടുത്തേക്കണ് പോകുന്നത് . കടയിൽ എത്തി എന്തോ ഐറ്റംസ് ഒക്കെ എടുത്ത് പരിശോധന നടത്തുന്ന അവരുടെ ഇടയിലേക്ക് ഇവന്മാർ മനപ്പൂർവ്വം ഇടിച്ചു കയറി . അവളുടെ ദേഹത്ത് ഒക്കെ അവർ തട്ടുന്നുണ്ട് അമ്മു അസ്വസ്ഥത യോടെ സൈഡിലേക്ക് മാറി .
“ഹേയ് മാൻ എന്താണ് കാണിക്കുന്ന തനിക്ക് ഒരു മാനേഴ്‌സ് ഇല്ലേ” അവൾ ചീറി
“ദെ… ഇത് നോക്കട രാഹുലെ..ഈ ചേച്ചി നമ്മളെ മാനേഴ്‌സ് പഠിപ്പിക്കാൻ വന്നതാ”
ഒരുവൻ അവളുടെ നേരെ തിരിഞ്ഞു
“ചേച്ചി എന്നേം കൂടെ പഠിപ്പിക്കാമോ എവിടാ ന്ന് വച്ച ഞാൻ വരാം.. നന്നായി പഠിപ്പിക്കനേ” മറ്റവൻ വഷളൻ ചിരിയോടെ അവളുടെ അടുത്തേക്ക് നീങ്ങി അവളുടെ വയറിന് സൈഡൽ തൊടുന്ന രീതിക്ക് കടയിൽ നിന്നും എന്തോ എടുക്കാൻ നോക്കി
“യൂ ബാസ്റ്റർഡ് ”
അമ്മു അവന്റെ മുഖം നോക്കോ കൈ ആഞ്ഞു വീശി. എന്നാൽ അവൻ പുഷ്പം പോലെ ആ കൈ പിടിച്ചു വച്ചു
“നീ കൊള്ളാലോ ടി മോളെ… ”
അവൻ അവളുടെ കൈ ൽ മുറുക്കി പിടിക്കാൻ തുടങ്ങി … എനിക്ക് അത് മതിയായിരുന്നു
“വിടടാ. അവളെ…..”
ഉച്ചത്തിൽ ഉള്ള എന്റെ അലർച്ച കേട്ട് അവിടെ നിന്ന സകല ആളുകളും എന്നെ നോക്കി.. അമ്മു ന്റെ കണ്ണുകളിൽ ഞെട്ടൽ എന്നെ അവിടെ കണ്ടതിൽ
“എന്തോ… നീ ഏതാ അത് പറയാൻ??”
“ഞാൻ ആരെങ്കിലും ആയിക്കോട്ടെ അഞ്ചു സെക്കന്റ് ഞാൻ തരും അവളുടെ കൈയും വിട്ട് അവളോട് ഒരു മാപ്പും പറഞ്ഞു നീയൊക്കെ പൊക്കോ ഇല്ലേൽ ”
“ഇല്ലേൽ നീ എന്ത് ചെയ്യും അങ്ങു ഉലത്തുമോ”
“ഒന്നേ……..രണ്ട്………മൂന്നെ……..നാലെ…..അഞ്ചെ……” ഞാൻ വാച്ചിൽ നോക്കി എണ്ണി..
“എന്തേ…. ദേ ഇപ്പോഴും പിടിക്കും ”
അവൻ അവളുടെ കയ്യിൽ മുറുകെ പിടിച്ചു
“വിടടാ ചേച്ചിയെ… വിടടാ” ആ പെണ്ണ് അവനെ തല്ലാൻ നോക്കുന്നുണ്ട്
“അപ്പോ നീയൊക്കെ തീരുമാനം എടുത്തു. Ok കുറെ നാൾ ആയി ഞാൻ ഈ വേഷം ഒന്ന് അഴിച്ചു വച്ചതാ സമ്മതിക്കില്ല ല്ലേ നീയൊന്നും ”
“കിടന്നു വായ് താളം അടിക്കാതെ ധൈര്യം ഉണ്ടേൽ വാടാ” മറ്റവൻ വെല്ലുവിളി നടത്തി
ഞാൻ തോളിൽ കിടന്ന ബാഗ് ഊരി സൈഡിൽ നിന്ന ഒരു ചേട്ടന്റെ കയ്യിൽ കൊടുത്തു . അമ്മു എന്നെ തന്നെ ഉറ്റു നോക്കി ഞാൻ എന്താ ചെയ്യാൻ പോകുന്നേ എന്ന ആകാംക്ഷയിൽ നിൽക്കുകയാണ്
പെട്ടെന്ന് അവന്മാർക്ക് ഒരു അവസരവും കൊടുക്കാതെ അവന്മർ പോലും പ്രതീക്ഷിക്കാത്ത സ്പീഡിൽ ഞാൻ ഓടി വന്നു അമ്മുന്റെ കൈ ൽ പിടിച്ചിരുന്നവന്റെ മൂക്കിന് നോക്കി ഒരു പഞ്ച് കൊടുത്തു. അവൻ ചോര ഒലിച്ചു തുടങ്ങിയ മൂക്കും പൊത്തി താഴേക്ക് ഇരുന്നു പോയി
“എടാ……” മറ്റവൻ എന്നെ നോക്കി തല്ലാൻ ഓടി വരികയാണ് .
