മൂക്കുത്തിയിട്ട കാന്താരി

മൂക്കുത്തിയിട്ട കാന്താരി
Mookkuthiyitta kaanthari Author : നിരഞ്ജൻ എസ് കെ

ഗ്ലാസിൽ ബാക്കിയുള്ള അവസാന തുള്ളിയും വായിലേക്ക് കമഴ്ത്തി കണ്ണൻ പിറകിലേക്ക് ചാഞ്ഞു…

ഫോൺ റിംഗ് ചെയ്തതും ഉറക്കത്തിലെന്ന പോലെ ഞെട്ടി

ഹലോ..

ഡാ കണ്ണാ നീയെവിടെയാ..

ഞാൻ ഇവിടെ….
കണ്ണന്റെ നാക്ക് കുഴഞ്ഞു..

നീ കള്ളുകുടിച്ചു ചാകാൻ നടക്കുകയാണോടാ എവിടെയാ ഉള്ളത് എന്ന് പറയെടാ പന്നി…

ഞാൻ മാഹിയിൽ ഉണ്ട് മച്ചാനെ നീ ഇങ്ങോട്ട് വാ
എനിക്ക് വണ്ടിയെടുക്കാൻ കഴിയുമെന്ന് തോന്നുന്നില്ല…

നീ കുടിച്ചു കുടിച്ച് ചാക്
എന്തിന് വേണ്ടിയാണെടാ നീ…. ശരി നീ അവിടെ തന്നെ നിൽക്ക് ഞാൻ ഒരു അരമണിക്കൂർ കൊണ്ട് എത്താം…

അഭി ഫോൺ കട്ട്‌ ചെയ്തതും കണ്ണൻ
ഫോണിലേക്ക് നോക്കി

അഭി തന്റെ പ്രിയപ്പെട്ട കൂട്ടുകാരൻ ഒന്നാം ക്ലാസ്സുമുതൽ ഒന്നിച്ചു പഠിച്ചു കളിച്ചു വളർന്നവർ എന്തിനും ഏതിനും തന്നോടൊപ്പം നിൽക്കുന്നവൻ …..

സ്റ്റെപ്പുകളിറങ്ങി വേച്ചു കൊണ്ട് മയ്യഴിപ്പുഴയുടെ തീരങ്ങളിലേക്ക് നടന്നു
കണ്ണൻ

മനസ്സ് പഴയകാലങ്ങളിലേക്ക് ഓടി കണ്ണ് ഈറനണിഞ്ഞു

മൊബൈൽ ശബ്ദിച്ചതും
കണ്ണൻ അറ്റൻഡ് ചെയ്തു

ഡാ ഞാൻ പാർക്കിന്റെ ഇങ്ങേയറ്റത്തുണ്ട് നീ ഇങ്ങോട്ട് വാ…

തലയും താഴ്ത്തി ഇരിക്കുന്ന കണ്ണനെ കണ്ടതും അഭി പൊട്ടിത്തെറിച്ചു

എന്താടാ മൈ @%&*$
നീ കള്ളും കുടിച്ച് നടന്ന്
ജീവിതം നശിപ്പിക്കുകയാണോ
അവന്റെയൊരു കോപ്പിലെ പ്രേമനൈരാശ്യം

നിനക്കറിയില്ലേടാ എന്നെ
രണ്ടീസം കഴിഞ്ഞാൽ അവളുടെ കല്യാണാ….
അവളില്ലാതെ
പറ്റുന്നില്ലെടാ എനിക്ക്..

എന്തിനാടാ ഇങ്ങനെ നീ…
പോട്ടെടാ നീ ഇങ്ങനെ കൊച്ചുപിള്ളേരെ പോലെ
വിട് മച്ചാനെ അത്….

എങ്ങനെയാട എന്റെ ലച്ചൂനെ ഞാൻ മറക്കേണ്ടത്…
9കൊല്ലമായി ഈ നെഞ്ചിൽ കൊണ്ട് നടക്കുന്നെയാ അവളെ…

പോട്ടെടാ അവൾക്ക് തോന്നിയില്ലല്ലോ ഇങ്ങനെ ഒന്നും വീട്ടിൽ നിർബന്ധിച്ചപ്പോ അവള് വേറൊരു കല്യാണത്തിന് സമ്മതിച്ചില്ലേ പിന്നെ നീ മാത്രം എന്തിനാ ഇങ്ങനെ നശിക്കുന്നെ

ഇല്ലെടാ അവളെ ഞാനൊരിക്കലും കുറ്റം പറയില്ല നല്ല കുട്ടിയാ അവള് വളർത്തി വലുതാക്കിയ അവളുടെ അമ്മയെ അവൾക്ക് ധിക്കരിക്കാൻ തോന്നിയിട്ടില്ല പിന്നെ കുറെയൊക്കെ എന്റെ ഭാഗത്തും ഇല്ലേ തെറ്റ്‌…

എന്റെ പൊന്നു മച്ചാനെ നീയത് വിട്ടേ അവൻ സെന്റിയടിച്ചു വിരഹകാമുകനാകാൻ നടക്കുന്നു….

ഡാ അഭി എനിക്കവളെ അവസാനമായി ഒന്ന് കാണണം എന്റേതെന്നു ഞാൻ കരുതിയ അവൾ മറ്റൊരുത്തന് സ്വന്തമാക്കുന്നത്

അത് വേണോടാ…

വേണം പോകണം അവളുടെ കല്യാണത്തിന്

മറ്റന്നാൾ അല്ലേ നമുക്ക് നോക്കാം

വാ നമുക്ക് ഇപ്പൊ വീട്ടിലേക്ക് പോകാം

കണ്ണനെയും കൂട്ടി അഭി ബൈക്കുമെടുത്തു തലശ്ശേരിക്ക് കുതിച്ചു

വീട്ടിൽ നിന്നും അമ്മയുടെ സംസാരം കണ്ണന്റെ കണ്ണു നനച്ചു

എന്തിനാ മോനെ നീയിങ്ങനെ നടക്കുന്നെ
അവളെക്കാൾ നല്ലൊരു കുട്ടിയെ മോന് അമ്മ കാണിച്ചു തരും

എല്ലാം അമ്മയ്ക്ക് അറിയാവുന്നത് അല്ലേ അമ്മേ …

പോട്ടെടാ നീയിങ്ങനെ നടക്കുന്നത് കണ്ട് അച്ഛനൊക്കെ എത്ര സങ്കടം ഉണ്ടെന്നോ

മറുപടി ഇല്ലായിരുന്നു കണ്ണന്

എന്തിനാ ഏട്ടാ ഇങ്ങനെ
സ്വയം നശിക്കുന്നെ അവള് പോട്ടെ
അച്ഛൻ പോയി ചോദിച്ചതല്ലേ
അവര് കെട്ടിച്ചു തരില്ല എന്ന് പറഞോണ്ടല്ലേ
ഏട്ടനെ കെട്ടാൻ ഉള്ള യോഗം അവൾക്കില്ല
ഏട്ടൻ എല്ലാം മറന്നേക്ക്
ഏട്ടൻ ഇങ്ങനെ കുടിച്ച് നശിക്കരുത്

അമ്മയുടെയും അനിയത്തിയുടെയും
മുന്നിൽ മൗനം വരിക്കാനേ
കണ്ണന് കഴിഞ്ഞുള്ളു
വിഷാദഭാവത്തിലിരിക്കുന്ന
അച്ഛന്റെ മുഖത്തേക്ക് നോക്കി
കണ്ണൻ തന്റെ മുറിയിലേക്ക് കേറി
ഉറങ്ങാൻ കിടക്കുമ്പോഴും

ലക്ഷ്മിയുടെ കണ്ണ് കലങ്ങിയ മുഖമായിരുന്നു
കണ്ണന്റെ മനസ്സിലേക്ക് ഓടിയെത്തിയത്
തന്റെ സ്വന്തമെന്നപോലെ
കൊണ്ട് നടന്നവൾ മറ്റൊരുത്തന്
സ്വന്തമാകാൻ പോകുന്നു
എന്നറിഞ്ഞപ്പോൾ മുതൽ ആണ് എല്ലാം മറക്കാൻ മദ്യത്തിൽ അഭയം തേടിയത്…

8 ക്ലാസ്സിൽ പുതിയ സ്കൂളിലേക്ക്
ചേർന്നപ്പോളാണ്
ലക്ഷ്മിയെ ആദ്യമായി കണ്ടത്

*****

പുതിയ സ്കൂളും
അപരിചിതരായ ആൾക്കാരും
നന്നേ മുഷിഞ്ഞു ഇരിക്കുന്നതിന്
ഇടയിൽ
കണക്ക് ടീച്ചർ ക്ലാസ്സെടുത്തു
കൊണ്ടിരിക്കുമ്പോഴാണ് കണ്ണൻ ആദ്യമായി അവളെ
ശ്രദ്ധിച്ചത്….

രണ്ടാമത്തെ ബെഞ്ചിൽ അടങ്ങിയൊതുങ്ങി ക്ലാസ്സിൽ ശ്രദ്ധിച്ചിരിക്കുന്ന ഒരു പാവം കുട്ടി അതിലേറെ അവനിൽ കൗതുകമുണർത്തിയത് വെള്ളക്കല്ലു പതിച്ച ആ
മൂക്കുത്തി ആയിരുന്നു

കണ്ണാ….
ടീച്ചറുടെ വിളികേട്ടാണ് കണ്ണൻ ഞെട്ടിയത്

എവിടെയാ കണ്ണാ ക്ലാസ്സെടുക്കുമ്പോൾ ശ്രദ്ധിക്കുന്നത്

അത് ടീച്ചർ മൂക്കുത്തി…

ഒരു കൂട്ടച്ചിരിയായിരുന്നു ക്ലാസ്സിൽ

എല്ലാരുടെയും മുഖം അവളിലേക്ക് തിരിഞ്ഞതും കണ്ണനെ അവൾ രൂക്ഷമായൊന്ന് നോക്കി

സൈലെൻസ്…
ക്ലാസ്സ്‌ നിശബ്ദമായി

ഞാനിവിടെ തൊണ്ടകീറി ക്ലാസ്സെടുത്തു കൊണ്ടിരിക്കുമ്പോൾ നീയവിടെ മൂക്കുത്തി നോക്കിയിരിക്കുകയാണോ……

അത് ടീച്ചർ ഞാൻ……

മ്മ്മ് ഇരിക്കവിടെ…

ഇന്റർവെല്ലിനുള്ള
ബെല്ലടിച്ചതും
എല്ലാരും പുറത്തേക്ക് പോയി

തിരിച്ചു വരുന്ന വഴിയിൽ രൗദ്ര ഭാവത്തിൽ നിൽക്കുന്ന അവളെ കണ്ടതും കണ്ണന്റെ മനസ്സ് ഒന്ന് പിടച്ചു

കണ്ണൻ അടുത്തെത്തിയതും അവൾ ചോദിച്ചു

താനെന്തിനാ എന്നെ തന്നെ നോക്കിയിരിക്കുന്നത്

അത് പിന്നെ ഞാൻ മൂക്കുത്തി കണ്ടിട്ട് നോക്കിയതാ….

മ്മ്മ് ഇനി അങ്ങനെ നോക്കണ്ടാട്ടൊ….

തിരിഞ്ഞു നടക്കാനൊരുങ്ങിയ അവളെ അവൻ വിളിച്ചു

അതേയ്….

എന്താ…..

ഞാനാ മൂക്കുത്തിയിൽ ഒന്ന് തൊട്ടോട്ടെ….

ലക്ഷ്മിയുടെ ദഹിപ്പിക്കുന്ന നോട്ടത്തിൽ
കണ്ണൻ ഒന്ന് പകച്ചു

ദേ കണ്ണാ എന്നെ ശല്യം ചെയ്യാൻ വന്നാൽ ഞാൻ ടീച്ചറോട് പറയും കേട്ടോ…

ലക്ഷ്മി നീ വന്നേ..
കൂട്ടുകാരി അവളെ വിളിച്ചു

എന്തിനാടാ നീ അവളോട്‌ അങ്ങനെ ചോദിക്കാൻ പോയെ
അഭിയുടെത് ആയിരുന്നു ചോദ്യം..

അഭി അവള് ടീച്ചറോട് പറയുമോ ഞാൻ എനിക്ക് തോന്നിയത് പറഞ്ഞതാടാ…

പറഞ്ഞാൽ നിന്റെ കാര്യം പോക്കാപ്പാ..