ഞാനവന്റെ കൈ പാങ്ങിന് ന്ന് ഒഴിഞ്ഞു മാറി അവൻ വന്ന ദിശയിൽ തന്നെ അവനെ ഒന്ന് ചവിട്ടി വിട്ടു അവൻ താഴേക്ക് കമെന്നടിച്ചു വീണു.
മൂക്ക് പൊളിഞ്ഞവൻ വീണ്ടും എണീറ്റ് വന്നു ഞാൻ അവന്റെ കൈ ൽ ഒരു പൂട്ടിട്ട് പിടിച്ചു നിർത്തി അവനെയും വലിച്ചു കമന്ന് താഴെ കിടന്നവന്റെ നട്ടെല്ല് നോക്കി ഒരു ചവിട്ട് കൊടുത്തു.. അവൻ ഒരു ആർത്ത നാദത്തോടെ അവിടെ കിടന്നു പുളഞ്ഞു
“മൂന്ന് മാസം മിനിമം വേണം അവൻ ഒന്ന് എണീക്കാൻ ഇനി നീ…നിനക്ക് എന്റെ അമ്മു ന്റെ കൈയിൽ പിടിക്കണം അല്ലെ.. ”
ഞാൻ അവന്റെ കൈ പിടിച്ചു തിരിച്ചു ഓടിച്ചു പുറകിലേക്ക് ആക്കി . ഉണക്ക വിറക് ഒടിയുന്ന പോലെയുള്ള സൗണ്ട് കേട്ടു, വേദനയോടെ അവൻ അലറി.
ഞാൻ അവന്റെ മറ്റേ കയ്യും അതേ പോലെ ഒടിച്ചുമടക്കി വച്ചു
“മാപ്പ് പറയട അമ്മുനോട്…”
ഞാൻ അലറി …
“എടാ പറയാൻ..” ഞാൻ പിന്നെയും അവന്റെ കൈ പുറകിലേക്ക് കൊണ്ടുവന്നു
“ആ……പറയാം….പറയാം….” അവൻ കാറി..
“മാപ്പ്….മാപ്പ്…..”
ഞാൻ അവന്റെ കൈ വിടുവിച്ചു അവന്മർ രണ്ടും കൂടെ എണീറ്റ് ഓടി .
ഞാൻ അവളെ നോക്കി അവളും ആ പെണ്ണും ഉൾപ്പടെ അവിടെ ഉണ്ടായിരുന്ന സകല ആളുകളും എന്നെ അന്തം വിട്ട് നോക്കി നിൽക്കുകയാണ്
പെട്ടന്ന് ദേവി ചിറ്റ അവിടേക്ക് ഓടി വന്നു
“മോളെ…മോളെ, എന്ന പറ്റിയെ??”
അവർ ചുറ്റിനും നോക്കി ആയ വഴി എന്നെയും നോക്കി . അവരുടെ മുഖം കണ്ടപ്പോൾ തന്നെ എന്റെ ഓർമകൾ പുറകിലേക്ക് പോയി ഞാൻ മുഖം തിരിച്ചു കളഞ്ഞു
“എന്താ ന്ന് എന്താ പറ്റിയെ… ശ്രീദേവി…??”
അവർ മോളുടെ കൈയിൽ പിടിച്ചു കൊണ്ട് ചോദിച്ചു
“അതമ്മെ ചേച്ചിയുടെ കൈയ്യിൽ കേറി രണ്ടുപേരു പിടിച്ചു ”
“ചിറയിൽ തറവാട്ടിലെ പെണ്ണിന്റെ കയ്യിൽ കയറി പിടിച്ചെന്നോ ആര്? ആർക്കാ അതിന് ധൈര്യം ഉള്ളത് ഇവിടെ??”
“പുറം നാട്ടുകാർ ആരോ ആണെന്ന് തോന്നുന്നു , സാരമില്ല കണക്കിന് കൊടുത്ത വിട്ടത് രണ്ടിന്റേം കൈ ഇനി പൊങ്ങില്ല “
അവിടെ എല്ലാം കണ്ടു നിന്നിരുന്ന ഒരു വല്യപ്പൻ ആണ് ദേവി ചിറ്റയോട് പറഞ്ഞത്
“ആര്?? ആരാ തല്ലിയത്??” ദേവി ചിറ്റ അത്ഭുതത്തോടെ ചോദിച്ചു
അവർ ആതിര യെ നോക്കി ഞാനും, അവൾ എന്നെ തന്നെ രൂക്ഷമായി നോക്കി നിൽക്കുന്നു
“ദെ… ആ നിൽകുന്ന ചേട്ടനാ…” ശ്രീദേവി കേറി പറഞ്ഞു .
അപ്പോഴാണ് ദേവി ചിറ്റ എന്നെ കണ്ടത് തന്നെ . അവർ എന്റെ അടുക്കലേക്ക് നടന്നു
“നന്ദിയുണ്ട് മോനെ… എന്താ മോന്റെ പേര്?? ”
അവർ എന്റെ തലയിൽ തലോടികൊണ്ട് ചോദിച്ചു
“അ… അഖിൽ എന്ന ചേച്ചി ”
“ആഹാ എവിടാ വീട്? ”
” ഞാൻ .. ഞാൻ നിങ്ങളുടെ ഷോപ്പിലെ പുതിയ സ്റ്റാഫ് ആണ് ഇവിടെ അടുത്ത് ഒരു വീട്ടിൽ പെയിങ് ഗസ്റ്റ് ആണ് ”
“ടി നീ എന്താ ഇങ്ങനെ അന്തം വിട്ട് നിൽകുന്നേ ഒരു നന്ദി വാക്ക് എങ്കിലും പറഞ്ഞ് കൂടെ നിനക്ക്?? ”
അവർ ആതിരയെ നോക്കി പറഞ്ഞു
അവൾ പക്ഷെ ഇപ്പഴും അതേ പോലെ തന്നെ എന്നെ നോക്കി നിക്കുവാണ്
“താങ്ക്സ് ചേട്ടാ”
ശ്രീദേവി പറഞ്ഞു
ഞാൻ അവളെ നോക്കി ഒന്ന് ചിരിച്ചു
കൂടി നിന്ന ആളുകൾ ഒക്കെ അവരവരുടെ വഴിക്ക് പോയി തുടങ്ങി , ഞാൻ എന്റെ ബാഗ് കൊടുത്ത ആളുടെ കയ്യിൽ നിന്നും ബാഗ് വാങ്ങി ദേവി ചിറ്റയെ നോക്കി ഒന്ന് ചിരിച്ചു കാണിച്ചിട്ടു പതിയെ നടന്നു
“പോട്ടെ..”
” അതേ… മോൻ വാടകയ്ക് ആണോ? താമസിക്കുന്നെ..”
“അതേ… മാസം 3000 രൂപ ”
“ശങ്കര…. ശങ്കരാ….ഇയാൾ ഇത് എവിടെ പോയി കിടക്കുവാ എഡോ ശങ്കരാ”
അവർ ആരെയോ തിരക്കുന്ന പോലെ ചുറ്റും നോക്കി വിളിച്ചു
പെട്ടെന്ന് ഒരാൾ ഓടി അവിടേക്ക് വന്നു
“ശങ്കരൻ ചേട്ടൻ….” എന്റെ നാവിൽ ആ പേര് വന്നു
പുള്ളി ഓടി വന്നു എന്നെയും ദേവി ചിറ്റയെയും എല്ലാരെയും ഒക്കെ നോക്കി
“എന്താ….എന്താ പറ്റിയെ??”
“താൻ ഇത് എവിടായിരുന്നു ഇവിടെ നടന്നത് ഒക്കെ അറിഞ്ഞോ താൻ?”
“എന്താ…എന്താ പറ്റിയെ??”