നീ വെറുതെ പേടിപ്പിക്കല്ലേ എന്നെ…

അന്നത്തെ സംഭവം ടീച്ചറോട് പറയാത്തതും വഴക്കിൽ കൂടെയുള്ള സൗഹൃദം അവരെ മറ്റുള്ളവരെക്കാൾ കൂടുതൽ അടുപ്പിച്ചു

വർഷം ഒന്ന് കടന്നു പോയത്‌ അറിഞ്ഞതേയില്ല ഇടയ്ക്ക് വച്ചുള്ള യുവജനോത്സവത്തിൽ ശല്യം ചെയ്യാൻ വന്നവരെ കണ്ണൻ ഇടപെട്ട് ഒഴിവാക്കിയതോടെ അവർക്കിടയിലുള്ള ബന്ധം ദൃഢമായി കോളുകളും മെസ്സേജുകളും നീണ്ടു
അധ്യായന വര്ഷത്തിന്റെ അവസാന നാളുകളിലേക്ക് നീങ്ങി..

ലെച്ചു ഇനിയെങ്ങനെയാ
നമ്മൾ കാണുക…

രണ്ടുമാസം അല്ലേ കണ്ണാ അത് പെട്ടന്ന് പോകില്ലേ…

മ്മ്
കണ്ണൻ അവളെ നോക്കി ഒന്ന് നെടുവീർപ്പിട്ടു..

ലെച്ചു എനിക്ക് ഒരു കാര്യം പറയാനുണ്ട്….

എന്താ..

അത് പിന്നെ….

കണ്ണൻ അപ്പുറത്ത് നിന്നും ഒളിഞ്ഞു നോക്കുന്ന അഭിയെ ഒളികണ്ണിട്ട് ഒന്ന് നോക്കി

എന്താ കണ്ണാ…

അത് പിന്നെ..
ലച്ചു എനിക്ക് നിന്നെ ഇഷ്ടാണ് ഞാൻ കുറെയായി പറയണം എന്ന് കരുതിയതാണ്….
ഒറ്റ ശ്വാസത്തിൽ പറഞ്ഞു കണ്ണൻ ലച്ചുവിന്റെ മുഖത്തേക്ക് നോക്കി…

ഭാവവ്യത്യാസം ഒന്നുമില്ലാതെ നിൽക്കുന്ന ലച്ചുവിന്റെ മുഖത്ത് നോക്കാൻ കണ്ണൻ മടിച്ചു

എനിക്ക് അറിയായിരുന്നു കണ്ണാ നിനക്ക് എന്നെ ഇഷ്ടമാണ് എന്ന് നിന്റെ വായിൽ നിന്നും കേൾക്കാൻ കാത്തിരിക്കുകയായിരുന്നു ഞാൻ…

അത്ഭുതത്തോടെ ലച്ചുവിനെ നോക്കിയ കണ്ണൻ ചോദിച്ചു…

സത്യാണോ ലച്ചു…

അതെ….

പിന്നീടങ്ങോട്ടുള്ള നാളുകൾ ട്യൂഷൻ ക്‌ളാസുകളിലും തലശ്ശേരി ബസ് സ്റ്റാന്റുകളിലും ഉള്ള പ്രണയ നാളുകൾ 2മാസം കടന്ന് പോയത്‌ നിമിഷങ്ങൾ പോലെ

************

അവസാന വർഷത്തിലെ സ്കൂളിലെ യുവജനോത്സവത്തിനു കണ്ണൻ തനിക്കു നൽകിയ മാലയുമിട്ട് പോകാൻ ഒരുങ്ങുമ്പോഴായിരുന്നു അമ്മയുടെ ചോദ്യം

ലക്ഷ്മി.
ഏതാ ഈ മാല…

അത് അമ്മേ ഞാൻ വാങ്ങിയതാണ്…..

ഇത്രേം നല്ല മാല വാങ്ങാൻ
നിനക്ക് എവിടെ നിന്നാണ് പൈസ …

അത് അമ്മ തരുന്ന പൈസയിൽ നിന്നും ഞാൻ കുറച്ചു കുറച്ചു മാറ്റി വച്ച് ഞാൻ വാങ്ങിയതാണ്…

മ്മ്

അമ്മയുടെ സംശയ ദൃഷ്ടിയിൽ നിന്നും ഒഴിവായ ലച്ചു വീട്ടിൽ നിന്നും സ്കൂളിലേക്ക് ഇറങ്ങി

സ്കൂളിന് മുന്നിലെത്തിയതും തന്നെ കാത്തു നിൽക്കുന്ന കണ്ണനെ കണ്ടു..

ഞാൻ വിചാരിച്ചു നീയിത് ഇട്ടിട്ടു വരില്ല എന്ന്….

കണ്ണന്റെ ചോദ്യം കേട്ടതും ലക്ഷ്മി തുടർന്നു…

അമ്മയുടെ മുന്നിൽ നിന്നും ഞാൻ എങ്ങിനെയാ തടിയൂരിയത് എന്ന് എനിക്കേ അറിയുള്ളു…

എന്ത് പറ്റി ലച്ചു…

അമ്മ സംശയത്തോടെ ആണ് ചോദിച്ചത് ഈ മാല എവിടെ നിന്നാണെന്ന് ഞാൻ ഒന്ന് പകച്ചു തരുന്ന പൈസ മാറ്റിവച്ചു വാങ്ങിയതാണെന്ന് ഒരുവിധം പറഞ്ഞൊപ്പിച്ചു…

നന്നായി…..

കണ്ണനോടുള്ള ഇഷ്ടക്കൂടുതലോ
എന്തോ അന്നത്തെ ദിവസം മുഴുവൻ കണ്ണന്റെ കൂടെ ചിലവഴിച്ചു ..

കണ്ണന്റെ കൈപിടിച്ചു കൊണ്ട് ബസ് സ്റ്റാന്റിലെത്തി സ്റ്റാൻഡിൽ നിന്നും ബസ് കേറാൻ നോക്കുന്നേരം തന്നെ മാത്രം ശ്രദിച്ചിരിക്കുന്ന ആ കണ്ണുകൾ അവളിൽ ഉടക്കി

അത് കണ്ടതും ലക്ഷ്മി ഒന്ന് ഞെട്ടി…

കണ്ണാ കൈ വിട്…

എന്താ ലച്ചു…

തന്റടുത്തേക്ക് നടന്നു വരുന്ന
വല്യച്ഛന്റെ മോൻ കുട്ടേട്ടനെ കണ്ട്
ലക്ഷ്മിയുടെ കാലുകൾ വിറച്ചു

അടുത്തെത്തിയതും കുട്ടൻ പറഞ്ഞു..

ലക്ഷ്മി ബസിന് പോകേണ്ട..
എന്റടുത്തു വണ്ടിയുണ്ട് അതിൽ പോര് …

വേണ്ട ഏട്ടാ ഞാൻ ബസിന് വന്നോളാം…

ഞാൻ വീട്ടിലേക്ക് ആണെടി ഇവിടെ ഒരു കൂട്ടുകാരനെ കാണാൻ കേറിയതാ …

ഏട്ടനൊപ്പം വണ്ടിയിലേക്ക് കേറുമ്പോൾ മനസ്സിൽ മുഴുവൻ കണ്ണനും താനും കയ്യിൽ പിടിച്ചു കൊണ്ട് വരുന്നത് ഏട്ടൻ കണ്ടുകാണുമോ എന്ന ഭയമായിരുന്നു മനസ്സ് മുഴുവനും..

ടൗൺ വിട്ടതും
ഏട്ടന്റെ ചോദ്യം കേട്ടതും ലക്ഷ്മി ഞെട്ടി

റേഡിയോ തുറന്നു വച്ചത് പോലെ സംസാരിക്കുന്നതാണല്ലോ ലക്ഷ്മിയെ നീ എന്താ മിണ്ടാതിരുക്കുന്നെ….

ഒന്നുല്ല ഏട്ടാ…
സ്കൂളിൽ യുവജനോത്സവം അല്ലേ ഒച്ചയെടുത്തിട്ട് തലവേദനയാകുന്നു…

മ്മ്മ്
എന്തിനാ ഇങ്ങനെ ഒച്ചയെടുക്കാൻ പോയത്‌

അത് വെറുതെ ഒരു രസത്തിനാണപ്പാ…. .

ആയിക്കോട്ടപ്പാ….
ആട്ടെ ഏതാ നിന്റെ കയ്യിൽ പിടിച്ചത് കണ്ട ആ ചെക്കൻ….

ലക്ഷ്മി ഒന്ന് പകച്ചു പ്രതീക്ഷിച്ചതു പോലെ തന്നെയുള്ള ചോദ്യം ഏട്ടനിൽ നിന്നും വന്നപ്പോൾ മറുപടിക്കായി അവൾ പരതി

അത് ഏട്ടാ….

അത് … ഏട്ടാ
അവൻ എന്റെ കൂടെ പഠിക്കുന്ന
കുട്ടിയാ ഏട്ടാ

ലക്ഷ്മി..
കൂടെ പഠിക്കുന്നത് ആണെങ്കിലും
ഇങ്ങനെ കയ്യിലൊക്കെ കേറി പിടിക്കാൻ
സമ്മതിക്കരുത്

അത് ഏട്ടാ അവനെന്റെ ബെസ്റ്റ് ഫ്രണ്ട് ആണ്
ഞങ്ങൾ ഓരോ തമാശയൊക്കെ
പറഞ്ഞു വന്നപ്പോൾ…..

ലക്ഷ്മി നീ പഴയത് പോലെ
കൊച്ചു കുട്ടിയൊന്നുമല്ല
നിന്റെ ഫ്രണ്ട് ആയിരിക്കാം അവൻ
പക്ഷേ ആരെങ്കിലും കണ്ടാൽ പിന്നെ അത് മതി
ഓരോന്ന് പറഞ്ഞുണ്ടാക്കാൻ

ഇല്ലപ്പാ ഇനി അങ്ങനെ ഒന്നും ഉണ്ടാവില്ല….

പറഞ്ഞ കാര്യം ഏട്ടൻ വിശ്വസിച്ചു
എന്ന് തോന്നിയ ലക്ഷ്മി
ഒന്ന് നെടുവീർപ്പിട്ടു

വീട്ടിലെത്തിയതും കുട്ടൻ
ലക്ഷ്മിയുടെ അമ്മയെ വിളിച്ചു…

ആ കുട്ടനോ…
നീ എത്രയായപ്പാ ഇങ്ങോട്ട് വന്നിട്ട്
നീ ഇരിക്ക് ഞാൻ ചായ എടുക്കാം

ചായ ഒന്നും വേണ്ടപ്പാ…..
ലക്ഷ്മിയെ സ്റ്റാൻഡിൽ വച്ചു കണ്ടപ്പോ
അവളെ വണ്ടിയിൽ ഇങ്ങ് കൂട്ടി
പോകുന്ന വഴിക്ക് കേറിയതാ
പിന്നെ ഒരു കാര്യം പറയാനും ഉണ്ട്..

എന്താ .. കുട്ടാ…

ചെറിയമ്മ ലക്ഷ്മിയെ വഴക്കൊന്നും പറയേണ്ട
ഒന്ന് പറഞ്ഞു മനസ്സിലാക്കി കൊടുത്താൽ മതി

നീ കാര്യം എന്താണെന്നു പറയപ്പാ…

സ്റ്റാൻഡിൽ വച്ച് അവളെ കണ്ടപ്പോൾ
അവളുടെ കൂടെ ഒരു പയ്യൻ ഉണ്ടായിരുന്നു
കയ്യ് പിടിച്ചു നടന്നു വരുന്നതാണ് കണ്ടത്
അവളുടെ ഫ്രണ്ട് ആണെന്നാണ്
അവൾ പറഞ്ഞത് ഫ്രണ്ട് ഒന്നുമല്ല
എന്നെനിക്ക് മനസ്സിലായി ച
െറിയമ്മ അവളെ ഒന്ന് പറഞ്ഞു
മനസ്സിലാക്കി കൊടുത്തേക്കു..

കുട്ടൻ പോയതും ലക്ഷ്മിയുടെ അമ്മ ആലോചനയിൽ മുഴുകി..
രാത്രി ഉറങ്ങാൻ പോകുന്ന ലക്ഷ്മിയെ വിളിച്ചു…

ലക്ഷ്മി ഇങ്ങോട്ട് വന്നേ…

എന്താ അമ്മേ….