അവർ അവിടെ നടന്നത് ഒക്കെ പുള്ളിക്ക് വിശദീകരിച്ചു കൊടുത്തു
പുള്ളി നടന്നു എന്റെ അടുക്കലേക്ക് വന്നു
“ദേവിയ മോനെ ഇപോ ഇവിടെ എത്തിച്ചത് ”
ഞാൻ പുള്ളിയെ നോക്കി ഒന്നു ചിരിക്കുക മാത്രം ചെയ്തു .
“പിന്നെ നീ ഇനി വാടക ക്ക് ഒന്നും നിക്കണ്ട നമ്മുട ഗസ്റ്റ് house ഉണ്ട് അവിടെ താമസിക്കാം, ശങ്കര അതിന് എന്താ വേണ്ടത് ന്ന് വച്ച ചെയ്യുക ”
ദേവി ചിറ്റ പറഞ്ഞു
“വേണ്ട ചേച്ചി..അതിന്റെ ആവശ്യം ഇല്ല”
“വേണം … ശങ്കര എന്താ ന്ന് വച്ച ചെയ്യുക അതിന്”
“ഞാൻ സീരീയ്‌സ് ആയി പറഞ്ഞതാണ് വേണ്ട ചേച്ചി ”
ഞാൻ ആതിര യെ നോക്കി അവൾ അതേ ഭാവത്തിൽ നിൽക്കുകയാണ്
“ഞാൻ പോകുവാ… ഞാൻ നിങ്ങളുടെ ഷോപ്പ് ലെ വെറും ഒരു സ്റ്റാഫ് ആണ് ഇപോ ഒരു തെറ്റ് കണ്ടപ്പോ പ്രതികരിച്ചു അത്രേ ഉള്ളൂ അത് അങ്ങനെ കണ്ട മതി ഇപോ ഇവർ അല്ല വേറെ ആരെങ്കിലും ആണേൽ കൂടെ ഞാൻ ഇത് തന്നെ ചെയ്തേനെ. നല്ല വാക്കുകൾ ക്ക് നന്ദി എനിക്ക് അത് മതി. പോട്ടെ..”
ഞാൻ അതും പറഞ്ഞു റോഡ് ലക്ഷ്യമാക്കി നടന്നു
അങ്ങനെ ഒക്കെ പറഞ്ഞു എങ്കിലും എന്റെ അമ്മുന്റെ കയ്യിൽ കേറി പിടിച്ച അവന്റെ കൈ വെട്ടി എടുക്കാൻ ആണ് എനിക്ക് ആദ്യം തോന്നിയത് എന്നതാണ് സത്യം… ആ വീട്ടിലേക്ക് ഒരു തിരിച്ചു പോക്ക് എന്നെകൊണ്ട് … എന്നെ കൊണ്ട് ആവില്ല അതിന് .
അതാണ് അവർ പറഞ്ഞത് ഞാൻ നിരസിച്ചത്.. എനിക്ക് ഒന്നും വേണ്ട എത്ര നാൾക്ക് ന്ന് അറിയില്ല അവളെ ഇങ്ങനെ ദിവസവും കണ്ടുകൊണ്ട് ഇരിക്കാല്ലോ അത് മതി… അത് മതി എനിക്ക്…
ഓരോന്ന് ആലോചിച്ചു ഞാൻ നടന്നു റോഡിന് സൈഡിലേക്ക് കയറി
“അച്ചുവേട്ട………..”
ഉച്ചത്തിലുള്ള അമ്മുവിന്റെ വിളി കേട്ട് ഞാൻ ഞെട്ടി തിരിഞ്ഞു നിന്നു ,, എന്റെ ഹൃദയം നിലച്ചു പോയി…
നോക്കുമ്പോൾ കരഞ്ഞു കൊണ്ട് എന്റെ നേർക്ക് ഓടി വരുന്ന ആതിര…. അല്ല എന്റെ അമ്മു…
അവിടെ നിന്നവർ എല്ലാം അന്തം വിട്ട് അവളെ നോക്കി നിൽക്കുന്നു..
ഓടി വന്നു അവൾ കരഞ്ഞു കൊണ്ട് എന്റെ നെഞ്ചിലേക്ക് വീണു..
എന്ത് ചെയ്യണം എന്നറിയാതെ സ്തബ്ധനായി ഞാൻ നിന്നു പോയി.
(തുടരും)
00cookie-checkഎന്റെ കണ്ണൊക്കെ നിറഞ്ഞു Part 2