നീ ആ മാല എവിടുന്നാ വാങ്ങിച്ചത് എന്ന് പറഞ്ഞത്…

അത്…. സ്കൂളിനടുത് നിന്നും…

മ്മ്മ് നിന്റെ കൂടെ ഇന്ന് ഉണ്ടായിരുന്ന ആ ചെക്കൻ ഏതാ

അത് അമ്മേ…

മോളെ മനസ്സിൽ വേണ്ടാത്തത്
എന്തെങ്കിലും ഉണ്ടെങ്കിൽ
ഇപ്പൊ തന്നെ എടുത്ത് കളഞ്ഞേക്ക്
നിന്നെയും നന്ദുവിനെയും
വളർത്താൻ അമ്മ എത്രത്തോളം കഷ്ടപ്പെടുന്നുണ്ട് എന്ന്
നിനക്ക് അറിയാലോ…M

ഒരു ചീത്തപ്പേര് പോലും
ഉണ്ടാക്കരുത് മോള്

ലക്ഷ്മി തലയും താഴ്ത്തി ഇരുന്നു

ഈ പ്രായത്തിൽ ഇങ്ങനെ
ഒക്കെ തോന്നും
അങ്ങനെ ഒന്നും നമുക്ക്
വേണ്ട മോളെ….
ആ മാല അത് അവൻ തന്നതാണ്
എന്നെനിക്ക് മനസ്സിലായി
ഏതൊരു മക്കളുടെയും മാറ്റം
ഏതൊരു അമ്മയ്ക്കും
പെട്ടന്ന് മനസ്സിലാകും
വഴക്ക് ഒന്നും ഞാൻ പറയുന്നില്ല
നാളെത്തന്നെ മോള്
അവൻ തന്ന ആ മാലയും ഒക്കെയും
തിരിച്ചു കൊടുത്തേക്ക്
എല്ലാം മനസ്സിൽ നിന്ന് എടുത്ത്‌ കളഞ്ഞേക്ക് …

ഉറങ്ങാൻ കിടക്കുമ്പോൾ
ചിരിച്ചു നിൽക്കുന്ന കണ്ണന്റെ മുഖവും കണ്ണു കലങ്ങിയ അമ്മയുടെ മുഖവും ലക്ഷ്മിയുടെ മനസ്സിലേക്ക് മാറി മാറി വന്നു…

********

കണ്ണാ…
നീ എനിക്ക് തന്ന എല്ലാം ഇതിലുണ്ട്
നമുക്ക് എല്ലാം ഇവിടെ വച്ച് അവസാനിപ്പിക്കാം

ലച്ചു നീ എന്താ ഈ പറയുന്നേ….

വേണ്ട കണ്ണാ എന്റെ അമ്മയെ
സങ്കടപെടുത്താൻ എനിക്ക് പറ്റില്ല
കഴിഞ്ഞ ദിവസം നടന്ന കാര്യങ്ങൾ മുഴുവൻ അവനോട് വിവരിച്ചു

കണ്ണന് എന്നും ലച്ചൂനെ ഇഷ്ടായിരിക്കും പ്രായത്തിന്റെ ആണെന്നല്ലേ നിന്റെ അമ്മ പറഞ്ഞത് നിന്റെ കല്യാണപ്രായം ആവുമ്പോഴേക്ക് കണ്ണൻ നിന്റെ വീട്ടിൽ വരും…

വേണ്ട കണ്ണാ ഞാൻ എല്ലാം ഇന്നത്തോടെ ഇവിടെ അവസാനിപ്പിക്കുകയാണ്

നടന്നകലുന്ന ലക്ഷ്മിയെ കണ്ണൻ നിറകണ്ണുകളോടെ നോക്കി
സ്കൂൾ ജീവിതം അവസാനിച്ചതും
ലക്ഷ്മിക്ക് അഡ്മിഷൻ കിട്ടിയ
അതെ കോളേജിൽ തന്നെ കണ്ണൻ
അഡ്മിഷൻ വാങ്ങിപ്പിച്ചതും
ലച്ചുവിനെ കാണണം എന്നുള്ള
ലക്ഷ്യത്തോടെ ആയിരുന്നു

ഒന്നര വർഷത്തോളം പരസ്പരം
ഒന്ന് മിണ്ടുകയും കൂടെ ചെയ്തില്ലെങ്കിലും
കണ്ണൻ തന്നോട് കാണിക്കുന്ന സ്നേഹം കണ്ടില്ലെന്നു നടിക്കാൻ ലച്ചുവിന് സാധ്യമായിരുന്നില്ല…
പ്ലസ്‌ ടു അധ്യയനവര്ഷത്തിലെ
ഇടയ്ക്ക് വച്ച് തന്റടുത്തു മോശമായി പെരുമാറാൻ ശ്രമിച്ചവനെ
കണ്ണൻ തല്ലി എന്നറിഞ്ഞപ്പോൾ
മിണ്ടാതിരിക്കാൻ കഴിഞ്ഞില്ല അവൾക്കു

എന്തിനാപ്പാ എനിക്ക് വേണ്ടി വെറുതെ
പ്രശ്നം ഉണ്ടാക്കുന്നത്…..

പിന്നെ ഇന്റടുത്തു മോശമായി
പെരുമാറാൻ നോക്കിയവനെ ഞാൻ ഒന്നും ചെയ്യേണ്ടതായിരുന്നു
എന്നാണോ പറയുന്നത്

എന്തിനാ കണ്ണാ നീ എന്നെ ഇങ്ങനെ സ്നേഹിക്കുന്നെ..
വെറുതെ എന്തിനാ

വെറുതെയാവില്ല എന്നെനിക്ക്
ഉറപ്പുണ്ട് ലെച്ചു…

വേണ്ട കണ്ണാ…
കണ്ണനെ എനിക്ക് ഇഷ്ടം ഒക്കെ തന്നെയാണ് പക്ഷെ ഒരു പ്രതീക്ഷ തരാൻ ഞാനില്ല ഒരിക്കലും നടക്കില്ല നമ്മുടെ കാര്യം….

ലച്ചു എനിക്ക് അത് കേട്ടാൽ മതി
ഇഷ്ടമാണല്ലോ എന്നെ അത് മതി എനിക്ക്

പകുതിയിൽ വച്ചു ഉപേക്ഷിച്ച പ്രണയം വീണ്ടും പൂത്തുലയാൻ അധികം സമയം വേണ്ടി വന്നില്ല മാസങ്ങൾ കടന്നു പൊയ്ക്കൊണ്ടിരുന്നു

ക്ലാസ്സ്‌ കഴിഞ്ഞു സ്റ്റാൻഡിലേക്ക് നടക്കുന്നതിനിടയിൽ ലച്ചു ചോദിച്ചു

എങ്ങനെയാ കണ്ണാ എന്നെ നിനക്ക് ഇഷ്ടായെ…

അതോ നിന്റെ മൂക്കുത്തിയിട്ട ഈ മുഖം കണ്ടാൽ ആരാടി നിന്നെ ഇഷ്ടപ്പെടാത്തത് കാന്താരി…..

പരസ്പരം ഓരോ കാര്യങ്ങൾ പറഞ്ഞു സ്റ്റാന്റിലെത്തി ലച്ചുവിനെ ബസ് കേറ്റി വിട്ടതും തന്റെ തോളിൽ ഒരു കയ്യ് പതിച്ചതും കണ്ണൻ തിരിഞ്ഞു നോക്കി

ആരാ….

ആരാന്നോക്കെ പിന്നെ പറയാം നീയും ആ പെങ്കൊച്ചും തമ്മിൽ എന്താടാ ബന്ധം…

അത് ചോദിക്കാൻ താനാരാടോ….

ഷർട്ടിന്റെ കോളറിൽ കുത്തി പിടിച്ചു കണ്ണനോട് അവൻ പറഞ്ഞു മേലാൽ അവളെ ഇനി ശല്യം ചെയ്തേക്കരുത്…

ഇതൊക്കെ പറയാൻ താനാരാ …
ലച്ചു എന്റെ പെണ്ണാ
ഞാൻ ഇനിയും അവളോട്‌ സംസാരിക്കും….

കണ്ണനെ കൂട്ടി പിടിച്ചത് കണ്ടതും
കൂടെ പഠിക്കുന്ന കൂട്ടുകാർ അങ്ങോട്ട്‌ ഓടിയെത്തി
കണ്ണന്റെ മറുപടിയിൽ രോഷാകുലനായ
അയാൾ കണ്ണന് നേർക്ക് കയ്യോങ്ങിയതും
ടപ്പേ എന്നൊരു ശബ്ദം കേട്ടു
കണ്ണന്റെ അടുത്ത കൂട്ടുകാരനായ
അഭിയുടെ കയ്യ് അയാളിൽ പതിച്ചതായിരുന്നു അത്
കണ്ണനെ തല്ലാൻ നോക്കിയ ആളെ കൂട്ടുകാർ ചേർന്ന് ശരിക്കും പെരുമാറി

പതിവുപോലെയുള്ള രാത്രിയിലെ ഫോൺ വിളിക്കായി കണ്ണൻ ലച്ചുവിന്റെ no ഡയൽ ചെയ്തു…

ഹലോ….

അപ്പുറത്ത് നിന്നും ലച്ചുവിന്റെ ശബ്ദം ഉയർന്നു….

എവിടെയായിരുന്നു ലച്ചു ഞാൻ എത്ര നേരായി ട്രൈ ചെയ്യുന്നു എന്താ ഫോൺ സ്വിച്ച് ഓഫാക്കി വച്ചത്….

ചോദിച്ചതിനുള്ള മറുപടി ആയിരുന്നില്ല അവളിൽ നിന്നും കിട്ടിയത്

എന്ത് പണിയാ കണ്ണാ നിങ്ങളെല്ലാരും കൂടെ കാണിച്ചത്..

എന്താ ലച്ചു….

നിങ്ങളെല്ലാരും കൂടെ ഇന്ന് ആരെയാ അടിച്ചത് എന്നറിയാമോ….

ഇല്ല എന്തേ…
ആരാ അത്…

എന്റെ ഏട്ടനാണ് അത്….

ലച്ചു എനിക്ക് അറിയില്ലായിരുന്നു….

ഒന്നും പറയേണ്ട …..
ആരും കാണാതെയാണ് ഞാൻ ഫോൺ വിളിക്കുന്നെ
എന്നോടിനി പഠിക്കാൻ പോകേണ്ടെന്ന് പറഞ്ഞു ചിലപ്പോൾ ഇത് നമ്മുടെ അവസാനത്തെ കോൾ ആയിരിക്കും….

എന്താ ലച്ചു നീയീ പറയണേ സത്യായിട്ടും അത് നിന്റെ ഏട്ടനാണെന്ന് എനിക്ക് അറിയില്ലായിരുന്നു…..

എന്നെ ഇവിടെ ഇത്രേം സമയം എല്ലാരും കൂടെ ചോദ്യം ചെയ്യുകയായിരുന്നു
എനിക്ക് എല്ലാം പറയേണ്ടി വന്നു..
കണ്ണാ നീ സൂക്ഷിക്കണം രണ്ടു മൂന്ന് ദിവസത്തേക്ക് കോളേജിൽ പോകേണ്ട ഏട്ടന് അവിടെയുള്ള പിടിപാട് നിനക്കറിയില്ല….

ഇല്ല ലച്ചു ഒന്നും ഉണ്ടാവില്ല
ഞാൻ നിന്റെ ഏട്ടനെ കണ്ടു സോറി പറഞ്ഞോളാം…..

വേണ്ട ഏട്ടന്റെ മുന്നിൽ ഇനി നീ കുറച്ചു ദിവസം പോകേണ്ട ഏട്ടനെ നിനക്ക് അറിയാഞ്ഞിട്ടാണ്…..

ശരി എങ്കിൽ ഞാൻ പോകുന്നില്ല….

ഓക്കേ ഞാൻ ഫോൺ വയ്ക്കുകയാണ് ഇനിയെനിക്ക് ഫോൺ കിട്ടുമോ എന്നൊന്നും അറിയില്ല എന്നെ ഇങ്ങോട്ടേക്കു വിളിക്കേണ്ട പറ്റുവാണേൽ ഞാൻ അങ്ങോട്ട്‌ വിളിക്കാം…

രണ്ടു ദിവസങ്ങൾ കടന്നു പോയതും കണ്ണൻ കോളേജിലേക്ക് തിരിച്ചു.
കോളേജിന് മുന്നിൽ എത്തിയതും പിന്നിൽ നിന്നുള്ള വിളി കേട്ട് കണ്ണൻ തിരിഞ്ഞു നോക്കി.

കണ്ണനല്ലേ….

അതെ… ആരാണ്…

അതൊക്കെ പറയാം ഒന്ന് ഇങ്ങോട്ട് വന്നേ
തിരക്കി വന്നയാൾ കണ്ണന്റെ ഷോൾഡറിൽ കയ്യ് വച്ചു…

ആരാ നിങ്ങള്….
കണ്ണൻ കുതറാൻ ശ്രമിച്ചു.
അടുത്ത കടകളിലായി നിന്നിരുന്ന കുറച്ചു പേർ അവർക്കരുകിലേക്ക് വന്നു…

നീ ഞങ്ങടെ കൂട്ടുകാരന്റെ മേൽ കൈ വയ്ക്കും അല്ലേടാ..
ചോദ്യവും അടിയും ഒന്നിച്ചായിരുന്നു…
പതിനഞ്ചോളം വരുന്ന ചെറുപ്പക്കാരുടെ കരങ്ങൾ കണ്ണനിൽ പതിഞ്ഞു…
പിടിച്ചു വയ്ക്കാനെന്ന പോലെ വന്നവർ അവരുടെ ആക്രോശങ്ങൾക്ക് മുന്നിൽ പാവയെ പോലെ നിന്നു..

കണ്ണനെ പൊതിരെ തല്ലി
പിൻവാങ്ങിയപ്പോൾ അല്ലാതെ
ഒരാൾക്കും അങ്ങോട്ട്‌ അടുക്കാൻ തോന്നിയില്ല

തുടരെയുള്ള റിങ്ങിങ് കേട്ടാണ് കണ്ണൻ ഫോൺ എടുത്തത്..

കണ്ണാ…

ലച്ചുവോ…

അടുത്ത വീട്ടിലെ കുട്ടി പറഞ്ഞാണ് ഞാൻ അറിഞ്ഞത്..
ഞാൻ പറഞ്ഞതല്ലേ നിന്നോട് കുറച്ചു ദിവസം അങ്ങോട്ട്‌ പോകേണ്ട എന്ന്…

എന്റെ ലച്ചു എനിക്ക് അതിന് മാത്രം ഒന്നും പറ്റിയില്ല…

കള്ളം പറയല്ലേ ഇവരൊക്കെ പറഞ്ഞത്
എല്ലാരും നിന്നെ നന്നായി അടിച്ചു എന്നാണല്ലോ…

ആരാ ഇതൊക്കെ നിന്നോട് പറഞ്ഞേ
അവര് എന്റടുത്തു വന്നു രണ്ടടി എന്നെ അടിച്ചു എന്നിട്ട് നിന്നെ ഇനി ശല്യം ചെയ്യരുത് എന്ന് പറഞ്ഞു
അത്രയേ ഉള്ളൂ എനിക്ക് വേറെ കുഴപ്പം ഒന്നുമില്ല…
പിന്നെ ഞാൻ ശല്യം ചെയ്യാൻ ഒന്നും വരില്ല എന്ന് പറഞ്ഞത് കൊണ്ട്
നാളെ മുതൽ നിന്നെ കോളേജിൽ അയക്കും എന്നും പറഞ്ഞു….

സത്യാണോ കണ്ണാ ഈ പറയുന്നതൊക്കെ…

സത്യാ…

രണ്ടു ദിവസത്തിന് ശേഷം
പതിവിൽ നിന്നുള്ള വീട്ടുകാരുടെ മാറ്റവും
കോളേജിൽ പോകാൻ സമ്മതവും കിട്ടിയ ലച്ചു
കോളേജിൽ എത്തിയതും ആദ്യം തിരഞ്ഞത് കണ്ണനെ ആയിരുന്നു
രണ്ടു ദിവസം കഴിഞ്ഞിട്ടും കണ്ണന്റെ ഒരു വിവരവും ഇല്ലാഞ്ഞിട്ട് കണ്ണന്റെ കൂട്ടുകാരനായ അഭിയുടെ ക്ലാസ്സിലേക്ക് നീങ്ങി…

അഭി…

എന്താ ലക്ഷ്മി…

കണ്ണൻ എവിടെ രണ്ടു ദിവസം ആയല്ലോ കോളേജിൽ വരാത്തത് വിളിച്ചിട്ടും കിട്ടുന്നില്ലല്ലോ….

ഓ അപ്പൊ നീ ഒന്നും അറിഞ്ഞില്ലേ…

എന്താ…
എന്നോട് ആരും ഒന്നും പറഞ്ഞിട്ടില്ല

എന്തിനാടീ അവനോട് ഇങ്ങനെ ചെയ്തത്
നിന്നെ ഇഷ്ടപ്പെട്ടതാണോ അവൻ ചെയ്ത തെറ്റ്

ഏന്തൊക്കയാ അഭി നീ പറയുന്നേ ഞാൻ എന്ത് ചെയ്തു എന്നാ
ഏട്ടനെ അടിച്ചത് നിങ്ങളല്ലേ അതിനല്ലേ ഏട്ടൻ അവനെ അടിക്കാൻ വന്നത്….

ഒന്നും അറിയാത്തത് പോലെ നടിക്കുകയാണോ നീ….

ഇല്ല അഭി എനിക്കൊന്നും അറിയില്ല കണ്ണനെ വിളിച്ചപ്പോൾ അന്ന് ഏട്ടൻ അവനെ അടിക്കാൻ നോക്കി എല്ലാം അവര് പറഞ്ഞു തീർത്തു എന്നാണല്ലോ പറഞ്ഞത്…

എന്നാൽ അറിഞ്ഞോ നീ
നിന്റെ ചേട്ടനും ചങ്ങായിമാരും വന്ന് അവനെ അടിച്ചു കയ്ക്ക് പൊട്ടലുണ്ട് വീട്ടിലിരിപ്പാണ്
അവൻ അവന്റെ അച്ഛൻ വന്നു ഇവിടെ
അവനിനി ഇവിടെ പഠിക്കാൻ വരില്ല…

അഭിയുടെ സംസാരം കേട്ടതും ലക്ഷ്മി ഒന്ന് സ്തംഭിച്ചു
ഒന്നും പറയാതെ അവൾ ക്ലാസ്സിൽ നിന്നും പുറത്തേക്കിറങ്ങി
പിന്നിൽ നിന്നും അഭി പറയുന്നത് ഒന്നും അവൾ
കേൾക്കുന്നുണ്ടായിരുന്നില്ല….
താൻ കാരണം കണ്ണന് ഇങ്ങനെ വന്നല്ലോ
എന്ന ചിന്ത മാത്രമായിരുന്നു….

മൂന്നു മാസം കടന്ന് പോയതും ശേഷം പരീക്ഷയ്ക്കായ് കോളേജിലേക്ക് പോയ ലക്ഷ്മി
തന്റെ അടുത്തേക്ക് നടന്നു വരുന്ന കണ്ണനെ കണ്ട്
അവന്റടുത്തേക്ക് നടന്നു

ലച്ചൂ….

എവിടെ ആയിരുന്നു കണ്ണാ നീ
മറന്നോ എന്നെ ഞാൻ എത്ര തവണ വിളിച്ചു
എന്നറിയാമോ ഒരു തരത്തിലും
നിന്നെ പറ്റി അന്വേഷിച്ചിട്ടു ഒന്നും അറിയാൻ കഴിഞ്ഞില്ല
എന്താ നിനക്ക് പറ്റിയെ…
ഒറ്റ വായിൽ കണ്ണനോട് ചോദിച്ചു…

ഞാൻ കോൺടാക്ട് ചെയ്യാഞ്ഞിട്ട്
തന്നെയാണ് ലച്ചൂ…
പരീക്ഷയ്ക്ക് വരുമ്പോൾ നിന്നെ കാണും എന്നെനിക്കു ഉറപ്പായിരുന്നു
അതിന് മുൻപ് ഞാൻ നിന്നെ കണ്ടതോ കോൺടാക്ട് ചെയ്തതോ
നിന്റെ വീട്ടിൽ അറിഞ്ഞാൽ നിന്റെ പഠിത്തം മുടങ്ങും
എന്നെനിക്കു അറിയാമായിരുന്നു
മനഃപൂർവം ഞാൻ തല്കാലം ഒഴിഞ്ഞു മാറിയതാണ്…..

എന്നാലും എന്നോട് ഒന്ന്
പറയാമായിരുന്നില്ലേ ഞാൻ എത്ര സങ്കടപ്പെട്ടു എന്നറിയാമോ…..

ലച്ചൂ നിന്റെ കാര്യം ഒക്കെ ഞാൻ
അഭിയോട് ചോദിച്ചു അറിയുന്നുണ്ടായിരുന്നു….

അഭിയോട് ഒക്കെ ഞാൻ എത്ര ചോദിച്ചു എന്നോ
നിന്നെപ്പറ്റി അവൻ ഒന്നും പറയുന്നില്ലായിരുന്നു….

ഞാനാ അവനോട് പറഞ്ഞത്
ഒന്നും പറയേണ്ട എന്ന്
ഇങ്ങനെ എങ്കിലും നിന്റെ കാര്യം എല്ലാം അറിയാമല്ലോ എന്ന് കരുതി അതാ ഞാൻ…..

വേണ്ട ഒന്നും പറയണ്ട….

ലച്ചൂ ഞാൻ പറയുന്നത് നീയൊന്ന് കേൾക്കു
എന്റെ സിറ്റുവേഷൻ അതായിരുന്നു
വീട്ടിൽ നിന്നും അച്ഛൻ പറഞ്ഞു ഇവിടെ ഇനി പഠിക്കേണ്ട എന്ന്
ധിക്കരിച്ചു ഞാൻ വന്നാൽ പിന്നെ നിന്നെ ഇങ്ങോട്ട് അയക്കുകയും ഇല്ല
അത് കൊണ്ട് ഞാൻ തന്നെ മാറി നിന്നതാണ്
അല്ലാതെ ഞാൻ നിന്നെ മറന്നതൊന്നുമല്ല
എനിക്കങ്ങനെ നിന്നെ മറക്കാനും പറ്റില്ല…

കണ്ണന്റെ സംസാരം കേട്ടതും ലക്ഷ്മിയുടെ കണ്ണുകൾ നിറഞ്ഞു….

അവസാന പരീക്ഷയും കഴിഞ്ഞു കോളേജിന്
പുറത്തു ലച്ചുവിനെയും കാത്തു കണ്ണൻ
നില്പുണ്ടായിരുന്നു….
ലക്ഷ്മി വന്നതും അവർ ഒന്നിച്ചു
ഒരു ഭാഗത്തേക്ക്‌ നടന്നു

ലച്ചൂ എന്താ നിന്റെ അടുത്ത പ്ലാൻ…..

റിസൾട്ട്‌ ഒക്കെ വരട്ടെ എന്നിട്ട് നോക്കാം…

മ്മ്മ്….
പിന്നെ എന്നെ കോൺടാക്ട് ചെയ്യണം
എന്ന് തോന്നുമ്പോൾ
ആരും കാണാതെ ഈ നമ്പറിൽ വിളിച്ചാൽ മതി
ഒരു പേപ്പർ അവൻ അവൾക് നേരെ നീട്ടി

കണ്ണാ ഇനിയെപ്പോഴാ നമ്മള് കാണുന്നെ…

നീ വിളിച്ചാൽ മതി ഞാൻ എപ്പോൾ വേണേലും വരും….

ശരി നീ പൊയ്ക്കോ ലച്ചൂ എന്നാൽ
ആരെങ്കിലും നമ്മളെ കണ്ടു നിന്റെ വീട്ടിൽ അറിഞ്ഞാൽ പിന്നെ അത് മതിയാകും

അവസാനമായി കണ്ണനോട് യാത്ര പറയുമ്പോൾ ലച്ചുവിന്റെ കണ്ണുകൾ നിറഞ്ഞു…

ഉറക്കത്തിൽ നിന്നും ഫോണിന്റെ ശബ്ദം കേട്ട് കണ്ണൻ ഫോണെടുത്തു…

അപ്പുറത്ത് അടക്കിപ്പിടിച്ച സംസാരം…

കണ്ണാ ഞാനാ ലച്ചുവാ….

ഇതെന്താ ഇപ്പൊ ആരുടെയാ ഈ ഫോൺ…

അതൊക്കെ ഞാൻ പിന്നെ പറയാം നാളെ റിസൾട്ട് അല്ലേ ഞാൻ തലശ്ശേരി വരുന്നുണ്ട് നീ വരുമോ….

ആണോ എങ്കിൽ രാവിലെ ഞാൻ അവിടെ ഉണ്ടാകും…

ശരി എന്നാൽ വയ്ക്കുകയാണ് നാളെ കാണാം….

കുറെ ദിവസത്തിന് ശേഷം കണ്ടതിലുള്ള സന്തോഷം രണ്ടു പേരിലും നിറഞ്ഞു നിന്നു റിസൾട്ട് നോക്കിയതിനു ശേഷം കണ്ണൻ ലച്ചുവിനെയും കൂട്ടി ഒരു ഭാഗത്തേക്ക്‌ നടന്നു….

എന്താ നിന്റെ അടുത്ത പ്ലാൻ…

ഞാൻ ഡിഗ്രിയ്ക്ക് പോവുകയാണ് കണ്ണനോ

ലച്ചൂ ഞാൻ എറണാകുളത്തേക്ക് പോകും അവിടെ ഒരു കോഴ്‌സിന് ചേരാനാണ് പ്ലാൻ….

എറണാകുളത്തോ അപ്പൊ നമ്മൾ എങ്ങനെ കാണും…

പോവാതിരുന്നാൽ ശരിയാവില്ല 1വർഷത്തെ കോഴ്സാണ് ജോലി ഉറപ്പാണ്‌ അത് കിട്ടിയാൽ എനിക്ക് നിന്റെ വീട്ടിൽ വന്ന് ചോദിക്കാമല്ലോ…

അത് ശരിയാണ് എന്നാലും

എനിക്ക് വേണ്ടി കാത്തിരുന്നാൽ മാത്രം മതി എല്ലാം ശരിയായാൽ ഞാൻ അച്ഛനെയും കൂട്ടി വരും നിന്റെ വീട്ടിൽ….

ഞാൻ കാത്തിരിക്കും കണ്ണാ എത്ര കാലം വേണെമെങ്കിലും….

ശരി നമുക്ക് പോകാം കൂടുതൽ സമയം നിന്റടുത് നിൽക്കണം എന്നുണ്ട് നിന്റെ ഏട്ടന്റെ കൂട്ടുകാരെങ്ങാനും കണ്ടാൽ പ്രശ്നമാവും…

മ്മ്…

പറ്റുന്ന സമയത്ത് വിളിക്ക് കേട്ടോ….

മ്മ്മ് ശരിയപ്പാ…

സ്റ്റാൻഡിൽ നിന്നും കണ്ണനോട് യാത്രയും പറഞ്ഞു ബസ്സിൽ കേറിയതും കണ്ണനെ കുറിച്ചായിരുന്നു ചിന്ത മുഴുവനും കണ്ണൻ ആകെ മാറിയിരിക്കുന്നു കൂടുതൽ സീരിയസ് ആയത് പോലെ എല്ലാത്തിനും ഒരു കാര്യഗൗരവം വന്നിരിക്കുന്നു…
വീട്ടിലെത്തിയതും അമ്മയുടെ ചോദ്യം ചിന്തയിൽ നിന്നും ഉണർത്തി….

എന്താ ലക്ഷ്മി ഇത്ര വൈകിയേ….

ഒന്നുല്ല അമ്മേ എല്ലാരും ഉണ്ടായിരുന്നു അവരോടൊക്കെ സംസാരിച്ചിരുന്നു വൈകിപ്പോയതാ….

നിന്റെ മുഖോക്കെ എന്താ വല്ലതിരിക്കുന്നെ….

ഒന്നുല്ലപ്പാ ഇതെന്നാ ഒരുമാതിരി പോലീസ് ചോദ്യം ചെയ്യുന്നത് പോലെ
ലക്ഷ്മി ദേഷ്യത്തോടെ അകത്തേക്ക് കേറി….

ലക്ഷ്മി അവിടെ നിന്നെ…

എന്താ അമ്മേ…..

നീയിന്ന് ആ ചെക്കനെ കണ്ടോ….

അപ്രതീക്ഷിതമായ ചോദ്യത്തിൽ ലക്ഷ്മി ഒന്ന് ഞെട്ടി….

ഏത് ചെക്കനെ….

നിന്റെ കൂടെ പഠിച്ച ആ കണ്ണനോ
അങ്ങനെ ഏതാണ്ട് എന്തോ പേരുള്ള
ഒരു പയ്യനില്ലേ അവനെ….

ഞാനാരെയും കണ്ടിട്ടൊന്നുമില്ല….

ലക്ഷ്മി..
മോളെ കള്ളം പറയാൻ നിനക്ക് അറിയില്ല
നിന്റെ മുഖം ഒന്ന് മാറിയാൽ അമ്മയ്ക്ക് മനസ്സിലാകും
എന്നോട് നീ കളവ്‌ പറയരുത്….

അത് അമ്മേ ഞാൻ…

മോളെ ഞാൻ മുൻപേ പറഞ്ഞതാണ്‌
അങ്ങനെ ഒരു ആഗ്രഹം മോൾക്ക്‌
ഉണ്ടെങ്കിൽ അത് മറന്നേക്കാൻ…
നമുക്കത് വേണ്ട…

ഇല്ലമ്മേ ഞാൻ അവനെ തലശ്ശേരി വച്ച്
കണ്ടപ്പോൾ ഒന്ന് സംസാരിച്ചു എന്നേയുള്ളു
അല്ലാതെ അമ്മ കരുതുന്നത് പോലെ ഒന്നുമില്ല..

ഇല്ലെങ്കിൽ നിനക്ക് നല്ലത്….

മ്മ്മ്..
അമ്മയുടെ മുന്നിൽ നിന്നും മെല്ലെ നടന്നു
നീങ്ങുമ്പോൾ കണ്ണൻ പറഞ്ഞ വാക്കുകൾ
മാത്രമായിരുന്നു മനസ്സിൽ
“കാത്തിരിക്കണം ഞാൻ വരും നിന്റെ വീട്ടിൽ “

കുറെ നാളുകൾക്ക് ശേഷം
കണ്ണനെ കാണാൻ ഉള്ള ആവേശത്തിൽ
വീട്ടിൽ നിന്നും നേരത്തെ തന്നെ
ലക്ഷ്മി ഇറങ്ങി
എറണാകുളത്തേക്ക് പോയതിൽ പിന്നെ
വല്ലപ്പോഴും മാത്രമാണ് വിളിക്കുന്നത്
ഇതിനിടയിൽ കണ്ടത് വെറും മൂന്നു പ്രാവശ്യവും
ബസ്സിൽ കേറിയതും ഫോൺ എടുത്തു
കണ്ണനെ ഡയൽ ചെയ്തു..

കണ്ണാ….

ആ പറയ് ലച്ചൂ….

നീ എവിടെയാ വരിക…

നീ SN കോളേജിൽ അല്ലേ ഉണ്ടാവുക
ഞാൻ അങ്ങോട്ട്‌ വരാം….

അത് വേണ്ട കോളേജിനടുത്തു വേണ്ടപ്പാ ….

എങ്കിൽ നീ ഒരു കാര്യം ചെയ്യ് കോളേജ്
എത്തുന്നതിനു മുൻപുള്ള രണ്ടാമത്തെ സ്റ്റോപ്പിൽ ഇറങ്ങിക്കോ
ഞാൻ അവിടെ ഉണ്ടാകും….

പറഞ്ഞത് പോലെ തന്നെ ലച്ചുവിനെയും കാത്ത്
കണ്ണൻ നില്പുണ്ടായിരുന്നു…

ബസ് ഇറങ്ങിയതും കണ്ണനും ലക്ഷ്മിയും
സംസാരിച്ചുകൊണ്ട് മുന്നോട്ട് നടന്നു

ലച്ചൂ എന്റെ ജോലി ഏകദേശം ശരിയായിട്ടുണ്ട്
നാളെ വ്യക്തമായി അറിയാം….

ആണോ എവിടെയാണ് ജോലി…

ഇപ്പൊ തല്ക്കാലം എറണാകുളം തന്നെ ആയിരിക്കും പിന്നെ മാറും
1വർഷത്തെ കോഴ്സ്‌ ആയിരുന്നു
പിന്നെ ഇപ്പൊ ഞാൻ അവിടെ 6മാസം
ട്രെയിനി ആയി നിന്നത് കൊണ്ട് അവര് തന്നെയാണ് ജോലി ശരിയാക്കി തന്നത്…

ലക്ഷ്മി കണ്ണനെ നോക്കി ഒന്ന് ചിരിച്ചു

പിന്നെ നാളെ ജോലിയുടെ കാര്യം
കൺഫേം ആയാൽ ഞാൻ ഞായറാഴ്ച
അച്ഛനെയും കൂട്ടി നിന്റെ വീട്ടിൽ വരും…

പരസ്പരം സംസാരിച്ചുകൊണ്ട് നടന്നു കോളേജിന് അടുത്തെത്തിയതും
ലക്ഷ്മിയെ കോളേജിലേക്ക് അയച്ച്
അവൻ തിരിച്ചു
പിറ്റേന്ന് ജോലി ശരിയായെന്ന കാര്യം ഫോണിലൂടെ കണ്ണൻ പറഞ്ഞതും
ലക്ഷ്മിക്ക് ഒന്ന് തുള്ളിച്ചാടണം എന്ന തോന്നൽ ആയിരുന്നു
മൂന്ന് ദിവസം മൂന്ന് വർഷം പോലെ നീങ്ങി ഞായറാഴ്ച ആയതും കണ്ണൻ അച്ഛനെയും കൂട്ടി
ലക്ഷ്മിയുടെ വീട്ടിലേക്ക് പോയി
പരിചയമില്ലാത്ത ആളെ കണ്ടതും
ലക്ഷ്മിയുടെ അമ്മ ചോദിച്ചു
ആരാ… മനസ്സിലായില്ല…

ഞാൻ ശിവദാസൻ
ഇത് എന്റെ മോൻ കണ്ണൻ
കുറച്ചു കാര്യങ്ങൾ സംസാരിക്കാൻ ഉണ്ടായിരുന്നു..

വരൂ കേറിയിരിക്ക്…

കോലായിലേക്ക് കേറി ഇരുന്നതും ലക്ഷ്മി പുറത്തേക്കു വന്നു…

കണ്ണന്റെ അച്ഛൻ ലക്ഷ്മിയെ ഒന്ന് നോക്കി ചിരിച്ചു

ഞാൻ വന്നത് എന്റെ മോന് നിങ്ങളുടെ കുട്ടിയെ ഇഷ്ടമാണെന്നു പറഞ്ഞു…
അതിനെപ്പറ്റിയൊന്നു സംസാരിക്കാൻ വേണ്ടിയാണു…

ഞാൻ കേട്ടിട്ടുണ്ട് ഇവനെപ്പറ്റി
പക്ഷേ കഥകള്‍.കോം] ഇതിൽ തീരുമാനം എടുക്കേണ്ടത്
ഞാനല്ല മാത്രവുമല്ല അവളിപ്പോ ചെറിയ കുട്ടിയല്ലേ
ഇപ്പൊ കല്യാണത്തെപ്പറ്റിയൊന്നും ഞങ്ങൾ ആലോചിച്ചിട്ടുമില്ല..

കല്യാണം ഇപ്പൊ വേണം എന്നൊന്നുമല്ല
ഇങ്ങനെ ഒരു കാര്യം ഇവൻ പറഞ്ഞപ്പോൾ
ഇവിടെ വന്ന് ഒന്ന് സംസാരിക്കണം എന്ന് കരുതി….

സംസാരത്തിനിടയിൽ ചായയുമായി
പുറത്തേക്ക് വന്ന ലക്ഷ്മിയിൽ നിന്നും
ചായയും വാങ്ങിച്ചു അമ്മ പറഞ്ഞു നീ
അകത്തേക്ക് പൊയ്ക്കോ…

ഈ കാര്യം സംസാരിക്കേണ്ടത് ഞാനല്ല
നിങ്ങൾ ചായ കുടിക്ക് അപ്പോഴേക്കും ഞാൻ അവരെ ഞാൻ വിളിക്കാം
അകത്തേക്ക് പോയ ലക്ഷ്മിയുടെ അമ്മ ഫോണെടുത്തു കുട്ടനെ ഡയൽ ചെയ്തു

കുട്ടാ നീ നിന്റെ അച്ഛനെയും കൂട്ടി പെട്ടന്ന് ഒന്നിങ്ങോട്ട് വന്നേ
ആ കണ്ണൻ എന്ന പയ്യനും അവന്റെ അച്ഛനും
കൂടെ വീട്ടിൽ വന്നിട്ടുണ്ട്..

ഫോൺ ചെയ്തു 5മിനുട്ടിനുള്ളിൽ വന്ന
കുട്ടനെ കണ്ട് കണ്ണന്റെ ഉള്ളൊന്ന് പിടഞ്ഞു

അവർ വീട്ടിലേക്ക് കേറി ഇരുന്നതും ശിവദാസൻ തുടർന്നു…

ഞാൻ ശിവദാസൻ ഇവന്റെ അച്ഛനാണ്…

കുട്ടന്റെ അച്ഛൻ സംസാരിച്ചു തുടങ്ങുന്നതിനു മുൻപ് കുട്ടൻ കേറി പറഞ്ഞു…

വന്ന കാര്യം എന്താണെന്നു മനസ്സിലായി
അത് നടക്കില്ല ഞങ്ങൾക്ക് ആർക്കും
ഇഷ്ടവുമല്ല ഇത്…

പെട്ടന്ന് കണ്ണൻ എണീറ്റു

ഏട്ടാ അന്നത്തെ സംഭവം മനസ്സിൽ വച്ചുകൊണ്ടാണെങ്കിൽ ഞാൻ ക്ഷമ ചോദിക്കുകയാണ്
അറിയാതെ പറ്റിപ്പോയതാണ് എനിക്കത് ആരാണെന്നു എനിക്ക് സത്യായിട്ടും അറിയില്ലായിരുന്നു

വേണ്ട ഒന്നും പറയേണ്ട
വീട്ടിൽ വരുന്നവരോട് ഇങ്ങനെ അല്ല സംസാരിക്കേണ്ടത് എന്നറിയാം
എങ്കിലും ഞങ്ങൾക്ക് താല്പര്യം ഇല്ല ഇതിന്

കുട്ടാ മിണ്ടാതിരിക്ക് മൂത്തവർ ഇവിടെ ഇരിക്കുമ്പോൾ നീ സംസാരിക്കേണ്ട
കുട്ടന്റെ അച്ഛൻ പറഞ്ഞ് കൊണ്ട് അയാൾക്ക് നേരെ തിരിഞ്ഞു

ശിവദാസൻ എന്നല്ലേ പേര് പറഞ്ഞത്
അപ്പോൾ കാര്യത്തിലേക്ക് കടക്കാം
ഈ പ്രായത്തിൽ പ്രേമം തോന്നുന്നത് ഒക്കെ സർവ്വസാധാരണമാണ്
അതിന്റെ പേരിൽ ഉണ്ടായ പ്രശ്നങ്ങളും നിങ്ങൾക്ക് അറിയാമല്ലോ
കുട്ടികളുടെ താളത്തിനു അനുസരിച്ച് നമ്മൾ അച്ഛന്മാർ തുള്ളരുത്
പിന്നെ കൂടുതൽ നീട്ടുന്നില്ല
ഈ ഒരു ബന്ധത്തിന് ഞങ്ങൾക്ക്
താല്പര്യമില്ല ഇപ്പൊ അവളുടെ കല്യാണം
നടത്താൻ ഞങ്ങൾ തീരുമാനിച്ചിട്ടൊന്നുമില്ല…

എന്റെ മോന് ഇങ്ങനെ ഒരാഗ്രഹം ഉണ്ട് എന്ന് പറഞ്ഞപ്പോൾ
ഞാൻ കൂടുതൽ ഒന്നും ആലോചിച്ചില്ല ക്ഷമിക്കണം

ക്ഷമ ചോദിക്കാൻ ഒന്നുമില്ല ശിവദാസൻ
ഞാൻ കാര്യം പറഞ്ഞു എന്നേയുള്ളു

ഒന്നും മറുപടി പറയാൻ ഇല്ലാതെ കണ്ണനെയും കൂട്ടി അയാൾ പുറത്തേക്ക് ഇറങ്ങി ദയനീയമായി തിരിഞ്ഞു നോക്കി കണ്ണൻ മുൻപോട്ട് നടന്നു

ലക്ഷ്മി ഇങ്ങോട്ട് വന്നേ
കുട്ടന്റെ വിളികേട്ട് പേടിച്ചു കൊണ്ട് അവൾ പുറത്തേക്ക് വന്നു

നിനക്ക് അവനുമായി എന്തെങ്കിലും ബന്ധം ഉണ്ടോടി…

അത്..

ഡീ നിന്നോടാണ് ചോദിച്ചത്…

എനിക്ക് കണ്ണനെ ഇഷ്ടാ
എവിടുന്നോ വന്ന ധൈര്യത്തിൽ അവൾ
പറഞ്ഞു

തല്ലാനായി കൈ ഓങ്ങിയതും കുട്ടന്റെ അച്ഛൻ എണീറ്റു…

കുട്ടാ വേണ്ട..

മോളെ ലക്ഷ്മി അങ്ങനെ ഒരാഗ്രഹം നിനക്കുണ്ടെങ്കിൽ
അത് മറന്നേക്ക് ഇനി അഥവാ മറക്കാൻ പറ്റില്ലെങ്കിൽ
നിനക്ക് ഞങ്ങളെ ഒക്കെ മറന്ന്
അവന്റെ കൂടെ പോകാം തിരിച്ചിങ്ങോട്ട് വരരുത്…..

കരഞ്ഞുകൊണ്ട് ലക്ഷ്മി അകത്തേക്ക് ഓടി റൂമിലേക്ക്‌ കേറി…

വീട്ടുതടങ്കലിൽ എന്നത് പോലെ
മൂന്നാഴ്ചകൾ പിന്നിട്ടതും
ചേട്ടൻ വന്ന് പറഞ്ഞ കാര്യം കേട്ട്
ലക്ഷ്മി ഒന്ന് ഞെട്ടി തന്നെ
പെണ്ണ് കാണാൻ ആരോ വരുന്നു…

അമ്മ വന്ന് കാര്യം പറഞ്ഞതും ലക്ഷ്മി പൊട്ടിത്തെറിച്ചു എനിക്കിപ്പോ കല്യാണം വേണ്ട എനിക്ക് പഠിക്കണം മാത്രമല്ല കണ്ണനെയല്ലാതെ എനിക്ക് വേറെ ചെക്കനെ വേണ്ടാ…

മിണ്ടിപ്പോകരുത് സ്വന്തം ചേട്ടനെ അടിച്ചവനെ തന്നെ നിനക്ക് കെട്ടണം അല്ലേ നിർത്തിക്കോണം എല്ലാം മതി പഠിച്ചത് പഠിക്കാൻ പോയതിന്റെ ഗുണമാണല്ലോ കണ്ടത് പറയുന്നത് അനുസരിച്ചാൽ മതി

അവൻ അറിയാതെ ചെയ്തതല്ലേ
ഏട്ടൻ അവനെ തിരിച്ചടിച്ചില്ലേ അവന്റെ കൈയൊക്കെ പൊട്ടി എത്ര നാള് കിടപ്പിലായിരുന്നു അവൻ എന്നറിയോ….

എപ്പോഴാ ലക്ഷ്മി നീയിങ്ങനെ തർക്കുത്തരം പറയാൻ പഠിച്ചത്….

അമ്മേ എനിക്കിപ്പോ കല്യാണം വേണ്ട

ലക്ഷ്മി എന്തുകൊണ്ടും നല്ലൊരു ബന്ധമാണിത് നാളെ അവർ നിന്നെ കാണാൻ ഇങ്ങോട്ട് വരും
നടക്കുന്നുണ്ടെങ്കിൽ ഈ കല്യാണമേ നടക്കുള്ളൂ
അഥവാ നീ സമ്മതിച്ചില്ലെങ്കിൽ
അമ്മയെ നീയിനി കാണില്ല….

അമ്മ എന്തൊക്കെയാ ഈ പറയുന്നേ

നിനക്കിപ്പോ തീരുമാനിക്കാം
ഞങ്ങൾ വേണോ അവൻ വേണോ എന്ന്…

അത് അമ്മേ…

അവൻ മതിയെങ്കിൽ പിന്നെ നീ ഞങ്ങളെ ആരെയും കാണില്ല
ഞങ്ങളാണ് വേണ്ടത് എങ്കിൽ
അമ്മ പറയുന്നത് പോലെ
നീ കേൾക്കണം….

അമ്മേ കണ്ണന് എന്താ ഒരു കുറവ്
എനിക്ക് വേണ്ടിയാണു കണ്ണൻ
ഇത്ര പെട്ടന്ന് തന്നെ പഠിച്ചു
ജോലിയൊക്കെ വാങ്ങിച്ചത്
കണ്ണന്റെ വീട്ടിൽ എല്ലാർക്കും എന്നെ ഇഷ്ടവുമാണ്…

ഓഹോ അത്രത്തോളം എത്തിയോ കാര്യങ്ങൾ
അമ്മയ്ക്ക് നിന്നോട് ഒന്നേ പറയാനുള്ളൂ
ആ ബന്ധം ഇവിടെ ഒരാളുടെയും സമ്മതത്തോടെ നടക്കില്ല
മോള് മറന്നേക്ക് അതെല്ലാം …

ലക്ഷ്മി നിസ്സഹായതയോടെ
അമ്മയെ നോക്കി

നാളെ അവര് വരും മര്യാദക്ക് അവരുടെ
മുന്നിൽ നിന്നോളണം…

വേണ്ടമ്മേ എനിക്കിപ്പോ കല്യാണം വേണ്ട
എനിക്ക് പഠിക്കണം കണ്ണനെ ഞാൻ മറന്നോളം
പക്ഷേ ഇപ്പൊ എനിക്ക് കല്യാണം വേണ്ട….

മറുപടി ഒന്നും പറയാതെ
അടുക്കളയിലേക്ക് പോകുന്ന അമ്മയെ
ലക്ഷ്മി നിറകണ്ണുകളോടെ നോക്കി

പിറ്റേന്ന് പെണ്ണ് കാണൽ ചടങ്ങിനിടെ പയ്യന്
പെണ്ണിനോട് എന്തെങ്കിലും സംസാരിക്കണോ
എന്ന് ചോദിച്ചപ്പോൾ അമ്മ ലക്ഷ്മിയെ
രൂക്ഷമായി ഒന്ന് നോക്കി

അകത്തേക്ക് കയറി ലക്ഷ്മിയോട്
സംസാരിക്കുന്നതിനിടയിൽ അയാൾ ചോദിച്ചു

എന്താടോ തന്റെ മുഖം വല്ലതിരിക്കുന്നെ..

ഹേയ് ഒന്നുല്ല…

എന്നെ ഇഷ്ടായില്ലേ അതോ
ഈ കല്യാണത്തിന് സമ്മതമില്ലേ…

എനിക്കിപ്പോ കല്യാണത്തിന് താല്പര്യം ഇല്ല
എനിക്ക് പഠിക്കണം അമ്മ പറഞ്ഞത്
കൊണ്ടാണ് ഞാൻ…

അതിനെന്താ കല്യാണം കഴിഞ്ഞും പഠിക്കാമല്ലോ
എനിക്ക് ഇയാളെ ഇഷ്ടായി…

അയാളുടെ മുഖത്തേക്ക് നോക്കാൻ സാധിച്ചില്ല
ലക്ഷ്മിയുടെ കണ്ണുകൾ നിറഞ്ഞു…

അപ്പൊ പഠിക്കണം എന്നത് മാത്രം അല്ലല്ലോ കാര്യം
വേറെ ആരെങ്കിലും മനസ്സിൽ ഉണ്ടോ….

ലക്ഷ്മി തലയുയർത്തി അയാളെ നോക്കി
കണ്ണന്റെ കാര്യം പറയാൻ വന്നതും
അമ്മയുടെ മുഖം മനസ്സിലേക്ക് ഓടിയെത്തി…

ഹേയ് അങ്ങനെ ഒന്നും ഇല്ല

അതിയാളുടെ മുഖം കണ്ടാൽ അറിയുന്നുണ്ട്
താൻ പേടിക്കേണ്ട ഞാൻ പറഞ്ഞോളാം…

അയ്യോ വേണ്ട…

ഞാൻ എനിക്ക് ഇഷ്ടായില്ല എന്ന് പറഞ്ഞോളാം
ഒരാളുടെ ഇഷ്ടങ്ങൾ ഇല്ലാതാക്കി
ഒന്നും വേണ്ട എനിക്ക്…

പുറത്തേക്ക് ഇറങ്ങിയ അയാളെ ലക്ഷ്മി ദൈവത്തെ നേരിൽ കാണുന്നത് പോലെ നോക്കി…

ചെറുക്കന് വീട് ഇഷ്ടപ്പെട്ടില്ല എന്ന ന്യൂസ്‌ വന്നതോടെ ലക്ഷ്മി കൂടുതൽ സന്തോഷത്തിലായി
കണ്ണനെ മറക്കാം എന്ന ഉറപ്പിലും
ഡിഗ്രി കഴിഞ്ഞാൽ വീട്ടിൽ പറയുന്ന
ആളെ കെട്ടിക്കോളം എന്ന ഉറപ്പിലും
കോളേജിലേക്ക് പോകാൻ
വീണ്ടും അനുമതി കിട്ടി

വീട്ടുകാർ അറിയാതെ പ്രണയം തുടർന്നു
കോളേജിലെ കൂട്ടുകാരികളുടെ ഫോണിൽ നിന്നും
കോളേജിന് അടുത്തുവച്ചുള്ള ഇടയ്ക്കുള്ള കൂടിക്കാഴ്ചയും
കണ്ണന്റെയും ലക്ഷ്മിയുടെയും ബന്ധത്തിന് കൂടുതൽ കരുത്തേകി

അവസാന വർഷവും പൂർത്തിയായതോടെ
വീട്ടിൽ വീണ്ടും കല്യാണക്കാര്യം സംസാരിച്ചു തുടങ്ങിയത് കേട്ട്
ആരും കാണാതെ ലക്ഷ്മി കണ്ണനെ വിളിച്ചു…

കണ്ണാ..
എന്തെങ്കിലും ചെയ്തെ പറ്റുള്ളൂ
വീട്ടിൽ വീണ്ടും കല്യാണക്കാര്യം
സംസാരിച്ചു തുടങ്ങി…

ലച്ചൂ ഇറങ്ങിവരാൻ തയ്യാറാണോ നീ എന്റെ കൂടെ…

ഇല്ല കണ്ണാ ഇറങ്ങി ഞാൻ വരില്ല..
ഇറങ്ങി ഞാൻ വന്നാൽ എന്റെ അമ്മയെ
പിന്നെ എനിക്ക് കാണാൻ കഴിയില്ല
എന്തെങ്കിലും ചെയ്യും എന്ന് പറഞ്ഞാൽ അമ്മ ചെയ്യും….

അപ്പൊ പിന്നെ എന്താ ഞാൻ ചെയ്യേണ്ടത് ലച്ചൂ…

നീ പാർട്ടിക്കാരെ വിട്ട് ഏട്ടനോടും വല്യച്ചനോടും
സംസാരിക്കാൻ പറ പാർട്ടിക്കാർ പറഞ്ഞാൽ അവര് കേൾക്കും ഉറപ്പാ…

ശരി എങ്കിൽ ഞാൻ അങ്ങനെ ഒന്ന് അന്വേഷിച്ചു നോക്കട്ടെ എങ്കിൽ…

ശരി കണ്ണാ ഞാൻ പിന്നെ വിളിക്കാം ആരേലും കണ്ടാൽ പ്രശ്നമാണ്…

****

അപ്രതീക്ഷിതമായി വന്ന
കല്യാണാലോചന വീട്ടിലും
എല്ലാർക്കും ഇഷ്ടമായി
ചെകുത്താനും കടലിനും നടുവിലെന്ന
പോലെ പെട്ട ലക്ഷ്മി ഫോണെടുത്തു
കണ്ണനെ വിളിച്ചു

കണ്ണാ എന്റെ കല്യാണം ഏകദേശം
ഉറപ്പിക്കുന്ന മട്ടിലാണ് ഉള്ളത്
നീ അവരെ വിട്ട് അന്വേഷിപ്പിച്ചില്ലേ…

വൈകിപ്പോയി ലച്ചൂ ഞാൻ…..
നിന്റെ കല്യാണം ആരുമായിട്ടോ പറഞ്ഞുറപ്പിച്ചു എന്നാണ് അവർക്ക് കിട്ടിയ റിസൾട്ട്‌…

നിന്ന നിൽപ്പിൽ ഭൂമി താഴ്ന്നു പോകുന്നത്
പോലെ തോന്നി ലക്ഷ്മിക്ക്
മറുതലയ്ക്കൽ കണ്ണന്റെ ശബ്ദം ഇടറി…

ലച്ചൂ ഇറങ്ങി വരാൻ പറ്റുമോ എന്റെ കൂടെ….

മറുപടി ഒന്നും പറയാനാവാതെ ലക്ഷ്മി
ഫോണും പിടിച്ചു നിന്നു…

കല്യാണത്തിന് ഒരാഴ്ച മാത്രം
ബാക്കി നിൽക്കെ ലക്ഷ്മി
ഫോണെടുത്തു കണ്ണനെ വിളിച്ചു…

കണ്ണാ…

ആ ലച്ചൂ….
ഇടറിയ ശബ്ദത്തോടെ കണ്ണൻ തുടർന്നു
സുഖാണോ…

മ്മ്മ് എനിക്ക് കണ്ണനെ അവസാനമായി ഒന്ന് കാണണം….

നാളെ ഒന്ന് തലശ്ശേരി വരുമോ…

വരാം….

കണ്ണൻ തലശ്ശേരി സ്റ്റാൻഡിൽ എത്തിയതും സ്റ്റാൻഡിൽ നിൽക്കുന്ന ലക്ഷ്മിക്ക് അടുത്തേയ്ക്ക് നടന്നു…

അടുത്തെത്തിയതും ഗദ്ഗദത്താൽ സംസാരിക്കാൻ നന്നേ ബുദ്ധിമുട്ടി…

നമുക്ക് എങ്ങോട്ടെങ്കിലും മാറി ഇരുന്ന് സംസാരിക്കാം..

കുറെ സമയത്തെ മൗനത്തിനു ശേഷം ലക്ഷ്മി പറഞ്ഞു

കണ്ണൻ എന്നോട് ക്ഷമിക്കണം
എന്റെ നിവൃത്തി കേട് കൊണ്ടാണ്
എനിക്ക് ഇതിന് സമ്മതിക്കേണ്ടി വന്നത്…

എനിക്കറിയില്ലേ ലച്ചൂ അത്…

കണ്ണന്റെ കൂടെ ഇറങ്ങിവരണം എന്നെനിക്കുണ്ട്
പക്ഷേ ഞാൻ ഇറങ്ങിവന്നാൽ എന്റെ അമ്മ…
നന്ദുന് പിന്നെ ആരുമുണ്ടാകില്ല….
ഇതല്ലാതെ എനിക്ക് വേറെ വഴിയില്ല….

നീ ചെയ്യുന്നതാണ് ലച്ചൂ ശരി
നിന്റെ ഇഷ്ടത്തിന് വേണ്ടി നീ എല്ലാരേയും സങ്കടപ്പെടുത്തുന്നില്ലല്ലോ
നിന്റെ ഇഷ്ടം വേണ്ടെന്ന് വച്ച് അവർക്ക് വേണ്ടി മാറുകയല്ലേ…

കണ്ണാ ഞാൻ…..
വെറുക്കരുത് എന്നെ…

ഹേയ് നിന്നെ വെറുക്കാനോ
നിന്നെ എനിക്ക് അങ്ങനെ വെറുക്കാൻ ഒന്നും പറ്റില്ല എപ്പോഴും ഇഷ്ടമേയുള്ളു
നിന്നെ പോലൊരു പെണ്ണിനെ കിട്ടുന്നവൻ ഭാഗ്യവാനാണ്….

വേണ്ട കണ്ണാ ഇനിയൊന്നും പറയേണ്ട സഹിക്കാൻ കഴിയില്ല എനിക്ക്….

മ്മ്മ് നിനക്ക് നല്ലതേ വരൂ ലച്ചൂ…

ഇരുന്നിടത് നിന്നും എണീറ്റ ലക്ഷ്മി
ഒരു കല്യാണക്കുറിയെടുത്തു കണ്ണന് നേരെ നീട്ടി എന്റെ കല്യാണക്കുറിയാണ്…

അത് കൈ നീട്ടി വാങ്ങുമ്പോൾ കണ്ണന്റെ കൈകൾ വിറച്ചു…

പിന്നെ കണ്ണന് ഏറ്റവും ഇഷ്ടപ്പെട്ട മൂക്കുത്തി
ഞാൻ ഇവിടെ ഉപേക്ഷിക്കുകയാണ്
ഇല്ലെങ്കിൽ അത് കാണുമ്പോൾ എനിക്ക് സഹിക്കില്ല…..

അവസാനമായി യാത്ര പറഞ്ഞു നീങ്ങിയ
ലക്ഷ്മിയെ ഒരു ജീവച്ഛവം കണക്കെ
കണ്ണൻ നോക്കിയിരുന്നു….

****

കണ്ണാ നീ ഉറങ്ങുന്നില്ലേ
എന്താ നീ ലൈറ്റ് off ചെയ്യാത്തത്…

ഞാൻ ഉറങ്ങിക്കോളാം അമ്മേ…
നാളെ ലച്ചൂന്റെ കല്യാണല്ലേ
പഴയ ചില കാര്യങ്ങൾ ആലോചിച്ചു കിടന്നു പോയതാണ്….

പോട്ടെടാ മോനെ നമുക്കത് വിധിച്ചിട്ടില്ല
എന്റെ മോൻ ലൈറ്റ് off ചെയ്തു കിടന്നുറങ്ങു….

ലൈറ്റ് off ചെയ്തു കിടക്കാൻ സമയത്ത്
ചില തീരുമാനങ്ങൾ മനസ്സിലുറപ്പിച്ചു കണ്ണൻ കട്ടിലിലേക്ക് ചാഞ്ഞു…

ചേച്ചി കണ്ണൻ എവിടെ…

ആ അഭിയോ…
നീയെന്താ അഭി രാവിലെ തന്നെ…

അതൊക്കെ പറയാം അവനെവിടെ….

ഓ അവൻ ഇതുവരെ എണീറ്റില്ല
ഉറക്കമാണ്
നീയെന്താടാ ഇത്ര രാവിലെ തന്നെ…..

ഒന്നുല്ല ഞാൻ പറയാം…..

വീട്ടിനുള്ളിലേക്ക് കേറിയ അഭി
കണ്ണന്റെ റൂമിലേക്ക്‌ കേറി…

ഡാ കണ്ണാ…
എണീക്ക് ഒരു കാര്യം പറയാൻ ഉണ്ട്…

എന്താടാ എന്താ കാര്യം…

നിന്റെ ഫോണെന്താ ഓഫാക്കി വച്ചേക്കുന്നത്….

ഓ അതിന്നലെ ചാർജ് ചെയ്യാൻ മറന്നു
നീ കാര്യം എന്താണെന്നു പറ…

ഡാ കാര്യം കുറച്ചു സീരിയസ് ആണ്….

നീ എന്താണെന്നു പറയെടാ….

ഡാ ലച്ചൂന്റെ കല്യാണം മുടങ്ങി
ആ ചെക്കൻ ഏതോ ഒരു പെണ്ണിനേയും കൂട്ടി ഒളിച്ചോടിപ്പോയി….

ഡാ നീ എന്താ ഈ പറയുന്നേ….

സത്യാഡാ….
അവൾടെ കൂട്ടുകാരിയാണ് എന്നെ വിളിച്ചു കാര്യം പറഞ്ഞത്

എന്റെ പറശ്ശിനിക്കടവ് മുത്തപ്പാ എന്തായിത്..

അളിയാ മുത്തപ്പനെ ഒന്നും വിളിക്കേണ്ട
ഇത് നിനക്ക് ദൈവം ആയി കൊണ്ട് വന്നു തന്ന ചാൻസാണ്

നീയെന്താ പറഞ്ഞു വരുന്നത്….

ഡാ നീ ഇപ്പൊ പാർട്ടിക്കാരെ വിട്ടൊന്ന് അന്വേഷിപ്പിക്കു
ഈ ഒരു അവസരത്തിൽ
അവർ സമ്മതിക്കാതിരിക്കില്ല….

അതൊന്നും ശരിയാവില്ല അഭി…
അവർക്കാർക്കും എന്നെ ഇഷ്ടമല്ല….

ഒരേയൊരു പ്രാവശ്യം കൂടെ ഒന്ന് ശ്രമിച്ചു നോക്ക്
തുച്ഛമായ സമയമേ ഉള്ളൂ…

എന്തെന്നില്ലാത്ത ഒരു പ്രതീക്ഷ കണ്ണനിൽ വന്നു ബെഡിൽ നിന്നും എണീറ്റ കണ്ണൻ പുറത്തേക്ക് വന്നു

അമ്മേ അച്ഛനെവിടെ….

ശിവദാസേട്ടനെ വരുന്ന വഴിക്ക് വച്ച് ഞാൻ കണ്ടു
കാര്യം പറഞ്ഞിട്ടുണ്ട് മൂപ്പരിപ്പോ
മെമ്പറുടെ വീട്ടിൽ എത്തിക്കാണും
നീയൊന്നു പെട്ടന്ന് കുളിച്ചു റെഡിയവ്..

കണ്ണൻ അഭിയെ ഒന്ന് നോക്കി

എങ്ങനെയാട ഇതിനൊക്കെ ഞാൻ നന്ദി പറയേണ്ടത്….

അളിയാ സെന്റിമെന്റ്സ് ഒക്കെ പിന്നെ പറയാം
നീ ഇപ്പൊ പെട്ടന്ന് റെഡി ആവാൻ നോക്ക്

എന്നാലും അഭി…

ഇതൊക്കെ ചെയ്തില്ലെങ്കിൽ എന്തിനാടാ
ചങ്ക് ആണെന്ന് പറഞ്ഞു നടക്കുന്നത്….

നിമിഷനേരങ്ങൾക്കുള്ളിൽ
കുളിച്ചു റെഡി ആയി പുറത്തേക്ക്
വന്നകണ്ണൻ പുറത്തേക്ക് ഇറങ്ങി
മൊബൈൽ ശബ്ദിച്ചതും
അച്ഛന്റെ no കണ്ടതും ഫോണെടുത്തു

മോനെ കണ്ണാ അവരോട് വിളിച്ചു സംസാരിച്ചിട്ടുണ്ട് അങ്ങോട്ട്‌ ചെല്ലാൻ പറഞ്ഞിട്ടുണ്ട് ബാക്കി അവിടെ എത്തിയിട്ട് സംസാരിക്കാം എന്ന് പറഞ്ഞിട്ടുണ്ട് ….

ഡാ അഭി അവര് അങ്ങോട്ട്‌
ചെല്ലാൻ പറഞ്ഞു എന്ന്…

സന്തോഷം കൊണ്ട് അഭിയെ
കെട്ടിപ്പിടിച്ചുകൊണ്ട് കണ്ണൻ പറഞ്ഞു….

മച്ചാനെ എങ്കിൽ സമയം കളയാനില്ല
നീ വണ്ടിയെടുക്ക് നിന്റെ അച്ഛനെയും മെമ്പറെയും കൂട്ടാം…

വണ്ടി സ്റ്റാർട്ട്‌ ചെയ്തതും അമ്മയുടെ പിറകിൽ നിന്നുള്ള വിളി കേട്ട് കണ്ണൻ തിരിഞ്ഞു നോക്കി…

മോനെ കണ്ണാ പ്രശ്നം ഒന്നും ഉണ്ടാക്കല്ലേ…..

ഇല്ലമ്മേ പ്രശ്നം ഒന്നും ഉണ്ടാകില്ല….

ഒരു പ്രശ്നവും ഉണ്ടാകില്ല ചേച്ചി ഞങ്ങളൊക്കെ ഇല്ലേ കൂടെ….
എല്ലാം മംഗളമാകാൻ ചേച്ചി ഒന്ന് പ്രാർത്ഥിച്ചേക്ക്
കണ്ണന്റെ ഒരുപാട് നാളത്തെ ആഗ്രഹമാണ്

അഭിയുടെ സംസാരം കേട്ടതോടെ അമ്മയുടെ മുഖം ഒന്ന് തെളിഞ്ഞു…

എന്റെ പറശ്ശിനിക്കടവ് മുത്തപ്പാ കാത്തോളണേ
നിങ്ങള് പോയിട്ട് വാ മക്കളെ മുത്തപ്പൻ നമ്മളെ കൈ വിടില്ല

പോയിട്ട് വരാം അമ്മേ
ഞാൻ വിളിക്കാം….

വീട്ടിൽ നിന്നും ഇറങ്ങി
മെമ്പറെയും രണ്ടു പാർട്ടിക്കാരെയും
ശിവദാസനെയും കൂട്ടി
അഭി ലക്ഷ്മിയുടെ വീട് ലക്ഷ്യമാക്കി കുതിച്ചു…

കല്യാണത്തിന് ഒരുങ്ങിയ വീട്ടിൽ
കുറച്ചു ബന്ധുക്കളും നാട്ടുകാരും എത്തിയിരിക്കുന്നു
ആകെ ഒരു മൂകത പടർന്നു നിൽക്കുന്ന അവിടേക്ക് അഭി വണ്ടി നിർത്തി പുറത്തേക്കിറങ്ങി….

അവരെ കണ്ടതും
കാർന്നോരെന്നപോലെ പോലെയുള്ള
രണ്ട് പേര് അവർക്കരികിലേക്ക് വന്നു….

മെമ്പർ കൃഷ്ണൻ അല്ലേ…

അതെ… കൃഷ്ണനാണ്
ഞാനാണ്‌ വിളിച്ചത്

വരൂ നമുക്ക് അങ്ങോട്ട്‌ മാറി നിന്ന് സംസാരിക്കാം….

തൊട്ടടുത്ത വീട്ടിലേക്ക് എല്ലാരേയും
കൂട്ടി നീങ്ങുമ്പോൾ കരഞ്ഞു കലങ്ങിയ കണ്ണുമായി നിൽക്കുന്ന ലക്ഷ്മി
മുകളിൽ നിന്നും അവരെ ദയനീയമായി നോക്കി…

വീട്ടിൽ കേറിയതും കൃഷ്ണൻ ചോദിച്ചു…

അപ്പൊ എങ്ങിനെയാണ് കാര്യങ്ങൾ..

കല്യാണം മുടങ്ങി
നിശ്ചയിച്ച മുഹൂർത്തത്തിൽ തന്നെ നടത്തണം
എന്നാണ് ഉള്ളത് പെണ്ണിന്റെ വീട്ടുകാരോട്
ഞങ്ങൾ സംസാരിച്ചു…..

ഞങ്ങൾക്ക് സമ്മതമാണ്
മാത്രമല്ല കുട്ടികൾ തമ്മിലുള്ള ഇഷ്ടം നിങ്ങൾ വീട്ടുകാർക്കും അറിയാവുന്നതല്ലേ….
ഓകെയല്ല ശിവദാസാ…
മെമ്പർ ചോദിച്ചു…

എന്റെ മോൻ ഒരുപാട്
ആഗ്രഹിച്ചതാണ് ഇത്
അവന്റെ സന്തോഷം ആണ് എനിക്ക് വലുത്
അത് കൊണ്ട് തന്നെ എനിക്ക് സമ്മതമാണ്
കൂടുതൽ ആലോചിക്കാനൊന്നുമില്ല

അങ്ങനെ എല്ലാം നിങ്ങൾ തന്നെ
തീരുമാനിച്ചാൽ മതിയോ….

ശബ്ദം കേട്ട ഭാഗത്തേക്ക്‌ എല്ലാരും നോക്കി…
കോലായിലേക്ക് കേറിവന്ന കുട്ടനെ കണ്ട് എല്ലാരുടെയും ശ്രദ്ധ അവനിലേക്ക് മാറി….

കുട്ടാ ഞങ്ങൾ എല്ലാരോടും സംസാരിച്ചു
ആർക്കും എതിർപ്പൊന്നുമില്ല
പിന്നെന്താ ഇപ്പൊ…

ശരിയാവില്ല ഇത് നടക്കില്ല….

കുട്ടാ കഴിഞ്ഞ കാര്യങ്ങൾ എല്ലാർക്കും അറിയാം
പക്ഷേ ഇത്തരം ഒരവസരത്തിൽ അല്ല
അതിനുള്ള ദേഷ്യം തീർക്കേണ്ടത്
ലക്ഷ്മിയുടെ ജീവിതമാണ്‌…
കൃഷ്ണൻ പറഞ്ഞു നിർത്തി….

ലക്ഷ്മിയുടെ ജീവിതം ഒന്നുമാകില്ല
ഇതല്ലെങ്കിൽ മറ്റൊരു കല്യാണം നടത്താൻ കുട്ടനറിയാം
പക്ഷേ ഇത് നടക്കില്ല….

കുട്ടാ ഇനി സംസാരം വേണ്ട നിർത്തിക്കോ
ഇത് തന്നെ നടക്കട്ടെ
കുട്ടന് എതിർപ്പൊന്നും ഇല്ല
ഇത് തന്നെ നടക്കട്ടെ
നിശ്ചയിച്ച മുഹൂർത്തത്തിൽ തന്നെ
കല്യാണം നടത്തണം ആരെങ്കിലും
വരാൻ ഉണ്ടെങ്കിൽ പെട്ടന്ന് വരാൻ പറഞ്ഞോളു….

അച്ഛന്റെ സംസാരം കേട്ടതും മറുത്തൊരക്ഷരം പറയാതെ കുട്ടനും സമ്മതം മൂളി….

ചെറിയ സമയത്തിനുള്ളിൽ തന്നെ
അടുത്ത ബന്ധുക്കളുമെത്തി
നിശ്ചയിച്ച മുഹൂർത്തത്തിൽ കല്യാണവും
മംഗളമായി കഴിഞ്ഞു
ഇറങ്ങാൻ സമയം അമ്മയെ കെട്ടിപ്പിടിച്ചു കരയുന്ന ലച്ചുവിന്റെ അടുത്തേക്ക്
കണ്ണൻ നീങ്ങി…..

അമ്മേ ഞങ്ങള് ഇറങ്ങുകയാണ്…..

കരഞ്ഞുകൊണ്ടിരിക്കുന്ന ലക്ഷ്മിയെ അടർത്തിമാറ്റി അവർ തുടർന്നു…

മോനെ കണ്ണാ ഞാൻ…
കഴിഞ്ഞതൊന്നും മോൻ
മനസ്സിൽ വയ്ക്കരുത്….

ഇല്ലമ്മേ…..
അതൊന്നും എന്റെ മനസ്സിൽ ഉണ്ടാകില്ല
ഏതൊരമ്മയും ചെയ്യുന്നതല്ലേ നിങ്ങളും ചെയ്തിട്ടുള്ളൂ
ഒന്നും ഉണ്ടാകില്ല
ലക്ഷ്മിയെ ഞാൻ പൊന്നുപോലെ നോക്കും….

ഒരിക്കൽ കൂടെ യാത്ര പറഞ്ഞു
വീട്ടിലേക്കു തിരിച്ചു
അപ്രതീക്ഷിതമായ കല്യാണം ആയതിനാലും
പെട്ടന്നുള്ള ബന്ധുക്കളുടെയും
കൂട്ടുകാരുടെയും തിരക്കൊഴിഞ്ഞ ശേഷം മണിയറയിലേക്ക്
കയറിയ കണ്ണൻ ചോദിച്ചു….

ലച്ചൂ കാത്തിരുന്നു മുഷിഞ്ഞോ….

ഇല്ല….

കട്ടിലിലേക്ക് ഇരുന്ന കണ്ണൻ തുടർന്നു..

ഒരിക്കലും ഞാൻ പ്രതീക്ഷിച്ചിരുന്നില്ല ലച്ചൂ
നിന്നെയെനിക്ക് സ്വന്തമാക്കാൻ കഴിയുമെന്ന് ആത്മാർഥമായി സ്നേഹിക്കുന്ന ആരെയും ദൈവം അങ്ങനെ കൈവിടില്ല എന്ന് പറയുന്നത് എത്ര ശരിയാ ല്ലേ ലച്ചൂ ..

മ്മ്മ്
നമ്മുടെ പ്രാർത്ഥന ദൈവം കേട്ടു
എന്തൊക്കെ ആണെങ്കിലും അവസാനം എല്ലാം ശരിയായില്ലേ….

പിന്നെ ലച്ചൂന് എന്റെ വക ഒരു സ്പെഷ്യൽ സമ്മാനമുണ്ട്….

എന്ത് സമ്മാനം….

കണ്ണടച്ച് കൈ നീട്ട്….

ലക്ഷ്മി അവന് മുന്നിൽ കണ്ണടച്ചു
കൈ നീട്ടി നിന്നു

കണ്ണ് തുറന്നു കണ്ണൻ കയ്യിൽ വച്ച് കൊടുത്ത ആ ചെറിയ പൊതി തുറന്ന് നോക്കിയ ലക്ഷ്മി ഒന്ന് പുഞ്ചിരിച്ചു….

“ചുവന്ന കല്ല് പതിച്ച മൂക്കുത്തി “

ലച്ചുവിനെ ചേർത്തുപിടിച്ചുകൊണ്ട്
കണ്ണൻ പറഞ്ഞു…..

എനിക്ക് വേണ്ടി കളഞ്ഞ
ഈ മൂക്കുത്തി എന്റെ കാന്താരിയുടെ
മൂക്കിന്റെ തുമ്പത്ത്
ഇനി എപ്പോഴും ഉണ്ടാവണം….

കണ്ണനെ നോക്കി ഒന്ന് പുഞ്ചിരിച്ചുകൊണ്ട്
ലക്ഷ്മി അവന്റെ നെഞ്ചിലേക്ക് ചാഞ്ഞു…

ശുഭം

നിരഞ്ജൻ എസ് കെ